Kulturë

Lady Gaga shkëlqen në premierën e “House of Gucci”

Ajo u shfaq me një fustan të markës Gucci.

Published

on

Lady Gaga mahniti në tapetin e kuq me një fustan ultravjollcë Gucci në premierën e “House of Gucci” në Londër, përcjell UBT News.

E veshur me takat e saj të njohura në platformë, Gaga mori pjesë në premierën e filmit që tregon për familjen Gucci, ndërsa luan rolin e Patrizia Reggianit, ish-gruan e Maurizio Gucci-t.

Fustani i Gaga-s u shfaq për herë të parë javën e kaluar në shfaqjen Love Parade në Los Anxhelos – një ngjarje e mbushur si Macaulay Culkin, Phoebe Bridgers dhe Jared Leto në pistën e Gucci-t./UBTNews/

Kulturë

Pas suksesit të ‘Zgjoit’, Blerta Basholli nis xhirimet e filmit të ri ‘DUA’

Published

on

Kanë nisur xhirimet e filmit të ri artistik me metrazh të gjatë “DUA”, me skenar dhe regji nga Blerta Basholli, e njohur për suksesin ndërkombëtar të filmit “Zgjoi”.

Producentë të projektit janë Valon Bajgora dhe Yll Uka nga Ikonë Studio (Kosovë), ndërsa bashkëproducentë janë Britta Rindelaub dhe Thomas Reichlin nga Alva Film (Zvicër), si dhe Amaury Ovise nga Kazak Productions (Francë).

Xhirimet kanë filluar më 4 tetor dhe do të zgjasin deri më 19 nëntor, për gjithsej 35 ditë xhirimi.

Filmi “DUA” është një dramë “coming of age”, e vendosur në Kosovën e viteve ’90, e frymëzuar nga përvojat personale të vetë regjisores.

Historia ndjek jetën e një adoleshenteje introverte që përpiqet të gjejë identitetin e saj në një periudhë të trazuar politike dhe shoqërore.

Në rolet kryesore shfaqen Pinea Sylejmani, Yllka Gashi, Kushtrim Hoxha, Kaona Sylejmani, Andi Bajgora, Vlera Bilalli dhe Fiona Abdullahu.

Ky projekt i ri pritet të sjellë një tjetër rrëfim të ndjeshëm dhe autentik nga Basholli, duke e vendosur sërish kinemanë kosovare në qendër të vëmendjes ndërkombëtare. /A.Z/UBT News/

 

Continue Reading

Kulturë

114 vjet nga lindja e Migjenit, poetit të mjerimit dhe shpresës

Published

on

Millosh Gjergj Nikolla i njohur si Migjeni u lind në Shkodër më 13 tetor 1911.

Ka qenë një poet dhe prozator i shquar e konsiderohet si një ndër shkrimtarët më të lexuar të letërsisë shqipe të shekullit të 20-të.

Për epokën ishte një zë krejtësisht novator nga brenda dhe forma. Ndikimi i tij mbi letërsinë shqipe të kohës ishte i madh.

Migjeni vuante nga tuberkulozi, një sëmundje që e shoqëroi për shumë vite dhe e detyroi të largohej për kurim në Itali, ku edhe ndërroi jetë në moshën e re 26-vjeçare, në qytetin e Torinos.

Megjithëse jetoi pak, Migjeni la pas një vepër të fuqishme dhe me ndikim të madh në letërsinë shqiptare.

Veprat e tij kryesore janë: “Vargjet e Lira” – përmbledhje poetike që përfshin poezitë më të njohura si: Parathanja e parathanjeve, Të lindet njeriu, Poema e mjerimit, Kanga e rinisë, dhe Kanga e të burgosunit, përmbledhje kjo që u botua pas vdekjes së tij.

Një vepër që i’a vlen të përmendet është dhe “Novelat e qytetit të veriut”,  një cikël tregimesh që pasqyrojnë jetën e varfër dhe vuajtjet e njerëzve në Shqipërinë e asaj kohe.

Sot, me 13 tetor të vitit 2025, Migjeni përkujtohet në 114 vjetorin e lindjes së tij. /A.Z/UBT News/

Continue Reading

Kulturë

Sot vendoset fituesi i Çmimit Gjerman të Librit, Jehona Kicaj në finale

Published

on

Shkrimtarja debutuese Jehona Kicaj me romanin e saj “ë” ka arritur të futet në listën e ngushtë për Çmimin Gjerman të Librit, dhe sot do të zyrtarizohet fituesi i këtij çmimi.

Për këtë çmim prestigjioz fillimisht kanë aplikuar 200 vepra, ndërsa më parë Kicaj kishte arritur të ishte në mesin e 20 kandidatëve. Tani, romani i saj ka arritur të jetë një nga 6 veprat finaliste.

Ceremonia e ndarjes së çmimit do të mbahet sot në Panairin e Librit në Frankfurt.

Të gjashtë autorët e listës së ngushtë do të garojnë për çmimin kryesor, i cili ka një vlerë prej 25,000 eurosh, ndërsa 2,500 euro do t’i jepen secilit nga pesë finalistët e tjerë.

Continue Reading

Lifestyle

Bimët që nuk i frikësohen dimrit, gjelbërim edhe pranë radiatorëve

Published

on

Kur temperaturat bien dhe shtëpia mbushet me nxehtësinë e thatë që vjen nga radiatorët, hapësira jonë e përditshme shndërrohet në një strehë të ngrohtë kundër të ftohtit.

Perdet ulen, qirinjtë ndizen, aroma e kafesë përhapet në ajër – por shpesh diçka mungon. Në atë qetësi të ngrohtë, ajri i thatë dhe mungesa e dritës fillojnë të ndihen, duke ndikuar në energjinë e shtëpisë.

Bimët e shtëpisë, këta “rojtarë” të vegjël të natyrës, janë të parat që e ndiejnë këtë ndryshim. Gjethet vyshken, toka thahet, ajri i ngrohtë bëhet sfidues për to.

Disa bimë jo vetëm që përballojnë këtë periudhë, por edhe lulëzojnë në të – duke sjellë jetë dhe harmoni në çdo cep të shtëpisë.

Ato duan ngrohtësinë e radiatorëve dhe pastrojnë ajrin, gjallërojnë atmosferën, sipas feng shui-t, nxisin energji pozitive, qetësi e mirëqenie. Nëse doni që shtëpia të mbetet e gjallë, e gjelbër e plot jetë gjatë dimrit, njihuni me pesë bimë që janë aleatët idealë të sezonit të ftohtë.

 Lulja e fierit – zonja klasike e gjelbërimit

Një ndër bimët më të vjetra në botë, është simbol i qëndrueshmërisë së natyrës. Me gjethe të buta e të harlisura, sjell në shtëpi ndjesinë e një pylli. Edhe pse pëlqen lagështinë, përshtatet me ngrohjen qendrore, mjafton t’i spërkatni gjethet herë pas here dhe ta mbani larg burimeve të drejtpërdrejta të nxehtësisë. Fierët sjellin freski, qetësi dhe ekuilibër energjik, prandaj janë idealë për dhomën e ndenjes apo korridorin.

Orkideja – mbretëresha elegante që dashuron ngrohtësinë

Delikate në pamje, por e fortë në natyrë. Orkideja lulëzon edhe kur shumica e bimëve ndalojnë së rrituri. Kërkon temperaturë të qëndrueshme dhe dritë të moderuar, por jo diell të drejtpërdrejtë. Me kujdes minimal e pak spërkatje, sjell elegancë dhe qetësi në çdo ambient. Në ditët gri të dimrit, lulet e saj janë kujtesë se bukuria kurrë nuk shuhet – thjesht merr forma të reja.

Aloe Vera – minimalizëm dhe fuqi në një vazo të vetme

E njohur si “bima që shëron”, Aloe Vera ruan ujë e energji në gjethet e trasha, duke e bërë të përsosur për ajrin e that. Ajo kërkon pak ujë e shumë dritë. Në feng shui simbolizon pastrim, mbrojtje dhe forcë të brendshme. Vendoseni pranë kompjuterit ose në dhomën e gjumit për të balancuar energjinë dhe për të lehtësuar stresin.

Pahira – pema e fatit dhe begatisë

E quajtur ndryshe “druri i parave”, Pachira aquatica është simbol i harmonisë familjare dhe stabilitetit financiar. Edhe pse tropikale, është e lehtë për t’u mbajtur: i pëlqen drita e shpërndarë dhe lagështia e moderuar. Vendoseni në një qoshe të ndriçuar të dhomës së ndenjes dhe do të ndjeni se sjell energji të mirë dhe lehtësi në hapësirë.

Monstera – hijeshi tropikale që e do ngrohtësinë

Një ndër bimët më trend të viteve të fundit, Monstera është simbol i rritjes dhe vitalitetit. Ajo duron ajrin e thatë, mjafton t’i fshihen gjethet dhe të spërkatet herë pas here. Në feng shui përfaqëson vetëbesim dhe zhvillim. Edhe kur jashtë bie borë, gjethet e saj të mëdha mbeten kujtesë se ngrohtësia e vërtetë buron nga brenda nesh.

 Si t’i ndihmoni bimët gjatë sezonit të ngrohjes?

Kujdesuni për to duke:

Fshirë gjethet me një leckë të butë e pak të lagur.

Spërkatur me ujë të qëndruar në temperaturë dhome.

Shmangur vendosjen e saksive mbi radiatorë.

Vendosur një enë me ujë pranë radiatorit për të shtuar lagështinë.

Duke i dhënë kujdes bimëve, ushqeni edhe energjinë e shtëpisë suaj. Ato nuk janë vetëm dekor – janë terapeutë të heshtur, që sjellin qetësi, frymëmarrje dhe jetë në çdo stinë.

Në një dimër pa gjelbërim jashtë,  mbeten kujtesa më e bukur se jeta e rritja vazhdojnë edhe brenda katër mureve. /A.Z/UBT News/

Continue Reading

Të kërkuara