Lajmet

LVV mburret për numrin e projektligjeve të miratuara në Kuvend

Sipas LVV-së, legjislativi ka miratuar 102 projektligje gjatë këtij viti

Published

3 years ago

December 27, 2022

UBT news

Partia në pushtet, Lëvizja Vetëvendosje është mburrur për numrin e madh të projektligjeve të miratuara në Kuvendin e Kosovës gjatë vitit 2022.

Sipas shefes së Grupit Parlamentar të Lëvizjes Vetëvendosje, Mimoza Kusari-Lila, legjislativi ka miratuar 102 projektligje gjatë këtij viti, ndërsa 49 projektligje të tjera janë miratuar në lexim të parë dhe janë në procedurë të rregullt për t’iu dhënë dritë të gjelbër në fillim të vitit të ardhshëm.

Në konferencë për medie të martën, Kusari-Lila tha se edhe mbarëvajtja e seancave plenare ka qenë efektive në vitin 2022.

“Në seancat e mbajtura në Kuvendin e Republikës së Kosovës janë miratuar 102 projektligje, flas për projektligjet në dy leximet, të miratuara dhe të përmbyllura. Ndërsa 49 projektligje aktualisht janë në procedurë, janë miratuar në lexim të parë dhe presin në shqyrtim të dytë në sesionin pranveror të vitit 2023”, tha ajo.

Ndërkaq, deputeti tjetër i mazhorancës, Adnan Rrustemi tha se puna e Kuvendit gjatë këtij viti është më e mira që është bërë ndonjëherë.

“Është puna më produktive që është bërë ndonjëherë në kuptimin e miratimit të ligjeve në gjitha legjislaturave të kaluara të Kuvendit të Kosovës. Ligjet e rëndësishme të miratuara përveç agjendës evropiane janë edhe ligjet e reformës në drejtësi dhe ligjet që kanë të bëjnë me komponentin e sundimit të ligjit”, theksoi ai.

Në anën tjetër, Kusari-Lila, foli edhe për pritjet e saj në sesioni pranveror të Kuvendit, ku tha se shumë shpejt do të trajtohet edhe kodi civil, i cili ishte rrëzuar një herë në Kuvend gjatë këtij viti.

“Sa i përket kodit civil është një procedurë e cila pritet të trajtohet ose është në procedurë për vitin 2023. Ka pasur diskutime të shumta, por po flasim për një ndër dokumentet më të rëndësishme, atë pas Kushtetutës të Kosovës në raport me rregullimin e jetës së gjithë qytetarëve prej lindjes deri në vdekje. Fokusi do të jetë ashtu siç e meriton Kodi Civil, trajtimin në përgjithësi në gjitha komponentët e saj”, tha ajo.

Sa i përket dialogut Kosovë-Serbi dhe situatës në veri, shefja e deputetëve të LVV-së, tha se presidenti serb, Aleksandër Vuçiq përmes barrikadave në veri po synon shmangien e arritjes së marrëveshjes finale.

Ajo u shpreh e matur në dhënien e afateve për largimin e barrikadave në veri, por tha se të njëjtat duhet të hiqen sa më parë.

“Gjitha ngjarjet tjera dhe këto që lidhen me vendosjen e barrikadave synim kanë parandalimin e arritjes së kësaj marrëveshje. Kjo tregon se në momentin kur dialogu është kthyer në binar të diskutimit mbi parimet dhe procesin i cili ka qendër njohjen e ndërsjellët ka filluar rezistenca dhe bojkoti tashmë i njohur nga të gjithë nga ana e Serbisë… Ngjarjet që po ndodhin në katër komunat në veri të Kosovës janë ato të cilat po provokohen drejtpërdrejtë nga Serbia për destabilitet për të humbur fokusin nga përgjegjësia e Vuçiqit dhe qeverisë në Serbi. Prandaj nuk isha lëshuar në detaje në dhënien e afateve, datave dhe kohës, nënkuptohet që ato duhet të hiqen sa më parë. Tashmë është pakontestueshëm qëndrim edhe i bashkësisë ndërkombëtare në Kosovë dhe jashtë Kosovës. Por situatë të tillë nuk i konvenon askujt përveç atyre që dëshirojnë destabilitet në Kosovë”, nënvizoi Kusari-Lila.

Kuvendi i Kosovës ka mbyllur punimet e sesionit vjeshtor, derisa do të fillojë punën në javën e tretë të muajit janar në vitin 2023.

Rajoni

Rektori Hajrizi viziton UniMarconi në Romë

Published

3 hours ago

November 8, 2025

Driton Iseni

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Lajmet

Bellingham dhe Foden rikthehen në kombëtaren e Anglisë

Published

21 hours ago

November 7, 2025

UBT News

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Sport

Vdes në moshën 24 vjeçare lojtari i Cowboys, Marshawn Kneeland

Published

22 hours ago

November 7, 2025

UBT News

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

Rajoni

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

22 hours ago

November 7, 2025

Driton Iseni

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.