Lajmet

Lufta kundër bandave, El Salvadori ka arrestuar 2% të popullsisë së tij të rritur

El Salvador njihet për disa prej bandave më famëkeqe në botë, përfshirë Barrio 18 dhe MS-13.

Published

4 years ago

on

Tetë muaj qëkur presidenti i El Salvadorit, Nayib Bukele njoftoi rreth luftës ndaj bandave, rreth 2% e popullsisë së rritur të vendit – ose afërsisht 100 mijë njerëz – janë prapa grilave.

Politika e Bukeles këtë vit, që u nxit nga vrasjet e përgjakshme nga bandat shkaktoi vdekjen e dhjetëra njerëzve në muajin mars. Kjo e shtyu El Salvadorin drejt gjendjes së jashtëzakonshme.

Sipas Tiziano Breda, një ekspert i Amerikës Qendrore në Grupin e Krizave, kjo politikë kundër bandave mano dura ose “grushti i hekurt” duket se po funksionon, dhe ritmet e rasteve të vdekjes po bien.

Aktualisht Bukele gëzon famën që shumë liderë mund ta ëndërrojnë – me një vlerësim prej 86% sipas një studimi që u realizua gjatë muajit tetor në 12 vende të Amerikës Latine nga CID Gallup, duke e bërë atë udhëheqësin më të famshëm në rajon, pavarësisht pretendimeve se ka shkelje të të drejtave të njeriut.

Por a është e qëndrueshme? Vëzhguesit rajonalë paralajmërojnë se popullariteti i politikës së Bukeles mund të nxisë vendet e rajonit që të imitojnë këtë politikë, dhe vendet tjera në Amerikën Latine tashmë po zbatojnë masa të ngjashme ekstra-ligjore për të trajtuar problemet me bandat.

Dhe sikurse Jonathan D.Rosen, një asistent profesor në Universitetin e qytetit të New Jerseyt, i cili ka qenë bashkëautor i disa librave rreth krimit të organizuar, trafikimit të drogës dhe sigurisë në Amerikë, thekson se historia ka treguar se politikat e mano dura gjejnë një mënyrë për të sulmuar.

El Salvador njihet për disa prej bandave më famëkeqe në botë, përfshirë Barrio 18 dhe MS-13. Kjo e fundit u shfaq në Los Angeles në vitet 1980 midis emigrantëve salvadoranë që ishin larguar nga atdheu i tyre mes një lufte të dhunshme civile të financuar pjesërisht nga Shtetet e Bashkuara. Në mesin e bandave janë të përfshirë emigrantë të tjerë të Amerikës Qendrore dhe në vitet 1990, shumë u deportuan në vendet e tyre të origjinës, duke shkaktuar shpërthimin e dhunës atje.

Para kësaj politike të Bukeles, rreth 70 mijë anëtarë aktivë të bandave në të gjithë vendin e bënë “praktikisht të pamundur për politikanët dhe zyrtarët shtetërorë që të shmangin përfshirjen në to nëse dëshirojnë, ndër të tjera, të kryejnë një fushatë zgjedhore ose të ofrojnë shërbime në lagjet e varfra”, thuhet në një raport të Grupit të Krizave.

Por grupet e të drejtave të njeriut kanë frikë se përpjekja për t’i çrrënjosur ato ka sjellë pasojat e veta, duke rezultuar në arrestimin e 58 mijë njerëzve mes periudhës mars-nëntor 2022, burgje të mbingarkuara dhe militarizimit të shoqërisë salvadoriane ndërsa forcat patrullojnë në rrugë./UBTNews/

Related Topics:
Continue Reading

Lajmet

Nis seanca plenare e Kuvendit

Published

12 minutes ago

on

October 15, 2026

By

Kuvendi i Kosovës ka filluar senacen plenare, raporton Ekonomia Online. Në rendin e ditës janë gjithsej shtatë pika, përfshirë përzgjedhjen e anëtarëve të Bordit të Bankës Qendrore të Republikës së Kosovës, formimin e një komisioni ad-hoc për përzgjedhjen e anëtarëve të Bordit të Radiotelevizionit të Kosovës, si dhe shqyrtimin e dytë të një projektligji për luftimin e pastrimit të parave dhe financimit të terrorizmit.

Këto janë pikat e rendit të ditës:

Miratimi i procesverbaleve nga seancat e mëparshme.-Deklarimet jashtë rendit të ditës.-Pyetjet parlamentare.-Përzgjedhja e dy anëtarëve joekzekutivë të Bordit të Bankës Qendrore të Republikës së Kosovës.-Formimi i Komisionit Ad-Hoc për përzgjedhjen e kandidatëve për dy anëtarë nga komuniteti shqiptar, një anëtar nga komuniteti serb dhe një anëtar nga komunitetet joshumicë në Bordin e Radiotelevizionit të Kosovës.-Propozimi i Grupit Parlamentar të Listës Serbe për emërimin e deputetëve në komisionet parlamentare.-Shqyrtimi i dytë i Projektligjit nr. 11/L-017 për ndryshimin dhe plotësimin e Ligjit nr. 05/L-096 për Parandalimin e Pastrimit të Parave dhe Luftimin e Financimit të Terrorizmit./A.K/

Continue Reading

Lajmet

Komisioni miraton projektligjin për parandalimin e pastrimit të parave dhe financimit të terrorizmit

Published

47 minutes ago

on

October 15, 2026

By

Komisioni për të Drejtat dhe Interesat e Komuniteteve dhe Kthim ka miratuar me shumicë votash Projektligjin për ndryshimin dhe plotësimin e Ligjit për Parandalimin e Pastrimit të Parave dhe Luftimin e Financimit të Terrorizmit, nga aspekti i të drejtave dhe interesave të komuniteteve.

Kryetari i Komisionit, Fahrush Rexhepi, ka bërë të ditur se komisioni ka pranuar raportin nga Komisioni Funksional për Buxhet, i cili përmban 12 amendamente.

“Ne kemi marrë raportin nga Komisioni Funksional për Buxhet, ky raport ka 12 amendamente”, ka deklaruar Rexhepi, raporton EO.

Ndërkaq, shqyrtimi i fushëveprimit të Komisionit dhe i Planit të Punës për sesionin vjeshtor të vitit 2026 është shtyrë për mbledhjen e radhës./A.K/

Continue Reading

Lajmet

Përmbytjet në Stamboll: 14-vjeçari humb jetën nga rryma elektrike, mbi 2.500 raportime për motin e keq

Published

1 hour ago

on

October 15, 2026

By

Reshjet e dendura të shiut kanë shkaktuar përmbytje të mëdha në Stamboll të Turqisë, ku një 14-vjeçar ka humbur jetën pasi dyshohet se ra në kontakt me energjinë elektrike gjatë vërshimeve.

Sipas mediave turke, i mituri me inicialet M. I. shkeli në një pellg uji në parkun Çukurbostan, në lagjen Balat të distriktit Fatih. Ai u dërgua pa ndjenja në spital, por ndërroi jetë pavarësisht përpjekjeve të mjekëve.

Moti i keq ka shkaktuar dëme të mëdha në qytetin me rreth 16 milionë banorë. Janë raportuar më shumë se 1.200 raste përmbytjesh, 15 rrëshqitje dheu dhe dhjetëra raste të personave të bllokuar nga uji i rrëmbyeshëm.

Shërbimet emergjente kanë pranuar gjithsej 2.518 raportime të lidhura me kushtet e këqija atmosferike.

Sipas të dhënave, reshjet kanë prekur 808 objekte banimi, 280 ambiente biznesi dhe 76 automjete. Shtëpi, dyqane, rrugë dhe nënkalime janë përmbytur, ndërsa shumë automjete kanë mbetur të bllokuara në ujë./A.K/

Continue Reading

Lajmet

Vazhdon rigjykimi ndaj Endrit Nikës, i akuzuar për vrasjen e të dashurës argjentinase

Published

2 hours ago

on

October 15, 2026

By

Në Gjykatën Themelore në Prishtinë, këtë të enjte nga ora 13:00, do të vazhdojë seanca e rigjykimit ndaj Endrit Nikës, i akuzuar për vrasjen e të dashurës së tij, shtetase argjentinase, në Fushë-Kosovë në vitin 2023.

Në seancën e mbajtur të hënën, Nika është deklaruar sërish i pafajshëm për akuzën, duke thënë para trupit gjykues: “I pafajshëm 100 për qind”.

Më 19 shkurt 2026, Gjykata Themelore në Prishtinë e kishte dënuar Nikën me 18 vjet burgim. Megjithatë, Gjykata e Apelit e kishte aprovuar ankesën e mbrojtjes dhe e kishte kthyer rastin në rigjykim./A.K/

Continue Reading

Të kërkuara