Aktualitet

Lëvizja Vetëvendosje mbjell fidanë në kujtim të personave të pagjetur

Partia në pozitë ka organizuar këtë aktivitet në kujtim dhe nderim të personave që nuk dihet fati i tyre tash e 23 vjet.

Published

on

Lëvizja Vetëvendosje ka nisur fushatën për mbjelljen e 1617 fidanëve deri në datëlindjen e veprimtarit Ukshin Hoti.

Në Ditën e Personave të Pagjetur, partia në pozitë ka organizuar këtë aktivitet në kujtim dhe nderim të personave që nuk dihet fati i tyre tash e 23 vjet.

Deputetja Tinka Kurti ka thënë se lufta për familjarët e personave të pagjetur ende nuk ka përfunduar. Sipas saj, të njëjtit përballen me dhimbje e pikëllim për çdo ditë.

“Nisma e sotme është në kuadër të historisë së brezave të ardhshëm. Atëherë kur gjurmët e luftës të jenë shuar dhe të mos jenë të prekshme e të gjalla. Për studentët, të rinjtë paraqet një memorial pemësh që shënon mallin për humbjen e profesor Ukshin Hotit dhe të gjithë të tjerëve. Ky aksion i sotëm do të vazhdojë me mbjelljen e fidanëve deri në 17 qershorit, që është edhe datëlindja e Ukshin Hotit”, tha Kurti.

Më tej, Kurti shtoi se obligim që të shtohet presioni ndaj Serbisë deri në zbardhjen e fatit të të pagjeturve.

Deputeti Salih Zyba tha se tashmë kanë nisur fushatën për mbjelljen e 1617 fidanëve, që përkon me numrin e personave të pagjetur.

“Në këtë fushatë përputhen me numrin e saktë të të zhdukurve që nuk dihet për fatin e tyre, janë 1617 fidanë që do të mbillen. Por edhe në përditshmëri do të ketë deri tek numri final që nënkupton datën 17 qershor, si simbolikë e kësaj ngjarje”, tha Zyba.

Edhe deputeti Zyba theksoi se duhet të shtohet presioni në mekanizmat vendor e ndërkombëtarë për zbardhjen e fatit të të pagjeturve.

“Nga 1617 persona që janë të zhdukur, sot e kemi këtë aktivitet simbolik, i cili na i kujton sot mungesën e tyre dhe vazhdimësinë se duhet të insistojmë me gjithë mekanizmat vendor dhe me presionin edhe te ndërkombëtarët që duhet të kemi një zgjidhje për fatin e tyre. Sot shënohet edhe dita e 27 prillit dhe viktimave të Mejës. Aty janë 377 persona që janë vrarë e masakruar në forma të ndryshme. Ky nderim për të rënët, për mungesën e tyre, për familjarët është obligim dhe porosi për institucionet, është mall dhe ndërgjegjësim për qytetarët dhe i ndërkombëtarëve për këtë ditë që po shënohet në këtë formë”, tha Zyba.

Edhe pas 23 vjetësh, Kosovës i mungojnë eshtrat e mbi 1600 personave të cilat janë zhdukur gjatë luftës së fundit në Kosovë. Gjatë vitit të kaluar është gërmuar në nëntë lokacione të ndryshme në Kosovë e Serbi, ku janë gjetur 24 persona.

Continue Reading

Aktualitet

Fundjava me shi, ja parashikimi i motit për sot dhe nesër

Published

on

Fundjava ka nisur me mot pjesërisht të vranët.

Ka mundësi që gjatë ditës të ketë riga lokale shiu, me temperatura minimale nga 4 dhe me maksimale 12 °C.

Edhe dita e fundit e javës do të jetë e ngjashme, e gjatë mbrëmjes do të ketë riga të mëdha të shiut.

Temperaturat do të sillen nga 6 deri në 13°C. /UBT News/

Continue Reading

Bota

Shpërthejnë përleshjet në Sudanin e Jugut, 30 të vdekur

Published

on

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

on

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Bota

Trump shkarkon kreun e Agjencisë së Sigurisë Kombëtare, Gjeneralin Timothy Haugh

Published

on

Administrata e Presidentit Donald Trump ka shkarkuar Gjeneralin Timothy Haugh, kreun e Agjencisë së Sigurisë Kombëtare (NSA) dhe të Komandës Kibernetike të SHBA-së, një vendim që ka shkaktuar diskutime dhe shqetësim mes zyrtarëve dhe politikës amerikane.

Arsyet e shkarkimit nuk janë bërë të qarta, por ky hap ka pasuar një takim të mërkurën mes Trumpit dhe aktivistes së ekstremit të djathtë, Laura Loomer. Raportohet se Loomer ka nxitur presidentin të largojë disa zyrtarë që ajo dyshonte se nuk mbështesnin agjendën e tij. Në një postim në platformën X, Loomer e ka quajtur Gjeneralin Haugh dhe zëvendësuesen e tij, Wendy Noble, “të pabesë” ndaj presidentit, duke e konsideruar këtë si shkakun kryesor të largimit të tyre.

Në një deklaratë për mediat, Trump ka thënë se do të largohet çdo punonjës që nuk është besnik ndaj tij, duke shtuar: “Ne gjithmonë do të largojmë njerëz – ata që nuk i pëlqejmë ose që përfitojnë, ose që mund të kenë besnikëri ndaj dikujt tjetër.” Ky koment është bërë ndërkohë që qarkullonin lajme për shkarkimin e të paktën tre zyrtarëve të tjerë nga Këshilli i Sigurisë Kombëtare të Shtëpisë së Bardhë, pas takimit me Loomer.

Agjencia e Sigurisë Kombëtare dhe Shtëpia e Bardhë kanë refuzuar të komentojnë në lidhje me shkarkimet, duke e referuar çështjen tek Zyra për Marrëdhënie me Publikun e Sekretarit të Mbrojtjes, e cila gjithashtu ka refuzuar të japë më shumë detaje.

Demokratët kryesorë në komitetet e inteligjencës të Dhomës së Përfaqësuesve dhe Senatit kanë shprehur shqetësim për këtë vendim. Përfaqësuesi Jim Himes dhe Senatori Mark Warner e kanë kritikuar shkarkimin, duke thënë se Haugh ka qenë një udhëheqës i ndershëm dhe të drejtë, dhe se mund të ishte pikërisht kjo integriteti që ka çuar në largimin e tij nga administrata Trump.

Në një deklaratë për CBS, Himes tha se ishte “thellësisht i shqetësuar” për shkarkimin, duke shtuar se Gjenerali Haugh ka vendosur sigurinë kombëtare në prioritet dhe ka ndjekur ligjin.

Continue Reading

Të kërkuara