Aktorja e njohur amerikane Michelle Williams është bërë nënë për herë të katërt, këtë herë me ndihmën e një surrogate.

Ky është fëmija i tretë që 44-vjeçarja, e cila disa herë ka qenë e nominuar për çmimin Oscar, ka me bashkëshortin e saj, regjisorin dhe producentin 48-vjeçar Thomas Kail.

Lajmin, Williams e ndau të hënën gjatë pjesëmarrjes në emisionin Jimmy Kimmel Live, ku intervistën e drejtonte përkohësisht aktorja Tiffany Haddish. Ylli i serialit të famshëm Dawson’s Creek shfrytëzoi rastin për të shprehur mirënjohjen e saj për gruan që i bëri të mundur ardhjen në jetë të vajzës së saj.

“Dua të falënderoj në mënyrë të veçantë Christine, sepse ky fëmijë nuk erdhi përmes trupit tim. Por mrekullinë e vajzës sonë ia detyrojmë Christine-s. Nëse po na shikon – faleminderit Christine”, u shpreh aktorja, duke lënë të kuptohet se ka sjellë në jetë një vajzë.

Michelle është nënë e Matildës 19-vjeçare, që e ka me aktorin e ndjerë Heath Ledger, që u nda tragjikisht nga jeta më 2008. Me Kail, me të cilin u martua në vitin 2020, ajo ka edhe dy fëmijë të tjerë: djalin Hart, sot 4 vjeç, si dhe një fëmijë të lindur në vitin 2022, emrin e të cilit çifti ende nuk e ka bërë publik.

“Faleminderit Christine, sot në shtëpi kam tre fëmijë nën moshën pesë vjeç”, tha Williams me humor.

Aktorja foli për sfidat e balancimit mes jetës së nënës e karrierës profesionale.

“Gjithçka është në rregull e nën kontroll. Jam grua e rritur, përpiqem të kuptoj si duket balanca mes punës dhe jetës. Shumë flasin për kujdesin ndaj vetes, por pyes – kur? Jam nënë e zënë. Kam ndjenja faji dhe nuk dua t’ua marr kohën fëmijëve të mi, por e di që edhe unë duhet të rigjenerohem”, tha ajo.

E pyetur çfarë i pëlqen të bëjë kur gjen pak kohë për veten, Williams u përgjigj me humor: “Më pëlqen të shkoj në zyrat okale të administratës. U them fëmijëve: ‘Më vjen keq, shpirt, por një ditë edhe ti do të rritesh, do të punosh, do të paguash taksa dhe do të të duhet numri i sigurimit social’”.

Ndërkohë që po shijon zgjerimin e familjes, Michelle vazhdon të korrë edhe suksese profesionale. Muajin e ardhshëm do të garojë për çmimin Emmy, në kategorinë “Aktorja më e mirë në rol kryesor në një seri të limituar”, për interpretimin në serialin e FX-së Dying For Sex. Konkurrentet e saj do të jenë emra të mëdhenj si Cate Blanchett (Disclaimer), Meghann Fahy (Sirens), Rashida Jones (Black Mirror) dhe Cristin Milioti (The Penguin).

Bashkëshorti, Thomas Kail, është i njohur për regjinë e mjuzikleve të Lin-Manuel Miranda-s, “In the Heights dhe Hamilton”, që kanë bërë histori në Broadway. Çifti u martua në vitin 2020, kur sollën në jetë edhe djalin e tyre, Hart.

Sekretari i Ministrisë së Kulturës, Rinisë dhe Sportit, Bislim Bislimi, përmes një konferencë për media lidhur me aktakuzën e ngritur për keqpërdorim të pozitës zyrtare ndaj dy zyrtarëve të Drejtorisë së Urbanizmit në Prizren tha se të akuzuarit kanë lejuar rrënimin e një objekti i cili është në mbrojtje.

“Sikurse është njoftuar opinioni publik, dje Prokuroria Themelore në Prizren ka ngritur aktakuzë ndaj dy personave në cilësinë zyrtare të zyrtarëve publik të Komunës së Prizrenit për shkak të lejimit të rrënimit të objekteve me status ligjor të mbrojtjes së përhershme si asete të trashëgimisë kulturore arkitekturore, gjegjësisht rrënimi i ish-kompleksit Sarajet e Vjetra në Prizren.”, tha Bislimi.

Ai shtoi gjithashtu se nuk është hera e parë që një gjë e tillë po ndodh, por ministria ka marrë masa që të zvogëlojë shkatërrimin e objekteve që janë në mbrojtje dhe ata që lejojnë të ndodhë diçka e tillë, nuk do të mbesin pa u ndëshkuar.

“Vite me radhë, institucionet kompetente profesionale të trashëgimisë kulturore janë ballafaquar me raste të shumta të dëmtimit të qëllimshëm, shkatërrimit apo tjetërsimit të objekteve që gëzojnë status ligjor të mbrojtjes, të cilat dëme janë bërë në emër të përfitimit privat, duke shpërfillur kufizimet ligjore që ekzistojnë mbi këto objekte, sipas Kushtetutës së Republikës së Kosovës, Ligjit për Trashëgimi Kulturore, Ligjit për Qendrën Historike të Prizrenit dhe ligje e akte tjera juridike në fuqi. MKRS ka rritur ndjeshëm aktivitetin në drejtim të parandalimit të dukurive të kundërligjshme të shkatërrimit dhe humbjes së të mirave kulturore dhe historike që mbrohen me Kushtetutë dhe me ligj”, tha ai.

Lidhur me hapat e mëtejmë institucional, Bislimi theksoi se i bëjnë thirrje Prokurorisë në Prizren që të merret me rastin dhe të ndëshkojnë zyrtarët përgjegjës dhe se ju bën thirrje edhe të akuzuarve që të japin dorëheqje nga pozita zyrtare dhe tregoi se për rikonstruktimin e objektit të rrënuar duhet ndarë 15 milion euro, një shumë e konsiderueshme nga buxheti i shtetit.

Ed Sheeran po xhiron një videoklip të ri muzikor në Hvar. Një foto e muzikantit t famshëm britanik u publikua nga Bordi Turistik i Qytetit Hvar.

“Ditë xhirimi”, shkruan ata përkrah këngës së Edit, “Shape of You”.

Vecernji List raporton se Ed solli në Hvar edhe aktoren Phoebe Dynevor, yllin e serialit të famshëm të Netflix, “Bridgerton”, e cila do të shfaqet gjithashtu në videoklip.

Phoebe njihet nga shikuesit si personazhi kryesor në sezonin e parë të serialit, duke luajtur Daphnen, motrën më të madhe të Bridgerton.

Vendasit zbuluan se disa nga pamjet janë xhiruar në kafenenë Kiwa dhe në plazhin Dubovica. Edhe klipi supozohet të jetë xhiruar në Split. Ende nuk dihet se për cilën këngë bëhet fjalë. Si pjesë e turneut botëror “+−=÷× Tour” (Mathematics Tour), Sheeran performoi në Kroaci vitin e kaluar, në Hipodromin e Zagrebit.

I ftuari special ishte këngëtari britanik Calum Scott. Koncerti mblodhi rreth 70 mijë njerëz.

Më pas, Ed prezantoi këngë nga të pesë albumet në studio me simbolet “+ − = ÷ ×”, duke përfshirë hite të tilla si “Castle on the Hill”, “Shivers”, “The A Team”, “Perfect”, “Bad Habits” etj. 

Për ta filluar ditën mbarë ne do të ju sjellim disa thënie motivuese nga Albert Ajnshtajn.

“Qëndroju larg njerëzve negativë. Ata kanë nga një problem për çdo zgjidhje”.

“Një person i zgjuar e zgjidh një problem. Një person i mençur e shmang atë”.

“Çdo njeri mund të dijë. Çështja është të kuptosh”.

“Jeta është njësoj si të ngasësh një biçikletë. Për të mbajtur balancën, duhet të vazhdosh të lëvizësh”.

“Shenja e vërtetë e inteligjencës nuk është njohuria, por imagjinata”.

“Nëse do të jetosh një jetë të lumtur, lidhe atë me një qëllim, jo me njerëzit apo objektet”.

“Sa më shumë njohuri, aq më pak egoizëm. Sa më pak njohuri, aq më shumë egoizëm”.

“”Unë mundem” është 100 herë më e rëndësishme, se sa koeficienti i inteligjencës”.

“Mundësitë qëndrojnë në mes të çdo vështirësie”.

“Marrëzia është të bësh të njëjtën gjë vazhdimisht e vazhdimisht dhe të presësh rezultate të ndryshme”.

“Fillimisht duhet t’i mësosh rregullat e lojës, dhe më pas të luash më mirë se gjithë të tjerët”.

“Përpiquni të mos bëheni njerëz të suksesit, në vend që të bëheni njerëz të vlerave”.

“Njësia matëse e inteligjencës është aftësia për të ndryshuar”.

“Logjika mund të të çojë nga A-ja tek B-ja. Imagjinata do të të çojë kudo”.

“Çdokush është një gjeni, nëse ti e gjykon një peshk nga aftësia për t’u ngjitur në një pemë,  ai do ta kalojë gjithë jetën e tij duke besuar së është budalla”.

“Dikush që ndjek turmën, me shumë mundësi nuk mund të shkojë më larg se turma. Ata që ecin të vetëm, mund ta gjejnë veten në vende, në të cilat askush nuk ka qenë më parë”.

“Ke dy mënyra për ta jetuar jetën tënde. Njëra është duke besuar se asgjë nuk është një mrekulli dhe tjetra sikur gjithçka është një mrekulli”.