Lajmet

Lëng me uthull molle dhe hudhra për forcimin e imunitetit

Po ashtu, agrumet e përdorura në këtë recetë mundësojnë vitaminën C, thelbësore për imunitetin.

Published

on

Përbërësit pikantë të kësaj pije ndihmojnë në forcimin e imunitetit dhe ngrohin trupin gjatë ditëve të ftohta të vitit.

Po ashtu, agrumet e përdorura në këtë recetë mundësojnë vitaminën C, thelbësore për imunitetin.

Ndërsa hudhra dhe mjalti ofrojnë mbështetje antibakteriale.

Kjo pije do të qetësojë gjithashtu dhimbjen e fytit dhe do t’ju pastrojë sinuset.

AgroWeb.org ju sugjeron përgatitjen e këtij gumbulli të fuqishëm përbërësish sapo të vijë sezoni i të ftohtit dhe gripit.

Edhe pse më poshtë do të gjeni metodën e përgatitjes së këtij lëngu, në të vërtetë ju mund të eksperimentoni edhe vetë me përbërësit sipas shijes tuaj.

Ju mund të dyfishoni sasinë e specit djegës dhe shtoni të gjitha farat e tij. Ose të shtoni akoma më shumë hudhër dhe xhenxhefil, për një dozë më të lartë agjentësh anti-inflamatorë.

Receta

Përbërësit

1/4 filxhan hudhër të grirë

1/4 filxhan xhenxhefil të grirë

2 speca djegës të thatë ose të freskët, të grimcuar

1 lugë çaji turmerik, i bluar ose grirë

1/2 lugë çaji piper i zi

1 portokall

1 limon

Uthull molle

Përgatitja

Në një kavanoz të pastër, bashkoni hudhrën, xhenxhefilin, specin djegës, shafranin e Indisë dhe piperin.

Shtrydhni portokallin edhe limonin dhe shtoni në përzierje lëkurat e tyre.

Përziejini mirë përbërësit dhe më pas shtypni për të nxjerrë sa më shumë aromë të jetë e mundur.

Hidhni uthull molle derisa të mbulohen plotësisht lëndët e ngurta, por mos e mbushni kavanozin deri në buzë.

Nëse kapaku i kavanozit tuaj është prej metali, mbulojini buzët e tij me një letër kuzhine e më pas mbylleni kapakun fort.

Kjo bëhet për të parandaluar që metali të bashkveprojë me uthullën.

Transferojeni kavanozin në frigorifer dhe lëreni për të paktën 12 orë.

Ju gjthashtu mund ta transferoni kavanozin në një zonë të freskët dhe të errët në kuzhinë, si për shembull në dollap.

Lëreni kavanozin përmbys dhe tundeni butësisht një herë në ditë për tre javë.

Pas peridhës së caktuar, largoni përbërësit e ngurtë dhe shtoni mjaltë për shije.

Konsumoni nga një lugë gjelle ose gjysëm luge gjelle me lëng çdo mëngjes, ose sa herë që nuk ndiheni mirë.

Këshilla

Këshillohet që pijen ta konsumoni brenda 1 muaji.

Sigurohuni që kavanozi juaj të ketë një kapak hermetik dhe të jetë i pastruar mirë./Agroweb

Lajmet

Basha mbyll seancën konstituive, asnjë deputetë serbë nuk merr votat për nënkryetar

Published

on

By

Kuvendi ka dështuar ta zgjedhë nënkryetarin nga komuniteti serb. Asnjëri prej deputetëve që u votua nuk ka marrë shumicën e mjaftueshme dhe rrjedhimisht Kuvendi nuk ka nënkryetarin nga ky komunitet.

Kryetari i Kuvendit të Kosovës, Dimal Basha, ka bërë të ditur se janë ezauruar të gjitha opsionet për zgjedhjen e nënkryetarit të pestë të Kuvendit nga komuniteti serb. Ai theksoi se seanca konstituive e Kuvendit konsiderohet e përmbyllur, ndërsa për hapat e mëtejmë do të vendoset në mbledhjen e ardhshme të Kryesisë së Kuvendit, që do të mbahet të hënën në orën 13:00.

“Janë ezauruar të gjitha opsionet për të zgjedhur nënkryetarin e pestë nga pakica serbe. Kjo seancë konsiderohet e përmbyllur. Se si të veprohet tutje si Kuvend do t’i konsultoj anëtarët e Kryesisë së Kuvendit, mbledhje kjo që do të mbahet të hënën në ora 13:00,” tha Basha.

Pavarësisht disa tentativave të përsëritura në seancat e kaluara, Kuvendi nuk ka arritur të zgjedhë nënkryetarin e mbetur, çka ka vonuar përmbylljen e procesit të konstituimit të plotë të tij. Vendimi për hapat e ardhshëm do të merret pas konsultimeve të brendshme institucionale që do të zhvillohen javën që vjen.

Continue Reading

Lajmet

Murati: Sot është dita vendimtare për konstituimin e Kuvendit të Kosovës

Published

on

By

Ministri në detyrë i Financave, Hekuran Murati, ka deklaruar se dita e sotme është vendimtare për përfundimin e procesit të konstituimit të Kuvendit të Kosovës. Ai ka theksuar se kanë mbetur edhe tre kandidatë të papërfunduar, me gjashtë tentativa të mundshme për zgjedhjen e nënkryetarit të pestë të Kuvendit, që duhet të vijë nga komuniteti jo-shumicë serb.

Në një deklaratë të drejtpërdrejtë, Murati ka qenë i prerë për sa i përket qëndrimit ndaj Listës Serbe, duke përjashtuar çdo mundësi për mbështetje ndaj saj.

“Po besoj që të gjithë e kemi kuptuar që sot është dita vendimtare sa i përket seancës konstituive, do të thotë kanë mbetur edhe tre kandidatë ende ta pa ezauruar me 6 tentativa të mundshme për t’u zgjedhur nënkryetari i 5 që duhet të vijë nga radhët e komunitet jo shumicë serb. Votë për Listën Serbe ne nuk kemi sepse marr parasysh edhe të kaluarën e tyre edhe faktin që ata nuk i njohin institucionet dhe Republikën e Kosovës si dhe përfshirjen e tyre në sulmin terrorist në Banjskë dhe që rrjedhimisht ata vazhdojnë që të jenë të dirigjuar nga kryeterroristi Milan Radoiçiq, Alternativa e vetme për me dalur nga ngërçi dhe për të konstituuar Kuvendin është deputeti Nenad Rashiq”, tha ai.

Continue Reading

Lajmet

Balje: Procesi për nënkryetarin e pestë kërkon vendim nga Gjykata Kushtetuese

Published

on

By

Deputetja e Kuvendit të Kosovës, Duda Balje, ka theksuar se procesi për zgjedhjen e nënkryetarit të pestë të Kuvendit, përfaqësues i komunitetit serb, nuk mund të vazhdojë pa një vendim të qartë nga Gjykata Kushtetuese. Ajo ka ngritur dyshime lidhur me ligjshmërinë e procedurës, duke e vënë në pikëpyetje nëse hedhja e shortit për këtë pozitë është në përputhje me Kushtetutën e Kosovës.

Në lidhje me qëndrimin e shefave të Misioneve të BE-së, të cilët refuzuan të zhvillojnë një takim me kryeministrin në detyrë, Albin Kurti, Balje u shpreh se ata kishin arsye të qarta për këtë veprim dhe se zhvillimet në këtë drejtim do të varen nga vlerësimet e misioneve ndërkombëtare.

Continue Reading

Lajmet

Krasniqi kritikon Kurtin për insistimin në Rashiqin si nënkryetar Kuvendi: Pse po kërkon krizë të re kushtetuese?

Published

on

By

Kryetari i PDK-së, Memli Krasniqi thotë se nuk e kupton insistimin e kryeministrit në detyrë, Albin Kurtit, për të zgjedhur Nenad Rashiqin nënkryetar të Kuvendit nga komuniteti serb.

Sipas Krasniqit, kjo përpjekje është në kundërshtim me Kushtetutën dhe përfaqëson një veprim të rrezikshëm politik që mund të çojë drejt një krize të re institucionale. Ai shtoi se, ndonëse Rashiqi është një figurë pozitive nga komuniteti serb, mënyra e zgjedhjes së tij është problematike.

“Prej ditës së parë kur ka filluar seanca konstituive më 15 prill, kërkesa jonë e vetme ka qenë që çdo veprim duhet me qenë në pajtim me Kushtetutën. Një votim i tillë, i ndarë, nuk është në pajtim me Kushtetutën. Ne nuk mundemi të bëhemi pjesë e lojërave politike, pavarësisht se Nenad Rashiq si person, si figurë politike, është jashtëzakonisht një figurë pozitive nga komuniteti serb, në rrethana të ndryshme do të ishte jashtëzakonisht i mirë. Albin Kurti një entuziazëm të tillë për me e zgjedh Rashiqin s’e ka pasur as për Albulena Haxhiun e as Dimal Bashën. Pse po insiston me e kriju edhe një lëndë në Gjykatën Kushtetuese, unë nuk po e kuptoj. A është qëllimi i tij me e vazhdu krizën, apo me e mbajt pozitën e kryeministrit në mënyrë uzurpatore”, tha tutje Krasniqi.

Krasniqi foli edhe rreth qortimit që Bashkimi Evropian ia ka bërë të enjten kryeministrit në detyrë, Albin Kurtit.

Krasniqi tha se është e dhimbshme se në çfarë niveli është sjellë Kosova.

“Është vazhdim i degradimit të raportove që dikur Kosova ka pasur me aletatët e saj”, tha Krasniqi.

Continue Reading

Të kërkuara