Sport

Lojërat Olimpike 2024: Gresa Bakraçi garon sot në atletikë

Published

2 years ago

August 2, 2024

Betim Gashi

Në Lojërat Olimpike 2024 në Paris, sot është rradha e atletikës për reprezentimin e Kosovës. Gresa Bakraçi, atletja e shquar në distancën e 800 metrave, do të përfaqësojë vendin në këtë garë të madhe. Ajo do të startojë në garën e saj në ora 19:15, duke shpresuar të sjellë nder dhe sukses për kombin.

Kosova ka pasur një fillim të mrekullueshëm në këto lojëra, duke fituar dy medalje nga sportet xhudiste dhe notit. Distria Krasniqi shkëlqeu me medaljen e argjendtë, ndërsa Laura Fazliu u nderua me medaljen e bronztë, duke bërë krenar kombin për sukseset e tyre të mëdha në arenën ndërkombëtare.

Së bashku me Gresë Bakraçi, në ditët në vijim pritet edhe paraqitja e notares së shquar Hana Beiqi, e cila do të garojë të shtunën në sportin e notit. Kosova vazhdon të mbetet në kërkim të sukseseve të mëdha në Lojërat Olimpike të Parisit, duke shpresuar për më shumë medalje dhe nderime në ditët që vijnë./UBTNews/

Related Topics:Atletikë Paris 2024 Gresa Bakraçi

Up Next

Andy Murray pensionohet nga tenisi

Don't Miss

Xherdan Shaqiri kthehet në stërvitje me Chicago Fire

Vendi

Akil Gjakova mbyll garën pa medalje në Abu Dhabi

Published

15 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

15 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

17 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/