

Aktualitet
Ligji për Mbikëqyrje Elektronike mbetet vetëm ligj në letër
Kjo sipas raportit “Pajisjet elektronike: Fokusi në parandalimin e rasteve të dhunës në familje”,
Published
3 years agoon
By
UBT newsLigji për Mbikëqyrje Elektronike të personave të cilët u kufizohet lëvizja me vendim të gjykatës nuk po zbatohet në Kosovë. Madje për këtë ligj nuk ka as salla operative për mbikëqyrje elektronike si dhe nuk ka pajisje apo byzylyk elektronik për mbikëqyrje.
Kështu thotë raporti “Pajisjet elektronike: Fokusi në parandalimin e rasteve të dhunës në familje”, i lansuar sot nga Lëvizja FOL dhe mbështetur nga misioni i EULEX-it në Kosovë.
Shefi i Misionit të EULEX-it në Kosovë, Lars-Gunnar Wigemark deklaroi se Kosova ka përshtatur kornizën ligjore me atë të BE-së në rrugën e luftimit të kësaj dukurie, por theksoi se qeveria duhet të punoj në këtë në aspektin e strategjisë kombëtare për mbrojtje nga dhuna në familje.
Por, sipas tij ndonëse ka pasur vullnet politik, Ligji për Mbikëqyrje Elektronike nuk po gjen zbatim në praktik, dhe ka mbetur vetëm si ligj në letër.
“Me sa kam unë njohuri, ky ligj për mbikëqyrjen e elektronikës është kryesisht një ligj në letër. Nuk është i vetmi, dhe jo vetëm këtu në Kosovë, që ka mbetur në letër, por tani 5-6 vjet pasi u miratua, është koha për të parë se si mund të zbatohet. Sigurisht, këtu po e shikoj në veçanti Policinë e Kosovës por edhe Gjyqësorin në përgjithësi që duhet të vendosë se si të ecet përpara”, theksoi ai.
Avokati i Popullit, Naim Qelaj tha se institucionet e Kosovës kanë shënuar progres në aspektin e parandalimit të dhunës në familje, por nevojitet që të plotësohet tutje korniza ligjore për trajtimin e këtyre rasteve.
Sipas tij institucionet e Kosovës duhet të punojnë shumë në aspektin e krijimit të mekanizmave për riintegrimin e viktimave të dhunës në familje. Ndërsa ka shtuar se shteti i Kosovës ka dështuar të zbatoj në praktik Ligjin për Mbikëqyrje Elektronike.
“Shteti, qeveria ka dështuar ta zbatojë këtë ligj, në fakt ne nuk kemi të dhëna që deri më sot janë siguruar pajisjet që e bëjnë të mundur zbatimin e këtij ligji. Në anën tjetër Policia dhe Ministria e Punëve të Brendshme kanë nxjerr udhëzimet administrative se si mund të zbatohet ky ligj por deri më sot mund të themi se ne këtë drejtim nuk është treguar rezultat dhe nuk është treguar sukses dhe përkundër rekomandimeve të qarta edhe nga Avokati i Popullit”, theksoi ai.
Kapiten, Arsim Shala koordinator kombëtar për dhunën në familje pranë Policisë së Kosovës tha se raportimi i dhunës në familje në vitet e fundit në Kosovë është fenomen në rritje.
Sipas tij ndonëse me vonesë Policia e Kosovës tashmë ka përgatitur një plan për funksionalizimin e mekanizmave për zbatim të Ligjit për Mbikëqyrje elektronike, plan i cili është në fazën e fizibilitetit dhe në gjysmën e vitit të ardhshëm mund të implementohet.
Ndërsa, ekspertja nga FOL, Albana Hasani prezantoi raportin ku tha se Ligji për Mbikëqyrje Elektronike jo vetëm që nuk ka gjetur zbatim, por as kushtet nuk ekzistojnë që ky ligj të zbatohet.
Hasani tha se për zbatim të këtij ligji mungojnë pajisjet elektronike e sallat operative.
Ligji për Mbikëqyrje Elektronike të personave të cilët u kufizohet lëvizja me vendim të gjykatës është miratuar në vitin 2015, ndërsa në fuqi hyri në vitin 2020.
You may like
Bota
Kaja Kallas: Dialogu Kosovë-Serbi, domosdoshmëri për rrugën drejt BE-së
Published
17 hours agoon
May 22, 2025By
UBTNews
Përfaqësuesja e lartë e BE-së, Kaja Kallas, ka theksuar se dialogu mes Kosovës dhe Serbisë është thelbësor për të dyja vendet në rrugën e tyre drejt Bashkimit Evropian. Ajo ka nisur të mërkurën vizitën në Serbi dhe do të vazhdojë të enjten në Kosovë, për të përfunduar në Maqedoninë e Veriut. Kallas ka thënë se tani është momenti i duhur për t’u angazhuar sërish në këtë proces.
Në një postim në rrjetin social X, ajo ka shkruar se gjatë dy ditëve të ardhshme do të takohet me qeveritë dhe shoqëritë civile të këtyre vendeve për të mbështetur rrugën e tyre drejt BE-së, duke theksuar se dialogu Beograd-Prishtinë është i domosdoshëm për të ecur përpara.
Shërbimi Evropian i Veprimit të Jashtëm (EEAS) ka publikuar një komunikatë për vizitën e saj në këto tre vende, që është e para prej kur Kallas mori detyrën e shefes së diplomacisë së BE-së para gjysmë viti.
Megjithatë, në komunikatë nuk jepen detaje për takimet në Kosovë, ndryshe nga vizitat në Beograd dhe Shkup ku specifikohen takimet me presidentë, kryeministra dhe ministra. Për Kosovën, thuhet vetëm se Kallas do të takohet me përfaqësues të partive politike dhe organizatave të shoqërisë civile.
Bota
Dy punonjës të ambasadës izraelite qëllohen për vdekje në Washington
Published
18 hours agoon
May 22, 2025By
UBTNews
Dy punonjës të ambasadës së Izraelit janë qëlluar për vdekje mbrëmjen e 21 majit 2025, pranë Muzeut Hebraik të Kryeqytetit në Washington. Viktimat, një burrë dhe një grua, u qëlluan rreth orës 21:05 me orën lokale, teksa po dilnin nga një ngjarje kulturore në muze. Identiteti i tyre nuk është bërë ende publik.
Policia ka identifikuar të dyshuarin si Elias Rodriguez, 30 vjeç, nga Çikago, i cili ndodhet në paraburgim. Sipas autoriteteve, Rodriguez është parë duke u sjellë në mënyrë të dyshimtë pranë muzeut para ngjarjes. Ai është afruar një grupi prej katër personash dhe ka qëlluar me armë zjarri, duke lënë të vdekur dy prej tyre.
Shefja e policisë së Washingtonit, Pamela Smith, ka deklaruar se gjatë arrestimit, Rodriguez ka brohoritur “Liri për Palestinën”. Hetimet janë duke u zhvilluar për të përcaktuar nëse ngjarja ka qenë një krim urrejtjeje ose e lidhur me ndonjë akt të mundshëm terrorizmi, ka njoftuar edhe përfaqësuesi i FBI-së, Steve Jensen.
Zëdhënësja e ambasadës izraelite, Tal Naim Cohen, konfirmoi se viktimat ishin pjesë e stafit të ambasadës dhe po merrnin pjesë në një aktivitet hebraik. Ajo tha se ambasada është thellësisht e tronditur dhe në komunikim të ngushtë me autoritetet amerikane.
Kryetarja e Bashkisë së Washingtonit, Muriel Bowser, theksoi se nuk ka kërcënim të vazhdueshëm për qytetarët, ndërsa Shefja e Sigurisë Kombëtare të SHBA-së, Kristi Noem, u zotua se “autori do të sillet para drejtësisë”.
Presidenti amerikan, Donald Trump, e ka dënuar ashpër sulmin, duke e quajtur një akt të motivuar nga antisemitizmi. “Këto vrasje të tmerrshme, të bazuara qartazi në urrejtje, duhet të marrin fund. Urrejtja dhe radikalizmi nuk kanë vend në SHBA,” shkroi ai në platformën e tij Truth Social, duke shprehur ngushëllime për familjet e viktimave./CNN/
Bota
Kanadaja nis bisedimet me SHBA për t’u bashkuar me sistemin mbrojtës “Kupola e artë”
Published
1 day agoon
May 21, 2025By
UBTnews
Qeveria kanadeze tha se është në bisedime me SHBA-në për t’u bashkuar me sistemin e mbrojtjes nga raketat “Kupola e Artë”, që synon të kundërshtojë kërcënimet ajrore të “gjeneratës së ardhshme”.
Zyra e kryeministrit Mark Carney tha se ka “diskutime aktive” midis Kanadasë dhe SHBA-së mbi sigurinë, duke përfshirë programet ekzistuese dhe të reja si Golden Dome.
Presidenti i SHBA-së, Donald Trump, zbuloi planin për sistemin e ri të mbrojtjes nga raketat më herët të martën, duke njoftuar një shumë fillestare prej 25 miliardë dollarësh (18.7 miliardë paund) për ta ndërtuar atë. Ai shtoi se Kanadaja ka shprehur interes për t’u bashkuar.
Ekspertët kanë dyshime se si SHBA-të do të ofronin një sistem gjithëpërfshirës dhe është e paqartë se si do të merrte pjesë Kanadaja ose sa do të paguante.
Hapja e Kanadasë për t’u bashkuar me sistemin e propozuar të Kupolës së Artë vjen në mes të negociatave të vazhdueshme tregtare dhe të sigurisë midis dy vendeve, pasi Trump kërcënoi me tarifa të larta për Kanadanë dhe tha se do të ishte më mirë si shtet i SHBA-së.
Kjo nxiti një valë patriotizmi kombëtar në Kanada që çoi në një fitore historike zgjedhore për qeverinë liberale të Carney-t.
“Kanadezët i dhanë kryeministrit një mandat të fortë për të negociuar një marrëdhënie të re gjithëpërfshirëse sigurie dhe ekonomike me Shtetet e Bashkuara”, tha Audrey Champoux, një zëdhënëse e Carney.
“Për këtë qëllim, kryeministri dhe ministrat e tij po zhvillojnë diskutime të gjera dhe konstruktive me homologët e tyre amerikanë”, tha ajo.
Bota
BE bie dakord për krijimin e një fondi mbrojtës prej 150 miliardë eurosh
Published
2 days agoon
May 21, 2025By
UBTnews
Vendet e Bashkimit Evropian ranë dakord sot për krijimin e një fondi me vlerë deri në 150 miliardë euro (170 miliardë dollarë) për prokurimin e përbashkët të armëve.
“Kreditë do të përdoren për të investuar në mbrojtjen ajrore dhe raketore, sistemet e artilerisë, raketat dhe municionet, dronë dhe sistemet anti-dronë – si dhe për të adresuar nevojat e tjera nga lëvizshmëria kibernetike deri te lëvizshmëria ushtarake”, tha presidentja e Komisionit Evropian, Ursula von der Leyen kur prezantoi planin në mars.
Përpjekjet aktuale të riarmatimit të vendeve të BE-se – kanë për qëllim të pengojnë Rusinë nga sulmi i mundshëm ndaj një vendi tjetër evropian pas Ukrainës.
Agjencitë e inteligjencës supozojnë se Rusia mund të fillojë një luftë tjetër deri në vitin 2030.
Presioni mbi BE-në për të rritur ndjeshëm shpenzimet e mbrojtjes dhe ndihmën për Ukrainën është intensifikuar më tej – pasi Uashingtoni pezulloi ndihmën ushtarake për Ukrainën dhe vuri në pikëpyetje angazhimin e saj për të mbrojtur Evropën.
“Po jetojmë në kohët më të rëndësishme dhe të rrezikshme”, tha Von der Leyen më herët.
“Ky është momenti i Evropës dhe ne duhet ta përmbushim atë”, shtoi ajo.
Von der Leyen shpreson që së bashku me kapitalin privat dhe fondet shtesë nga Banka Evropiane e Investimeve, fondi mund të mobilizojë deri në 800 miliardë euro për mbrojtjen.
Fondi i ri, i cili ende duhet të miratohet zyrtarisht nga ministrat e BE-së javën e ardhshme, është pjesë e një sërë iniciativash për të përmirësuar kapacitetet mbrojtëse të Evropës.
Komisioni Evropian gjithashtu u lejon shteteve anëtare më shumë liri veprimi për shpenzimet e mbrojtjes sipas rregullave zakonisht të rrepta të borxhit dhe deficitit të BE-së./atsh

Zvicra shpall listën, fton vetëm dy shqiptarë për miqësoret e qershorit

Microsoft bllokon emailet që përmbajnë fjalët “Palestinë” ose “Gaza”

Anulohet koncerti i Kanye West në Korenë e Jugut

Fëmijët para ekranit: Si po u rrezikohet e ardhmja nga teknologjia?

Denzel Washington nderohet nga Spike Lee në premierën e ‘Highest 2 Lowest’ në Kanë

Çfarë bëjnë ndryshe njerëzit e suksesshëm? Sekreti që fshihet në zakonet e vogla

Një horror në Netflix po lë pa fjalë shikuesit: Ç’dini për Brand New Cherry Flavor?

Sa shpesh duhet ta karikoni telefonin? Gabimet që po dëmtojnë baterinë pa e kuptuar

Gjobitet Trepça
Të kërkuara
-
Lajmet1 month ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT3 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati