Lajmet

Lady Gaga tregon si ndikoi aktrimi në shëndetin mendor të saj

Ajo tregoi se ishte lidhur shumë me rolin e saj në “House of Gucci”.

Published

4 years ago

on

Gaga thotë se ajo ishte shpesh e sëmurë nga një përzierje e ‘ankthit, lodhjes, traumës, rraskapitjes, angazhimit dhe dashurisë’ ndërsa punonte në filmin e Ridley Scott.

Megjithatë, ajo vetë ka treguar për disa aspekte të tjera të rolit, duke përfshirë ndikimin e tij në mirëqenien e saj mendore.

Në një intervistëme Hollywood Reporter, Gaga tha se ajo u prek nga trauma e botës reale gjatë luajtjes së rolit, duke u mbështetur në teknikën e aktrimit të Stanislavskit që përfshin rishikimin e kujtimeve shqisore nga një ngjarje emocionale.

Duke zgjeruar pretendimet e saj se ajo “jetoi” si personazhi i saj gjatë xhirimeve – madje duke folur me një theks italian për nëntë muaj – ajo shton se linjat midis përvojave të saj dhe Patrizias filluan të mjegullohen. Duke kujtuar një rast të tillë, ajo thotë: “Është një skenë ku përplas një qiri të ndezur nëpër dhomë dhe mbaj mend që i dhashë Salmës (Hayek) një atak në zemër atë ditë”.

“Unë po shpërbëhesha ashtu si Patrizia. Kur them se nuk e kam thyer karakterin, disa prej tyre nuk kanë qenë me zgjedhje”.

Me sa duket, Ridley Scott ndërhyri pas skenës në fjalë, i shqetësuar për efektin që performanca e Gaga-s po kishte në shëndetin e saj mendor.

Gaga tregoi se Scott i kishte thënë që të mos e traumatizonte veten.

Në një pjesë tjetër të intervistës, ajo flet për intensitetin e të luajturit Patrizia Reggianin, rol që ndonjëherë e bënte të sëmurë fizikisht. Në shumicën e ditëve gjatë prodhimit, ajo zgjohej rreth orës 3 të mëngjesit për të filluar përgatitjen për rolin. Shpesh, kur zgjohej, ajo vjellte nga një përzierje e “ankthit, lodhjes, traumës, rraskapitjes, angazhimit dhe dashurisë”.

Ajo shtoi se në fillim e kishte bezdi të fliste për përvojen e saj të aktrimit, megjithëse pëlqen të tregoj për to. “Unë jam një romantike kur bëhet fjalë për artin. Kam pasur një marrëdhënie romantike me personazhin tim, Patrizia. Kam pasur një marrëdhënie romantike me skenarin dhe jam futur në atë botë”./UBTNews/

Related Topics:
Continue Reading

Lajmet

​Shpërndahet Kuvendi, Haradinaj: Propozuam 21 dhjetorin si ditë të zgjedhjeve parlamentare

Published

20 minutes ago

on

November 20, 2025

By

Presidentja e Kosovës, Vjosa Osmani, ka nënshkruar dekretin për shpërndarjen e Kuvendit, tha kryetari i AAK-së, Ramush Haradinaj.

Ai pas takimit me të parën e vendit tha se kanë propozuar që data e zgjedhjeve të parakohshme të jetë më 21 dhjetor.

Haradinaj u shpreh kundër mbajtjes së zgjedhjeve më 28 dhjetor.

“Sot u nënshkrua dekreti i shpërbërjes së Kuvendit nga ky takim fillon edhe koha e datës së zgjedhjeve të jashtëzakonshme parlamentare.. Kemi propozuar që të jetë dita e zgjedhjeve parlamentare 21 dhjetor, mendojmë se në këtë mënyrë do të fitojmë së paku një javë kohë vazhdimeve buxhetore që duhet të ndodhin.. Periudha e para vitit të ri sepse pushteti po kërkon 28 dhjetor, ajo periudhë është e çmuar e familjeve tona jo vetëm e pushimit por edhe bashkimeve familjare, është një arrogancë nga politika deri në ofendim me shpallë zgjedhjet me 28 dhjetor e që pastaj me vazhdu me mbet me numërime e rezultate”, tha Haradinaj.

Sido që të jetë data, Haradinaj tha se AAK-ja do të garojë e vetme.

“Sido qe të jete në cilën do datë AAK-ja është e përgatitur dhe do të shkojmë të vetëm”, tha ai.

Tutje Haradinaj tha se është për qeveri të opozitës dhe nuk do të këta ndryshim për Qeverinë Kurti./KP

Continue Reading

Lajmet

“Kjo tregon paaftësi” – Limaj e quan fatkeqësi shpërndarjen e Kuvendit të Kosovës

Published

21 minutes ago

on

November 20, 2025

By

Lajm të keq e ka quajtur shpërndarjen e Kuvendit, kryetari i Nisma Socialdemokrate, Fatmir Limaj.

Ai tha se “kjo tregon paaftësi dhe panjohuri sesi ndërtohet shteti”.

Limaj pas takimit me presidenten Osmani tha se tani është koha për një lidership ndryshe.

“Koha është që të ketë një alternative ndryshe që të jep shpresë për ndryshime”, tha ai./KP

Continue Reading

Lajmet

​PDK kërkon që zgjedhjet të mbahen më 21 dhjetor

Published

24 minutes ago

on

November 20, 2025

By

Kryetari i Partisë Demokratike të Kosovës, Bedri Hamza, tha se preferojnë që zgjedhjet e parakohshme të mbahen më 21 dhjetor.

Ai pas takimit me presidenten Vjosa Osmani u shpreh kundër që zgjedhjet të mbahen më 28 dhjetor.

“Unë do të garoj me një ekip dhe listë të mirë. Jemi të përgatitur për zgjedhjet e parakohshme”, tha ai.

Hamza ripërsëriti qëndrimin e tij se ka vija të kuqe me asnjë subjekt politik, përfshirë Lëvizjen Vetëvendosje./KP

Continue Reading

Lajmet

Presidentja Osmani ka shpërndarë Kuvendin e Republikës së Kosovës

Published

26 minutes ago

on

November 20, 2025

By

 Pas takimeve me liderët e partive politike, Presidentja e Kosovës Vjosa Osmani ka shpërndarë Kuvendin e Kosovës.

“Në përputhje me Kushtetutën e Republikës së Kosovës dhe legjislacionin në fuqi, si dhe pas pranimit sot të vendimit të Kuvendit të Kosovës lidhur me dështimin e krijimit të Qeverisë edhe nga mandatari i dytë, Presidentja e Republikës së Kosovës ka shpërndarë sot Legjislaturën e nëntë të Republikës së Kosovës”, njoftojnë nga Presidenca./EO

Continue Reading

Të kërkuara