Lajmet

LVV: Prishtina kurrë s’ka qenë më keq nga mbeturinat

Ata fajësuan dy partitë më të mëdha opozitare për keqmenaxhim të qeverisjes në lidhje me këtë.

Published

3 years ago

March 14, 2023

Betim Gashi

Qendra e Lëvizjes Vetëvendosje në Prishtinë përmes një aktiviteti sot kërkoi nga komuna të reagojë urgjent në lidhje me mbeturinat, në të kundërtën sipas tyre, adresa ku duhet hudhur mbeturinat qytetarët është komuna. Kjo ndodhi pasi punëtorët e Kompanisë Regjionale të Mbeturinave “Pastrimi” janë në grevë për ngritje të pagave.

Derisa vendosën letra në mure të komunës me mbishkrimin “Rama: Përmes menaxhimit efikas të mbeturinave, ne do të ndryshojmë tërësisht pamjen e qytetit”, ata fajësuan dy partitë më të mëdha opozitare për keqmenaxhim të qeverisjes në lidhje me këtë.

Aktivisti Denis Krasniqi tha se sot ne ditën që njihet si Dita e Verës, ne vend se të flitet për përmirësimin e hapësirave të gjelbërta e të mbrohen ato, sipas tij, ende duhet të merren me një problem siç është papastërtia.

“Lagjet tona janë mbushur me mbeturina. Trotuaret, rrugicat e parqet, veçse kanë filluar të kundërmojnë. Prishtina kurrë nuk ka qenë me keq në këtë pikë. Duke e ditur rrezikun që shkakton ky fenomen në përhapjen e viruseve e sëmundjeve të ndryshme, në shtimin e numrit te qeneve endacak, e në shumë aspekte tjera, duhet reagim urgjent i komunës”, tha Krasniqi.

Po ashtu, ai tha se nga premtimet e shumta gjatë fushatës të partive opozitare, PDK dhe LDK në lidhje me zgjidhjen e këtij problemi, sipas tij nga mosveprimi i tyre gjendja veçse është rënduar edhe më shumë.

Krasniqi tha se nëse nuk marrin ndonjë masë urgjente, adresa ku duhet t’i hedhin mbeturinat qytetarët sipas tyre është objekti i komunës.

“E sot kur kanë kaluar 462 ditë prej kur LDK e PDK qeverisin bashkë në komunë, situata me mbeturina vetëm se është degraduar edhe më shumë dhe gjendja është bërë alarmante. Dhe të vetmit që këtë situatë nuk po e shohin janë komunarët në pushtet. Andaj sot mbeturinat që nuk po i largon kompania “Pastrimi”, i larguam ne në disa pika nga qendra e qytetit dhe i sollëm te komuna, e cila duhet t’i heq edhe këto edhe të tjerat në rrugët e Prishtinës. Pra, nëse komuna nuk bënë zgjidhje për këtë problem, atëherë adresa ku duhet t’i hedhim mbeturinat është kjo, komuna e Prishtinës”, tha mes tjerash Krasniqi.

Ndërkohë, lidhur me këtë, reagoi edhe kryetari i kësaj komune, Përparim Rama në një postim në Facebook.

Rama u shpreh se kjo situatë është e papranueshme edhe pse e kuptojnë zhgënjimin e punëtorëve dhe e njohin të drejtën e tyre për të protestuar, por sipas tij, vendimi i tyre për të ndërprerë punën ka pasur një ndikim të rëndë në pastërtinë e qytetit.

I pari i kësaj komune theksoi se janë të angazhuar me ndërmarrjen për të gjetur një zgjidhje për këtë çështje.

“Me shqetësim të madh po e adresoj grevën e fundit të punëtorëve të Ndërmarrjes “Pastrimi”. Ne e kuptojmë zhgënjimin e punëtorëve dhe njohim të drejtën e tyre për të protestuar, por vendimi i tyre për të ndërprerë punën ka pasur një ndikim të rëndë në pastërtinë e qytetit tonë. Rrugët janë të mbushura me mbeturina dhe kjo situatë është e papranueshme. Ne kemi qenë aktivisht të angazhuar me Ndërmarrjen për të gjetur një zgjidhje për këtë çështje dhe jemi të përkushtuar për të arritur një marrëveshje të drejtë nga e cila do të përfitojnë edhe punëtorët dhe kryeqyteti. Ndërkohë, ne jemi duke vendosur të gjitha burimet në dispozicion për të menaxhuar situatën dhe për të pastruar sa më shpejt mbeturinat. Kërkojmë ndjesë për shqetësimin e shkaktuar dhe ju sigurojmë se po punojmë me përkushtim të plotë për të zgjidhur sa më shpejtë situatën”, shkroi Rama.

Punëtorët e “Pastrimit” të hënën kanë mbajtur grevë për ngritje të pagave dhe si pasojë e kësaj, ata nuk kanë dalur për të mbledhur mbeturinat. Nga kompania “Pastrimi” kanë konfirmuar se greva është duke vazhduar edhe sot.

Si pasojë e kësaj greve, pranë kontenjerëve në Prishtinë vërehet sasi e madhe e mbeturinave.

Related Topics:komuna mbeturina Perparim Rama

Up Next

Damati: Për shkak të situatës politike dhe frikësimit, ish-partnerja e Ivanoviqit s’dha dëshmi në Gjykatë

Don't Miss

Mungon kryetari i Ferizajt, shtyhet shqyrtimi për projektin e Bashkimit të qytetit të Ferizajt

Rajoni

Rektori Hajrizi viziton UniMarconi në Romë

Published

5 hours ago

November 8, 2025

Driton Iseni

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Lajmet

Bellingham dhe Foden rikthehen në kombëtaren e Anglisë

Published

23 hours ago

November 7, 2025

UBT News

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Sport

Vdes në moshën 24 vjeçare lojtari i Cowboys, Marshawn Kneeland

Published

23 hours ago

November 7, 2025

UBT News

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

Rajoni

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

23 hours ago

November 7, 2025

Driton Iseni

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.