Sport

Largimi nga United, Raiola flet për situatën momentale të Pogbas

Pogba është duke iu afruar gjashtë muajve të fundit të kontratës së tij me United.

Published

3 years ago

November 17, 2021

Betim Gashi

Agjenti i Paul Pogbas, Mino Raiola ka dhënë detaje mbi situatën e së ardhmes së mesfushorit duke deklaruar që “muaji dhjetor është muaji i ëndrrave”.

Pogba është duke iu afruar gjashtë muajve të fundit të kontratës së tij me United, ku këta të fundit po e kanë të vështirë ta bindin yllin francez të rinovojë kontratën.

Raiola gjithmonë ka shfrytëzuar rastin që të flas mbi të ardhmen e lojtarëve të tij, dhe tani ka folur mbi atë të Pogbas duke e lënë të hapur mundësinë e largimit të klientit të tij nga “Old Trafford”.

“Muaji dhjetor është muaji i ëndrrave, dhe unë nuk mund t’i ndaloj ëndrrat, por është më mirë që mos të flasim për Pogban. Nëse ndonjë ish-lojtar i Manchester United nuk flet për mua dhe Pogban, ata nuk do të punojnë më”, tha Raiola.

“Është shumë herët që të flas për kontratën e Paul Pogbas. Le të shohim se çdo të ndodhë. Nuk mund ta ndalojë askënd që të ëndërroj”, shtoi agjenti i Pogbas.

Është spekuluar për një rikthim të mundshëm të Pogbas te Juventusi gjatë javëve të fundit, ku gjigandi italian dëshiron me çdo kusht ta përforcojë mesfushën pas startit jo të mirë të këtij sezoni.

Këtë sezon, Pogba ka arritur të bëjë 13 paraqitje për skuadrën e Manchester United, duke regjistruar shtatë asistime mbi emrin e tij.

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.