Lajmet

Lehtësohen masat anti-Covid, Vitia: Situata epidemiologjike është e qëndrueshme

Published

on

Qeveria e Kosovës ka miratuar lehtësimin e masave anti-Covid. Tash do të lejohet mbajtja e dasmave, fejesave, ahengjeve familjare e mbrëmjeve të maturës deri në orën 01:00.

Organizimi i tyre duhet të bëhet vetëm me kushtin që të shfrytëzohet vetëm 50 për qind e kapacitetit, e jo me më shumë se 300 persona.

Ministri i Shëndetësisë, Arben Vitia ka njoftuar se sipas të dhënave të IKShKP-së, në Kosovë ka situatë epidemiologjike të qëndrueshme.

“Nga të dhënat e fundit nga IKShKP-ja gjendja epidemiologjike paraqitet e qëndrueshme dhe propozojmë lehtësim gradual të masave që synojnë kontrollin e përhapjes së infeksionit më Covidi-19.

“Masat e përcaktuara më këtë propozim vendim shërbejmë që situata epidemiologjike të mbahen në kontroll. Vlerësimi i marrjes së masave kufizuese do të bëhet në mënyrë të vazhdueshme”.

Masat:

Bota

Izraeli sulmon Bejrutin, zbaton formulën diktatoriale

Published

on

Izraeli ka realizuar një sulm ajror mbi periferitë jugore të Bejrutit, duke zbatuar një formulë që kritikët e konsiderojnë si diktatoriale, ku me mbështetje të fuqishme amerikane, ai vepron në territorin libanez pa patur një miratim të drejtpërdrejtë ndërkombëtar. Sipas një raporti nga një gazetar i Al Jazeera, Ushtria Izraelite ka bombarduar zonat e dendura dhe të banuara të qytetit.

Para fillimit të sulmit, ushtria izraelite ka dhënë tre të shtëna paralajmëruese, për të sinjalizuar banorët për rrezikun e afërt. Pasi shpalli alarmin, ushtria ka kërkuar evakuimin e detyruar të qytetarëve, duke u urdhëruar ata që të largohen të paktën 300 metra larg objekteve që Izraeli pretendon se i përkasin Hezbollahut. Sipas raporteve, qindra banorë janë larguar nga zona, duke u përpjekur të shpëtojnë nga sulmet.

Izraeli ka pohuar se sulmet ishin të fokusuara në një magazinë drone të Hezbollahut, por ky veprim ka ngjallur shqetësime të mëdha ndërkombëtare për pasojat e mundshme të rritjes së tensioneve mes Izraelit dhe grupeve të armatosura libaneze. Presidenti i Libanit ka dënuar këto sulme, duke i konsideruar ato si shkelje të drejtpërdrejta të marrëveshjes së armëpushimit, që ndalon përdorimin e forcës nga ana e Izraelit në territorin libanez.

Ky incident është pjesë e një cikli të vazhdueshëm tensionesh mes Izraelit dhe Hezbollahut, ndërsa dy shtetet janë përfshirë në një konflikt të gjatë që ka shkaktuar pasoja të rënda për civilët në rajon.

Continue Reading

Lajmet

​Gjatë 2024 qytetarët adresuan 1410 ankesa, Avokati i Popullit dorëzoi raportin në Kuvend

Published

on

By

Avokati i Popullit, Naim Qelaj ka dorëzuar sot raportin vjetor për vitin 2024 në Kuvendin e Kosovës.

Raporti paraqet gjendjen e të drejtave të njeriut në vend dhe punën e Institucionit të Avokatit të Popullit, si dhe ofron një analizë dhe vlerësim të situatës në lidhje me forma të caktuara të shkeljes së të drejtave të individëve apo të grupeve të caktuara shoqërore.

Gjatë vitit 2024, qytetarët kanë adresuar 1410 ankesa, prej të cilave 110 janë adresuar nga qytetarë të nacionalitetit serb dhe 104 nga qytetarë të komuniteteve të tjera jo-shumicë. Nga hetimi i ankesave dhe hetimet sipas detyrës zyrtare, janë adresuar gjithsej 176 rekomandime.

Në përgjithësi nga analiza e rasteve të hetuara del se vazhdon të mbetet shqetësues fakti i pamundësisë që institucionet e drejtësisë të garantojnë gjykim të drejtë, për shkak të kohëzgjatjes dhe zvarritjeve të procedurave gjyqësore.

Numri i madh i ankesave të qytetarëve, për shkak të mos përgjigjeve nga ana e autoriteteve publike, është tregues i mosfunksionimit të mekanizmave të përgjegjësisë për zbatim të ligjit, mungesës së efikasitetit dhe neglizhencës së administratës publike në shqyrtim të ankesave të qytetarëve, gjë që ndikon edhe në rritjen e numrit të rasteve në gjykata.

Raporti po ashtu ka konstatuar se në disa raste ka pasur mungesë të trajtimit me dinjitet të disa kategorive të ndjeshme që janë përballur me sfida gjatë realizimit të të drejtave të tyre.

Raporti thekson mungesën e mbulimit të trajtimit mjekësor për persona me status të invalidit të luftës; pengesat që kanë hasur viktimat e dhunës seksuale gjatë realizimit të statusit të tyre, si në fazën e aplikimit, ashtu edhe gjatë marrjes së shërbimeve që u takojnë; detyrimi i personave tetraplegjikë dhe paraplegjikë që të paraqiten për rivlerësim në komisionet mjekësore janë disa nga shqetësimet që Avokati i Popullit i ka ngritur këtë vit.

Avokati i Popullit thekson se mbrojtja e të drejtave të njeriut është një proces i vazhdueshëm që kërkon përkushtim dhe bashkëpunim të gjerë për të garantuar sundimin e ligjit dhe respektimin e standardeve demokratike të garantuara me Kushtetutë.

Continue Reading

Bota

Tërmeti i fuqishëm në Azinë Juglindore, rritet numri i viktimave, spitalet nevojë urgjente për gjak

Published

on

Tërmeti i fuqishëm që goditi Azinë Juglindore mesditën e së premtes ka shkaktuar një tragjedi të madhe, me magnitudë 7.7, duke prekur kryesisht Tajlandën dhe Mianmarin. Dëmet janë të mëdha dhe numri i viktimave po rritet vazhdimisht.

Nga Mianmari raportohet për të paktën 21 të vdekur deri tani. Këto informacione janë dhënë nga organizatat e ndihmës dhe burime lokale në rajonet e Taungo, Bago, Pyavbve dhe Mandalay, ndërsa numri i viktimave pritet të rritet ndërsa vijon operacioni i shpëtimit.

Gjenerali Zaw Min Tun, zëdhënës i juntës ushtarake të Mianmarit, ka njoftuar se në spitalet e vendit po mbërrijnë një numër të madh të plagosurve. Kjo ka çuar në një thirrje urgjente për furnizime me gjak, pasi spitalet po përballen me një ngarkesë të madhe dhe kërkojnë mbështetje.

Në Mianmar, tërmeti ka shkaktuar shembjen e një ure dhe disa ndërtesave, ndërsa në qytetin Aung Ban është rrëzuar një hotel, duke bllokuar shumë njerëz brenda tij. Operacionet e shpëtimit janë në vijim, por situata është shumë e vështirë për shkak të kushteve të kufizuara të informacionit nga ky vend i drejtuar nga një juntë ushtarake.

Përveç Mianmarit, në Bangkok të Tajlandës gjithashtu janë regjistruar dëme të mëdha. Një ndërtesë shumëkatëshe është shembur, duke lënë të bllokuar 43 punëtorë nën rrënoja. Për këtë arsye, kryeministri tajlandez shpalli gjendjen e jashtëzakonshme për qytetin e Bangkokut, ndërsa ekipet e shpëtimit po punojnë pa pushim për të nxjerrë të mbijetuarit.

Sipas të dhënave paraprake të Shërbimit Gjeologjik të SHBA-së dhe qendrës gjermane për shkenca gjeologjike (GFZ), tërmeti ka qenë i cekët, me një thellësi prej vetëm 10 kilometrash, dhe epiqendra e tij ndodhej në Mianmar, duke shtuar kështu rrezikun dhe pasojat për zonat e prekura.

Kjo tragjedi ka sjellë një kërkesë urgjente për ndihma ndërkombëtare, ndërsa autoritetet e të dyja shteteve po bëjnë thirrje për solidaritet dhe mbështetje për të përballuar pasojat e këtij tërmeti shkatërrues.

 

Continue Reading

Lajmet

​ZRrE thotë nuk ka trajtuar sot çështjen e tarifave të rrymës

Published

on

By

Kryetari i Bordit të Zyrës së Rregullatorit të Energjisë, Ymer Fejzullahu nuk ka pranuar t’i përgjigjet pyetjeve të gazetarëve, para dhe në fund të mbledhjes së bordit të këtij institucioni.

Ai pas përfundimit të mbledhjes, ka thënë se nuk ka konferencë për media.

“Treguam në fillim të këtij takimi besoj e keni marrë konfirmimin”, tha Fejzullahu.

ZRRE-ja është në proces të shqyrtimit të tarifave të energjisë elektrike, të cilat pritet të ngritën për rreth 15% nga muaji prill.

Ndërkohë, në një komunikatë për media të ZRrE-së, bëhet e ditur se bordi i ZRRE-së ka shqyrtuar dhe miratuar bilancin vjetor të Energjisë Termike për NQ Termokos për 2025 dhe bilancin vjetor të energjisë termike për NQ Gjakova për vitin 2025.

“Gjatë kësaj seance janë shqyrtuar dhe miratuar edhe dokumentet në vijim: Plani dhjetë-vjeçar për zhvillimin e rrjetit të transmetimit, Plani dhjetë-vjeçar për zhvillimin e rrjetit të shpërndarjes, Plani pesë-vjeçar për zhvillimin e rrjetit të transmetimit, Plani pesë-vjeçar për zhvillimin e rrjetit të shpërndarjes, si dhe procedura e rregullave të Tregut në Para-kualifikimin e Ofruesit të Shërbimit Balancues. Po ashtu, është miratuar edhe propozimi për hapjen e procedurës së tenderimit për përzgjedhjen e Furnizuesit të Mundësisë së Fundit. Në këtë seancë, bordi ka miratuar kërkesën e “Statkraft Markets GMbH Branch in Kosovo” për licencim të aktivitetit të furnizimit me shumicë të energjisë elektrike. Sa i përket zhvillimit të burimeve të ripërtëritshme të energjisë, në këtë seancë është shqyrtuar kërkesa e “LURN” sh.p.k për lëshimin e autorizimit për gjenerim të energjisë elektrike nga panelet solare/fotovoltaike si dhe janë aprovuar 7 kërkesa të subjekteve juridike dhe 21 kërkesa të personave fizik për marrje të autorizimeve për vetë-konsum me kapacitet total të instaluar prej 418.8 kËh. Në këtë seancë janë shqyrtuar edhe ankesat e konsumatorëve dhe janë marrë vendimet përkatëse. Pjesë e shqyrtimit nga bordi ka qenë edhe raporti vjetor i ZRRE-së për vitin 2024 dhe çështje të tjera që lidhen me funksionimin e Zyrës së Rregullatorit për Energji”, thuhet në komunikatë.

Sipas komunikatës, sa i përket procesit të shqyrtimit tarifor, gjatë kësaj seance nuk është trajtuar ndonjë pikë lidhur me këtë çështje, pasi afati për dorëzimin e komenteve është ende i hapur dhe do të mbyllet sot deri në ora 16:00. ZRRE thekson se do t’iu mbajë të informuar për të gjitha zhvillimet në vazhdim, duke synuar një proces transparent dhe të hapur të shqyrtimit tarifor.

Continue Reading

Të kërkuara