Botë

Ligjvënësit amerikanë, në përpjekje për kompromis për buxhetin

Published

on

Presidenti Donald Trump iu përgjigj të mërkurën pyetjeve lidhur me shqetësimet nëse legjislacioni që do të sigurojë financimin e qeverisë federale pas afatit të 14 marsit, do të përfshijë shkurtime të programeve të sigurimeve shoqërore si Medicaid dhe ndihmave sociale.

Nuk do t’i prekim ato (programe),” u tha zoti Trump gazetarëve. “Do të kontrollojmë për shpërdorime, natyrisht. Jam i sigurt që jeni dakord për masat për ata që nuk duhet të përfitojnë, për ata që janë këtu në mënyrë të paligjshme dhe të tjerë që kanë shkelur ligjin”.

Këto shkurtime të mundshme janë një nga çështjet që ligjvënësit po përpiqen të zgjidhin përpara se një projekt-ligj për buxhetin e përkohshëm të skadojë pas më pak se dy javëve.

Të martën, Kryetari i Dhomës së Përfaqësuesve, Mike Johnson siguroi votat e mjaftueshme për të miratuar një projektligj për buxhetin, duke hedhur hapin e parë drejt shkurtimit të taksave dhe paralelisht, shkurtimin e shpenzimeve qeveritare. Buxheti i miratuar me 217 vota pro dhe 215 kundër u kritikua nga ligjvënësit demokratë, të cilët e quajtën “të papërgjegjshëm”.

Ne premtuam të respektojmë agjendën e plotë të Presidentit [Donald] Trump, jo vetëm një pjesë të saj, ” u tha zoti Johnson gazetarëve më herët të martën.

Përpara votimit, disa ligjvënës republikanë të Dhomës së Përfaqësuesve shprehën shqetësim për nivelin e lartë të shpenzimeve dhe shtimin e deficitit që do të shkaktohej nga vazhdimi i shkurtimit të taksave. Shqetësimi i tyre lidhet me faktin se fondet e munguara në buxhet për shkak të shkurtimit të taksave, është pothuajse e pamundur të kompensohen pa shkurtuar programet kryesore sociale që ndihmojnë votuesit amerikanë. Senati, në variantin e tij të buxhetit, propozon që shkurtimi i taksave të bëhet në një moment të dytë, me një tjetër projektligj, më vonë gjatë këtij viti.

Jo vetëm që po punojmë për të gjetur kursime për taksapaguesit amerikanë, një përdorim më të mirë dhe më efikas të parave të tyre, por ne gjithashtu kemi një detyrim moral për të ulur borxhin”, tha ligjvënësi Johnson.

Presidenti Donald Trump u ka bërë thirrje ligjvënësve që të miratojnë “një projektligj të madh dhe të bukur” që do të përfshinte pjesët kyçe të axhendës së tij politike.

Pavarësisht se Presidenti Trump kishte shprehur preferencën e tij për versionin e Dhomës së Përfaqësuesve të projektligjit për buxhetin, Senati të premten e kaluar miratoi një projektligj për financimin e qeverisë, i cili parashikon 150 miliardë dollarë për mbrojtjen dhe 175 miliardë dollarë për sigurinë e kufirit. Ky projektligj gjithashtu shmang shkurtimet e debatueshme të programit ‘Medicaid’, programi i sigurimeve shëndetësore për të varfrit, që parashikon projektligji i Dhomës së Përfaqësuesve.

Ligjvënësi republikan Tony Gonzales udhëhoqi një grup prej shtatë republikanësh të Dhomës së Përfaqësuesve që janë shprehur kundër shkurtimit të programit të kujdesit shëndetësor “Medicaid”, si dhe ndihmave ushqimore dhe programeve të tjera sociale.

Shkurtimi i programit “Medicaid” do të kishte pasoja serioze, veçanërisht në komunitetet rurale dhe kryesisht hispanike, ku spitalet dhe shtëpitë e azilit për të moshuarit tashmë po ndeshen me vështirësi në përpjekjet për të shmangur mbylljen”, thanë ligjvënësit në një letër drejtuar Kryetarit të Dhomës së Përfaqësuesve Mike Johnson javën e kaluar.

Presidenti Trump postoi në rrjetin social Truth Social javën e kaluar se “Dhoma e Përfaqësuesuve dhe Senati po bëjnë një punë SPEKTAKOLARE, duke punuar së bashku si një EKIP i unifikuar dhe i pamposhtur, megjithatë, ndryshe nga versioni i senatorit Lindsey Graham, projektligji i Dhomës së Përfaqësuesve zbaton në mënyrë të PLOTË axhendën time Amerika e Para, GJITHÇKA, jo vetëm pjesë të tij!”

Projektligjet e Dhomës së Përfaqësuesve dhe të Senatit tani do të duhet të unifikohen parapara se të dërgohen për nënshkrim tek presidenti.

Nëse ligjvënësit nuk arrijnë një kompromis deri më 14 mars, do të ketë një mbyllje të pjesshme të qeverisë, duke lënë përkohësisht miliona punonjës federalë pa paga dhe duke pezulluar disa shërbime jo thelbësore të qeverisë.

Udhëheqësi i shumicës në Senat, John Thune, nuk përjashtoi mundësinë e një projektigji tjetër të financimit afatshkurtër të qeverisë për t’u dhënë ligjvënësve më shumë kohë për të punuar në projektligjin për buxhetin.

Ne po i mbajmë të gjitha opsionet të hapura, por nuk ka mbetur shumë kohë “, tha senatori Thune për gazetarët të martën.

Senati votoi për versionin e tij të buxhetit, sepse nuk ishte i sigurt se Dhoma e Përfaqësuesve do të mund të miratonte një version të saj të projektligjit për buxhetin.

Udhëheqësi i pakicës demokrate në Senat, Chuck Schumer e quajti votimin si hapin e parë drejt dëmtimit të votuesve.

Nuk ka asnjë dyshim se ky projektligji do të prekë të moshuarit, fëmijët dhe njerëzit me aftësi të kufizuara për të rritur pasurinë e njerëzve më të pasur. Kjo është e gabuar. Ne do të përdorim çdo mundësi për të ngritur shqetësimet që po dëgjojmë nga votuesit tanë, do të bashkohemi dhe do të organizohemi me ata për të luftuar këtë ulje taksash për miliarderët”, tha senatori Schumer të martën.

Lajmet

​Trump kufizon pranimet e refugjatëve në SHBA

Published

on

Presidenti i SHBA-së Donald Trump ka vendosur një kufi për pranimet e refugjatëve në 7500 për vitin fiskal 2026, më i rrepti ndonjëherë, sipas një dokumenti të Shtëpisë së Bardhë.

Vendimi është pjesë e përpjekjes për të ndryshuar politikat e refugjatëve në SHBA dhe në të gjithë botën.

Në vendimin vjetor për refugjatët më 30 shtator, Trump tha se tani do të pranonte kryesisht afrikano-jugorë nga pakica etnike e bardhë afrikane e vendit, pasi sipas tij, ata po përballen me persekutim racor në Afrikën e Jugut me shumicë të zezë, një pretendim i mohuar nga qeveria e vendit.

Trump pezulloi pranimet e refugjatëve kur mori detyrën në janar, duke thënë se kjo mund të vazhdonte vetëm nëse përcaktohej se ishte në interesin më të mirë të Shteteve të Bashkuara.

Disa javë më vonë, ai nisi një përpjekje për të sjellë afrikano-amerikanë, duke zemëruar aktivistët e të drejtave të refugjatëve.

Në një vendim të njoftuar sot, Trump tha se administrata e tij do të merrte në konsideratë sjelljen e “viktimave të tjera të diskriminimit të paligjshëm ose të padrejtë në vendet e tyre”.

Shtëpia e Bardhë tha gjithashtu se do të zhvendoste mbikëqyrjen e programeve të ndihmës për refugjatët nga Departamenti i Shtetit te Departamenti i Shëndetësisë dhe Shërbimeve Njerëzore./S.K/KP/

Continue Reading

Lajmet

Flamuri i Kosovës valon në mesin e mbi 190 shteteve në ceremoninë e hapjes së First Global Challenge 2025 në Panama

Published

on

Në një atmosferë madhështore, mes flamujve të mbi 190 shteteve dhe duartrokitjeve të mijëra pjesëmarrësve nga e gjithë bota, flamuri i Kosovës u valëvit me krenari në ceremoninë e hapjes së First Global Challenge 2025 në Panama. Ky është momenti kur rinia e Kosovës, përmes ekipit First Kosovo, hyn në arenën botërore të inovacionit, teknologjisë dhe kreativitetit.

Në këtë ngjarje madhështore, ekipi përfaqësues i Kosovës – First Kosovo, i përbërë nga të rinj të talentuar që janë përgatitur me muaj në laboratorët e UBT-së, do të garojë për të treguar kreativitetin, dijen dhe shpirtin inovativ të rinisë kosovare. Ata do të përfaqësojnë Kosovën në një nga garat më të rëndësishme botërore në fushën e robotikës dhe teknologjisë.

Tema e sivjetshme e garës, “Biodiversiteti dhe ndryshimet klimatike”, synon të nxisë të rinjtë të krijojnë zgjidhje teknologjike që ndihmojnë në mbrojtjen e mjedisit dhe ruajtjen e jetës në planetin tonë.

UBT, si partneri institucional që ka mbështetur këtë iniciativë që nga fillimi, është vlerësuar më herët me medalje të artë ndërkombëtare për kontributin e jashtëzakonshëm në promovimin e edukimit STEM dhe pjesëmarrjen e suksesshme të ekipeve kosovare në garat globale të robotikës.

Në këtë garë të dijes dhe inovacionit, të rinjtë e Kosovës po e bëjnë vendin tonë të njihet si një forcë e re kreative në hartën teknologjike botërore.

Continue Reading

Botë

Pesë arrestime të reja për grabitjen në Luvër

Published

on

By

Pesë të dyshuar të rinj janë arrestuar në lidhje me grabitjen në Luvër, ku hajdutët vodhën stoli mbretërore me vlerë të vlerësuar prej rreth 88 milionë euros, ka bërë të ditur prokurorja publike e qytetit, por gurët e çmuar ende mungojnë.

Sipas The Guardian, Laure Beccuau tha për radion RTL të enjten se arrestimet janë bërë të mërkurën në mbrëmje në kryeqytetin francez dhe në zonat përreth, veçanërisht në departamentin fqinj Seine-Saint-Denis. Por ata “nuk na ndihmuan të gjenim mallrat e vjedhura”, shtoi ajo.

Njëri nga burrat e ndaluar “ishte në shënjestër të hetuesve, kemi gjurmë ADN-je që e lidhin me grabitjen”, tha Beccuau. “Ai ishte dikush që e kishim nën vëzhgim”. Katër të tjerët “mund të na japin informacione se si është kryer vjedhja”, shtoi ajo.

Beccuau tha në një konferencë për media të mërkurën mbrëma se dy burra që ishin arrestuar më parë të shtunën mbrëma kishin “pranuar pjesërisht” rolin e tyre dhe do të akuzohen “për vjedhje të organizuar, që dënohet me 15 vjet burg, dhe për komplot kriminal, që dënohet me 10 vjet”.

Banda me katër persona ndaluan jashtë muzeut të Luvrit rreth orës 9:30 më 19 tetor me një kamion të vjedhur për transport mobiliesh, të pajisur me shkallë dhe ngritës teleskopik. Dy prej tyre, të veshur si punëtorë mirëmbajtjeje, u ngjitën në galerinë “Apollo”, thyen një dritare dhe hapën dy vitrina xhami me prerëse metalike, duke ikur më pas me motorë.

Grabitja zgjati më pak se shtatë minuta. Ata lanë pas një kurorë me diamante e smeralde, por morën tetë objekte të stolisura me gurë të çmuar, përfshirë një varëse që Napoleoni I ia kishte dhuruar Marie Louise dhe një diademë me 212 perla e gati 2,000 diamante që i kishte përkitur perandoreshës Eugénie.

Sipas prokurores Laure Beccuau, dy të arrestuarit e shtunën, njëri ndaluar në aeroportin Charles de Gaulle teksa përpiqej të udhëtonte për në Algjeri, dyshohet të jenë ata që hynë në galeri. ADN-ja e tyre është gjetur në një vitrinë dhe në një skuter të përdorur për arratisje. Hetuesit nuk përjashtojnë mundësinë që banda të ketë pasur më shumë se katër anëtarë, por deri tani nuk ka prova për ndihmë nga brenda.

Njëri prej tyre, një shtetas algjerian, ishte 34 vjeç, kishte jetuar në Francë që nga viti 2010 dhe ishte i njohur për shkelje të rregullave të trafikut. I dyti ishte 39 vjeç, i lindur në periferi të Parisit, në Aubervilliers, dhe kishte dënime për vjedhje./KP

Continue Reading

Botë

Pas 30 vitesh, Trump urdhëron nisjen e testeve bërthamore

Published

on

By

Presidenti Donald Trump u bëri thirrje udhëheqësve ushtarakë amerikanë që të rifillojnë testimin e armëve bërthamore amerikane në mënyrë që të mbajnë ritmin me vendet e tjera si Rusia dhe Kina.

Për shkak të programeve të testimit nga vendet e tjera, unë i kam udhëzuar Departamentit të Luftës që të fillojë testimin e armëve tona bërthamore në baza të barabarta”, shkroi ai në mediat sociale pak para takimit me Presidentin kinez Xi Jinping në Korenë e Jugut.

Postimi i Trump të mërkurën në mbrëmje pranon “fuqinë e jashtëzakonshme shkatërruese” të armëve bërthamore, por tha se ai “nuk kishte zgjidhje tjetër” veçse të përditësonte dhe rinovonte arsenalin amerikan.

Postimi i Trump nuk përfshinte detaje se si do të zhvilloheshin testet, por shkroi se “procesi do të fillojë menjëherë”.

Kjo shënon një përmbysje të dukshme të një politike të kahershme të SHBA-së. Testi i fundit i armëve bërthamore të SHBA-së ishte në vitin 1992, përpara se ish-Presidenti republikan George HW Bush të lëshonte një moratorium me përfundimin e Luftës së Ftohtë./EO

Continue Reading

Të kërkuara