Aktualitet

Macron nuk e ka mirëpritur letrën nga ish-gjeneralët që paralajmërojnë luftë civile

Published

5 years ago

on

Një letër e nënshkruar nga rreth 1 mijë personel shërbimi në Francë, përfshirë rreth 25 gjeneralë të pensionuar, duke paralajmëruar Presidentin Emmanuel Macron se vendi po shkon drejt një “lufte civile”, ka zemëruar qeverinë franceze.

Ministrja franceze e forcave të armatosura, Florence Parly, ka paralajmëruar se çdo person që ka nënshkruar letrën, e që mund të jetë duke shërbyer në ushtri, do të dënohet.

Përmbajtja e letrës

Nënshkruesit pretendojnë se islamikët po marrin pjesë të tëra të Francës dhe kanë paralajmëruar se politikat “e buta” do të rezultonin në kaos që kërkon “ndërhyrjen e miqve tanë në një mision të rrezikshëm të mbrojtjes së vlerave tona civilizuese”, njoftoi agjencia e lajmeve AFP.

Nënshkruesit e letrës paralajmërojnë “disa rreziqe vdekjeprurëse” që kërcënojnë Francën, të tilla si “Islamizmi dhe hordhitë e periferive”, duke iu referuar atyre si periferi të varfra përreth Parisit që janë shtëpia e komuniteteve të mëdha emigrantë nga ish-kolonitë franceze.

Letra flet për një përpjekje për të filluar një “luftë racore” duke shembur statuja të figurave koloniale franceze dhe duke sulmuar aspekte të historisë franceze.

Nënshkruesi kryesor i letrës është Christian Piquemal, një ish-komandant, i cili u arrestua në vitin 2016 në një protestë anti-migrantë.

Letra përfundon duke thënë: “Nuk është më koha për të shtyrë punën, përndryshe nesër lufta civile do t’i japë fund këtij kaosi dhe vdekjesh në rritje – për të cilat ju do të jeni përgjegjës – me numra në mijëra”.

Rëndësia e kohës së publikimit të letrës

Letra, e cila doli më 21 prill – shënon përvjetorin e një përpjekjeje të dështuar grusht-shteti kundër qeverisë së heroit të Luftës së Dytë Botërore, Charles de Gaulle, dhe është kritikuar shumë nga qeveria franceze dhe partitë e Majta, por është miratuar nga Marine Le Pen, sfiduesja e Macron në zgjedhjet presidenciale të vitit të ardhshëm.

Reagimet e qeverisë franceze dhe opozitës

Ministrat e qeverisë e kanë dënuar mesazhin, me ministren në krye të forcave të armatosura, Florence Parly, duke shtuar se nëse dikush nga nënshkruesit është ende në ushtri, ata do të dënohen.

E djathta ekstreme Marine Le Pen, e cila ishte sfiduesja kryesore e Macron në zgjedhjet presidenciale të vitit 2017, e ka mbështetur letrën, duke thënë: “Unë ju ftoj të na bashkoheni për të marrë pjesë në betejën e ardhshme, e cila është beteja e Francës”.

Megjithatë, ajo tha që problemet e Francës, në të cilat renditi “fushat e paligjshme, krimi, urrejtja ndaj vetes dhe refuzimi i patriotizmit nga liderët tanë, mund të zgjidhen vetëm nga politika”.

(Arjeta Ibishi, Media dhe Komunikim në UBT)

Related Topics:
Continue Reading

Aktualitet

Papa Leoni XIV në Francë: Mbi 500 mijë besimtarë priten në meshën e Parisit

Published

20 minutes ago

on

September 25, 2026

By

Papa Leoni XIV e nis të premten një vizitë katërditore në Francë, e para e një pape në këtë vend në 18 vjet, ndërsa momenti kryesor do të jetë mesha e madhe të shtunën në qendër të Parisit, ku pritet të marrin pjesë më shumë se gjysmë milioni njerëz.

Presidenti Emmanuel Macron e priti Papën në aeroportin “Orly” të premten në mëngjes. Më vonë, ai pritet të zhvillojë bisedime me të në Pallatin Élysée për çështje gjeopolitike dhe inteligjencën artificiale. Macron dhe Papa do të mbajnë gjithashtu një fjalim të përbashkët në Metz, raporton BBC.

Megjithatë, presidenti nuk do të marrë pjesë në asnjë nga meshat e Papës, kryesisht për të respektuar ndarjen e rreptë të shtetit nga feja në Francë. Në meshën në Champs-Élysées do të marrin pjesë bashkëshortja e tij, Brigitte Macron, dhe kryeministri Sébastien Lecornu. Aty pritet të jenë edhe disa kandidatë për zgjedhjet presidenciale të vitit të ardhshëm, mes tyre Marine Le Pen, Edouard Philippe, Gabriel Attal dhe Bruno Retailleau.

Vizita është shoqëruar edhe me raportime për tensione mes Macronit dhe ekipit të Vatikanit që u angazhua për organizimin e saj. Sipas këtyre raportimeve, presidenti francez ishte i pakënaqur me kufizimin e karakterit ceremonial të vizitës. /E.A/

Continue Reading

Lajmet

Ambasada e SHBA-së: Presim të punojmë me Qeverinë dhe Kuvendin për paqen e stabilitetin rajonal

Published

44 minutes ago

on

September 25, 2026

By

Ambasada e Shteteve të Bashkuara të Amerikës ka konfirmuar gatishmërinë për të vazhduar bashkëpunimin me institucionet kryesore të vendit.

Përmes një deklarate, nga ambasada amerikane kanë bërë të ditur se mezi presin të punojnë me Qeverinë dhe Kuvendin për të çuar përpara prioritetet e përbashkëta.

Sipas deklaratës, në fokus të këtij bashkëpunimi do të jenë forcimi i paqes rajonale, stabiliteti si dhe prosperiteti i ndërsjellë. /E.A/

Continue Reading

Lajmet

Tërmet në Greqi, lëkundjet u ndjenë edhe në Maqedoninë e Veriut

Published

58 minutes ago

on

September 25, 2026

By

Një tërmet me intensitet prej III gradësh sipas Shkallës Evropiane të Makroseizmikës është ndier mbrëmë rreth orës 22:18 në Manastir, Resnjë dhe zonat përreth.

Sipas Observatorit Sizmologjik në Shkup, epiqendra e lëkundjeve ishte në Greqi, rreth 120 kilometra në jugperëndim të Shkupit.

Deri më tani nuk raportohet për dëme materiale apo të lënduar nga ky tërmet.

Continue Reading

Lajmet

Asambleja e Përgjithshme e OKB-së, kryeministri Rama mban sot fjalimin

Published

1 hour ago

on

September 25, 2026

By

Asambleja e Përgjithshme e OKB-së, kryeministri Rama mban sot fjalimin e tij në hapje të debatit

Kryeministri Edi Rama ndodhet në Shtetet e Bashkuara të Amerikës për të marrë pjesë në Asamblenë e Partishme të OKB.

Sot, në rreth 17:00, sipas orës lokale, ai pritet të mbajë fjalimin në Asamblenë e Përgjithshme të Kombeve të Bashkuara.

Rama pritet të flasë në hapje të debatit të Asamblesë së Përgjithshme. Gjatë qëndrimit në SHBA, kryeministri ka zhvilluar një takim me komunitetin shqiptar në Michigan.

Në axhendën e tij janë parashikuar gjithashtu takime me përfaqësues të politikës, ekonomisë dhe organizatave ndërkombtare.

Punimet e Asamblesë së Përgjithshme të OKB-së zhvillohen nga 22 deri më 28 shtator. Në këtë vizitë, kryeministri Rama shoqërohet nga bashkëshortja e tij, Linda Rama, si dhe nga delegacioni zyrtar.

Gjatë qëndrimit në SHBA një grup shqiptarët kanë protestuar në momentin që kalonte delegacioni shqiptar. Autoritetet amerikane qe garantonin sigurinë e kryeministrit dhe të pranishmeve te tjerë; kane ndaluar një prej protestuesve, i cili hodhi veze në drejtim të delegacionit.

 

Continue Reading

Të kërkuara