

Aktualitet
LDK: Pushteti në mbrojtje të mafisë energjetike, krimi në KEK dhe me energjinë duhet të zbardhet
Published
1 year agoon
By
Betim GashiAnëtari i kryesisë së Lidhjes Demokratike të Kosovës (LDK), Visar Azemi, ka bërë thirrje për një hetim të thellë dhe të paanshëm në lidhje me aktakuzën ndaj ish-drejtorit të Korporatës Energjetike të Kosovës (KEK), Nagip Krasniqi. Azemi ka akuzuar pushtetin aktual për mbrojtjen e krimit në sektorin energjetik dhe për ndërhyrje në sistemin e drejtësisë.
Në një konferencë për media, Azemi ka deklaruar se instalimi i Krasniqit në pozitat kyçe të KEK-ut është bërë në mënyrë problematike. Ai ka sqaruar se Krasniqi ishte emëruar nga partia në pushtet, Lëvizja Vetëvendosje, dhe se pas arrestimit të tij më 19 prill 2023, shumë individë nga qeveria dhe partia kanë dalë në mbrojtje të tij, duke u përpjekur ta shfajësojnë.
Azemi ka theksuar se ndërprerja e bllokut A5 në Termocentralin “Kosova A” ka shkaktuar një humbje prej rreth një milion euro në ditë për Kosovën, për shkak të blerjes së energjisë nga jashtë vendit. Sipas tij, këtë energji e ndërmjetësonte ambasadori i Kosovës në Kroaci, Martin Berishaj, i cili është akuzuar për lidhje me mafien energjetike.
Pjesë e akuzave të Azemit janë edhe 113 tenderët sekret të negociuar në KEK, që kapin një shumë prej mbi 100 milion euro. Ai ka pretenduar se Krasniqi dhe Berishaj kanë negociuar këto tenderë dhe se këto veprime janë në kundërshtim me ligjin.
Azemi gjithashtu ka përmendur transaksionet e dokumentuara nga mediat sllovene që kapin vlerën e mbi 1 milion e gjysmë euro, të transferuara nga GEN-i në Beograd në llogaritë bankare të Berishajt.
Ai ka shprehur shqetësim për mbrojtjen e këtyre individëve nga pushteti, duke i cilësuar si pjesë të një mafie energjetike që bashkërendohet me pushtetin. Azemi ka kërkuar që ky skandal të zbardhet plotësisht dhe ka shpresuar që pushteti aktual të përballet me pasojat e veprimeve të tij.
Në fund të deklaratës së tij, Azemi ka shprehur besimin se më 9 shkurt të vitit të ardhshëm, ky pushtet popullist dhe i dëmshëm do të përballet me humbje dhe se do të shënohet një ndryshim në drejtimin e vendit.
Aktualitet
Kryeministri Kurti dhe senatorja Shaheen flasin për raportet Kosovë-SHBA
Published
6 seconds agoon
October 1, 2025By
UBT News
Kryeministri në detyrë i Republikës së Kosovës, Albin Kurti në vazhdën e takimeve në Washington D.C., të Shteteve të Bashkuara të Amerikës, takoi edhe senatoren demokrate nga New Hampshire, Jeanne Shaheen.
Sipas një komunikate të Qeverisë, ndër temat që u diskutuan ishin marrëdhëniet bilaterale, zhvillimet e fundit në vend, progresi ekonomik, investimet në mbrojtje, përmirësimi në siguri dhe sundim të ligjit.
Kryeministri veçoi bashkëpunimin me Shtetet e Bashkuara të Amerikës në fushën e mbrojtjes, vendimin e Qeverisë për heqjen e tarifës doganore ndaj të gjitha produkteve me origjinë nga ShBA-ja dhe vazhdimin e programit Kompakt të Korporatës së Sfidave të Mijëvjeçarit për Kosovën nga administrata e re amerikane, si zhvillimet kryesore dhe me interes të përbashkët në kuadër të raporteve dypalëshe Kosovë-ShBA.
Gjithashtu, ata diskutuan edhe për mundësitë që vendi ynë ofron për kompanitë dhe investitorët amerikanë.
Senatorja Shaheen kishte vizituar vendin tonë pas sulmit terrorist dhe paramilitar të 24 shtatorit 2023 në Banjskë të Zveçanit dhe ka bërë thirrje të vazhdueshme për arrestimin e Millan Radoiçiq./S.K/KP/
Aktualitet
Aksident trafiku në qendër të Prishtinës, një i lënduar
Published
3 minutes agoon
October 1, 2025By
UBT News
Një person është lënduar dje rreth orës 17:00 në Prishtinë ku ndodhi një aksident trafiku mes dy veturave.
Lajmin e ka konfirmuar zëdhënësi i Policisë së Kosovës, Enis Pllana, i cili theksoi se si pasojë e këtij aksidenti, lëndime ka pësuar një person, i cili ka pranuar tretman mjekësor.
“Sot rreth orës 17:00 kemi pranuar informatën për një aksident trafiku me lëndime në rrugën “UÇK” në Prishtinë. Në aksident janë përfshirë dy vetura. Si pasojë lëndime ka pësuar një person, i cili ka pranuar tretman mjekësor. Me rastin po merret Njësia e Trafikut të Kryeqytetit”, tha Pllana.
Ky aksident dyshohet të ketë ndodhur si pasojë e një veture që doli nga korsia e majtë dhe goditi një makinë tjetër të ndalur në korsinë e kundërt./S.K/KP/
Aktualitet
Nga fillimi i vitit deri më tash janë regjistruar rreth 330 raste të reja me kancer të gjirit
Published
11 minutes agoon
October 1, 2025By
UBT News
Numri i rasteve të reja me kancer të gjirit në periudhën janar-shtator 2025 është 330, numër ky i përafërt me të njëjtën periudhë të vitit të kaluar.
Drejtori i Klinikës së Onkologjisë, Ilir Kurtishi, vlerësoi se Kosova shënoi për herë të parë një stabilitet sa i përket numrit të rasteve të reja me kancer të gjirit, duke e quajtur zhvillim pozitiv.
“Këtë vit në Kosovë, në nëntëmujorin e parë 2025, ne kemi regjistruar në regjistrin klinik të kancerit rreth 330 femra me kancer të gjirit, që është numër i njëjtë përafërsisht me vitin 2024. Shpresojmë që deri në fund të vitit të mos jetë më i lartë sesa që ishte në vitin 2024. Me këto shifra, Kosova shënon për herë të parë një stabilitet sa i përket numrit të rasteve të reja me kancer të gjirit. Shpresojmë që viteve në vazhdim ky trend të mbahet dhe ,normalisht, së fundi të mund të diagnostikohen sa më herët, në mënyrë që format e hershme të sëmundjes të jenë suksesi i mjekimit më të madh”, tha Kurtishi.
Ai tek flet për rëndësinë e diagnostikimit të hershëm bën thirrje për më shumë vetëdijesim dhe kontrolle të rregullta, sidomos mamografi një herë në vit.
Ai vë në dukje se grupmosha më e prekur mbetet 50–60 vjeç, por vërehet një rritje e rasteve edhe te moshat nën 50 vjeç.
“Për sëmundjet malinje ka një vetëdijesim më të mirë, por në përgjithësi duhet të bëhet edhe më shumë, në mënyrë që sëmundjet të diagnostikohen mbi 50–60 për qind në stadin e parë dhe të dytë që trajtimi të jetë më i lehtë, më pak i kushtueshëm dhe më efikas. Grupmoshat e atakuara me këtë sëmundje malinje janë dhe mbesin në Kosovë mosha 50–60 vjeç, por ajo që është problematikë në rritje janë grupmoshat e reja dhe grupmoshat e personave nën 50 vjeç, që vitet e fundit kanë një tendencë në rritje, por si diagnostifikim numër më të madh të personave nën moshën 50-vjeçare në krahasim me vitet paraprake. Por, është trend në gjithë botën, edhe në Kosovë dhe kjo nuk e rrit numrin total të të sëmurëve, por rrit numrin e pacientëve të rinj, të cilët nga viti në vit kanë tendencë në rritje”, tha ai.
Simptomat e sëmundjes zakonisht shfaqen në faza të avancuara dhe përfshijnë ndryshime në ngjyrë, formë apo madhësi të gjirit, rrjedhje nga gjiri, dhimbje apo inflamacion.
Nga sot fillon gjithashtu zyrtarisht edhe fushata e sensibilizimit për kancerin e gjirit në Kosovë, si pjesë e muajit ndërkombëtar të ndërgjegjësimit për këtë sëmundje./S.K/EO/
Aktualitet
Sot fillon vaksinimi kundër gripit sezonal
Published
16 minutes agoon
October 1, 2025By
UBT News
Sot do të fillojë vaksinimi i qytetarëve, kundër gripit sezonal ka bërë të ditur Ministria e Shëndetësisë dhe Instituti Kombëtar i Shëndetësisë Publike.
Sipas tyre, vaksinimi mbetet mënyra më efektive për të mbrojtur veten dhe të afërmit nga gripi dhe komplikimet e tij.
Gripi sezonal është një infeksion i rrugëve të sipërme të frymëmarrjes që përhapet lehtë dhe mund të shkaktojë komplikime serioze, veçanërisht te: fëmijët me imunitet të dobësuar, të moshuarit, gratë shtatzëna, punonjësit e shëndetësisë dhe personat me sëmundje kronike.
Simptomat më të zakonshme janë: ethet, kollitja, dhembjet e muskujve, lodhja dhe dhembjet e kokës.
Punonjësit e shëndetësisë rekomandohet fuqimisht të vaksinohen për të garantuar sigurinë e tyre dhe të pacientëve që trajtojnë.
Po ashtu, gratë shtatzëna rekomandohen të vaksinohen për mbrojtje të plotë të tyre dhe të foshnjës.
Profesione të tjera me rrezik të shtuar që rekomandohet të vaksinohen janë: punëtorët e Policisë së Kosovës, pjesëtarët e Forcës së Sigurisë së Kosovës, banorët dhe stafi i shtëpive të të moshuarve, mësimdhënësit dhe edukatorët si dhe kujdestarët e pacientëve me imunitet të dobësuar.
Vaksinimi kryhet në të gjitha qendrat e mjekësisë familjare në komunat përkatëse, të cilat janë furnizuar me vaksina nga Instituti Kombëtar i Shëndetësisë Publike (IKSHPK).
“Ju ftojmë të paraqiteni në qendrën tuaj të mjekësisë familjare për të marrë vaksinën falas”, deklaroi dje IKSHPK-ja./S.K/EO/

Kryeministri Kurti dhe senatorja Shaheen flasin për raportet Kosovë-SHBA

Aksident trafiku në qendër të Prishtinës, një i lënduar

PSG me mungesa të mëdha ndaj Barcelonës në Ligën e Kampionëve

Nga fillimi i vitit deri më tash janë regjistruar rreth 330 raste të reja me kancer të gjirit

Sot fillon vaksinimi kundër gripit sezonal

Rita Ora fiton padinë e fqinjëve për ndërtimet në vilën 8.5 milionëshe

Parashikimi i motit

Vazhdon sot procesi gjyqësor në Hagë

Spotify heq masivisht përmbajtjen e krijuar nga AI
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet3 months ago
UBT sjell për herë të parë në Kosovë ekspozitën kushtuar vizionarit dhe inxhinierit Karl Gega