

Lajmet
Liam Hemsworth ndihet i lënduar nga Miley Cyrus dhe planifikon t’a padisë për këngën “Flowers”
Ajo përdori “Flowers” për të shfryrë zemërimin pasi mësoi për tradhtitë e pretenduara të aktorit australian.
Published
3 years agoon
By
UBT newsMë shumë se dy muaj pas publikimit të “Flowers”, e cila ishte kënga më e dëgjuar në Spotify për disa javë, Liam Hemsworth po përgatit një padi kundër Miley Cyrus.
Një dokument i supozuar po qarkullon në rrjetet sociale në të cilin aktori australian pretendon se i është dëmtuar reputacioni, gjë që do ta pengonte të ishte pjesë e sezonit të ri të “The Witcher”, ndaj ai është i përgatitur të marrë masa ligjore.
Megjithëse tekstet e “Flowers” nuk e përmendin kurrë emrin e Liam Hemsworth, ato i referohen “When I was your man” nga Bruno Mars, melodia e preferuar e aktorit, të cilën ai ia kushtoi Miley Cyrus gjatë dasmës së tyre në fund të 2018.
Pas tetë muajsh martesë, çifti u divoruca, ku tashmë dihet se këngëtarja 30-vjeçare përdori “Flowers” për të shfryrë zemërimin e saj pasi mësoi për tradhtitë e pretenduara të aktorit australian.
Për momentin, dokumenti mbetet i panjohur dhe kjo ende nuk është vërtetuar plotësisht.
Megjithatë, e sigurt është se nëse do të ishte e vërtetë, Liam Hemsworth do ta kishte të vështirë të fitonte gjyqin për dëmtim të imazhit të tij, pasi Miley Cyrus nuk e përmend kurrë në tekstin e këngës./UBTNews/
Lajmet
Shqipëri, Von der Leyen: Plani i Rritjes dyfishon ekonominë brenda dekadës
Published
1 hour agoon
October 13, 2025By
UBTnews
Presidentja e Komisionit Evropian, Ursula von der Leyen në konferencën e përbashkët për shtyp sot me kryeministrin Edi Rama, tha se Shqipëria ka bërë një progres të mrekullueshëm në rrugën drejt integrimit në Bashkimin Evropian.
Von der Leyen vlerësoi punën e bërë nga qeveria shqiptare dhe theksoi se mbështet ambicien e kryeministrit Edi Rama për mbylljen e grup-kapitujve deri në fund të vitit 2027.
“Mesazhi im i parë është mjaft i qartë: Shqipëria është në rrugën e duhur drejt BE-së. Ju keni bërë një rrugë të gjatë, keni bërë progres, por dua të theksoj se është një progres i mrekullueshëm, në një shpejtësi rekord dhe një përshpejtim i vërtetë në tre vitet e fundit.
“5 nga 6 grup-kapitujt janë të hapur, ne planifikojmë të hapim të fundit në vjeshtë. Qëllimi juaj është të mbyllni negociatat deri në vitin 2027. Është ambicioze, por ne na pëlqen ambicia. Ne jemi të gatshëm dhe do të jemi me ju në çdo hap të kësaj rruge”, tha Von der Leyen.
Von der Leyen theksoi se Shqipëria është plotësisht në përputhje me politikën e jashtme të sigurisë me Bashkimin Evropian.
“Momenti gjeopolitik është tani këtu. Agresioni i Rusisë kundër Ukrainës ka riformësuar kontinentin tonë dhe çdo komb evropian duhet të zgjedhë vendin e tij dhe Shqipëria e ka bërë zgjedhjen e saj, jeni plotësisht në përputhje me politikën e jashtme të sigurisë së BE-së dhe së bashku veprojmë si një”, tha ajo.
Më tej Presidentja e KE-së theksoi se ekonomia jonë ka fituar akses në tregun e përbashkët dhe në investimet e reja të BE-së.
“Që të afroheni me Bashkimin Evropian, nuk ka të bëjë vetëm me politikat, por ka të bëjë edhe për një biznes të zgjuar dhe në të vërtetë dy vite më parë ne lançuam Planin e Rritjes për Ballkanin Perëndimor, dhe parimi juaj është mjaft i qartë: ekonomia juaj ka fituar akses në tregun e përbashkët dhe në investime të reja të BE-së dhe në këmbim ju zbatoni reforma kyçe.
Dyert e sektorit të tregut të vetëm janë të hapura. Kemi një treg të gjerë të përbashkët. Plani i Rritjes ka potencialin që të dyfishojë ekonominë e vendeve të Ballkanit Perëndimor në këtë dekadë dhe shohim që tashmë ka filluar të japë rezultate”, u shpreh Von der Leyen, shkruan ATSH.
Von der Leyen dha tre shembuj të përmbledhur në lidhje me këtë.
“Ju keni bërë progres të fortë në reformat kyçe, në sajë të kësaj mund të them dhënien e 100 milionë eurove. Tani kemi për ta zbatuar këtë plan. Jemi në rrugën e duhur. Kjo është rruga që Shqipëria të aksesojë të gjithë fondin, në bazë të Planit të Rritjes ka rreth 1 miliardë euro.
“E dyta, është futja e Shqipërisë në SEPA. Në atë kohë dukej si projekt ambicioz, por për dy vite ju e bëtë që të ndodhte. Që prej javës së kaluar transferimet e parave mes Shqipërisë dhe BE-së janë më të sigurta dhe të lira.
“Shembull i tretë është roaming. Ne arritëm një marrëveshje me operatorët në 2023-shin dhe vitin që vjen ne do të heqim të gjitha tarifat e roaming midis Shqipërisë dhe BE-së”, tha Von der Leyen.
Në përmbyllje të fjalës së saj, Von der Leyen u shpreh se “mesazhi im i fundit është ky: ndoshta ky është rasti më i fortë për zgjerimin, nuk është çështja ekonomike apo gjeopolitike, por janë njerëzit. Studimi i fundit ka treguar se 90% të shqiptarëve do të votonin për anëtarësimin në BE”.
“Gjenerata e re është me ju. Dy të tretat e atyre që janë në moshë nga 15-40 vjeç mbështesin zgjerimin dhe ky është sinjali i të gjithëve. Gjenerata e re do të jetojë në një BE të fortë, të sigurt dhe të bashkuar”, tha ajo.
Presidentja e KE-së, Ursula von der Leyen ndodhet në Tiranë në kuadër të Forumit të parë të Investimeve “Bashkimi Europian-Ballkani Perëndimor” që do të zhvillojë punimet në datat 13-14 tetor./D.B/KP
Lajmet
Begaj pret në takim presidenten e KE-së: Integrimi evropian, mision kombëtar
Published
1 hour agoon
October 13, 2025By
UBTnews
Presidenti i Shqipërisë, Bajram Begaj, priti sot në një takim Presidenten e Komisionit Evropian, Ursula von der Leyen, gjatë të cilit u vlerësua partneriteti i fortë dhe progresi që Shqipëria ka bërë në rrugën e saj drejt anëtarësimit në Bashkimin Evropian.
Presidenti Begaj vlerësoi lidershipin e Presidentes von der Lyen për mbështetjen që i ka dhënë Shqipërisë në këtë proces, duke mundësuar që të jetë ndër të parat përfituese e fondeve nga Plani i Rritjes, si dhe për insistimin për të patur Ballkanin Perëndimor në qendër të agjendës të zgjerimit të Bashkimit Evropian.
Sipas njoftimit, kreu i Shtetit nënvizoi se rruga e Shqipërisë drejt BE-së është një mision kombëtar, interes kombëtar dhe ëndrra 35-vjeçare që bashkon brezat dhe shoqërinë, dhe se progresi i arritur në hapjen e 28 kapitujve negociues në pesë nga gjashtë grupkapitujt dëshmon vendosmërinë e institucioneve shqiptare për të ecur përpara me ritme të shpejta e të qëndrueshme.
Në fjalën e tij, Presidenti Begaj theksoi se reforma në drejtësi dhe lufta kundër korrupsionit janë dy arritje që Shqipëria i ka realizuar si asnjë vend tjetër në rajon dhe vijojnë të jenë prioritare në mbrojtje të interesit publik dhe të respektimit të të drejtave të qytetarëve.
Ai vuri në dukje rëndësinë e digjitalizimit dhe inovacionit në qeverisje si pjesë e procesit të modernizimit të administratës publike dhe rritjes së transparencës.
Presidenti Begaj theksoi se Shqipëria mbetet plotësisht e linjëzuar me Politikën e Jashtme dhe të Sigurisë të BE-së dhe e angazhuar aktivisht në dialogun e sigurisë dhe të mbrojtjes BE-Shqipëri.
Kreu i Shtetit u ndal edhe në rëndësinë e zgjerimit të BE-së në Ballkanin Perëndimor, të cilin e sheh si pjesë integrale të stabilitetit dhe të ardhmes së Evropës.
Në përfundim, Presidenti Begaj shprehu bindjen se Shqipëria do të vazhdojë të jetë partnere e besueshme dhe e përkushtuar në këtë udhëtim, duke theksuar se integrimi evropian është një investim i përbashkët për të ardhmen e kontinentit.
Presidenti i Republikës falënderoi Presidenten e Komisionit Evropian, Ursula von der Leyen, për mbështetjen e vazhdueshme teknike, politike dhe financiare, si dhe për vizionin e përbashkët për një Evropë të bashkuar, të fortë dhe gjithëpërfshirëse./D.B/KP
Lajmet
Ndalohen disa raste të tentimeve për shmangie doganore në Vërmicë
Published
1 hour agoon
October 13, 2025By
UBTnews
Dogana e Kosovës ka njoftuar se gjatë kontrolleve të kryera në Pikën Kufitare Vërmicë gjatë vikendit, zyrtarët doganor kanë parandaluar disa raste të hyrjes së mallrave të padeklaruara në territorin e Republikës së Kosovës.
Sipas njoftimit bazuar në analizat e riskut dhe sjelljet e dyshimta të disa udhëtarëve, janë selektuar për kontroll të dytë disa automjete, nga të cilat janë identifikuar mallra që nuk ishin deklaruar sipas legjislacionit doganor në fuqi.
“Në të gjitha rastet, personat përgjegjës kanë deklaruar se nuk posedonin fatura për mallin, ose kanë paraqitur dokumentacion të pjesshëm dhe jo të mjaftueshëm për arsyetuar sasinë e mallrave te transportuara“, thuhet në njoftim.
Mallrat e ndaluara përfshijnë:
Produkte tekstile në sasi prej gjithsej 200 copë
Produkte ushqimore në peshë totale prej 140.72 kg
Produkte kozmetike dhe parfume, përfshirë dhe artikuj të ndryshëm
CD për lojëra (PS5)
Mallra të ndryshme të përziera, gjithsej 104 artikuj, nga të cilat një pjesë nuk ishin të pajisura me dokumentacion përkatës
Për të gjitha rastet është iniciuar procedurë kundërvajtëse, ndërsa mallrat janë ndaluar deri në përfundimin e procedurave ligjore.
Dogana e Kosovës thotë se mbetet e përkushtuar në zbatimin e ligjit dhe ruajtjen e integritetit ekonomik të vendit. Udhëtarët inkurajohen të respektojnë obligimet ligjore për deklarimin e saktë të mallrave gjatë hyrjes në territorin e Republikës së Kosovës./D.B/KP
Lajmet
Icardi drejt rikthimit senzacional në Serie-A
Published
3 hours agoon
October 13, 2025By
UBT News
Lajmi sensacional po qarkullon nga Turqia dhe përfshin emrin e njohur të Mauro Icardit, ku sipas mediave turke, Torino është në kontakt me sulmuesin argjentinas në lidhje me një rikthim të mundshëm në Serie A.
Kontrata e Icardit me Galatasarayn skadon në qershor, dhe drejtuesit e klubit “granata” po shohin mundësinë për ta bindur atë të rikthehet në Itali pas disa vitesh.
Icardi, i cili ka qenë pjesë e Galatasarayn që nga sezoni 2022/23, ka një bilanc mbresëlënës me 66 gola në 96 ndeshje.
Megjithatë, këtë sezon ai ka nisur vetëm tre ndeshje në kampionat, ndonëse ka arritur të shënojë pesë herë.
Një rikthim i mundshëm në Serie A do të ishte një goditje e madhe për Torinon dhe një rikthim emocionues për ish-yllin e Interit, i cili njihet për instinktin e tij të jashtëzakonshëm në zonën kundërshtare./S.K/KP/

14 vjet nga lindja e Migjenit, poetit të mjerimit dhe shpresës

Shkencëtarët austriakë paralajmërojnë: Mikroplastika në ushqim mund të dëmtojë zorrët

Meta zgjeron përkthimin e Reels-ave me gjuhë të reja

Kina akuzon SHBA-në për ‘standarde të dyfishta’ lidhur me kërcënimin me tarifa

Shqipëri, Von der Leyen: Plani i Rritjes dyfishon ekonominë brenda dekadës

Begaj pret në takim presidenten e KE-së: Integrimi evropian, mision kombëtar

Ndalohen disa raste të tentimeve për shmangie doganore në Vërmicë

Sot vendoset fituesi i Çmimit Gjerman të Librit, Jehona Kicaj në finale

Jennifer Aniston paralajmëron: Imazhi im përdoret në mashtrime me AI!
Të kërkuara
-
Vendi2 months ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Lajmet3 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT1 month ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni3 weeks ago
Policia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT