Njerëzit s’mund të jenë më të emocionuar për rikthimin e Lindsay Lohan.

Për të gjithë ish-adoleshentët që janë rritur duke parë për të 100 herë “The Parent Trap”, “Herbie Fully Loaded”, “Confessions of a Teenage Drama Queen”, “Get a Clue”, “Just me Luck” dhe sigurisht “Mean Girls” dhe “Freaky Friday”- ka një super lajm! 

Lindsay Lohan, mbretëresha e atyre viteve është gati për t’u rikthyer sërish, por kësaj here në Netflix! 

Lajmi u bë i ditur nga vetë platforma e cila shkroi:

“Lindsay Lohan do të marrë pjesë në një komedi romantike që tregon historinë e një trashëgimtareje hoteli që e gjen veten nën kujdesin e një pronari shtëpize dhe vajzës së tij pasi ka humbur totalisht kujtesën në një aksident teksa bënte ski.”

Nuk ka ende një datë të sakte se kur do të shfaqet premiera, por sipas burime të para thuhet se Krishtlindjet ose Dita e Falenderimeve do ta rikthejnë yllin e filmave për adoleshentë në ekran.

Sesa të emocionuar janë njerëzit nga rikthimi i Lohan, mund ta shihni përmes meme-ve .

“Lindsay Lohan do të rikthehet? Bota do të jetë e lumtur sërish!”- shkruan dikush.

Kurse vetë Lindsay është shprehur për CNN 2 vite më parë se po mendon seriozisht të kthehet në Amerikë për të luajtur filma dhe emocionuar si dikur publikun duke bërë atë që di të bëjë më mirë.