Sport

Liverpool ka në listë zëvendësuesin e Salah në rast se egjiptiani largohet

Një nga opsionet mund të jetë Bryan Mbeumo i Brentford.

Published

on

Liverpool mund hidhet në treg për një sulmues të ri të djathtë nëse Mohamed Salah vendos të bëjë lëvizjen në Saudi Pro League këtë verë.

Një nga opsionet mund të jetë Bryan Mbeumo i Brentford, me të cilin “The Reds” mund të nënshkruaj me një çmim të volitshëm këtë verë, në rast se Brentford nuk arrin ta sigurojë një vend në Premier League për sezonin e ardhshëm.

Mirëpo anglezët aktualisht po i japin përparësi kërkimit të një menaxheri pasi Jurgen Klopp njoftoi se do të largohet nga klubi në fund të sezonit.

Në anën tjetër, zëvendësuesi i Klopp do të ketë planet e veta të transferimeve pas mbërritjes së tij në Anfield, megjithëse nënshkrimi i një krahu të djathtë në sulm mund të bëhet një çështje urgjente nëse Salah vendos të largohet për të cilin nuk mungojnë ofertat.

Kamerunasi sezonin e kaluar impresionoi me nëntë gola dhe tetë asistime në 39 paraqitje në të gjitha garat, kurse këtë sezon ai numëron shtatë gola dhe tre asistime në 17 paraqitje përpara se të pësonte një dëmtim në kyçin e këmbës në fillim të dhjetorit./UBTNews/

Lajmet

​Del Piero kritikon Tudorin: Nuk ka ide të qarta në sulm

Published

on

Ish-kapiteni i Juventusit, Alessandro Del Piero, ka kritikuar hapur trajnerin Igor Tudor pas barazimit 0-0 ndaj Milanit në javën e 6-të të Serie A.

Del Piero u shpreh se skuadra e Tudor nuk ka identitet të qartë në lojë, veçanërisht në repartin ofensiv.

“Tudor nuk ka një ide të qartë se çfarë duhet të bëjë në sulm. I mungon identiteti dhe nuk ka asnjë sulmues të përshtatshëm për Juventusin sot.”, tha Del Piero.

Sipas tij, bardhezinjtë po vuajnë për kreativitet dhe shpejtësi në manovër. Ai veçoi Manuel Locatellin si të vetmin lojtar që përpiqet të japë ritëm në lojën e skuadrës.

“Juve ka vështirësi në ndërtimin e aksioneve. Vetëm Locatelli sjell shpejtësi, ndërsa sulmuesit rrallë kanë raste për gol.”, shtoi ish-sulmuesi.

Del Piero theksoi gjithashtu se rotacionet e shumta të Tudorit po e bëjnë skuadrën të humbasë identitetin.

“Nëse ndryshon shumë, i jep besim të gjithëve, por humbet identitetin tënd. Ekipi e njeh veten vetëm në formacionin bazë, që sot mungon.”, vazhdoi ai.

Në fund, Del Piero lavdëroi Milanin për afrimet e verës si Modric dhe Rabiot, duke theksuar se kuqezinjtë kanë krijuar më shumë personalitet dhe qetësi në lojë./S.K/KP/

Continue Reading

Lajmet

​Lëndohet ylli tjetër i Arsenalit

Published

on

Martin Odegaard i Arsenalit është larguar nga skuadra e Norvegjisë për shkak të lëndimit të ligamentit të gjurit.

Odegaard pësoi një dëmtim gjatë fitores 2-0 të skuadrës së tij në Premier League kundër Ëest Ham United të shtunën, dhe megjithëse u përpoq të vazhdonte, ai u zëvendësua përfundimisht nga Martin Zubimendi pas 30 minutash.

26-vjeçari do të humbasë ndeshjen kualifikuese të Norvegjisë për Kupën e Botës 2026 kundër Izraelit të shtunën si dhe ndeshjen miqësore kundër Zelandës së Re më 14 tetor.

Në një deklaratë, Arsenali tha se Odegaard kishte pësuar një dëmtim të ligamentit medial kolateral në gjurin e majtë.

“Martin do të vazhdojë të vlerësohet dhe trajtohet nga ekipi ynë mjekësor gjatë pauzës së ndeshjeve ndërkombëtare, me qëllim rikthimin në aksion sa më shpejt të jetë e mundur,” tha ai.

Sezoni i Odegaard është ndikuar shumë nga dëmtimet, me mesfushorin që ka dëmtuar shpatullën kundër Leeds United në gusht dhe pësoi një përsëritje të atij dëmtimi kundër Nottingham Forest muajin e kaluar./S.K/KP/

Continue Reading

Lajmet

Derbi i madh i Superligës zhvillohet sot

Published

on

Xhiro e tetë e Superligës së Kosovës në futboll do të mbyllet sot me ballafaqimin ndërmjet Gjilanit dhe Dritës.

Edhe pse renditja tabelare e të dy skuadrave lë shumë për të dëshiruar në këtë fillim sezoni, ky derbi gjithmonë ofron emocione të forta dhe interesim të madh për ta ndjekur.

Drita, skuadër kampione në fuqi pas shtatë ndeshjeve ka mbledhur vetëm tetë pikë dhe renditet në vendin e tetë në tabelë.

Nga ana tjetër, Gjilani e ka nisur në mënyrë katastrofale këtë edicion pasi kanë mbledhur vetëm shtatë pikë nga shtatë ndeshjet e zhvilluara dhe janë të fundit në renditjen tabelare, pra në vendin e dhjetë.

Ndeshja zhvillohet nga ora 15:00./S.K/KP/

Continue Reading

Lajmet

​Skuadra e madhe e shkarkon trajnerin pas presionit të madh të tifozëve

Published

on

Klubi skocez Rangers ka shkarkuar trajnerin Russell Martin pas vetëm 17 ndeshjesh në krye të skuadrës.

Vendimi u mor të dielën në mbrëmje, pas barazimit 1-1 në transfertë ndaj Falkirk, që shkaktoi pakënaqësi të madhe te tifozët.

Policia u detyrua ta shoqëronte Martinin pas ndeshjes, pasi një grup tifozësh tentuan të ndalonin autobusin e ekipit.

Në njoftimin zyrtar, klubi tha: “Rangers konfirmon se është ndarë nga trajneri kryesor, Russell Martin. Rezultatet nuk i kanë përmbushur pritjet e klubit. Falënderojmë Russellin dhe stafin e tij për punën e bërë.”

Bashkë me Martinin janë larguar edhe ndihmëstrajneri Matt Gill dhe trajneri Mike Williamson.

Martin u emërua në qershor me kontratë trevjeçare, por fitoi vetëm pesë ndeshje në të gjitha garat. Rangers aktualisht renditen në vendin e tetë në Premier League Skoceze, 11 pikë prapa kryesuesve Hearts dhe nëntë pas rivalëve Celtic.

Klubi pritet të njoftojë së shpejti emrin e trajnerit të ri./S.K/KP/

Continue Reading

Të kërkuara