Kulturë

Lopez publikon disa foto nga xhirimet e filmit të saj të ri

Në këtë film, me regji të Niki Caro, ylli i “On The Floor”, 52-vjeçarja luan rolin e një vrasëseje.

Published

5 years ago

on

Diva e muzikës pop, Jennifer Lopez, së fundmi, është e angazhuar me xhirimet e filmit të saj të ri, “The Mother.” Vetë këngëtarja dhe aktorja e njohur ka ndarë me ndjekësit e saj në Instagram disa copëza të shkëputura prapa skenave të këtij filmi në Vankuver.

Në këtë film, me regji të Niki Caro, ylli i “On The Floor”, 52-vjeçarja luan rolin e një vrasëseje, e cila mbron vajzën e saj, luajtur nga Lucy Paez, të cilën e braktisi pasi ndiqej nga persona të rrezikshëm. Joseph Fiennes dhe Omari Hardwick krahas Jennifer do të kenë role protagoniste në këtë projekt.

Edhe pse puna në realizimin e “The Mother” ka pasur ndërprerje për një farë kohe, produksioni kanë kapur ritmin e xhirimeve shumë shpejt gjatë këtyre javëve. Rikujtojmë, se “The Mother” pritet të lançohet në Netflix në 2022.

Ndërkaq, Jennifer duket se po e shijon në maksimum romancën e saj me aktorin dhe regjisorin e njohur, Ben Affleck. Këngëtarja ka pranuar së fundmi se po kalon kohën më të mirë me të dhe gjatë një interviste të fundit është shprehur shumë e lumtur me gjithçka në jetën e saj.

Ben Affleck nga ana tjetër u shpreh me këto fjalë për J.LO:

Gjithçka që mund t’ju them është se kam parë drejtpërdrejt ndryshimin që bën përfaqësimi i saj. Sepse kam parë, pa pushim dhe pa pushim gra, që i afrohen Jennifer dhe i tregojnë asaj se cili është shembulli që ajo jep si një grua e fortë që arrin dhe kërkon të drejtën e saj në botën e biznesit por jo vetëm.

Related Topics:
Continue Reading

Lajmet

Kosova për herë të parë në ekspozitën e UIA-së në Barcelonë, prezantohet arkitektura kosovare në skenën globale

Published

11 hours ago

on

June 30, 2026

By

Kosova po merr pjesë për herë të parë në Ekspozitën e Seksioneve Anëtare të UIA-së (UIA Member Sections Exhibition), e cila po mbahet në kuadër të Kongresit Botëror të Arkitektëve UIA 2026 në Barcelonë.

Vendi po përfaqësohet nga Asociacioni i Arkitektëve të Kosovës, në një ekspozitë ndërkombëtare ku marrin pjesë 55 shtete nga 121 shtete anëtare të UIA-së. Kjo pjesëmarrje vlerësohet si një hap i rëndësishëm për promovimin e arkitekturës kosovare dhe forcimin e pranisë së saj në arenën ndërkombëtare.

Sipas organizatorëve, prezantimi i Kosovës në këtë forum prestigjioz përbën një moment të rëndësishëm për afirmimin e arkitekturës vendore, si dhe për thellimin e bashkëpunimit profesional, shkëmbimin e përvojave dhe integrimin në rrjetin global të arkitekturës./A.K/

Continue Reading

Lajmet

Prishtina organizon ngjarje për 250-vjetorin e SHBA-së, theksohet partneriteti Kosovë–SHBA

Published

14 hours ago

on

June 30, 2026

By

Kryetari i Komunës së Prishtinës, Përparim Rama, ka njoftuar organizimin e një ngjarjeje të veçantë nën patronatin e Kryeqytetit me rastin e 250-vjetorit të pavarësisë së Shteteve të Bashkuara të Amerikës.

Ngjarja, me titull “America and Kosova – A Freedom Story for the Next 250 Years”, do të mbahet më 2 korrik, duke filluar nga ora 10:00, në Emerald në Prishtinë.

Sipas Ramës, aktiviteti synon të vërë në pah partneritetin e veçantë ndërmjet Kosovës dhe SHBA-së, si dhe të trajtojë historinë e lirisë dhe miqësisë mes dy vendeve.

Ai ka theksuar se kjo ngjarje do të fokusohet në bashkëpunimin e vazhdueshëm që, sipas tij, ka kontribuar në ndërtimin e së ardhmes dhe forcimin e marrëdhënieve ndërmjet dy shteteve./A.K/

Continue Reading

Lajmet

Bogujevci viziton ekspozitën “Sy më Sy”, vlerëson rëndësinë e ruajtjes së kujtesës së të mbijetuarve të dhunës seksuale

Published

15 hours ago

on

June 30, 2026

By

Ministrja e Kulturës, Rinisë dhe Sportit, Saranda Bogujevci, vizitoi ekspozitën “Sy më Sy”, ku u prit nga drejtoresha e Qendrës Kosovare për Rehabilitimin e të Mbijetuarve të Torturës, Feride Rushiti.

Gjatë vizitës u diskutua për rëndësinë e dokumentimit dhe ruajtjes së kujtesës së të mbijetuarve të dhunës seksuale gjatë luftës në Kosovë. Përmes dëshmive që sjell, ekspozita “Sy më Sy” synon të ruajë kujtesën kolektive dhe të fuqizojë përpjekjet për drejtësi, duke vendosur në qendër historitë e guximit, qëndresës dhe dinjitetit të të mbijetuarve.

Ministrja Bogujevci shprehu mirënjohjen e saj për punën shumëvjeçare të Qendrës Kosovare për Rehabilitimin e të Mbijetuarve të Torturës dhe të Feride Rushitit, duke vlerësuar angazhimin e tyre të vazhdueshëm në mbështetjen e të mbijetuarve dhe në ruajtjen e dëshmive që dokumentojnë një nga kapitujt më të dhimbshëm të historisë së Kosovës./A.K/

Continue Reading

Lajmet

Filmi “Dua” i Blerta Bashollit prezantohet sonte në festival ndërkombëtar

Published

1 day ago

on

June 29, 2026

By

Filmi artistik me metrazh të gjatë “Dua”, me skenar dhe regji të regjisores kosovare Blerta Basholli, do të prezantohet sonte në orën 20:30 në kuadër të një festivali ndërkombëtar të filmit, ku marrin pjesë produksione nga e gjithë bota.

Filmi ka tërhequr vëmendjen e skenës ndërkombëtare pasi është vlerësuar me Çmimin SACD Semaine de la Critique – Cannes 2026.

Sipas njoftimit zyrtar, pas prezantimit në festival, “Dua” pritet të nisë së shpejti edhe shfaqjet në kinema.

I vendosur në Kosovën e viteve ’90, filmi trajton sfidat me të cilat u përball populli shqiptar gjatë asaj periudhe, përmes rrëfimit të protagonistes kryesore, Dua, e interpretuar nga aktorja Pinea Matoshi./A.K/

Continue Reading

Të kërkuara