Sport

La Napolin pas tetë vitesh, Koulibaly shpjegon pse kaloi te Chelsea

Koulibaly ka 316 paraqitje në të gjitha garat për Napolin, duke regjistruar 14 gola dhe tetë asistime mbi emrin e tij.

Published

3 years ago

on

Mbrojtësi senegalez, Kalidou Koulibaly, ka insistuar që ai nuk ka hezituar për të nënshkruar me Chelsean, pasi që e kishte ndjerë se ishte momenti i duhur për tu larguar nga Napoli pas plot tetë vitesh në Serie A.

Koulibaly u zyrtarizua te Chelsea javën e kaluar, pasi ky i fundit arriti marrëveshje në regjionin e 40 milionë eurove për mbrojtësin 31 vjeçar.

Senegalezi është tejet i emocionuar nga ideja e të qenit një lojtar kyç në formacionin e trajnerit Thomas Tuchel, ndërsa tregoi se sa afër kishte qenë që të kalojë te Chelsea në vitin 2016.

“Kam kaluar tetë vjet në Napoli, të gjithë më njihnin atje dhe ishim të lumtur që jetonim në Napoli. Pas tetë vitesh, ndjeva se ishte koha për një sfidë të re dhe sapo Chelsea thirri, nuk hezitova. Transferimi te Chelsea thuajse ndodhi më parë në vitin 2016, por tani, në vitin 2022, jam i kënaqur që jam këtu”, tha Koulibaly.

Qendërmbrojtësi ishte i kënaqur kur pa disa fytyra të njohura si Jorginhon dhe bashkatdhetarin Edouard Mendy, ku zbuloi se si ata ishin në kontakt të vazhdueshëm ndërsa ai ishte më afër përfundimit të një lëvizjeje te Chelsea.

“Unë flas shumë me ata të dy, Jorginho më dërgoi mesazhe dhe më pyeti nëse doja të vija në Chelsea! Në atë kohë, nuk isha i sigurt nëse më donin, por sigurisht, thashë se do të vija me kënaqësi. Kështu ishte edhe me Mendyn, ai më bëri pyetjen dhe unë i thashë se ishte bërë tashmë dhe do ta shihja së shpejti! Tani jam këtu, jam shumë i lumtur që filloj këtë udhëtim emocionues”, tha Koulibaly.

Kalidou Koulibaly arriti që përgjatë tetë viteve te Napoli të bëjë 316 paraqitje në të gjitha garat, duke regjistruar 14 gola dhe tetë asistime mbi emrin e tij.

Related Topics:
Continue Reading

Sport

18 vite mik me topin e basketbollit! Drilon Hajrizi vjen me një rrëfim krejtësisht ndryshe

Published

10 hours ago

on

May 17, 2025

By

Pjesë e emisionit “n’RITËM” me autore dhe moderatore Albina Zeneli, ishte basketbollisti i njohur Drilon Hajrizi.

Ai jep kontribut në KB Trepca e foli për fitoren kundër Bashkimit me rezultat 80:74, e po ashtu tregoi pak detaje sa i përket përballjes së radhës që do ta kenë të dielen nga ora 19:00 në Prizren, e në rast se ky ekip fiton bëhet kampion duke e mbrojtur titullin.

Tash e 18 vite si një sportist profesionist, Driloni jep ca këshilla edhe për studentët e rinj duke theksuar se ky profesion është njëherë pasion por gjë me rëndësi unike sigurisht që sipas tij është shkollimi sepse mendon se është e vetmja metodë që nuk të lë pa financa.

Për më shumë detaje ju ftojmë ta ndiqni intervistën e plotë në linkun e mëposhtëm. /UBT News/

https://www.facebook.com/campusradio100.7/videos/649951138079163

Continue Reading

Sport

Xherdan Shaqiri zgjedhet lojtari më i mirë i javës në ligën elitare të Zvicrës

Published

3 days ago

on

May 14, 2025

By

Ylli kosovar Xherdan Shaqiri është zgjedhur lojtari më i mirë i javës në kampionatin elitar të Zvicrës.

Swiss Football League ka shkruar se ky ndoshta ishte vendimi më i lehtë i gjithë sezonit.

Kjo pasi që nga rikthimi i XS te skuadra e Bazelit, sulmuesi ka shkëlqyer gjatë edicionit.

Shaqiri ka përjetuar një sezon të jashtëzakonshëm në Superligën e Zvicrës, duke arritur ta rikthejë ekipin te titulli kampion pas tetë vitesh.

Continue Reading

Sport

Xabi Alonso, së shpejti trajner i Real Madridit

Published

5 days ago

on

May 12, 2025

By

Shumë shpejt, Xabi Alonso pritet të të konfirmohet si trajner i ri i Real Madridit.

Spanjolli ka njoftuar ditë më parë për largimin e tij nga Bayer Leverkuseni, ndërsa tani ka arritur marrëveshje me klubin e madrilenëve.

Kjo,sipas ekspertit të transferimeve, Fabrizio Romano.

“Xabi Alonso te Real Madrid! Historia e konfirmuar dhe marrëveshja e nënshkruar për Xabin si trajner i ri deri në vitin 2028. Stafi i kompletuar, kontrata në fuqi dhe një marrëveshje tre-vjeçare për Alonson, me Realin që planifikon që ai fillojë në Kupën e Botës për Klube”.

“Lamtumira e Ancelottit së shpejti, pastaj epoka e Xabit”, ka shkruar Romano.

Continue Reading

Sport

Legjenda e mundjes Sabu vdes në moshën 60 vjeçare

Published

5 days ago

on

May 12, 2025

By

Sabu , një nga legjendat e mundjes profesionale , ndërroi jetë papritur në moshën 60 vjeç. Shkaku i vdekjes së mundësit, emri i vërtetë i të cilit ishte Terry Branc, ende nuk është bërë i ditur.

Sabu e kishte bërë ndeshjen e tij të fundit një javë më parë, gjë që shënoi tërheqjen e tij nga ringu, ai ishte bërë i famshëm për ndeshjet e tij jashtë fushave me shkallë, karrige, tavolina, tela me gjemba dhe objekte të tjera.

Nuk ishte rastësi që atij iu dha nofka: Maniaku vetëvrasës, vrasës dhe që sfidon vdekjen.

Sabu, i cili ishte nipi i The Sheik, një ish-yll i mundjes, kishte qenë dy herë kampion i peshave të rënda ECW dhe tre herë kampion i tag teams. Mundësi 60-vjeçar e kaloi pjesën më të madhe të karrierës së tij në ECW në vitet ’90 përpara se të transferohej në WWE në mesin e viteve 2000.

Continue Reading

Të kërkuara