Teknologji

Lideri i Hong Kongut thotë se Google ka obligim moral për të hequr himnin e gabuar

“Nëse ndonjë kompani është gjithsesi përgjegjëse, ajo e ka atë obligim moral”, tha ai.

Published

3 years ago

on

Google ka një “obiligim moral” për të ndaluar shfaqjen e një kënge proteste për demokracinë në rezultatet e kërkimit, tha të martën lideri i Hong Kongut, ndërsa grindja për himnin kombëtar të Kinës u zgjerua duke përfshirë gjigantin e teknologjisë.

Zyrtarët e Hong Kongut janë tërbuar nga një sërë gabimesh në ngjarjet sportive ndërkombëtare në javët e fundit, kur një këngë proteste është luajtur për atletët e qytetit në vend të himnit kombëtar të Kinës.

Zemërimi i tyre është fokusuar gjithnjë e më shumë në Google pasi doli se kënga protestuese “Glory to Hong Kong” shfaqet në mënyrë rutinore në krye të faqes kur njerëzit kërkojnë himnin e Hong Kongut.

Udhëheqësi i qytetit, John Lee, u tha gazetarëve se Google duhet të sigurojë që himni kombëtar i Kinës, nën të cilin garojnë atletët e qytetit, të vijë në krye të faqes së kërkimit.

“Nëse ndonjë kompani është gjithsesi përgjegjëse, ajo e ka atë obligim moral”, tha ai.

“Ka mënyra për ta bërë këtë”, shtoi Lee.

Komentet e tij erdhën një ditë pasi shefi i sigurisë së Hong Kongut, Chris Tang tha se Google kishte refuzuar të ndryshonte rezultatet e kërkimit.

Sipas Tang, një ish-shef policie, Google tha se rezultatet e motorit të kërkimit udhëhiqen nga një algoritëm, jo nga inputi njerëzor.

Të dy Tang dhe Lee kanë kundërshtuar se Google ka qenë e gatshme të ndryshojë rezultatet e kërkimit për t’iu përmbajtur ligjeve lokale, përfshirë ligjet e privatësisë në Bashkimin Evropian.

Lee tha se administrata e tij do të kontaktojë përsëri Google për të ndjekur çështjen.

Himni kombëtar i Kinës është “Marshi i Vullnetarëve”, një këngë emocionuese e lindur nga lufta e Partisë Komuniste për të çliruar vendin nga pushtimi japonez./UBTNews/

Related Topics:
Continue Reading

Teknologji

X prezanton funksionin “Rreth këtij profili” për të luftuar llogaritë false

Published

46 minutes ago

on

December 2, 2025

By

Platforma e njohur X (më parë Twitter) po ndërmerr hapa për të reduktuar numrin e llogarive jo-autentike dhe për të eliminuar botët.

Së fundmi, kompania ka njoftuar funksionin e ri “Rreth këtij profili” (About this account), i cili ofron informacione të detajuara për përdoruesit, duke përfshirë:

vendin nga i cili operon llogaria,

numrin e ndryshimeve të emrit të përdoruesit,

datën e regjistrimit të parë në platformë,

dhe mënyrën se si është instaluar aplikacioni.

Qëllimi i këtij funksioni është të ulet numri i llogarive false dhe botëve që pretendojnë se janë njerëz.

Për shembull, nëse një përdorues deklaron se është nga Shtetet e Bashkuara, por të dhënat tregojnë se llogaria sillet nga një vend tjetër, përdoruesit tjerë mund të kenë arsye të dyshojnë në qëllimet e tij.

Ky funksion synon të rrisë transparencën dhe sigurinë e përdoruesve në platformë. /A.Z/UBT News/

Continue Reading

Teknologji

Nvidia investon 2 miliardë te Synopsys

Published

4 hours ago

on

December 2, 2025

By

Nvidia ka investuar 2 miliardë dollarë në kompaninë e softuerëve të dizajnimit të çipeve, Synopsys, si pjesë e një partneriteti të zgjeruar shumëvjeçar për zhvillimin e mjeteve të reja të projektimit me teknologji të avancuar të inteligjencës artificiale.

Qëllimi i marrëveshjes është zhvendosja e proceseve të simulimit inxhinierik nga CPU-të tradicionale drejt GPU-ve të Nvidia-s, duke reduktuar kohëzgjatjen e simulimeve nga javë të tëra në vetëm disa orë.

CEO i Nvidia-s, Jensen Huang, deklaroi se ky përshpejtim do të hapë mundësi të reja për industri të ndryshme që mbështeten në projektimin dhe simulimin e çipeve.

Synopsys theksoi se investimi nuk përfshin asnjë detyrim për blerjen e GPU-ve të Nvidia-s dhe se marrëveshja mbetet jo-ekskluzive, gjë që i lejon kompanisë të vazhdojë bashkëpunimet edhe me firma të tjera si AMD dhe Intel.

Pas lajmit, aksionet e Synopsys u rritën pothuajse 5%, ndërsa ato të Nvidia-s shënuan rritje prej 1.4%.

Kompania Nvidia ka bërë investime të mëdha këtë vit në biznese të lidhura me industrinë e AI, përfshirë OpenAI dhe Intel.

Synopsys konfirmoi se Nvidia i bleu aksionet e saj me çmimin 414.79 dollarë për aksion. /A.Z/UBT News/

 

 

 

 

 

Continue Reading

Teknologji

Apple lavdërohet për reklamën e Krishtlindjeve të xhiruar me iPhone 17 Pro

Published

20 hours ago

on

December 1, 2025

By

Apple ka prezantuar një reklamë të re të Krishtlindjeve, të titulluar “A Critter Carol”, e cila është vlerësuar si “e ngrohtë”, “me shpirt festiv” dhe e realizuar pa përdorur inteligjencë artificiale.

Spot-i dy-minutësh tregon dy alpinistë në një pyll dimëror, ku një telefon i humbur gjendet nga krijesa kukullash që performojnë “Friends” nga Flight of the Conchords dhe më pas ia kthejnë pronarit.

Reklama u realizua me iPhone 17 Pro e kukulla dore, duke krijuar botë magjike dhe prekëse, në kontrast të qartë me reklamat e Coca-Cola-s për Krishtlindje, të krijuara plotësisht me AI dhe kritikuar si “të ftohta dhe pa shpirt”.

Apple publikoi edhe një video “behind the scenes”, ku tregohet se për realizimin e spotit u ndërtua një set gjigant pylli dhe u përdorën modele të mëdha kafshësh të manipuluara nga operatorë, ndërsa modelet e vogla ishin kukulla dore.

Regjisori Mark Molloy tha se qëllimi ishte të rikthehej magjia e artizanatit dhe natyrës së prekshme të kukullave.

Reklama u prit pozitivisht në rrjetet sociale, me fansat që e përshkruan si “absolutisht brilante” dhe “magji e pastër festive”. Ndërkohë, reklamat e Coca-Cola-s për vitin 2025 u kritikuan për përdorimin e AI dhe mungesën e ngrohtësisë emocionale që karakterizon festat.

CEO i Apple, Tim Cook, komentoi: “Gëzim festiv, pak magji, shumë zemër, të kapura me iPhone 17 Pro nga disa miq kukullash të punuar me dorë!”. /A.Z/UBT News/

Continue Reading

Teknologji

YouTube synon skenën më të madhe të Hollywood! Çfarë pritet për Oscars 2029?

Published

22 hours ago

on

December 1, 2025

By

YouTube po përgatitet për një lëvizje të madhe strategjike, duke synuar të sigurojë të drejtat e transmetimit të ceremonisë së Çmimeve të Akademisë (Oscars) sapo të përfundojë kontrata aktuale e ABC-së në vitin 2028.

Sipas burimeve të Bloomberg, platforma në pronësi të Google ka kërkuar informacion për mundësinë e marrjes së ekskluzivitetit të këtij eventi prestigjioz.

Ky zhvillim tregon ambicien e YouTube për të zgjeruar portofolin e tij të transmetimeve live, veçanërisht pas suksesit me NFL Sunday Ticket dhe rritjes së madhe të audiencës në podkastet e njohura.

Sipas Cord Cutters News, një marrëveshje e tillë do të përbënte “një tronditje për industrinë”, duke e pozicionuar YouTube si një platformë të fuqishme për evente madhore televizive.

Nëse kjo lëvizje realizohet, ceremonia e Oscars, një nga ngjarjet më të ndjekura në botë, mund të zhvendoset për herë të parë nga televizoni tradicional në një platformë digjitale. /A.Z/UBT News/

Continue Reading

Të kërkuara