Sport

Laporta: Jam i turpëruar nga numri i tifozëve të Frankfurtit në “Camp Nou”

Kishte rreth 20,000 tifozë të Eintracht Frankfurt në të gjithë stadiumin.

Published

5 years ago

April 15, 2022

UBT news

Presidenti i Barcelonës, Joan Laporta ka folur në lidhje me numrin e madh të tifozëve mysafir që ishin të enjten mbrëma në “Camp Nou”.

Kishte rreth 20,000 tifozë të Eintracht Frankfurt në të gjithë stadiumin dhe presidenti i Barcelonës ka dhënë mendimet e tij rreth kësaj situate.

“Jam i shqetësuar sepse ajo që ndodhi ishte e turpshme dhe nuk mund të ndodhë më”, u shpreh Laporta.

“Kemi informacione për atë që ka ndodhur, por na duhet kohë për ta përpunuar”.

“Ne do të marrim masa sepse është fyese dhe e turpshme”.

Laporta tha se klubi po heton se si ndodhi dhe më pas do të marrin masa për të parandaluar një situatë të ngjashme në të ardhmen.

“Ne nuk mund të lejojmë që të ndodhë kjo lloj situate, duhet të jemi më të rreptë”, tha ai.

“Po shikojmë se çfarë ka ndodhur me sigurinë dhe biletat, është një situatë që askush nuk e dëshiron. Kur të kemi përpunuar të gjitha informacionet, ne do të shpjegojmë gjithçka dhe do të marrim masa”, ka thënë në fund Laporta./klankosova.tv

Vendi

Akil Gjakova mbyll garën pa medalje në Abu Dhabi

Published

1 hour ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

3 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/