Sport

Leonardo optimist për rinovimet e Neymar e Mbappe

Published

5 years ago

on

Gjithçka në mënyrën e duhur dhe me optimizëm. Është klima që shoqëron tratativën për rinovimet e kontratave të Neymar, për të cilën mungon vetëm firma e konfirmimit, por mbi të gjitha atë të Mbappe, të cilit i skadon marrëveshja në 2022-in. PSG po punon prej kohësh në këtë drejtim, por tanimë gjithcka ka hyrë në fazën vendimtare. E shpjegon drejtori sportiv Leonardo që bëri të ditur edhe synimin e klubit për të vazhduar me Di Maria-n dhe Bernat.

Mes Neymar dhe Mbappe, është francezi ai që po kërkon të fitojë kohë, kampioni i botës dëshiron të bëjë gjithçka me qetësi edhe pse pas 3 golëshit ndaj Barcelonës në Champions theksoi se ndihet mirë te PSG. Sinjale pozitive në një mision të rëndësishëm për klubin parizien që kërkon të thyejë konkurencën e Realit të Madridit. I intervistuar nga mediat franceze Leonardo shfaq optimizëm.

“Jemi duke folur prej kohësh për kontratën e Mbappe. Fillimisht për të qenë të qartë në lidhje me pozicionin tonë dhe atë se çfarë duam. Tani besoj se jemi duke arritur në një pikë ku duhet marrë një pozicion dhe një vendim, por jemi duke zhvilluar një dialog të mirë”, theksoi drejtori sportiv i Paris Saint-Germain.

Drejtori sportiv shtoi se e njëjta gjë vlen edhe për Neymar, duke lënë të kuptohet se me brazilianin akordi është vetëm një hap larg, ndërsa bëri të ditur dhe qëllimin për të mos hequr dorë nga Angel Di Maria, kontrata e të cilit skadon në fund të sezonit, ashtu si dhe për Juan Bernat. Argjentinasi 33-vjeçar shpreson ta mbyllë karrierën e tij europiane në Paris.

“Ashtu si me Neymar dhe Mbappe, jemi duke hyrë në dialog mjaft pozitiv edhe me Di Maria e Bernat. Janë katër dosje që po trajtojmë në të njëjtën kohë, dhe ideja është që ti mbyllim rinovimet sa më shpejt të jetë e mundur, pasi ne si klub duam ti mbajmë të gjithë”, tha Leonardo.

Ndërkohë te PSG mbetet ende pezull pozicioni i klubit në lidhje me të ardhmen e Julian Draxler, kontrata e të cilit skadon në qershor me Leonardo që u shpreh.

“Është një lojtar i rëndësishëm dhe situata e tij do të qartësohet”, përfundoi drejtori sportiv i skuadrës franceze, Leonardo.

Related Topics:
Continue Reading

Sport

Sportet dhe origjina e tyre

Published

16 hours ago

on

January 14, 2026

By

Sporti mbetet gjithnjë një fushë me shumë interes. Historikisht, e deri në ditët e sotme. Një formë e pazëvendësueshme e garës, luftës dhe argëtimit.

Në përcjellim shumë gara sportive, por a jemi ndalur ndonjëherë të mendojmë ku e kanë origjinën këto sporte:

Lojërat olimpike: Greqia

Kriketi: Anglia

Futbolli: Anglia

Tekvondo: Koreja e Jugut

Xhudo: Japonia

Shahu: Indi

Atletika: Greqia

Volejbolli: SHBA

Basketbolli: SHBA

Kabadi: Indi

Bilardo: Indi

Softball: SHBA

Ragbi: SHBA

Continue Reading

Sport

Rivaliteti më i madh në sport

Published

16 hours ago

on

January 14, 2026

By

Bota e sportit njeh rivalitete të mëdha. Kundërshtarë me cilësi të përafërta, që një kohë të gjatë maten mes vete kush është më i mirë se tjetri.

Le të shohim cilat janë rivalitetet më të mëdha:

1. Joe Frazier & Muhammad Ali (boks)

2. Ohio State Buckeyes & Michigan Wolverines (futboll i kolegjeve universitare)

3. Montreal Canadiens & Toronto Maple Leafs (hokej mbi akull)

4. Finlanda & Suedia (hokej mbi akull)

5. Real Madrid & Barcelona (futboll)

6. Seltik & Reinxhers (futboll, Skoci)

7. India & Pakistani (krikët)

8. Boston & New York Jankes (ragbi)

9. Detroid Red Wings & Chicago Blackhawks (hokej mbi akull)

10. Duke Blue Devils & North Carolina (futboll i kolegjeve universitare)

11. Los Angales Dodgers & San Francisko Giants (ragbi)

12. Edmonton Oliers & Calgari Flames (hokej mbi akull)

13. River Plate & Boca Juniors (futboll)

14. Alabama Crimson & Auburn Tigers (futboll i kolegjeve universitare)

15. Joe Luis & Max Schmeling (boks)

16. Neë York Knicks & Miami Heat (NBA basketboll)

17. Green Bay Backers & Chicago Bears (hokej mbi akull)

18. Jack Johnson & Society (boks, historikisht)

19. Los Angeles Lakers & Boston Celstics (NBA basketboll)

20. Cris Evert & Martina Navratillova (tenis)

Continue Reading

Sport

Ronaldo i frustruar, akuzon Al-Hilalin pas humbjes në derbi

Published

17 hours ago

on

January 14, 2026

By

Cristiano Ronaldo u bë protagonist i një momenti të diskutueshëm pas humbjes 3-1 të Al Nassr, të vulosur nga penalltia e shënuar nga Ruben Neves në minutën e 92-të.

Menjëherë pas golit, ylli portugez u kthye nga kamera që po e filmonte dhe bëri një gjest me dorën e djathtë, i cili u interpretua gjerësisht si shenjë që nënkupton “vjedhje”, i shoqëruar edhe me një buzëqeshje ironike.

Ky veprim shkaktoi reagime të shumta në rrjetet sociale, ndërsa disa e interpretuan ndryshe, duke pretenduar se Ronaldo kishte treguar pesë gishta për të kujtuar pesë titujt e Champions League të fituar gjatë karrierës së tij.

Në fushë, Al Hilal i drejtuar nga Simone Inzaghi triumfoi 3-1 ndaj rivalëve, duke u shkëputur në +7 pikë në krye të renditjes, pas një serie rezultatesh pozitive edhe në javët e fundit.

Cristiano Ronaldo kishte kaluar Al Nassr në avantazh të përkohshëm 1-0 në minutën e 42-të, duke realizuar golin e tij të 959-të në karrierë dhe duke iu afruar edhe më shumë shifrës simbolike prej 1000 golash. Megjithatë, ky gol nuk mjaftoi për të shmangur humbjen. Penalltia e akorduar në minutat shtesë largoi edhe më shumë Al Nassr nga objektivi i titullit kampion, duke lënë hije polemikash mbi ndeshjen.

Continue Reading

Lajmet

Stadiumi Nacional përfshihet në buxhetin 2026, ndahen 4 milionë euro

Published

2 days ago

on

January 13, 2026

By

Sekretari i Përgjithshëm i Ministrisë së Sportit, Bislim Bislimi, ka bërë të ditur se ndërtimi i Stadiumit Nacional të Kosovës është përfshirë në projektbuxhetin e vitit 2026, me një fond fillestar prej 4 milionë eurosh.

Sipas Bislimit, ky projekt do të vazhdojë edhe në vitet pasuese dhe vlera totale e investimit pritet të tejkalojë 20 milionë euro.

Ai theksoi se ndërtimi i Stadiumit Nacional konsiderohet një domosdoshmëri për zhvillimin e infrastrukturës sportive dhe për përmbushjen e standardeve ndërkombëtare.

Megjithatë, ende nuk është përcaktuar lokacioni ku do të ndërtohet stadiumi, ndërsa autoritetet kompetente pritet të dalin me vendim në fazat e ardhshme të projektit.

Continue Reading

Të kërkuara