Lajmet

Lukashenka: Ndoshta i kemi ndihmuar migrantët që të futen në BE

Megjithatë, Lukashenka mohoi se ka ftuar mijëra migrantë për të provokuar një krizë në kufi.

Published

5 years ago

November 19, 2021

Betim Gashi

Lideri autoritar bjellorus tha për BBC se është “absolutisht e mundshme” që forcat e tij të kenë ndihmuar migrantët që të kalojnë për në Poloni, por mohoi se migrantët ishin ftuar në Bjellorusi.

“Mendoj se është absolutisht e mundshme. Ne jemi sllavë, kemi zemra. Trupat tona e dinë se migrantët po shkojnë në Gjermani”, tha Alyaksandr Lukashenka.

“Ndoshta dikush i ka ndihmuar ata. Unë as që do të merrem me këtë punë”, shtoi ai.

Megjithatë, Lukashenka mohoi se ka ftuar mijëra migrantë për të provokuar një krizë në kufi.

“Ju thashë atyre që unë nuk do t’i ndaloj migrantët në kufi, t’i mbaj ata në kufi dhe nëse ata vazhdojnë të vijnë, unë nuk do t’i ndaloj sepse ata nuk po vijnë në shtetin tim, por në shtetin tuaj”, tha Lukashenka.

“Por, nuk i ftova ata. Dhe të jem i sinqertë, unë nuk dua që ata të kalojnë nëpër Bjellorusi”, shtoi lideri autoritar.

Lukashenka ka qenë në pushtet në Bjellorusi që prej vitit 1994, por rizgjedhja e tij si president në gushtin e vitit të kaluar nuk është pranuar nga Perëndimi, pasi zgjedhjet janë parë si të manipuluara.

Ai është akuzuar nga Bashkimi Evropian se ka orkestruar krizën në kufi me Poloninë, Lituaninë dhe Letoninë si shenjë hakmarrjeje për sanksionet e vendosura ndaj Bjellorusisë për shkak të shtypjes së protestave opozitare, që janë mbajtur pas zgjedhjeve presidenciale të gushtit të kaluar.

Mijëra protestues dhe aktivistë opozitarë janë ndaluar dhe liderja opozitare, Svetlana Tikhanovskaya është detyruar të largohet nga Bjellorusia, pasi tha se fitoi zgjedhjet.

Të paktën 2,000 migrantë, kryesisht nga Lindja e Mesme, ngritën kampe në kufirin mes Bjellorusisë dhe Polonisë deri këtë javë, kur u vendosën në një depo në afrësi. Vlerësohet se 5,000 migrantë janë ende në Bjellorusi, ehe pse qindra janë larguar drejt Irakut.

Zyrtarët e BE-së e kanë akuzuar lideri autoritar bjellorus për “qasje jonjerëzore të stilit të bandave” sa i përket situatës në kufi, duke thënë se ai u ka premtuar migratëve se do ta kenë të lehtë të hyjnë në Poloni dhe qëllimin e ka pasur që ta destabilizojë BE-në./REL

Vendi

Mbi 100 gramë kokainë dhe marihuanë kapen në Vërmicë

Published

18 hours ago

June 19, 2026

UBT News

Dogana e Kosovës, në bashkëpunim me Policinë e Kosovës, ka zbuluar dy raste të substancave narkotike gjatë kontrolleve në Pikën Kufitare të Vërmicës.

Në rastin e parë, gjatë kontrollit të një automjeti që po hynte në Kosovë, janë gjetur 104.90 gramë substancë e dyshuar si kokainë, e fshehur në çantën personale të një udhëtari.

Ndërkaq, në rastin e dytë janë zbuluar 5.53 gramë substancë e dyshuar si marihuanë, e fshehur në bagazhin e një automjeti. Gjatë kontrollit është gjetur edhe një thikë kuzhine e padeklaruar.

Rastet janë proceduar për hetime të mëtejshme nga autoritetet kompetente.

/A.K/

Vendi

Mbyten dy vajza të mitura në Tale

Published

19 hours ago

June 19, 2026

UBTNews

Një ngjarje e rëndë ka ndodhur mesditën e sotme në plazhin e Tales, ku dy vajza të mitura, të moshës 11 dhe 9 vjeçe, janë mbytur në det.

Sipas njoftimit zyrtar të Policisë, tragjedia ka ndodhur rreth orës 12:50. Pas marrjes së informatës, zyrtarët policorë kanë dalë menjëherë në vendngjarje dhe, në bashkëpunim të ngushtë me pushuesit e tjerë, kanë bërë të mundur gjetjen dhe nxjerrjen e trupave të pajetë në breg.

“Në bashkëpunim me pushuesit, është bërë e mundur gjetja dhe nxjerrja e trupave të pajetë në breg“, thuhet në njoftimin e policisë. /E.A/

Vendi

Dyshime për cilësinë: Bllokohen mbi 1 mijë e 400 infuzione në Spitalin e Mitrovicës

Published

20 hours ago

June 19, 2026

UBTNews

Shërbimi Spitalor Klinik dhe Universitar i Kosovës (ShSKUK) ka njoftuar se ka bllokuar përkohësisht 1,432 njësi të një produkti mjekësor në Spitalin Rajonal “Sami Haxhibeqiri” në Mitrovicë, pas dyshimeve se ai mund të mos jetë brenda specifikave të kërkuara të cilësisë.

Bëhet fjalë për infuzionet e llojit Compound Sodium Lactate (500 ml). Alarmi u ngrit fillimisht nga farmacistja përgjegjëse e spitalit, gjë që vuri në lëvizje Inspektoratin Farmaceutik dhe Agjencinë e Kosovës për Produkte dhe Pajisje Medicinale (AKPPM).

Pas një inspektimi të dytë të kryer më 17 qershor, autoritetet urdhëruan bllokimin e menjëhershëm të këtij kontingjenti deri në pranimin e rezultateve nga analizat laboratorike. ShSKUK ka njoftuar opinionin publik se ky është një masë parandaluese dhe se mbetet e përkushtuar për të garantuar sigurinë e plotë të pacientëve dhe cilësinë e barnave nëpër spitalet publike. /E.A/

Lajmet

KQZ gati për rezultatet përfundimtare: Përfundon rinumërimi i 185 vendvotimeve

Published

22 hours ago

June 19, 2026

UBTNews

Komisioni Qendror i Zgjedhjeve (KQZ) ka përmbyllur zyrtarisht procesin e rinumërimit për të gjitha 185 vendvotimet e kontestuara. Sipas zëdhënësit të KQZ-së, Valmir Elezi, procesi ka përfunduar sot në orën 12:00 dhe të dhënat e reja tashmë janë përditësuar në platformën zyrtare të rezultateve.

Me këtë hap, KQZ-ja ka mbyllur teknikisht të gjitha aktivitetet e administrimit të votave dhe është gati për shpalljen e rezultateve përfundimtare të zgjedhjeve të 7 qershorit.

Megjithatë, përpara shpalljes zyrtare, duhet të respektohen afatet ligjore për ankesat e mundshme. Elezi sqaroi se sot përfundon afati për ankesat lidhur me administrimin e numërimit nga dita e mërkurë (17 qershor), ndërsa po ashtu do të pritet nëse do të ketë ankesa për procesin e rinumërimit të përmbyllur sot.

Për më tepër, para se të procedohet tutje, KQZ-ja do të kërkojë një konfirmim zyrtar nga Paneli Zgjedhor për Ankesa dhe Parashtresa (PZAP) për të vërtetuar nëse ka ndonjë ankesë tjetër ende në shqyrtim.

Në fund, Qendra e Numërimit dhe Rezultateve (QNR) do të hartojë një raport të detajuar për gjetjet në secilin prej 185 vendvotimeve. Ky raport synon të konfirmojë se procesi i parë i numërimit nëpër komuna është zhvilluar me saktësi dhe në përputhje të plotë me vullnetin e shprehur të qytetarëve, raporton Ekonomia Online. /Ekonomia Online/ /E.A/