Lajmet

​LVV e fajëson Ramën për anulimin e seancës së Kuvendit Komunal

Published

2 years ago

on

Lëvizja Vetëvendosje po e konsideron të paligjshëm dhe të parregullt, anulimin e seancës së jashtëzakonshme në Kuvendin Komunal të Prishtinës. Sipas Grupit të Asamblistëve të kësaj partie në Prishtinë, kjo ndodhi me urdhër të kryetarit të kryeqytetit, Përparim Rama.

Në konferencë për media, kryetari i Grupit të Asamblistëve të Vetëvendosjes në Prishtinë, Gëzim Sveçla tha se pozita e dështoi seancën të cilën vetë e ka ftuar.

“Për sot ka qenë e ftuar një seancë e jashtëzakonshme me ftesë të kryetarit Rama, ku do të shqyrtoheshin tetë pika të rendit të ditës, kryesisht rregullore të cilat kanë të bëjnë me jetën praktike të qytetarëve të Prishtinës. Mirëpo, sot jemi dëshmitarë të një akti të paprecedentë, ku me urdhër të kryetarit Rama kjo seancë e jashtëzakonshme u anulua, akoma pa filluar mirë. Edhe pse ishin të gjitha kushtet, qoftë teknike, qoftë kuorumi dhe gjithçka ishte e gatshme për të filluar, në momentin e fundit nga drejtuesi i seancës, u njoftuam se kryetari ka bërë kërkesë për anulimin e seancës”, deklaroi ai.

Tutje, ai shtoi se “koalicioni LDK-PDK është i interesave të ngushta, të grupeve të caktuara të cilat kur nuk përputhen krijojnë bllokadë”. Sipas tij, koalicioni qeverisës e lëshoi sallën me urdhër të kryetarit Përparim Rama.

“Arsyetimi i kryetarit Rama përmes letrës së tij se anulimi ka të bëjë me disa vërejtje të cilat ne si opozitë i kemi shprehur në mbledhjen e Komitetit për Politikë dhe Financa, nuk qëndron. Për shkak se si opozitë dhe si anëtarë të Komitetit për Politikë dhe Financa në çdo takim që kemi pasur, ne kemi shprehur vërejtjet dhe sugjerimet tona, të cilat asnjëherë nuk janë marrë parasysh. Vlerësojmë se anulimi i kësaj seance, i paligjshëm dhe i parregullt, një akt i cili nuk ka ndodhur asnjëherë më parë, ka ndodhur për shkak të përplasjeve brenda koalicionit qeverisës për shkak të mos përputhjes së interesave të tyre”, shtoi asamblisti i LVV-së.

Ai tregoi se cilat kanë qenë pikat që do të duhej të diskutoheshin në mbledhjen e sotme të Kuvendit Komunal, për çka tha se po humbin qytetarët e kryeqytetit.

“Për javë të tëra qytetarët e Prishtinës janë në ankth dhe janë të nënshtruar një terrori psikologjik në lidhje me dy rregulloret të cilat kanë qenë diskutimi për sot, çështja për ‘Prishtina Parking dhe për mbledhjen e mbeturinave’, e të cilat janë rregullore të cilat drejtpërdrejt ndikojnë tek qytetarët. Mirëpo edhe pse kishte një diskutim mjaft konstruktiv në mbledhjen për Komitet për Politikë dhe Financa dhe ku ne i dhamë propozimet tona, të cilat do të ishin të udhës që të diskutohen në seancë, kjo ndodhi me intervenim të kryetarit Rama që dha urdhër që të anulohet ajo seancë. Kjo është drejtpërdrejt përzierje e kompetencave në kompetencat e Kuvendit Komunal”, përfundoi ai.

Related Topics:
Continue Reading

Kronika e zezë

Një femër raportohet e zhdukur në Gjakovë

Published

22 minutes ago

on

September 5, 2025

By

Një femër është raportuar si e zhdukur në Gjakovë.

Sipas raportit të Policisë së Kosovës, viktima femër është larguar dhe nuk dihet vendndodhja e saj.

Rasti është duke u hetuar.

“Gjakovë / 04.09.2025 – 10:30. Është raportuar se viktima femër është larguar dhe nuk dihet vendndodhja e saj. Rasti është duke u hetuar”, thuhet në raportin e Policisë së Kosovës./D.B/KP

Continue Reading

Lajmet

Irlanda e Veriut shënon fitore 3-1 ndaj Luksemburgut për Kupën e Botës 2026

Published

25 minutes ago

on

September 5, 2025

By

Irlanda e Veriut e filloi fushatën e saj kualifikuese për Kupën e Botës 2026 me një fitore 3-1 ndaj Luksemburgut në Stade de Luxembourg.

Jamie Reid i dha mysafirëve epërsinë në minutën e tetë, por Luksemburgu me meritë barazoi me Aiman ​​Dardari pas gjysmë ore.

Skuadra e Michael O’Neill u përmirësua shumë pas pushimit dhe fitoi falë golave ​​të parë ndërkombëtarë nga Shea Charles dhe Justin Devenny, me Seid Korac të Luksemburgut që mori një karton të dytë të verdhë midis tyre.

Irlanda e Veriut filloi në sulm dhe e testoi dy herë portierin Anthony Moris në tre minutat e para.

Moris do të bënte pritjen e tij të tretë të ndeshjes nga penalltia e Isaac Price, por sulmuesi i Stevenage Reid ishte në dispozicion për të shënuar topin e rikuperuar për golin e tij të dytë ndërkombëtar.

Duke e nisur pjesën kaq fuqishëm, Irlanda e Veriut pothuajse dha fundin perfekt, por goditja e dënimit e Devenny-t goditi traversën.

Ata do të duhej të prisnin më pak se 30 sekonda pas rifillimit të pjesës për të rifituar epërsinë, megjithatë, kur goditja e Charles, e cila devijoi me këmbë të gabuar, e goditi Morisin.

Korac, i cili ishte ndëshkuar tashmë me karton të verdhë pas incidentit me penallti, mori kartonin e dytë të verdhë për një përplasje me Reid në minutën e 66-të.

Luksemburgu u ndje dyfish i pakënaqur kur Charles shënoi goditjen e dënimit në zonë dhe, pasi vendasit nuk arritën ta largonin topin, Devenny i Crystal Palace gjuajti në cepin e poshtëm.

Ndeshja e radhës e Irlandës së Veriut në Grupin A është të dielën në Koln, kur do të takohen me Gjermaninë (19:45 BST)./S.K/BBC/

Continue Reading

Lajmet

Sllovakia mund Gjermaninë në ndeshjen kualifikuese për Kupën e Botës 2026

Published

50 minutes ago

on

September 5, 2025

By

Gjermania pësoi një humbje surprizë kundër Sllovakisë në ndeshjen e tyre të parë kualifikuese për Kupën e Botës në Bratislavë me rezultat 2-0 për Sllovakinë.

David Hancko i dha vendasve epërsinë tre minuta para përfundimit të pjesës së parë, duke vrapuar nga gjysma e tij përpara se të luante një-dy me David Strelec, dhe duke përfunduar duke kaluar portierin mysafir Oliver Baumann.

Sulmuesi i Middlesbrough, Strelec, shënoi golin e dytë kur e la Antonio Rudiger të hutonte 10 minuta pas rifillimit me disa lëvizje të rregullta këmbësh përpara se të gjuante në cepin e sipërm.

Kjo ishte vetëm humbja e katërt që Gjermania kualifikuese për Kupën e Botës ka humbur ndonjëherë.

Florian Wirtz i Liverpoolit dhe nënshkrimi i ri i Newcastle, Nick Woltemade, ishin të dy në skuadrën e Julian Nagelsmann, por vizitorët ishin zhgënjyes në sulm./S.K/BBC/

 

 

Continue Reading

Lajmet

​Argjentina triumfon ndaj Venezuelës në kualifikimet e Kupës së Botës 2026

Published

55 minutes ago

on

September 5, 2025

By

Argjentina vazhdoi rrjedhën mbresëlënëse në kualifikueset e Kupës së Botës 2026, duke fituar 3-0 ndaj Venezuelës dhe duke regjistruar ndeshjen e 11-të pa pësuar gol në 12 fitore.

Për Venezuelën, që mbetet e vetmja kombëtare e CONMEBOL pa pjesëmarrje në Botëror, disfata ishte edhe një dëshmi tjetër e diferencës me kampionët e botës.

Lionel Messi, i shoqëruar nga tre djemtë e tij, udhëhoqi Argjentinën ndoshta për herë të fundit në tokën vendase, në një mbrëmje emocionale për numrin 10. Franco Mastantuano debutoi si titullar në “Monumental”, ndërsa Julian Alvarez u shfaq aktiv që në fillim me disa raste, përfshirë një gjuajtje të fortë të ndalur nga portieri Rafael Romo.

Messi e zhbllokoi sfidën para pushimit, duke shënuar golin e tij të 113-të me fanellën bardhekaltër, ndërsa në pjesën e dytë Argjentina shtoi ritmin.

Zëvendësuesi Lautaro Martinez realizoi me prekjen e parë, përpara se Messi të shënonte edhe një herë pas një kombinimi me Thiago Almadan. Një gol tjetër i tij në fund u anulua për pozicion jashtë loje.

Kjo fitore e forcon bilancin e jashtëzakonshëm të Argjentinës kundër Venezuelës: 25 fitore në 30 përballje, tre barazime dhe vetëm dy humbje. Për më tepër, kjo ishte një tjetër provë e forcës së skuadrës së Lionel Scalonit, e cila tashmë është e kualifikuar për Botërorin 2026./S.K/KP/Financial Express/

Continue Reading

Të kërkuara