Sport

Lewandowski reagon pas fjalëve të Messit: Do të doja që ai të ishte i sinqertë, jo të thotë fjalë boshe

“Ndjeva trishtim. Nuk mund ta mohoj këtë gjë”, tha ai pasi kishte përfunduar në pistë pas Messit.

Published

on

Robert Lewandowski e pranon që është ndjerë i mërzitur me rastin që nuk e fitoi Topin e Artë, ku edhe reagoi pas fjalëve të shtatë herë fituesit të këtij çmimi Lionel Messi, duke shpresuar që kanë qenë të sinqerta.

“France Football” ishte kundër që Topi i Artë të dhurohet në një sezon i cili ka pasur ndërprerje për shkak të pandemisë, kështu lojtarët që kanë qenë në formë humbën shansin që të fitojnë këtë çmim.

Por, Lewandowski humbi shansin që ta fitojë këtë çmim prestigjioz në vitin 2021, ku nga shumë media dhe analistë është konsideruar vendim jo i drejtë.

Tani, sulmuesi polak ka reaguar rreth kësaj situate ku e pranoi që ishte ndjerë i mërzitur që kishte përfunduar në listë pas Messit.

“Ndjeva trishtim. Nuk mund ta mohoj këtë gjë. Nuk mund të them që isha i lumtur, në fakt e kundërta. Kam një ndjenjë mërzie. Të jesh kaq afër, të rivalizosh Messin, sigurisht e respektoj mënyrën se si luan dhe se çfarë ka arritur. Vetë fakti që kam pasur mundësinë për të qenë rival i tij, më tregon nivelin që unë e kam arritur”, tha Lewandowski.

Pasi që e fitoi çmimin si lojtari më i mirë në planet për të shtatën herë në karrierë, ikona argjentinase Messi ka sugjeruar që paraqitjet e mira të Lewandowskit në vitin 2020 duhet të shpërblehen.

Pas këtyre fjalëve, Lewandowski shpreson që Messi ka folur sinqerisht, dhe jo vetëm për media.

“Nuk jam aq i entuziazmuar për ta fituar çmimin e vitit 2020. Do të kisha dëshirë që fjalët e Messit të jenë të sinqerta dhe një deklaratë nga një lojtar i madh, jo vetëm fjalë boshe”, tha Lewandowski.

Që nga viti 2020, Lewandowski ka arritur të bëjë 61 paraqitje për gjigandin gjerman Bayern Munich, duke regjistruar 75 gola dhe 11 asistime mbi emrin e tij.

Sport

Zvicra shpall listën, fton vetëm dy shqiptarë për miqësoret e qershorit

Published

on

Kombëtarja e Zvicrës ka bërë publike listën e futbollistëve të ftuar për dy ndeshjet miqësore që do t’i zhvillojë gjatë muajit qershor.

Trajneri Murat Yakin ka vendosur të përfshijë vetëm dy lojtarë me prejardhje shqiptare, Granit Xhakën dhe Ardon Jasharin, të cilët do të jenë pjesë e ekipit për ndeshjet ndaj Meksikës dhe Shteteve të Bashkuara të Amerikës.

Ndeshja e parë miqësore luhet më 7 qershor ndaj Meksikës, ndërsa më pas, më 11 qershor, Zvicra përballet me SHBA-në.

“Helvetikët” po përgatiten për kampionatin evropian “Euro 2024” dhe këto ndeshje do të shërbejnë si test i rëndësishëm për trajnerin Yakin në përzgjedhjen e formacionit final.

 

Continue Reading

Sport

Gjobitet Trepça

Published

on

Trepça fitoi titullin e Kosovës në basketboll të mërkurën mbrëma pasi mposhti Bashkimin në “Minatorin” e stërmbushur me shikues me rezultat 82:67.

Pati festë madhe nga mitrovicasit pas triumfit ndaj prizrenasve. Por Trepça nuk i ka shpëtuar gjobës. Është gjobitur me 1900 euro.

“2500 shikues përveç sharjeve në drejtim të skuadrës mysafire si dhe pati hedhje të gjësendeve të forta në fushë, të cilat mund të shkaktonin lëndime të lehta, si shkrepëse dhe shishe plastike në fushë dhe ne tribuna shpërtheu një mjet piroteknik”, shkruan në vendimin e Komisarit të Garave të Federatës së Basketbollit të Kosovës.

Ndërkohë Wendell Green i Bashkimit është gjobitur me 300 euro për sjellje josportive.

Continue Reading

Sport

Gjermania dhe Italia, dy opsione për mesfushorin e Shqipërisë Nedim Bajrami

Published

on

Pas një kalimi me shpresa të mëdha në skuadrën e madhe të Skocisë, mesfushori i Kombëtares shqiptare ka kaluar një vit të komplikuar, i cili e ka lënë me shumë pikëpyetje për të ardhmen e tij.

“Panorama Sport” mëson se Bajrami do të largohet nga Skocia në merkaton e verës, edhe pse është në kontratë me Rejnxhërsin.

Në këtë situatë të pasigurt, ndoshta një largim nga Rejnxhërsi mund të jetë një mundësi për Bajramin për të rifituar besimin dhe për të gjetur një vend ku ai mund të shfaqë më mirë aftësitë e tij.“

Bajrami ka mundësi të largohet nga Skocia në merkaton e ardhshme të janarit, dhe ka dy mundësi që duken më të mundshme për të ardhmen e tij: një rikthim në Serinë A, kampionatin italian që ai e njeh mirë, dhe një mundësi e mundshme për të kaluar në Bundesliga

Continue Reading

Sport

Cristiano Ronaldo arrin 935 gola në karrierë, vendos golin e fitores për Al Nassr

Published

on

By

Cristiano Ronaldo ka arritur në total 935 gola në karrierën e tij.

Të mërkurën mbrëma, ai humbi një penallti, por u rehabilitua duke shënuar gol në minutat shtesë, duke siguruar fitoren 2:0 për Al Nassr ndaj Aj Khaleej.

Kjo ndeshje ishte pjesë e xhiros së 33-të në kampionatin elitar të Arabisë Saudite, ku ka mbetur edhe një xhiro deri në përfundim.

Ronaldo humbi penalltinë në minutën e 65-të, ndërsa më vonë, në minutën e 75-të, Jhon Duran shënoi golin e parë për Al Nassr. Mbrojtësi portugez realizoi nga pika e 11-metërshit në minutën e shtatë të kohës shtesë.

Në këtë sezon, Ronaldo është golashënuesi më i mirë i elitës saudite me 24 gola dhe tre asistime, duke qenë në rrugë për të arritur shifrën prej 1000 golash në karrierë.

Continue Reading

Të kërkuara