Kulturë

Lewis Capaldi mund ta lë muzikën për shkak të sindromës Tourette

Sindroma Tourette është një çrregullim i sistemit nervor që i bën njerëzit të përjetojnë “tik” të pakontrollueshëm.

Published

on

Lewis Capaldi po e vë shëndetin e tij në plan të parë. Në një intervistë për Times, muzikanti tha se nëse sindroma e tij Tourette përkeqësohet, ai do të tërhiqet nga muzika.

“Nëse arrin në një pikë ku po i bëj dëm të pariparueshëm vetes, do të heq dorë”, tha ai. “Unë e urrej hiperbolën, por është një mundësi shumë reale që do të më duhet të heq dorë”.

Sindroma Tourette është një çrregullim i sistemit nervor që i bën njerëzit të përjetojnë “tik” të pakontrollueshëm, sipas Qendrave për Kontrollin dhe Parandalimin e Sëmundjeve. Tikët janë dridhje, lëvizje ose tinguj të papritur dhe të përsëritur. Edhe pse mund të trajtohet, nuk ka kurim.

Njerëzit me këtë sëmundje zakonisht zhvillojnë simptoma në fëmijërinë e hershme midis moshës 5 dhe 10 vjeç. Megjithëse simptomat shpesh zvogëlohen gjatë adoleshencës dhe moshës madhore të hershme dhe mund të zhduken plotësisht, shumë njerëz vazhdojnë të vuajnë nga Tourette në moshën madhore dhe ndonjëherë gjendja e tyre përkeqësohet me moshën.

Lewis Capaldi vuajti nga një episod Tourette gjatë një performance në Gjermani në shkurt. Fansat shprehën mbështetjen e tyre për këngëtarin dhe përfunduan këngën për të.

“Vetëm të bërit muzikë ma bën këtë. Përndryshe, unë mund të jem mirë me muaj të tërë. Kështu që është një situatë e çuditshme. Tani për tani, ia vlen këmbimi”, shtoi artisti.

Këngëtari 26-vjeçar tha se “tikat” e tij po bëhen “të këqija”, veçanërisht kur ai performon në skenë.

“Unë po përpiqem të dal në krye të kësaj. Nëse nuk mundem, përfundoj”, tha Capaldi. “Është më e lehtë kur luaj kitarë, por e urrej të luaj kitarë”.

Magazinë

“Miliona dollarë borxhe”/ Justin Bieber në krizë të thellë financiare?

Published

on

Njerëzit të afërt të Justin Bieber janë shumë të shqetësuar për këngëtarin.

“Ai po përballet me shumë demonë të ndryshëm tani”, thotë burimi, sipas medias së njohur ‘People‘. “Ai po merr disa vendime vërtet të këqija kohët e fundit, duke ndikuar më tej në miqësi, para dhe biznes.”

Ndër faktorët stresues me të cilët po merret Bieber janë gjyqi i Sean “Diddy” Combs (me të cilin ishte i lidhur në mesin e viteve 2010) dhe marrëdhëniet e tij të tensionuara me ish-menaxherin Scooter Braun, i cili njoftoi tërheqjen e tij në 2024.

Bieber gjithashtu ka ndërprerë publikisht lidhjet me markën e tij të modës Drew House.

“Unë Justin Bieber nuk jam më i përfshirë në këtë markë. Drew House nuk përfaqëson mua, familjen apo jetën time,” shkroi ai më 10 prill.”

Burimet pohuan se artisti kishte mbetur me miliona dollarë borxhe pasi anuloi turneun e tij në 2022. /UBT News/

Continue Reading

Lifestyle

Kjo është mënyra më e mirë e përgatitjes së kafes

Published

on

Provojeni në mënyrën e vjetër, më të mirë kurrë nuk keni pasur rastin të pini! Ka diçka të veçantë në kafen turke.

E para dhe themelorja, për kafe të mirë turke është e nevojshme përzierja cilësore e mos kurseni në të, pini për t’u kënaqur, jo vetëm sa për ta pirë.

E dyta, pakkush e di që për kafen turke për fillim uji nuk duhet të vlojë!

Në xhezve uji nxehet deri mu para vlimit, pastaj hiqet nga zjarri. Një pjesë e ujit qitet në filxhan, ndërkaq në pjesën tjetër shtohet kafja (nga një lugë të vogël të plotë për çdo filxhan apo më shumë nëse filxhanët janë të mëdhenj apo nëse dëshironi kafe shumë të fortë).

Përzieni të mos mbeten droçka, ktheni në zjarr, kur të bymehet deri në skajin e xhezves hiqeni nga zjarri e shtoni ujin të cilin e keni qitur në filxhan.

Sërish ktheni në zjarr e lëreni të vlojë. Hiqeni nga zjarri, prisni pak e shtoni një lugë ujë të ftohtë, kafja do të jetë e gatshme për t’u pirë.

Gabimet themelore te përgatitja e kafes:

– Përzierja e tepërt e shkatërron shijen;

– Lënia që disa herë të ngrihet deri në skajin e sipërm të xhezves shkatërron shkumën dhe ndryshon shijen e kafes;

– Përzierja pasi që kafja të jetë e vluar, shumë e nxehtë dhe e hequr nga zjarri gjithashtu do të ndryshojë shijen e pijes së parapëlqyer të mëngjesit;

– Nëse kafja ëmbëlsohet, sheqerin më së miri është t’ia shtoni derisa është uji i ftohtë në xhezve, para zierjes së kafes.

Provoni, edhe vetë do të bindeni që shija është ndryshe – më e mirë. /UBT News/

Continue Reading

Magazinë

Aktorja e “Gossip Girl”: Zbulohet shkaku i vdekjes së Michelle Trachtenberg

Published

on

Michelle Trachtenberg, një aktore e njohur televizive, vdiq nga ndërlikimet e diabetit, sipas zyrës së ekzaminuesit mjekësor të qytetit të Nju Jorkut.

Trachtenberg, u gjet e vdekur në shkurt, pasi i’u nënshtrua një transplanti të mëlçisë. Ajo u bë e famshme në moshë të re. Duke filluar karrierën në moshën tre vjeçare, ajo luajti në reklama dhe më vonë mori pjesë në serialin Nickelodeon “Aventurat e Pete & Pete”, si dhe në telenovelën “Të gjithë fëmijët e mi”.

Aktorja mori rolin e saj të parë kryesor në filmin “Harriet the Spy” në 1996, duke luajtur së bashku me Rosie O’Donnell dhe J Smith-Cameron.

Duke folur për Entertainment Tonight në 2021, ajo tha: “Unë jam jashtëzakonisht mirënjohës për mundësinë.”

Projekte tjera në të cilat luajti përfshijnë komedinë për adoleshencë “EuroTrip”, si dhe dramën e vlerësuar nga kritikët “Mysterious Skin” të Gregg Araki.

Duke reflektuar mbi përvojën me “Lëkurën misterioze”, ajo tha: “Unë isha kjo vajzë që kisha bërë gjëra të shndritshme, me temë PG dhe këtu është Gregg Araki, drejtori i Doom Generation, dhe ne u ulëm dhe pimë një filxhan kafe dhe unë thashë: “Ju ndoshta nuk do të më punësoni, por kjo është ajo që kam, kjo është ajo që ndiej se do të rrezikoj”. Ishte eksperienca më emocionuese që kam pasur si aktore”.

Continue Reading

Magazinë

William Levy flet pas arrestimit: “Njoha njerëz të rinj në qeli”

Published

on

William Levy ka reaguar për herë të parë pas arrestimit, duke dhënë një deklaratë, teksa po largohej nga burgu i qarkut Broward.

Aktori pranoi se e kishte tepruar me pijen, por mohoi të kishte nisur ndonjë debat me dikë tjetër.

“Krejt papritur, dikush filloi të debatonte me një djalë tjetër dhe u futa në mes, duke e zbutur situatën. Tani jam unë ai që përfundova në pranga,” tha ai.

Gjithashtu, ai mohoi të jetë treguar agresiv me punonjësit e restorantit ku ndodhej.

“Unë u përpoqa të qëndroja i qetë gjatë gjithë kohës. Në fund isha unë ai që duhej të largohej,” tha ai.

Nga ana tjerët ai përshkroi edhe eksperiencën në qeli.  “Ishte normale. Nuk e di nëse bëra miq të mirë, por takova disa njerëz të rinj.”

William pagoi një garanci prej 500 dollarësh për t’u liruar. Ai u arrestua nën akuzë për dehje dhe si pasojë shkaktim të shqetësimit publik.

Për momentin, as ish-partnerja dhe as fëmijët e yllit të telenovelave spanjolle nuk e kanë komentuar situatën në rrjetet sociale.

Continue Reading

Të kërkuara