Lajmet

Lushtaku: Do të dalim të parët në zgjedhje, vota për PDK-në është mbrojtje e vlerave të luftës

Published

4 years ago

on

Kandidati për deputet nga radhët e Partisë Demokratike të Kosovës Mërgim Lushtaku, ka thënë se kjo parti synon të dalë e para në zgjedhjet e 14 shkurtit, dhe se vota për PDK-në është votë në mbrojtjen e vlerave të luftës.

Lushtaku ka thënë se ata s’kanë vija të kuqe ndaj asnjë partie politike, por siç shprehet ai, ndaj fenomeneve të caktuara.

 “Partia Demokratike e Kosovës e ka ruajtur një politikë e cila ka qenë kundër vijave të kuqe. Ne besojmë që kemi vija të kuqe ndaj fenomeneve të caktuara, fenomeneve negative për vendin dhe prandaj ne asnjëherë nuk kemi vendosur vija të kuqe. Në synojmë vendin e parë dhe do ta arrijmë vendin e pare dhe 14 shkurti do të jetë fitorja e Partisë Demokratike të Kosovës”, shtoi Lushtaku.

Sipas tij, Ushtria Çlirimtare e Kosovës është e gjithë kombit dhe çdo votë për PDK-në është ne mbrojtje të vlerave të luftës dhe votë për Hashim Thaqin e Kadri Veselin.

 “Ne Ushtrinë Çlirimtare të Kosovës e kemi parë të gjithë njëjtë. Të gjithë anëtarët e saj kanë qenë kontribues në luftën e fundit duke nisur nga Hashim Thaqi, Kadri Veseli, Jakup Krasniqi, Rexhep Selimi Nasim Haradinaj dhe Hysni Gucati. Ushtria Çlirimtare e Kosovës është e gjithë kombit,  por në aspektin e saj që ne besojmë që çdo votë për PDK-në është edhe mbrojtje e vlerave të luftës dhe votë për Hashim Thaqin dhe Kadri Veselin.  E dimë që vlerat e UÇK-së në kohën e ish-kryeministrit Kurti në kabinetin e tij janë njollosur këto vlera dhe le që nuk i ka shkarkuar Albin Kurti, Shkëlzen Gashin si këshilltar të tij, por e ka liruar pas një presioni të madh publik të qytetarëve duke e respektuar mendimin e tij kritik siç ka thënë ai”, ka thënë Lushtaku.

“Prandaj çdo mbështetje për PDK-në e ka edhe peshën historike që e ka edhe mbështetjen ndaj UÇK-së edhe ndaj Hashim Thaqit dhe Kadri Veselit. Kemi parë që është një mobilizim i madh të qytetarëve të cilët dëshirojnë të respektojnë dhe tregojnë një mesazh edhe partive politike po edhe mesazh botës që ne pavarësisht burrat më të mirë i kemi në Hagë padrejtësisht dhe po gjykohet liria jonë ne e kemi mesazhin tonë që ne do ti mbështesim ata kudo që janë dhe ata do të vijnë më të fuqishëm në Kosovës”, tha ai.

Lushtaku ka qenë deputet në dy legjislaturat e kaluara të Kuvendit, ndërsa synon që të marr besimin edhe për një mandat.

Related Topics:
Continue Reading

Lajmet

Abdixhiku pas takimit me Hargreaves: Kosova do të rikuperojë pozicionin e saj ndërkombëtar

Published

5 minutes ago

on

January 22, 2025

By

Kryetari i i Lidhjes Demokratike të Kosovës (LDK), Lumir Abdixhiku, ka pritur sot në Selinë Qendrore të partisë ambasadorin britanik në Kosovë, Jonathan Hargreaves.

Gjatë këtij takim, Abdixhiku njofton se e ka informuar ambasadorin për ecurinë pozitive të fushatës zgjedhore, projektet ambicioze që LDK-ja synon të realizojë dhe përkushtimin për të rikthyer pozicionin ndërkombëtar të Kosovës në rast se merr drejtimin e qeverisë pas zgjedhjeve të 9 shkurtit.

“Në Selinë Qendrore të LDK-së, në këtë kohë fushate, prita ambasadorin britanik, Jonathan Hargreaves. Ambasadorin e njoftova për momentumin e mirë të fushatës sonë; për rrjedhën e tubimeve impresive si dhe për pritjet tona për ndryshim! E njoftova dhe për projektet e mëdha kapitale, që do t’i realizojmë! U zotova që pas 9 shkurtit, me LDK-në udhëheqëse të Qeverisë së Re, Republika e Kosovës do të rikuperojë pozicionin e saj ndërkombëtar, siç dhe do të avancojë interesat tona strategjike. Mbretëria e Bashkuar është aleat strategjik i Republikës sonë; dhe për gjithë kontributin e dhënë në çdo etapë, falenderova ambasadorin sot!”, shkruan Abdixhiku.

Continue Reading

Bota

Sërish lëkundje të forta tërmeti në Greqi, ja ku ishte epiqendra

Published

23 minutes ago

on

January 22, 2025

By

Një tërmet i fuqishëm me magnitudë 5.1 ballë ka tronditur ishullin e Lesvos në Greqi, duke shkaktuar panik tek banorët. Epiqendra e tërmetit ishte 8 km nga Mithymna, dhe lëkundjet janë ndjerë në të gjithë ishullin, ku shumë banorë janë frikësuar dhe janë dalë në rrugë për siguri. Tërmeti kishte një thellësi fokale prej 14.6 km dhe është ndjerë gjithashtu në ishujt fqinjë, përfshirë Kion.

Sipas dëshmive të banorëve, lëkundjet kanë pasur një kohëzgjatje të gjatë, duke shkaktuar frikë dhe duke sjellë rënie të objekteve dhe pajisjeve në shtëpitë e tyre. Deri tani nuk ka raporte për të lënduar apo dëme materiale, por autoritetet lokale janë në gatishmëri për të monitoruar situatën, veçanërisht në fshatrat e ishullit.

Profesori Efthimios Lekkas, ekspert i gjeologjisë, ka theksuar se është ende herët për të dhënë një konkluzion për shkakun e lëkundjeve të fuqishme./UBTNews/

Continue Reading

Bota

Shpërthim në një minierë në Poloni, plagosen 16 punëtorë

Published

33 minutes ago

on

January 22, 2025

By

Një shpërthim ka ndodhur në një minierë në Poloni, duke plagosur 16 punëtorë. Ngjarja ka ndodhur mesditën e së mërkurës në rajonin Katowice të Polonisë jugore. Të plagosurit kanë pësuar kryesisht djegie dhe lëndime në krahë dhe këmbë. Situata është ndjekur nga autoritetet lokale, të cilat po merren me hetimin e shkakut të shpërthimit./UBTNews/

Continue Reading

Bota

Emmanuel Macron u bën thirrje vullnetarëve të rinj për të ‘përforcuar’ ushtrinë franceze

Published

42 minutes ago

on

January 22, 2025

By

Presidenti francez Emmanuel Macron ka bërë thirrje për mobilizimin e vullnetarëve të rinj për të forcuar ushtrinë franceze, gjatë një fjalimi në Komandën e Mbështetjes Dixhitale dhe Kibernetike të Ushtrisë në Francën perëndimore. Ai kërkoi nga qeveria dhe forcat e armatosura të zhvillojnë propozime për të mobilizuar më shumë vullnetarë të rinj, duke i trajnuar dhe i integruar ata në ushtri kur është e nevojshme.

Macron theksoi se ky proces nuk ka për qëllim rikthimin e shërbimit të detyrueshëm ushtarak, por synon të angazhojë të rinjtë që janë të gatshëm të kontribuojnë për forcimin e ushtrisë. Ky program ishte një nga premtimet e fushatës së tij presidenciale në vitin 2017 dhe pas kritikave, ai u realizua në vitin 2019 me formën e Shërbimit Kombëtar Universel (SNU), i cili synon të ofrojë mundësi rinore për të mësuar dhe kontribuar në ushtri.

Megjithatë, programi ka hasur në kritika lidhur me koston e tij dhe efikasitetin, duke çuar në një reduktim të buxhetit për SNU-në nga Senati francez. Ndërkohë, Franca ka një objektiv ambicioz për të arritur 210,000 ushtarakë aktivë dhe 80,000 rezervistë deri në vitin 2030./UBTNews/

Continue Reading

Të kërkuara