

Lajmet
Lajmet e rreme për luftën në Kosovë, janë përhapur në vende specifike që kanë qëndrim jo pozitiv
Published
8 months agoon
By
UBTnewsLajmet për luftën e fundit në Kosovë, e ato për komunitetin serb në Kosovë, në mediat tona e serbe janë ato të cilat po frikësojnë çdo herë.
Në samitin e Kosovës për Paqe dhe Demokraci, (KPDS), është thënë se këto lloj dezinformatash janë përhapur në disa vende specifike që kanë qëndrim jo shumë pozitiv ndaj Kosovës e mosnjohjes së saj.
Në panelin e shtatë të mbajtur sot, me temën “Demaskimi i gënjeshtrave: Trajtimi i dezinformimit në Ballkanin Perëndimor” Dren Gërguri nga Universiteti i Prishtinës ka thënë se ndërhyrja e NATO-s në Kosovë, është paraqitur si jo- humanitare, lajme të cila kanë shkuar deri në Afrikën e Jugut.
“Në rastin tonë ne kishim narrativa të ndryshme false që synonin ndërhyrjen e NATO-s në Kosovë dhe e paraqiste atë si diçka që nuk ishte humanitare dhe për këtë, ne kemi parë narrativa të ndryshme në kanale të ndryshme në gjuhë të ndryshme gjithashtu, duke shkuar deri në Afrikën e Jugut, dhe jo vetëm në Evropë. Refugjatët shqiptarë janë paraqitur si viktima të NATO-s dhe gjëra të tilla. Dhe zakonisht ato lloj propagandash, ato lloj dezinformatash janë përhapur në disa vende specifike që kanë qëndrim jo shumë pozitiv ndaj Kosovës, mosnjohjes së Kosovës”, ka thënë Gërguri.
Ndërsa, kryeredaktorja në “Alternativna” Ana Marija Ivkoviq ka theksuar se “Alternativna” ka monitoruar mediat serbe dhe shqiptare nga dhjetori 2023 deri në maj 2024, me të cilën kanë parë se pas rastit të Banjskës, ka pasur përshkallëzim të fushatave dezinformuese brenda mediave.
Ivkoviq, ka cituar edhe një lajm të rremë që kishte parë, e cila ishte postuar pastaj edhe nga mediat serioze.
“Ne kemi monitoruar për gjashtë muaj nga dhjetori 2023 deri në maj 2024, jo vetëm mediat serbe, tabloidet serbe dhe mediat pro regjimit, por kemi ndjekur edhe mediat shqiptare të Kosovës për tema të caktuara, që janë marrëdhëniet Kosovë-Serbi dhe tema që kanë të bëjnë ekskluzivisht me komunitetin serb të Kosovës. Ajo që kemi parë është se në njëfarë mënyre, sidomos pas sulmit në Banjska, kemi pasur përshkallëzim të fushatave dezinformuese brenda mediave. Pra, në janar kemi pasur një agjenci të njohur, e cila ka raportuar në natën e Krishtlindjeve ortodokse se, po citoj këtë “shërbimet sekrete serbe po planifikojnë sulm terrorist ndaj serbëve në Kosovë”. Jo vetëm se ky artikull u publikua, por ky artikull u ripublikua edhe nga media të tjera”, ka shtuar Ivkoviq.
Po ashtu, drejtoresha e programit në “ Zašto Ne” Tijana Cvijetiqanin ka theksuar se arsyeja e publikimit të lajmeve të rreme janë sfidat që kanë mediat. E kjo po bëhet për klikime.
“Sfida më e madhe do të thosha janë problematikat që ka vetë media. Është një treg i vogël, është një treg që ka shumë pika të shitjes dhe shumë pak fuqi paguese. Pra, konkurrenca për vëmendje është e lartë. Dhe konkurrenca për shikuesit apo lexuesit, në thelb është kthyer në atë që quhet sot, konkurrencë për vëmendjen tuaj, për vëmendjen tuaj online. Një tjetër, natyrisht, është ndikimi politik, dhe në të vërtetë nuk është i njëjtë kudo, nëse flasim për Bosnjën, mund të shihni se ajo që krijon dezinformata në ‘Republica Serpska’ për shembull, është në një shkallë shumë më të madhe, ndikimi politik dhe media e kapur që tashmë mendoj se pothuajse 100 për qind ka ndodhur aty”, ka theksuar ajo.
Në panelin e fundit të këtij samiti do të flitet për sigurinë kibernetike në Ballkanin Perëndimor: tendencat aktuale dhe drejtimet e ardhshme.
Lajmet
Sali Berisha paralajmëron protestë më 16 maj
Published
7 hours agoon
May 13, 2025By
UBTnews
Kryedemokrati i Shqipërisë, Sali Berisha ka paralajmëruar protestë pas rezultatit të zgjedhjeve.
Tubimi do të mbahet në datë 16 në bulevardin “Zogu i Parë”, pikërisht në ditën e Samitit të Komunitetit Politik Europian.
“Thirrja ime për të gjithë komisionerët të numërojnë çdo votë në dëshmi të respektit tonë të palëkundur për ata që kanë votuar për opozitën në dëshmi të terrorit, të mbajnë çdo parregullsi.
Libri i zi shkruhet me datën 16 ora 17:00 në bulevardin Zogu i Parë për të sensibilizuar opinionin kombëtar të përbindëshit elektoral Edi Rama”, tha Berisha.
Lajmet
Anulohet konferenca e Trendafilovës pas protestës së veteranëve
Published
8 hours agoon
May 13, 2025By
UBTnews
Veteranët e luftës së Ushtrisë Çlirimtare të Kosovës protestuan kundër vizitës së kryetares së Dhomave të Specializuara, Ekaterina Trendafilova, në Prishtinë.
Një grup veteranësh së bashku me udhëheqësit e Organizatës së Veteranëve të Luftës së UÇK-së, u mblodhën para hotelit ku ishte paralajmëruar një konferencë e Trendafilovës, e cila u anulua pas protestës.
Udhëheqësi i OVL të UÇK-së, Hysni Gucati, tha se Trendafilova nuk është e mirëseardhur në Kosovë.
“Sa herë vjen në Kosovë, kjo vjen për një të keqe. Unë mendoj se kjo ka ardhur vetëm ta destabilizojë Kosovën”, deklaroi Gucati.
Me anulimin e konferencës, Gucati tha se u arrit qëllimi i veteranëve.
Pas anulimit të konferencës, Dhomat e Specializuara thanë për REL-in se do t’i drejtohen opinionit publik përmes një komunikate për media.
Gjatë protestës, veteranët hodhën tym të zi para hyrjes së hotelit.
Në një reagim të përbashkët, organizatat e dala nga lufta paraprakisht thanë se vizita e kryetares së Dhomave të Specializuara në Prishtinë është e papranueshme dhe përbën fyerje për qytetarët e Kosovës.
Ata deklaruan se vizita e saj nuk ka të bëjë me drejtësinë dhe transparencën, duke theksuar se gjykata ka një qasje arrogante dhe nuk i shërben drejtësisë.
Trendafilova ka mbajtur konferenca dhe ka qëndruar edhe më parë në Prishtinë./REL/
Lajmet
Ngërçi në Kuvend nuk zhbllokohet as pas përpjekjes së 15-të
Published
9 hours agoon
May 13, 2025By
UBTnews
Për të pesëmbëdhjetën herë me radhë, deputetët e Kuvendit të Kosovës kanë dështuar të martën ta konstituojnë përbërjen e nëntë parlamentare, të dalë nga zgjedhjet e shkurtit.
Ligjbërësit refuzuan për të shtatën herë rresht që ta formonin një komision për mbikëqyrjen e një votimi të fshehtë për kreun e ri të organit ligjvënës – sipas një propozimi të bërë më 1 maj nga kryesuesi i seancës, Avni Dehari, pasi e propozuara e Lëvizjes Vetëvendosje (LVV) për kryetare të Kuvendit, Albulena Haxhiu, nuk arriti në disa votime t’i merrte 61 votat e nevojshme për t’u konfirmuar në post.
Dështimi i radhës ndodhi një ditë pasi Aleanca për Ardhmërinë e Kosovës (AAK) dërgoi në Gjykatën Kushtetuese të Kosovës çështjen e votimit të fshehtë për kryetarin e Kuvendit të Kosovës.
Kërkesa për “interpretim të ndryshimit të votimit në mes të procedurave për zgjedhjen e kryeparlamentarit”, e paraqitur nga deputetë nga radhët e AAK-së, u mbështet edhe nga deputetë të Partisë Demokratike të Kosovës (PDK) dhe të Lidhjes Demokratike të Kosovës (LDK).
Në vazhdimin e seancës konstituive, më 13 maj, PDK-ja, LDK-ja, AAK-ja dhe Lista Serbe refuzuan sërish që ta propozonin një përfaqësues që do të siguronte mbarëvajtjen e votimit të fshehtë.
Deputetë të partive që në legjislaturën e kaluar ishin në opozitë thonë se është jokushtetuese mënyra se si LVV-ja po tenton që kryeparlamentari të votohet përmes formës së fshehtë.
Deputetja e AAK-së, Time Kadrijaj, i ka bërë thirrje Gjykatës Kushtetuese të vendosë “një pezullim të përkohshëm, një masë të përkohshme për ndalim të mbajtjes së seancave, derisa me prioritet ta trajtojë këtë lëndë dhe ta marrë një vendim”.
Seanca konstituive do të vazhdojë të enjten e 15 majit, në orën 10:00./REL/
Lajmet
Edhe një tentim sot për konstituim të Kuvendit
Published
11 hours agoon
May 13, 2025By
UBTnews
Deputetët do të mblidhen sërish sot, në një tentim të radhës për konstituim të Kuvendit të Kosovës. Kjo është përpjekja e pesëmbëdhjetë për të formuar legjislaturën e nëntë.
Deputetët kanë dështuar plot katërmbëdhjetë herë me radhë të formojnë trupat e Kuvendit.
Procesi ka ngecur të kryeparlamentari, pasi Lëvizja Vetëvendosje – në koalicion me Guxo dhe Alternativa – nuk po arrin të sigurojë gjashtëdhjetë e një votat e nevojshme për të zgjedhur Albulena Haxhiun kryetare të Kuvendit.
Partitë që deri më tash ishin në opozitë janë shprehur kundër emrit të propozuar nga partia e Albin Kurtit – i cili aktualisht është kryeministër në detyrë.
Seanca konstituive ka nisur më 15 maj dhe deri më tash është arritur të bëhet vetëm betimi i deputetëve.
Nga pesëmbëdhjetë maji, presidentja e vendit, Vjosa Osmani do të nis përpjekjet për të zhbllokuar ngërçin në Kuvend.
Kjo është bërë e ditur nga këshilltari për media, Bekim Kupina i cili tha të hënën se Osmani do të fillojë një seri konsultimesh rreth çështjes së konstituimit të Kuvendit.
Lëvizja Vetëvendosje vazhdon të insistojë në emrin e Haxhiut për kryeparlamentare.
Partia Demokratike e Kosovës dhe Aleanca për Ardhmërinë e Kosovës kanë kërkuar ndërrim të kandidatit, ndërkaq Lidhja Demokratike e Kosovës është shprehur kundër çdo propozimi të Lëvizjes Vetëvendosje.
Pasi Albulena Haxhiu nuk mori votat e nevojshme për disa seanca me radhë, kryesuesi i seancës konstituive, Avni Dehari i Lëvizjes Vetëvendosje, propozoi që votimi për kryetar të Kuvendit të bëhet në mënyrë të fshehtë. Por, kjo u kundërshtua nga partitë e tjera.
Çështjen e votimit të fshehtë, Aleanca për Ardhmërinë e Kosovës – e mbështetur edhe nga Partia Demokratike e Kosovës dhe Lidhja Demokratike e Kosovës – e ka dërguar të hënën në Gjykatën Kushtetuese.

Jeta studentore dhe inovacioni në zemër të Kampusit të UBT-së në Lipjan

Trump arrin në Arabinë Saudite, nis turneun në Lindjen e Mesme

Fat Taraku: Falë UBT-së arrita ta jetoj realitetin, nga nostalgjitë e studimeve deri përvoja ime në Universitetin e Padovës në Itali

Studimi: Ndiheni gjithmonë të lodhur – fajtorë për këtë mund të jenë orenditë shtëpiake!

Sali Berisha paralajmëron protestë më 16 maj

OKB: Dëbimi i shtetasve të huaj nga SHBA-ja, shkelje e të drejtave të njeriut

Në Poloni nisin procedurat për t’i ndaluar hyrjen Millorad Dodikut

Anulohet konferenca e Trendafilovës pas protestës së veteranëve

Ngërçi në Kuvend nuk zhbllokohet as pas përpjekjes së 15-të
Të kërkuara
-
Lajmet nga UBT3 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet1 month ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 weeks ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT3 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim