

Kulturë
Ky është dizenjatori i ri që po admirohet nga Bella Hadid dhe Dua Lipa!
Published
4 years agoon
By
UBT newsKa mundësi që të keni hasur në krijimet e Marshall Columbia në Instagram, pasiqë së fundi emrat e njohur të muzikës dhe modës po admirojnë punën e tij, njofton UBT News.
Muajt e fundit, stilisti i ri me bazë në Brooklyn ka veshur yjet e shumënjohura si Dua Lipa, Miley Cyrus, Doja Cat, e që mund të konsiderohet ‘fillim i mbarë’ për një emër të ri në modë. E veçanta e tij shihet në një element: estetika e tij shumëngjyrëshe!
Këtë fundjavë, Bella Hadid kishte veshur një bluzë blu me prerje nga koleksioni i ardhshëm i cili do të del në shtator, por që një gjë dihet – kur Bella Hadid vesh një model të ri, ajo veshje medoemos do të jetë në trend!

Columbia lançoi etiketën e tij gjatë karantinës vitin e kaluar, dhe shumë nga krijimet e tij janë frymëzuar nga artet dhe zanatet që i pëlqente të bënte si fëmijë. Kjo është veçanërisht e dukshme në punimin e rruazave shumëngjyrëshe me të cilat ai zbukuron pjesët e tij, transmeton UBT News.
Doja Cat gjithashtu mbante një bluzë të ngjashme ngjyrë rozë të ndezur, gjatë një shfaqje në Miami. Ajo gjithashtu mbante mini fundin e tij të kompletuar me prerje, dhe mini çantën e tij të fryrë blu, e cila është si një ‘jastëk’ për portofolin dhe telefonin tuaj.

Dhe kur bëhet fjalë për trende, assesi nuk bën të harrohet Dua Lipa! Së fundi këngëtarja shqiptare me famë botërore kishte veshur fustanin e tij blu gjatë pushimeve në Shqipëri (që është gjithashtu nga një koleksion i ardhshëm).

Miley Cyrus gjithashtu është parë duke veshur koleksionin e Marshall Columbia.
Suksesi i tij i mëtejshëm pritet të shihet pas daljes së koleksionit të ri në shtator të këtij viti, megjithatë, Columbia është me fat që edhe pse emër i ri në industrinë e modës, puna e tij po adhurohet nga yje si Bella Hadid, Dua Lipa dhe Doja Cat./UBTNews
Magazinë
Reese Witherspoon bën thirrje që gratë ta përdorin AI-në
Published
8 hours agoon
September 6, 2025By
UBT News
Reese Witherspoon, aktore dhe producente e njohur në Hollywood, ka bërë thirrje që gratë në industrinë e filmit të përqafojnë inteligjencën artificiale (AI), pasi sipas saj ajo “është e ardhmja”.
Aktorja e “Legally Blonde”, e cila është themeluese e kompanisë “Hello Sunshine”, tha se AI-ja është pjesë e pandashme e jetës dhe grave u duhet ta mësojnë dhe ta përdorin në dobi të tyre.
“Jam punëtore e palodhshme dhe më pëlqen të përshtatem me struktura të reja dhe mjedise të reja. Gjithmonë mendoj përpara, për mënyrën se si po zhvillohet media dhe si mund të ndihmoj që gratë të ecin bashkë me këto industri të reja. Dhe tani po e bëjmë këtë me AI. Është kaq, kaq e rëndësishme që gratë të përfshihen në AI… sepse kjo do të jetë e ardhmja e kinemasë. Mund të jesh i mërzitur e të ankohesh sa të duash, por ndryshimi ka ardhur”, ka thënë Witherspoon.
Sipas saj, përdorimi i saj nuk do ta zëvendësojë kreativitetin dhe punën manuale, por ndikon në mënyrën si realizohet arti.
“Nuk do të ketë kurrë mungesë të kreativitetit, imagjinatës dhe ndërtimit manual të gjërave. Mund të zvogëlohet, por gjithmonë do të mbetet me rëndësi të lartë në art dhe në shprehjen personale”, ka shtuar ajo.
“Unë e përdor AI-në çdo ditë. Përdor mjete kërkimi si ‘Perplexity’, përdor ‘Vetted AI’, p.sh. nëse po blen një mikser, të tregon gjashtë modele të ndryshme dhe rekomandon produktin më të mirë. Përdor ‘AI Assistant’. ‘Simple AI’ është një asistent që mund të jetë shumë i dobishëm për këdo që nuk dëshiron të bëjë termine mjekësore, sepse nuk do të presë në telefon apo të përballet me sistemet e ndërlikuara të spitaleve. Është një mjet i jashtëzakonshëm për të kursyer kohë”, ka shpjeguar ajo.
Aktorja zbuloi se shpesh diskuton për këto ndryshime me koleget e saj të njohura në Hollywood.
“Këto janë gra me të cilat flas gjithë kohës për mënyrën se si po e përballojmë dinamikën e re në industrinë tonë: Kerry Washington, Tracee Ellis Ross, Eva Longoria, America Ferrera, Natalie Portman, Lena Waithe”, ka thënë ndër të tjera Witherspoon.
Lifestyle
Ja filmat që ju duhen! Shtatori është muaji ku rikthehet atmosfera e kinemasë
Published
10 hours agoon
September 6, 2025By
UBT News
Shtatori është një muaj ku rikthehet atmosfera e kinemasë pas pushimeve verore. Me fillimin e sezonit të ri, në kinema dhe platformat online dalin disa prej premierave më të pritura të vitit.
Ky muaj shpesh sjell filma të zhanreve të ndryshme – nga dramat e fuqishme që synojnë çmimet prestigjioze, deri tek filmat aksion dhe aventurë që mbajnë publikun të lidhur pas ekranit.
Çfarë pritet?
Filmat artistikë dhe dramatikë: Muaji shpesh karakterizohet nga projeksione që hapin sezonin e festivaleve ndërkombëtare, ku shfaqen histori të thella dhe interpretime mbresëlënëse.
Aksion dhe thriller: Për ata që kërkojnë emocione, shtatori sjell produksione me adrenalinë, rikthime të sagave të njohura ose histori të reja plot mister.
Animacionet dhe filmat familjarë: Një zgjedhje e përsosur për fëmijët që kthehen në shkollë, duke ofruar argëtim dhe mesazhe pozitive.
Filmat horror: Me afrimin e vjeshtës, ka vend për projekte të frikshme që krijojnë atmosferën e errët dhe të pasigurt tipike për sezonin.
Pse të ndiqen filmat në shtator?
Ky muaj është një pikënisje e re për industrinë e filmit. Publiku pret surpriza të mëdha, rikthimin e aktorëve të njohur në role të paharrueshme, si edhe produksione të freskëta që shpesh bëhen hit.
Përgatiti: A.Z. /UBT News/
Magazinë
Një tjetër surprizë! Justin Bieber publikon albumin e ri
Published
10 hours agoon
September 6, 2025By
UBT News
Justin Bieber duket se nuk ka në plan të ndalet. Ai ka publikuar albumin e ri, “SWAG II”, vazhdim i albumit të tij të shtatë, “SWAG”, i cili u publikua më 11 korrik.
Reklama gjigante të “SWAG II” u shfaqën në Londër, New York, Seoul, Sydney dhe Shanghai, të enjten e 4 shtatorit.
Këngëtari i “Where Are Ü Now” publikoi lajmin edhe në rrjetet e tij sociale dhe në një nga teaser-at përfshinte një foto ku ai mban në krah dalin e tij, Jack Blues Bieber, duke mos treguar portretin e vogëlushit.
Megjithatë, “SWAG II” nuk është një version i vazhduar i albumit të mëparshëm, por një prurje krejt e re, me këngë të reja, sipas Billboard dhe tanimë, gjendet në të gjitha platformat muzikore.
Lista e këngëve:
1. “Speed Demon”
2. “Better Man”
3. “Love Song”
4. “I Do”
5. “I Think You’re Special”
6. “Mother In You”
7. “Witchya”
8. “Eye Candy”
9. “Don’t Wanna”
10. “Bad Honey”
11. “Need It”
12. “Oh Man”
13. “Poppin’ My S***”
14. “All The Way”
15. “Petting Zoo”
16. “Moving Fast”
17. “Safe Space”
18. “Lyin’”
19. “Dotted Line”
20. “Open Up Your Heart”
21. “When It’s Over”
22. “Everything Hallelujah”
23. “Story Of God”
Magazinë
Projekti i fundit i David Bowie, një muzikal i shekullit XVIII
Published
11 hours agoon
September 6, 2025By
UBT News
Kur këngëtari britanik, David Bowie, vdiq në 2016, ai la pas albumin e fundit “Blackstar”, por pak veta e dinin se ai kishte nisur edhe një projekt tjetër, një muzikal i quajtur “The Spectator”, sipas BBC.
Ky projekt ishte i bazuar në Londrën e shekullit XVIII dhe kishte si subjekt krimin, satirën dhe artin e kohës.
Shënimet për “The Spectator” u gjetën të mbyllura në studion e Bowies në Nju Jork, të ruajtura në arkivat personale.
Vetëm Bowie dhe asistenti i tij kishin çelësin e dhomës. Tani ato janë dhuruar në “V&A museum” dhe do të jenë të hapura për publikun në “Qendrën David Bowie” e cila çelet 13 shtator. Bowie ishte i tërhequr nga krimi dhe personazhe të njohur si hajduti Jack Sheppard.
Ai analizoi kulturën dhe artin e kohës, duke përfshirë piktorë si Joshua Reynolds dhe William Hogarth, dhe zhvillimin e muzikaleve si formë satire politike.
“Bowie ishte i interesuar në rolin e artistit si komentues i shoqërisë, dhe mund të shihnim paralelizma me ditët e sotme. Ai ishte gjithmonë një pionier që nuk donte të kufizohej nga një gjini e vetme”, tha Madeleine Haddon, kuratore e koleksionit.
200 objekte do të jenë në ekspozitë, nga kostume skenike deri tek tekstet e shkruara me dorë dhe vizitorët rezervojnë takime për të parë pjesë të tjera të koleksionit.

Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën

Reese Witherspoon bën thirrje që gratë ta përdorin AI-në

Doni një mëlçi më të shëndetshme? Kjo perime bën mrekulli

Real Madridi po përgatit largimin e njërit prej yjeve të tij më të mëdhenj

Nepali drejt bllokimit të Facebook, X, YouTube dhe platformave tjera

Ja filmat që ju duhen! Shtatori është muaji ku rikthehet atmosfera e kinemasë

Një tjetër surprizë! Justin Bieber publikon albumin e ri

Conor McGregor, “ylli” i UFC-së, kërkon të bëhet president!

Projekti i fundit i David Bowie, një muzikal i shekullit XVIII
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Aktualitet2 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës