MCC/MCA Kosovë ka lansuar projektin “Energji për Barazi”, aktivitet i cili synon fuqizimin e grave në sektorin e energjisë në Kosovë. “Energji për Barazi” synon rritjen e përfaqësimit të gruas në sektorin e energjisë dhe sektorët e ngjashëm përmes promovimit të praktikave të barabarta gjinore brenda kompanive, mbështetjes së rrjetëzimit, mentorimit, dhe mundësive të trajnimit për gratë, fuqizimit të mundësive arsimore, dhe ofrimit të ndihmës teknike dhe granteve të vogla për punëdhënësit në sektorin e energjisë dhe sektorët e ngjashëm.

Ministrja e Ekonomisë, Artane Rizvanolli, tha se përmes politikave aktive të tregut të punës, përkrahjes së biznese të grave e shumë masave te tjera kanë vënë qeverisjen për gratë në qendër të politikave dhe synimeve të Qeverisë.

Ajo më tej shtoi se nga 9 për qind sa është përfaqësimi i grave në sektorin e energjisë, në strategjinë e energjisë për vitin 2022-2031 për ta objektiv kyçe është ta rrisin këtë në së paku 25 për qind.

“Sa i përket përfaqësimit të grave në pozita udhëheqëse, Kosova është me fat që ka shumë gra e vajza që janë shembull. Përmes politikave aktive të tregut të punës, përkrahjes së biznese të grave, përmes shumë masave të tjera kemi vënë qeverisjen për gratë në qendër të politikave dhe synimeve tona. Me fakte dhe me vepra jo vetëm më fjalë”.

Ajo më tej shtoi se nga 9 për qind sa është përfaqësimi i grave në sektorin e energjisë, në strategjinë e energjisë për vitin 2022-2031 për ta objektiv kyçe është ta rrisin këtë në së paku 25 për qind.

“Sektori i energjisë që ka qenë i dominuar nga burrat ka përjetuar ndryshme të mëdha në dekada të fundit, gratë vazhdojnë që të jenë të nën-përfaqësuara në pozita udhëheqëse. Kjo jo vetëm që është një padrejtësi por është një kufizim për vete sektorin dhe ekonomi. Sa i përket pjesëmarrjes së grave në sektor të energjisë, vlerësimet kanë qenë që vetëm 9 për qind e fuqisë punëtore ne sektorin e energjisë në Kosovës kanë qenë gra”.

Florina Duli, kryeshefe ekzekutive në MCA-Kosovë, tha se shpresojnë që përmes projekti “JETA” do t’i thyejnë barrierat për gratë dhe se do të bëjnë ndryshime në kompani duke krijuar shtigje që gratë të përparojnë në sektorin e energjisë përmes grandeve dhe asistencës teknike.

“Projekti jonë pritet që të ketë ndikim më të madh, progresi në energji nuk ka të bëjë vetëm me teknologji por ka të bëjë edhe me mundësin dhe ata se kush ulet rreth tavolinës dhe kujt i jepet rasti për të udhëhequr. Në Kosovë kemi bërë hapa përparimi, presidenten e kemi grua, zv.kryeministren e kemi grua dhe 5 nga 15 ministra janë gra. Ende shumë çka mbete për të bërë për të adresuar këtë mosbalancim gjinor në këtë sektor, që përbëjnë vetëm 15 për qind të fuqisë punëtore. Kjo është më e theksuar në kompanitë publike, në ndërmarrjet publike ku përfaqësimi i grave është më i ulët se në sektorin privat”.

Kevin Mitchell, drejtor menaxhues i Sektorit të Operacioneve në MCC, tha se po punojnë për tranzicion drejtë një të ardhme të energjisë që është më përfshirëse, më e përballueshme, më e gjelbër dhe njëkohësisht inkurajoj pjesëmarrjen e grave në sektorin e energjisë përmes projekti “JETA”.

“Programi kompakti për energji në Kosovë është shumë me rënësi për MCC. Ky program investon në përpjeke të Qeverisë së Kosovës për tranzicion drejtë një të ardhme të energjisë që është më përfshirëse më e përballueshme më e gjelbër dhe njëkohësisht inkurajoj pjesëmarrjen e grave në sektorin e energjisë përmes projekti JETA. Projekti JETA është një nga investimet kryesore sa i përket përfshirjes gjinore dhe shoqërore”.

Hamit Qeriqi, drejtor i Projektit “JETA”, duke prezantuar projektin “Energjisë për Barazi”, tha se ky projekt fokusohet në tri komponentë kryesore, raporton EO

“Aktiviteti Energji për Barazi fokusohet në tri komponentë kryesore. Komponenti i grandeve për sektorin e energjisë, kryesisht fokusohet për kompanitë të cilën e kanë aktivitet primar biznesin e prodhimit apo distribuimin e energjisë por edhe aktivitete të tjera që ndërlidhen në sektorin e energjisë qofshin kompani publike apo private”, ka thënë ai.

LEXONI EDHE:

Në një ditë të veçantë për teknologjinë dhe inovacionin në Kosovë, u hap zyrtarisht Zyra e Sakarya Teknokent në qytetin e bukur të Prizrenit. Ky hap është një arritje e madhe për UBT-në, e cila ka krijuar një mundësi të re për studentët dhe profesionistët për të kontribuar në fushën e teknologjisë dhe sipërmarrjes.

Ceremonia e hapjes u mbajt në Prizren nën koordinimin e Prof. Ass.Dr. Cengiz Çesko, drejtor i Institutit të Forenzikës, me të pranishëm nga institucionet shtetërore, akademike dhe përfaqësues të komunitetit të biznesit. Të pranishëm ishin gjithashtu Drejtori i Sakarya Teknopark, Yakup Köseoğlu, Ministri i Zhvillimit Rajonal, Fikrim Damka, dhe Konsulli i Përgjithshëm i Republikës së Turqisë, Celal Doğan.

Rektori i UBT-së, Prof. Dr. Edmond Hajrizi, theksoi rëndësinë e këtij bashkëpunimi me Sakarya Teknokent dhe shprehu besimin se kjo zyrë do të hapë horizonte të reja për të rinjtë.

“Kjo zyrë është një derë e re për ata që kanë pasion për inovacionin dhe teknologjinë. Ne jemi këtu për të ndihmuar ata që ëndërrojnë të bëhen liderë në këtë fushë,” deklaroi Hajrizi, duke theksuar angazhimin e UBT-së për të mbështetur zhvillimin e kapaciteteve të rinjve.

Përfaqësuesit e Sakarya Teknokent nga Turqia, gjatë fjalës së tyre, nënvizuan marrëdhëniet e forta mes Kosovës dhe Turqisë. Ata theksuan se ky bashkëpunim është një hap i rëndësishëm drejt forcimit të lidhjeve mes dy vendeve dhe një kontribut i vyer në zhvillimin e qëndrueshëm të rajonit.

Yakup Köseoğlu, Drejtori i Sakarya Teknopark, shprehu entuziazmin e tij për hapjen e zyrës në Prizren, duke theksuar rëndësinë e këtij projekti në forcimin e lidhjeve mes Kosovës dhe Turqisë. Ai theksoi se kjo zyrë do të shërbejë si një qendër inovative, duke ofruar mbështetje për të rinjtë dhe profesionistët shqiptarë në zhvillimin e projekteve të tyre.

“Jemi të gëzuar që po hapim këtë zyrë në Prizren, e cila do të shërbejë si një qendër inovative. Ky është një hap i rëndësishëm për forcimin e marrëdhënieve tona dhe për ndihmën që do t’i japim të rinjve dhe profesionistëve shqiptarë në zhvillimin e projekteve të tyre,” tha Köseoğlu.

Fikrim Damka, Ministri i Zhvillimit Rajonal, u shpreh i nderuar që mori pjesë në këtë ngjarje të rëndësishme. Ai theksoi rëndësinë e hapjes së Zyrës së Sakarya Teknokent në Prizren si një hap të rëndësishëm për zhvillimin e inovacionit dhe teknologjisë në Kosovë.

“Ky bashkëpunim mes UBT-së dhe Sakarya Teknokent është një shembull i shkëlqyer i partneritetit strategjik që ndihmon në ndërtimin e një të ardhmeje më të ndritshme për të rinjtë tanë. Ne jemi këtu për të mbështetur çdo iniciativë që promovon teknologjinë dhe sipërmarrjen,” tha Damka.

Ai gjithashtu theksoi se investimet në arsim dhe teknologji janë thelbësore për zhvillimin e qëndrueshëm të vendit. “Kjo zyrë do të ofrojë mundësi të reja për studentët dhe profesionistët tanë, duke i ndihmuar ata të zhvillojnë ide dhe projekte që do të kontribuojnë në avancimin e ekonomisë sonë,” përfundoi Damka.

Ky bashkëpunim pritet të sjellë përfitime të mëdha për të dy vendet, duke kontribuar në rritjen e qëndrueshme të rajonit dhe zhvillimin e një kulture inovative. Me hapjen e kësaj zyre, UBT dhe Sakarya Teknokent shprehin përkushtimin e tyre për të investuar në të ardhmen e teknologjisë dhe sipërmarrjes në Kosovë./UBTNews/D.E.

Ministri i Punëve të Brendshme, Xhelal Sveçla ka deklaruar se provokimet serbe do të dështojnë.

Ai teksa e ka quajtur shkelje të marrëveshjes shkeljen e vijës ndarëse kufitare në Merdarë nga xhandarmëria serbe, tha se për këtë tashmë kanë njoftuar partnerët.

Ministri i Punëve të Brendshme u shpreh se këto shkelje do t’i prezantojnë si dëshmi shtesë se si Serbia nuk është e gatshme për bashkëpunim.

“Bëjnë shkelje të marrëveshjes për menaxhimin e përbashkët të pikave kufitare. Nuk është hera e parë që ata bëjnë shkelje të kësaj marrëveshje, por shpresojmë të jetë e fundit. Ne patjetër që jemi të gatshëm me u ballafaqua me çdo shkelje të tyre dhe në të njëjtën kohë edhe t’i prezantojmë ato tek partnerët tanë si dëshmi shtesë se si Serbia nuk është e gatshme për të bashkëpunuar pavarësisht marrëveshjet të cilat ajo i ka nënshkruar”, tha ai.

Ministri, Sveçla po ashtu theksoi se institucionet e Kosovës po forcohen çdo ditë për zmbrapsjen e qëllimeve hegjemoniste të shtetit serb.

Ndërsa, shtoi se Kosova është e gatshme të ballafaqohet me çdo sfidë.

“Është e qartë se Kosova është e kërcënuar nga aspiratat hegjemoniste të Serbisë gjithë aparati i tyre shtetëror punon për të përmbushur qëllimet e tyre të cilat ko vetëm që janë të papranueshme për ne por edhe kriminale në realitetin tonë. Institucionet e Kosovës po forcohen çdo ditë që këto qëllime të Serbisë të zmbrapsen në çdo moment tash edhe në të ardhmen. Jam i bindur që këto provokime do të dështojnë patjetër vështirësojnë jetën e qytetarëve tanë posaçërisht të komunitetit serb, por ne jemi të aftë që të ballafaqohemi me çfarëdo sfide nga brenda apo jashtë”, tha ai.

Këto komente i pari i ministrisë së Punëve të Brendshme, Xhelal Sveçla i bëri pas pjesëmarrjes në debatin me temën “Roli i Inteligjencës Artificiale (IA) në Luftën Kundër Terrorizmit dhe Sigurinë Kombëtare” i organizuar nga Qendra Amerikane për Luftimin e Ekstremizmit dhe Terrorizmit (ACCET).

Gjatë ditës së djeshme pranë stacionit policor kufitar në Merdarë, në anën serbe, është parë një makinë e tipit Land Rover me targa serbe, e cila dyshohej të ishte në pronësi të xhandarmërisë serbe.

Sipas Policisë së Kosovës në atë makinë gjendeshin katër pjesëtarë të xhandarmërisë serbe.

EcoKosWomen dhe CNVP kanë shënuar Ditën Ndërkombëtare të Gruas Rurale. Shënimi i kësaj dite synon njohjen e kontributit dhe rolin e grave nga zonat rurale në komunitet, me qëllim të përmirësimit të jetës dhe mirëqenies në tërësi.

Me këtë rast zëvendësministri i Bujqësisë, Imri Demelezi, tha se gratë rurale janë shtyllë e shoqërisë sonë, duke kontribuar në ekonominë dhe mirëqenien e vendit.

“Në hapjen e Panairit për promovimin e produkteve rurale, bëjmë thirrje që gratë të vetëdijesohen për kontrollet e hershme të kancerit të gjirit. Si Qeveri i kemi kushtuar rol të veçantë rolit të gruas, por ka ende shumë punë për të drejtat e tyre”.

“Roli jonë si Ministri në vendet rurale është shumë i rëndësishëm. Roli i grave në vendet rurale është kyç për shkak të përparësisë që ato kanë në biznes”.

Ai shtoi se gratë rurale janë bazë e qëndrueshme për ekonominë dhe shëndetin e shoqërisë. Demelzi ka theksuar se Ministria edhe më tutje po i mbështet gratë fermere përmes granteve e subvencioneve të ndryshme.

Resul Makreshi, zv.ministër i Industrisë, Ndërmarrësisë dhe Tregtisë, po ashtu ka vlerësuar rolin e grave rurale të Kosovës. Ai ka thënë se kjo ditë na kujtoj rolin kyç që ato luajnë në prodhimin e ushqimit e në mbrojtjen e natyrës, raporton EO.

“Një ditë që na kujton se gratë rurale janë shtyllë e shoqërisë dhe luajnë një rol kyç në prodhimin e ushqimit dhe mbrojtjen e natyrës. Ato përballen me sfida të shumta, por me punën e tyre të palodhshme kontribuojnë në familjet e komunitetet e tyre”.

Dita Botërore e Gruas Rurale u caktua në vitin 1995 nga organizatat e shoqërisë civile në Konferencën e katërt botërore për gratë në Pekin dhe u shpall ditë zyrtare në vitin 2007 nga Asambleja e Përgjithshme e OKB-së.

Kjo ditë për herë të parë u shënua më 15 tetor 2008, pasi përmes një rezolute Organizata e Kombeve të Bashkuara në vitin 2007 njohën “rolin jetik dhe kontributin e gruas rurale, për mirëmbajtjen e agrikulturës dhe zhvillimit rural, për përmirësimin e sigurimit të ushqimit dhe luftimit të varfërisë rurale”.