Sport

Laporta konfirmon se ka hequr dorë nga tentativa për blerjen e Lewandowskit

Një raport kishte sugjeruar se Barça ka paraqitur një ofertë prej 32 milionë euro për Lewandowskin

Published

on

Presidenti i Barcelonës, Joan Laporta, beson se klubi i tij nuk ka gjasa të nënshkruajë me sulmuesin e Bayern Munichut, Robert Lewandowski në afatin kalimtar të kësaj vere.

Agjenti i 33-vjeçarit zbuloi në fillim të kësaj jave se klienti i tij ka shprehur dëshirën për t’u bashkuar me gjigantët katalanas dhe të përmbushë një ëndërr të jetës së tij për t’u transferuar në “Camp Nou”.

Lewandowski së shpejti do të hyjë në vitin e fundit të kontratës së tij në “Allianz Arena”, por sulmuesi veteran nuk ka ndërmend të rinovojë marrëveshjen e tij aktuale, që do të thotë se Bayerni mund të humbasë polakun me parametra zero në verën e vitit 2023.

Një raport kishte sugjeruar se Barça ka paraqitur një ofertë prej 32 milionë euro për Lewandowskin, ndërsa një tjetër pretendon se Bayerni nuk do të dëgjojë ofertat nën vlerësimin e tyre prej 50 milionë euro për sulmuesin, përcjellë KosovaPress.

Pavarësisht se kanë konfirmuar interesimin e tyre për nënshkrimin e Lewandowskit këtë verë, Laporta pret që sulmuesi të qëndrojë në Bavari ndërsa ka ende një vit të mbetur në kontratën e tij.

“Ai ka një vit të mbetur në kontratën e tij me Bayern Munichun dhe kjo është situata”, u tha Laporta gazetarëve.

“Nuk mund të them më shumë se kaq. Ne do t’i lëmë të gjithë të vazhdojnë me punën e tyre. Ai është një lojtar me cilësi të lartë, një lojtar që na pëlqen shumë gjithashtu, por ai ka një kontratë”, shtoi ai.

Lewandowski, i cili ka qenë me Bayernin për tetë sezonet e fundit, ka shënuar 344 gola dhe 72 asistime në 374 paraqitje për klubin në të gjitha garat.

Sport

Milani fiton me përmbysje ndaj Genoas

Published

on

Një tjetër përmbysje në pjesën e dytë i dha Milanit tre pikë të vlefshme në transfertë ndaj Genoas të hënën mbrëma në Serie A, pas golave të zëvendësuesve Vitinha, Rafael Leao dhe një autogoli nga kapiteni i Genoas, Morten Frendrup.

Në një vendim befasues nga trajneri Sergio Conceicao, Leao nuk u përfshi në formacionin titullar në “Marassi”, duke u zëvendësuar nga Ruben Loftus-Cheek. Në anën tjetër, Patrick Vieira riktheu në formacion Stefano Sabellin, Junior Messiasin dhe Andrea Pinamontin.

Milani e nisi ndeshjen me disa goditje nga këndet, por pa arritur të rrezikonte portierin Nicola Leali. Tentativa e parë erdhi nga Brooke Norton-Cuffy, i cili provoi goditje nga e djathta, por Mike Maignan u tregua i gatshëm me një pritje të mirë.

Theo Hernandez u përpoq të surprizonte me goditje spektakolare nga mbi 70 metra largësi, por topi nuk mori drejtimin e duhur dhe përfundoi jashtë.

Momenti më i veçantë i pjesës së parë erdhi nga Maignan, i cili realizoi pritje të jashtëzakonshme të dyfishtë pas një goditjeje këndi, fillimisht duke ndalur topin në vijën fatale, pastaj duke pritur goditjen pasuese me thembër. Para pushimit, Leali ndali edhe një goditje të Christian Pulisic, pas një pasimi të shkëlqyer nga Leao, i cili hyri në lojë në minutën e 28-të pas dëmtimit të Youssouf Fofanas.

Pjesa e dytë nisi e fragmentuar për shkak të trajtimeve për Patrizio Masinin dhe Tijjani Reijnders. Gjithsesi, Vitinha, i sapofutur në fushë në minutën e 60-të, zhbllokoi rezultatin me një goditje të saktë me thembër nga një asist i Aaron Martinit. Ky ishte goli i tij i parë në këtë sezon.

Por Milani reagoi me dy gola brenda pak minutash. Santiago Gimenez asistoi nga e djathta për Leao, goditja e të cilit u devijua nga Norton-Cuffy dhe përfundoi në rrjetë – goli i tretë i Leao-s si zëvendësues këtë sezon në Serie A.

Dy minuta më pas, Reijnders shërbeu një top të ulët nga e majta që po shkonte për Joao Felix, por Frendrup ndërhyri keq dhe realizoi autogol për 1-2.

Kjo fitore nuk solli ndryshime në renditjen e Serie A – Milani qëndron në vendin e nëntë, ndërsa Genoa mbetet e 13-ta.

Continue Reading

Sport

Bournemouthi dhe Fiorentina interesohen për Asllanin

Published

on

Mesfushori i Shqipërisë, Kristjan Asllani, mund të largohet nga skuadra e Interit në fund të edicionit.

Asllani në ndeshjen e kaluar ia siguroi fitoren Interit. “Nerazzurrët” fal golit të shënuar nga Asllani fituan 1:0 ndaj Veronas.

Sajti “Sempreinter” të hënën ka raportuar se skuadra e Bournemouthit dhe ajo e Fiorentinas dëshirojnë që ta blejnë kartonin e Asllanit.

Mësohet se Interi nuk do t’i refuzojë ofertat për reprezentuesin e Shqipërisë.

Kartoni i Asllanit vlerësohet rreth 15 milionë euro.  Te Fiorentina e pëlqejnë shumë stilin e lojës të Asllanit.

Ndërkohë drejtori sportiv i Bournemouthit, Tiago Pinto, insiston për transferimin e Asllanit. Për mesfushorin me tipare defensive më herët ka pasur interesim edhe nga skuadra të tjera. Fiorentina garon në Serie A, ndërsa Boutnemouthi në Premier League të Anglisë.

23-vjeçari Asllani këtë edicion në Serie A ka luajtur 802 minuta. Ai iu bashkua Interit në vitin 2023 nga Empoli për 15 milionë euro.

Kontrata aktuale e Asllanit me “nerazzurrët” përfundon në verën e vitit 2028.

Continue Reading

Sport

Vdes ish-shoferi gjerman i Formula 1

Published

on

Ish-shoferi gjerman i Formula 1 dhe fituesi i garës “24 Orët e Le Mans”, Jochen Mass, vdiq më 4 maj 2025 në Kanë, në moshën 78 vjeçare, nga pasojat e një goditje në tru që pati në shkurt të atij viti. Lajmi për vdekje u konfirmua nga familja përmes rrjeteve sociale.

Mass e nisi karrierën e tij në Formula 1 në vitin 1973 me ekipin Surtees, ndërsa periudha më e suksesshme ishte gjatë kohës që garoi për McLaren nga viti 1974 deri në vitin 1977. Ai mori pjesë në 105 gara, u ngjit tetë herë në podium dhe fitoi vetëm një garë, atë të Çmimit të Madh të Spanjës në vitin 1975.

Kjo garë u ndërpre për shkak të një aksidenti të rëndë në të cilin humbën jetën disa spektatorë, dhe Massi mori vetëm gjysmën e pikëve.

Pas tërheqjes nga Formula 1 më 1982, vazhdoi karrierën në garat e qëndrueshmërisë. Succesin më të madh e arriti më 1989 me fitoren në garën legjendare “24 Orët e Le Mans”, duke garuar për ekipin Sauber-Mercedes me Manuel Roiter dhe Stanley Dickinson.

Përveç sukseseve si shofer, Mass kishte rol të rëndësishëm edhe si mentor për shoferët e rinj. Ai ishte më i njohur për ndihmën që i dha Michael Schumacher, duke i kaluar njohuritë dhe përvojën gjatë viteve të hershme të 90-ave në kuadër të “Junior Team”-it të Mercedesit, duke e ndihmuar të përshtatej me mjedisin profesionist të garave. Ishte një nga ata që e këshilloi Schumacherin të kalonte në Ferrari, një hap që rezultonte të ishte pikë kthese në karrierën e tij.

Mass vazhdoi të ishte aktiv në botën e sporteve automobilistike si komentator e këshilltar ekspert, përfshirë edhe në televizionin gjerman RTL. Pasioni i tij për automobilizmin dhe angazhimi shumëvjeçar në sport lanë ndikim në historinë e Formula 1.

Jochen do të mbetet në kujtesë si një shofer i talentuar, një mentor i përkushtuar dhe një figurë e rëndësishme në botën e sporteve automobilistike.

Continue Reading

Sport

Rudiger dënohet me gjashtë ndeshje moslojë

Published

on

Antonio Rudiger po e kalon një periudhë mjaft të vështirë të karrierës.

Futbollisti gjerman e mbylli sezonin shkaku i intervenimit kirurgjik, por jo vetëm kaq.

Qendërmbrojtësi i Real Madridit u dënua me gjashtë ndeshje moslojë nga Komiteti i Disiplinës në futbollin spanjoll pas veprimeve të turpshme që i bëri në finale të Copa del Rey kundër Barcelonës.

Rudiger protestoi ashpër ndaj gjyqtarit De Burgos derisa po qëndronte në bankinë, ndërsa u ndëshkua me karton të kuq.

Lojtari nuk u ndal me kaq duke u munduar që nga distanca ta qëllonte referin me një qese me akull, por për fat u ndal me vështirësi nga shokët e tij të skuadrës. Përfaqësuesi gjerman mund të dënohej deri në 12 javë, por u ndëshkua me gjysmën e saj.

Rudiger mund të rikthehet në dispozicion të “Los Blancos” në Kupën e Botës për klube, e cila do të mbahet gjatë verës.

Rudiger njihet për lojën e tij jo të pastër dhe për sjelljet e tij të vrazhda dhe provokuese ndaj kundërshtarëve në fushën e blertë dhe jashtë saj.

Continue Reading

Të kërkuara