Lajmet

​LDK mbështet rezolutën për PK-në, ankohet për mungesën e mazhorancës

Ai tha se duhet që sa më shpejtë të përmirësohen kushtet për zyrtarët policorë.

Published

3 years ago

on

Lidhja Demokratike e Kosovës ka mbështetur rezolutën e propozuar nga Partia Demokratike e Kosovës për përmirësimin e kushteve për policët e Kosovës.

Deputeti nga radhët e LDK-së, Anton Quni, derisa ka adresuar ankesa ndaj mazhorancës për mospjesëmarrje në këtë seancë që po flitet për Policinë e Kosovës, tha se duhet që sa më shpejtë të përmirësohen kushtet për zyrtarët policorë.

“Këta policë me vite e kryejnë të njëjtën punë, nga i njëjti vend punim, që do të thotë asnjë mundësi apo shpresë për zhvillimin e tyre në karrierë, ngritje në detyrë apo gradë. Një numër i tyre punojnë me vite pranë operatorëve që rrezatojnë dhe dëmtojnë shëndetin, ne çdo ditë kalojmë nëpërmjet skanerëve, kurse ata pjesëtarët e policisë që kujdesen për ne qëndrojnë para tyre. Në vendet e perëndimit nuk lejohet më shumë se gjashtë muaj të qëndrohet në vend punime të tilla, i bartin të njëjtat kostume për vite, punojnë jashtë orarit dhe të fundit shkojnë në shtëpi. Një numër i tyre ka probleme me shëndet apo kanë familjar të sëmurë në shtëpi, dhe krejt në fund nuk paguhen për punën që bëjnë… Prandaj, i bashkëngjitemi dhe mbështesim fuqishëm përpjekjet e deputetëve që Qeveria të marrë në konsideratë nevojat urgjente për përmirësimin e cilësisë së jetës së çdo polici”, tha Quni.

Quni derisa kujtoi agresionin e Serbisë më 24 shtator, ku mbeti i vrarë polici Afrim Bunjaku e u plagosën dy të tjerë, tha se Policia e Kosovës ishte bartësja kryesore për menaxhimin e asaj situate. I njëjti shtoi se është keq nga Qeveria se si nuk merr pjesë në këtë seancë kur flitet për nevojat elementare të Policisë.

“Më 24 shtator tërë spektri politik, ishte i unifikuar përballë një rreziku që vinte nga territori i Republikës së Serbisë. Të gjithë ishim mirënjohës ndaj PK-së si bartëse kryesore për menaxhimin e asaj situate. Është e ditur se kapacitetet e KP-së nuk janë ngritur vitin e fundit apo gjatë mandatit të qeverisë së fundit, janë investime që nga çlirimi i Kosovës, çdo qeveri ka investuar që PK një ditë kur të përballet me ndonjë rrezik në mënyrë sa më profesionale të menaxhojë situatat e tilla. Por, ja që ky unitet nuk po tregohet sot. Sot kur ne flasim për nevojat elementare për pjesëtarë të PK-së, ne këtu na mungojnë mazhoranca të cilët verbërisht ishin në përkrahje për PK-në, por sot nuk shprehin gatishmëri të dëgjojnë nga opozita sesi mund t’i përmbushim nevojat e PK-së”, shtoi Quni.

Related Topics:
Continue Reading

Lajmet

Esmeralda Kazia shpallet “Cybersecurity Woman of the World 2026”, shqiptarja e parë që merr këtë çmim

Published

21 minutes ago

on

July 31, 2026

By

Shqipëria ka shënuar një arritje të rëndësishme në fushën e sigurisë kibernetike, pasi Esmeralda Kazia është shpallur “Cybersecurity Woman of the World 2026”.

Kazia është shqiptarja e parë që fiton këtë titull prestigjioz, i cili vlerëson lidershipin, vizionin dhe kontributin në zhvillimin e sigurisë kibernetike në nivel ndërkombëtar.

Çmimi iu dorëzua gjatë ceremonisë së organizuar nga United Cybersecurity Alliance në Austri dhe Lihtenshtajn, ku morën pjesë përfaqësues të institucioneve shtetërore, organizatave ndërkombëtare, universiteteve, kompanive dhe ekspertë të sigurisë kibernetike nga më shumë se 30 vende.

Pas marrjes së çmimit, Kazia në një intervistë për transmetuesin publik austriak ORF theksoi rëndësinë e sigurisë kibernetike për mbrojtjen e institucioneve dhe besimit publik.

“Siguria kibernetike nuk ka të bëjë vetëm me mbrojtjen e teknologjisë, por me mbrojtjen e besimit”, u shpreh ajo.

Gjatë këtij edicioni janë zhvilluar edhe diskutime për mundësinë që ceremonia “Cybersecurity Woman of the World 2027” të organizohet në Shqipëri. Nëse realizohet, vendi pritet të mirëpresë ekspertë, institucione dhe përfaqësues ndërkombëtarë të fushës së sigurisë kibernetike.

Duke komentuar vlerësimin, Kazia tha se ky titull përfaqëson një përgjegjësi për të vazhduar punën në forcimin e sigurisë kibernetike dhe mbrojtjen e infrastrukturave kritike.

Esmeralda Kazia aktualisht është Drejtoreshë Ekzekutive e Teknologjisë për Teknologjinë Operacionale, Sistemet e Kontrollit Industrial dhe Automatizimin në Korporatën Elektroenergjetike Shqiptare (KESH). Më herët ajo ka udhëhequr operacionet kombëtare të monitorimit dhe reagimit ndaj incidenteve kibernetike në Autoritetin Kombëtar për Sigurinë Kibernetike.

Me mbi 13 vite përvojë në sigurinë kibernetike, transformimin digjital dhe mbrojtjen e infrastrukturave kritike, Kazia ka përfaqësuar Shqipërinë në forume ndërkombëtare si NATO, OSBE dhe iniciativa globale kundër sulmeve kibernetike. Ajo është gjithashtu pedagoge universitare dhe kërkuese shkencore, me fokus në inteligjencën artificiale dhe ekosistemet digjitale./Albinfo.ch//A.K/

Continue Reading

Lajmet

Sean “Diddy” Combs do të lirohet nga burgu më herët, data caktohet për janar 2028

Published

23 minutes ago

on

July 31, 2026

By

Reperi amerikan Sean “Diddy” Combs pritet të lirohet nga burgu më herët sesa ishte planifikuar fillimisht, pavarësisht një incidenti të fundit ku raportohet se u përfshi në një përleshje me një të burgosur tjetër.

Sipas të dhënave më të fundit të Byrosë Federale të Burgjeve, lirimi i Combs është caktuar për 24 janar 2028. Fillimisht, data e lirimit ishte parashikuar për maj të vitit 2028, por ajo është ndryshuar disa herë gjatë muajve të fundit.

Combs, 56 vjeç, u shpall i pafajshëm për akuzat më të rënda, përfshirë trafikimin e qenieve njerëzore dhe reketimin, por u dënua për organizim të prostitucionit.

Shkurtimi i dënimit lidhet me zbatimin e ligjit amerikan “FIRST STEP Act”, i cili u mundëson disa të dënuarve përfitime për lirime më të hershme.

Ndryshimi i fundit i datës së lirimit vjen vetëm një javë pasi reperi raportohet se u përfshi në një përleshje fizike me një të burgosur tjetër në burgun federal Fort Dix në New Jersey. Sipas raportimeve, konflikti nisi pas një përplasjeje verbale dhe më pas kaloi në përleshje fizike, derisa ndërhynë rojet e burgut.

Pas incidentit, Combs raportohet se është vendosur përkohësisht në izolim, megjithëse autoritetet e burgut nuk kanë konfirmuar detaje për ngjarjen.

Byroja Federale e Burgjeve ka deklaruar se, për arsye sigurie dhe privatësie, nuk komenton kushtet e qëndrimit të të burgosurve apo arsyet e ndryshimit të datave të lirimit./A.K/

Continue Reading

Lajmet

Haxhiu takon sot krerët e partive, në fokus seanca konstituive

Published

33 minutes ago

on

July 31, 2026

By

Sot është paraparë të mbahet mbledhja e përbashkët e kryetares së Kuvendit, Albulena Haxhiu, me kryetarët e subjekteve politike.

Kjo mbledhje vjen në kuadër të përgatitjeve për Seancën konstituive të Legjislaturës XI të Kuvendit të Republikës së Kosovës.

Takimi pritet të mbahet në ambientet e Kuvendit me fillim nga ora 11:00./A.K/

Continue Reading

Lajmet

Seancë gjyqësore për 21 të akuzuar për krime lufte në Prishtinë

Published

34 minutes ago

on

July 31, 2026

By

Sot në Gjykatën Themelore në Prishtinë pritet të mbahet seanca gjyqësore ndaj 21 personave të akuzuar për krime lufte kundër popullsisë civile.

Seanca është caktuar të nisë në ora 10:00, ndërsa të akuzuarit përballen me akuzën për veprën penale “Krime lufte kundër popullsisë civile”.

Në këtë rast janë të akuzuar: Zllatomir Peshiq, Mlladen Cirkoviq, Radomir Markoviq, Dushko Adamoviq, Obrad Stevanoviq, Zhivko Trajkoviq, Goran Radosavleviq, Bogolub Janiçqviq, Sllavisha Ivanoviq, Boshko Vukiqeviq, Sreten Popoviq, Nikolla Petroviq, Kërsman Jellliq, Lubisha Stojimiroviq, Bozhidar Deliq, Radojko Stefanoviq, Dragan Zhivanoviq, Milosh Gjoshan, Lubinko Cvetiq, Bozhidar Filiq dhe Milovan Kovaçeviq.

Procesi gjyqësor lidhet me hetimet për krime të kryera gjatë luftës në Kosovë./A.K/

Continue Reading

Të kërkuara