Lajmet

Lushaku-Sadriu: Vetëm 16% e grave aktive në tregun e punës, 4% e tyre e gëzojnë të drejtën e pronës

Ajo ka përmendur edhe mungesën e çerdheve si faktor kyç që gratë nuk mund të punësohen.

Published

3 years ago

on

Kryetarja e Forumit të Gruas në Lidhjen Demokratike të Kosovës, Jehona Lushaku–Sadriu, ka thënë se përqindja e grave në tregun e punës vazhdon të jetë e ulët, krahasuar me meshkujt. Sipas saj, vetëm 16 për qind e grave janë aktive në tregun e punës.

Ajo ka përmendur edhe mungesën e çerdheve si faktor kyç që gratë nuk mund të punësohen. Sipas saj, Qeveria e Kosovës ka premtuar ndërtimin e 160 çerdheve, por që vetëm tri sosh kanë nisur.

“Shqetësimi i parë është dhuna në familje. Nga viti 2021 nga 1986 gra viktima të dhunës në familje kemi pas 2 gra të vrara. Ndërkohë në vitin 2022 kemi pasur një rritje nga 2055 viktima kemi pasur 3 gra të vrara. Vrasja duhet të jetë emergjence, kërkon politika emergjente. Shqetësimi jonë i dytë është mungesa e grave në tregun e punës. Vetëm 16 për qind e grave në Kosovë janë aktive në tregun e punës, dhe kjo flet shumë nga një diskrepancë që 45 për qind burra janë aktivë në punë”, tha ajo.

“20 për qind gratë janë të diskriminuara nga pagesa për punën e njëjtë me meshkujt. Në terren po e shohim se mungesa e çerdheve e bën më të vështirë dëshirën e grave për t’u punësuar. Faktikisht në këtë Qeveri kemi pasur premtim që të ndërtohen 160 çerdhe dhe  vetëm 3 prej tyre kanë nisur”, tha tutje ajo.

Related Topics:
Continue Reading

Vendi

Seanca konstituive sot, ngërçi për presidentin mbetet

Published

8 minutes ago

on

August 6, 2026

By

Sot nga ora 10:00, deputetët e zgjedhur të legjislaturës së 11-të do të mblidhen për seancën konstituuese të Kuvendit, ku rendi i ditës përfshin formimin e komisionit të përkohshëm për verifikimin e kuorumit dhe mandateve, betimin e deputetëve, si dhe zgjedhjen e kryetarit dhe nënkryetarëve të Kuvendit.
Konstituimi i këtij institucioni hap zyrtarisht afatin 60-ditor për zgjedhjen e presidentit të ri, çka përbën edhe pikën më kritike të përplasjeve politike. Ndërkohë, afati 15-ditor për votimin e qeverisë fillon vetëm pasi ushtruesja e detyrës së presidentit të mandatojë kandidatin e propozuar nga shumica parlamentare.
Lëvizja Vetëvendosje dhe Lidhja Demokratike e Kosovës ende nuk kanë arritur një marrëveshje koalicioni për formimin e institucioneve të reja. Edhe takimi i tretë i zhvilluar të mërkurën në ndërtesën e Kuvendit mes kryetarit të LVV-së, Albin Kurti, dhe atij të LDK-së, Lumir Abdixhiku, përfundoi pa ndonjë rezultat konkret.
Pas takimit, Kurti konfirmoi mungesën e marrëveshjes duke deklaruar se do të njoftojnë mediat vetëm kur të arrihet një finale, ndërsa Abdixhiku shmangu deklaratat duke dalë nga dera e pasme e ndërtesës. Më herët, deputetët e zgjedhur të LDK-së kishin rikonfirmuar qëndrimin se nuk do të ketë marrëveshje nëse partisë së tyre nuk i garantohet posti i presidentit.
Zgjedhjet e fundit parlamentare ishin të tretat me radhë brenda një periudhe prej një viti e gjysmë, ku LVV-ja doli sërish fituese me 58 mandate. Së bashku me deputetët e komuniteteve joshumicë, ajo i ka votat e nevojshme prej 61 deputetësh për të konstituar Kuvendin dhe për të formuar Qeverinë.
Megjithatë, sfida kryesore mbetet zgjedhja e presidentit, proces ky që kërkon kuorum prej 80 deputetësh në dy rundet e para, ndërsa në rundin e tretë mjaftojnë 61 vota për zgjedhjen e kandidatit. /E.A/

Continue Reading

Aktualitet

Takohen sërish Abdixhiku me Kurtin

Published

15 hours ago

on

August 5, 2026

By

Kryeministri në detyrë, Albin Kurti, dhe lideri i LDK-së, Lumir Abdixhiku, aktualisht janë duke zhvilluar një takim.

Kështu ka mësuar Ekonomia Online nga burimet e saj.

Kurti e Abdixhiku ishin takuar mbrëmë, në një takim që zgjati rreth tri orë, e që nuk solli asgjë të re.

Vetëm pak minuta më parë, Abdixhiku përfundoi mbledhjen me Grupin Parlamentar të LDK-së, teksa pas mbledhjes deklaroi se nuk ka asgjë të re./A.K/

Continue Reading

Lajmet

Hykmete Bajrami: LDK do ta shqyrtonte seriozisht ofertën nëse merr postin e presidentit

Published

17 hours ago

on

August 5, 2026

By

Deputetja e zgjedhur e Lidhjes Demokratike të Kosovës (LDK), Hykmete Bajrami, ka deklaruar se partia e saj do ta shqyrtonte me seriozitet një marrëveshje me Lëvizjen Vetëvendosje, nëse në kuadër të saj LDK-së do t’i takonte posti i presidentit të vendit.

Sipas Bajramit, një zgjidhje e tillë do të krijonte balancë ndërmjet pushteteve dhe do të ishte bazë për diskutime serioze.

“Kur kemi marrëveshje ku LDK-ja potencialisht mund ta marrë pozitën e presidentit dhe kjo konsideroj që është një balancë e pushteteve për Kosovën, atëherë natyrisht që do ta konsideronim me shumë seriozitet një ofertë të tillë”, deklaroi ajo para gazetarëve.

Bajrami u shpreh kundër mbajtjes së zgjedhjeve të reja, duke theksuar se Kosova ka nevojë për një marrëveshje politike që i shërben interesit të vendit.

Ajo theksoi se LDK-ja nuk do ta pranonte postin e kryeministrit nëse do t’i ofrohej nga Albin Kurti dhe shtoi se nuk ka informacione nëse gjatë ditës do të zhvillohet një takim i ri mes palëve.

Sa i përket kandidatit të mundshëm për president nga LDK-ja, Bajrami tha se kjo çështje do të shqyrtohet brenda partisë, me synimin për të propozuar një emër që mund të sigurojë mbështetjen e nevojshme në Kuvend./A.K/

Continue Reading

Vendi

Ish-ministri Liburn Aliu intervistohet në Prokurorinë Speciale

Published

18 hours ago

on

August 5, 2026

By

Ish-ministri i Mjedisit, Planifikimit Hapësinor dhe Infrastrukturës, Liburn Aliu, është duke u intervistuar në Prokurorinë Speciale të Kosovës.

Aliu po intervistohet në lidhje me një rast të dyshuar për keqpërdorim të detyrës zyrtare gjatë kohës sa ishte ministër në Qeverinë Kurti, pozitë të cilën e mbajti deri në gusht të vitit 2025, kur dha dorëheqje.

Procesi i intervistimit po vazhdon prej më shumë se tri orësh. Aktualisht, Aliu ushtron pozitën e drejtorit të Portit të Durrësit në Shqipëri. /Kosova Press/

Continue Reading

Të kërkuara