Vendi

LVV e PDK përplasen për Fondin e Sigurisë për FSK-në

Enver Dugolli kërkoi nga PDK-ja që të mos e pengojë këtë fond

Published

on

Deputetët e Lëvizjes Vetëvendosje dhe Partisë Demokratike të Kosovës janë përplasur sot në Kuvendin e Kosovës për Fondin e Sigurisë për FSK-në.

Në debatin parlamentar për gjendjen e sigurisë në vend, deputeti i LVV-së, Enver Dugolli kërkoi nga PDK-ja që të mos e pengojë këtë fond.

“Kolegë nga PDK, nëse keni dyshime mund të ngrehni edhe komision hetimor qysh e pëlqeni të thoni, por nëse nuk jeni të gatshëm të kontribuoni, mos bëni thirrje që të pengoni, pasi është një fond, i cili do të ndihmojë infrastrukturën e FSK-së dhe sigurisë komplet në Kosovë”, theksoi ai.

Mirëpo, deputeti i PDK-së, Ilmi Reçica tha se nuk e pengojnë asnjë fond, mirëpo ushtria duhet të ngrihet me buxhet të Kosovës dhe mbështetje të aleatëve.

“PDK nuk e pengon asnjë fond, por mendon se ushtria ngritët me buxhet të Kosovës dhe mbështetjen e SHBA-së dhe aleatëve të saj. Kjo është mundësia më e mirë për të ecur në këtë drejtim”, tha ai.

Aktualitet

Parashikimi i motit për ditën e sotme

Published

on

Sot, me datë 18 prill do të kemi mot pjesërisht me re, por nuk mungon as dielli.

Temperatura minimale e mëngjesit është 9°C.

Kurse, atë maksimale që do të arrijë në mesin e ditës do të jetë 17 °C.

Edhe fundjava pritet të jetë e nxehtë, me temperatura që do të sillen nga 8 deri në 17. /UBT News/

 

Continue Reading

Aktualitet

‘Radio është magjike, mezi presim të japim kontributin tonë’, e ardhmja e ndritur e studentëve të Media dhe Komunikim në UBT

Published

on

Programi i studimeve në Media dhe Komunikim në UBT ofrohet në dy nivele: Bachelor dhe Master.

Ky program është i strukturuar për të ofruar një kombinim të fortë të teorisë dhe praktikës, duke përgatitur studentët për karriera në sektorin mediatik dhe të komunikimit.​

Ky program është i dizajnuar për të adresuar nevojat e tregut të punës në fushën e medias dhe komunikimit, duke ofruar një përgatitje të plotë teorike dhe praktike për studentët.

Fakulteti i Media dhe Komunikimit në UBT ofron kushte moderne për zhvillimin e aftësive praktike.

Pjesë e UBT-së është portali UBT News si dhe Radio Campus që mund ta dëgjoni në frekuencën 100.7 FM e në platformën online: UBT – Radio Campus.

Skema programore e radios është zgjeruar edhe me një emision të ri, nga ish-studentja, tashmë e punësuar si staf i rregullt në UBT, Albina Zeneli e cila e moderon n’Ritëm që fillon nga ora 13:00 deri në 15:00, nga e hëna në të premte.

Pjesë e emisionit janë edhe studentët aktual të UBT-së të cilët janë të pranishëm shpesh gjatë zhvillimit të emisionit live të cilët kanë mundësi ta shohin nga afër punën praktike. 

 

                                                                                                                                                                            

Continue Reading

Aktualitet

Haradinaj deklarohet pak para vazhdimit të seancës konstituive

Published

on

Kryetari i Aleancës për Ardhmërinë e Kosovës (AAK), Ramush Haradinaj tha se shpreson që “të zgjidhet çështja e dorëheqjeve” derisa theksoi se si AAK janë të interesuar për konstituimin e Kuvendit. Por ai tha se nuk mund të votojnë “shkelje ligjore”.

Ai tha se mirë është që janë respektuar afatet ligjore, 48 orë të vazhdimit.

“Mirë është që janë respektuar afatet ligjore, 48 orë të vazhdimit. Shpresoj që do të zgjidhet çështja e dorëheqjeve she do të mund të vazhdojmë. Si aleancë e mbështesim konstituimin e kuvendit, por nuk guxojmë të votojmë shkelje ligjore”, tha Haradinaj.

Haradinaj u shpreh se janë të interesuar për konstituimin e kuvendit, meqë ashtu fillon edhe afati ligjor për formimin e qeverisë.

“Sikur ta kishte shumicën do të mund të votonte jashtëligjshmen. Duke mos e pasur shumicën, kjo është situatë, nuk e di qysh do të rezultojë më tutje. E kemi thënë herët që jemi të interesuar për konsitutimin e Kuvendit sepse ashtu fillon edhe afati ligjor për formimin e qeverisë. Dhe jemi të interesuar që pas dështimit, ta mbështesim formimin e qeverisë nga opozita. Unë nuk kam komunikim me Nisman që atëherë, që nga intervista. Jam në dijeni se PDK ka komunikim, edhe kolegët tjerë”, u shpreh Haradinaj.

Ai tregoi edhe nëse i është bashkuar Aleancës për Ardhmërinë e Kosovës, deputeti Adem Hoxha.

“Jo AAK-së, ne keni mungesë të deputetëve në GP, ju kam bërë ftesë të gjithë deputetëve qe janë pa grup që nëse vlerësojnë të na bashkohen. Ademi ka shprehur interesim dhe të tjerët mund t’i bashkohen”, u shpreh ai.

Continue Reading

Aktualitet

Seanca konstituive vazhdon sot nga ora 12:00

Published

on

Pas ndërprerjes të martën, sot në 12:00 pritet të vazhdojë seanca për konstituimin e Kuvendit. Deputetët e zgjedhur të partive kryesore parlamentare kanë konfirmuar pjesëmarrjen, por mbeten me qëndrimet e njëjta që çuan në bllokimin e seancës të martën.

Seanca konstituive nisi të martën në orën 11:00, por u ndërpre rreth dy orë më vonë, pasi deputetët nuk e miratuan raportin e Komisionit të përkohshëm për verifikimin e mandateve dhe kuorumit – hap ky i domosdoshëm për betimin e përbërjes së re parlamentare.

PDK, LDK dhe AAK votuan kundër raportit, me arsyetimin se anëtarët e Qeverisë në detyrë që janë zgjedhur deputetë, është dashur të japin dorëheqje paraprakisht për t’u betuar si deputetë.

Lëvizja Vetëvendosje ka theksuar se Qeveria është në dorëheqje që nga përfundimi i mandatit më 23 mars se nuk ka nevojë për veprime shtesë.

Kryesuesi i seancës, Avni Dehari, deputeti më i vjetër në moshë nga VV, i është drejtuar me letër presidentes Vjosa Osmani për të kërkuar sqarime lidhur me hapat e mëtejmë. Osmani i është përgjigjur se, sipas ligjit, seanca duhet të vazhdojë brenda 48 orëve nga ndërprerja.

Kryeministri në detyrë, Albin Kurti, përsëriti të mërkurën se ai dhe kabineti i tij janë në detyrë që nga përfundimi i mandatit katërvjeçar, dhe se dorëheqja formale do të nënkuptonte krijimin e një vakumi institucional. Ndërkohë, kreu i LDK-së ka paralajmëruar se do të kërkojë dorëheqjen e atyre që, po tentojnë të mbajnë njëkohësisht dy poste. Mbetet të shihet nëse do të arrihet kompromis që do t’i hapë rrugë konstituimit të Kuvendit.

Continue Reading

Të kërkuara