Lajmet

Kuvendi voton rezolutën për gjenocidin në Srebrenicë

Published

4 years ago

on

Deputetët e Kuvendit të Kosovës kanë votuar me 89 vota për rezolutën për dënimin e gjenocidit serb në Srebrenicë.

Bahrim Sabani nga Vakat ka kërkuar mbështetja nga deputetët për kalimin e kësaj rezolute duke thënë se kështu që arrihet drejtësia për Srebrenicën.

“Të miratohet kjo rezolutë që të kemi drejtësi dhe regjioni të ketë sytë nga e ardhmja që popujt të pajtohen. Ata që mohojnë gjenocidin e krimit që është bërë në zemër të Evropës kjo do të ndikojë që jetë mjetë i pajtimit. Krimet e kryera nga serbët në Srebrenicë përbëjnë gjenocid. Kjo është njohur edhe nga GjND”, deklaroi ai.

Deputetja Dude Balje ka thënë se Srebrenica është simbol i gjenocidit të kryer.

“Srebrenica na kujton familjet e detyruara të ikin me autobus me sy të lidhur. Qyteti Srebrenica është simbol për vrasjet që kanë ndodhë atje dhe mund të quhet gjenocid. Ky krim nuk duhet t’i ikë drejtësisë. Këtë që bëjmë në parlament do është konfirmim i respektimit të viktimave”, deklaroi Balje.

Nënkryetarja e Kuvendit, Saranda Bogujevci ka thënë se VV-ja i jep mbështetje të fuqishme kësaj rezolute në mënyrë që të dënohen krimet e Srebrenicës të cilat i përjetuam edhe në lëkuren tonë.

“Është e vështirë të jetosh duke mos ditë fatin e familjarëve. Vuajtjet e popullit boshnjak i dimë më së shumti ne, ngjashëm që përjetuam gjatë luftës së fundit në Kosovë. Gjenocidi në Stebrenicë është prej krimeve më të rënda prej luftës së dytë botërore krimet këto që vazhduan edhe në Kosovë dhe i kemi përjetuam edhe në lëkuren tonë. Në emër të LVV-së tregoj që fuqishëm e mbështesim këtë rezolutë që është dashtë të ndodhë edhe më herët”, deklaroi Bogujevci.

Edhe grupet e tjera parlamentare si PDK, LDK e AAK i kanë dhënë përkrahje miratimit të kësaj rezolute.

Abelard Tahiri nga PDK-ja ka thënë se është më se i rëndësishëm miratimi i kësaj rezolute.

“Edhe PDK e mbështet këtë rezolutë. Nuk mund të anashkalojmë faktin për vonesë të dënimit të meritur nga drejtësia ndërkombëtare. Është i rëndësishëm e i nevojshëm miratimi i një rezolutë të tillë. Ata që i kanë kryer këto krime në Srebrenicë të marrin dënimin e merituar”, deklaroi ai.

Driton Selmanaj nga LDK-ja ka thënë se i bashkohen dënimit të këtij akti në Srebrenicë.

“Jemi vonuar, por u bashkohemi kësaj dhe jemi të bindur se këto akte do të vazhdojnë të dënohen fuqishëm”.

Kurse Besnik Tahiri nga AAK-ja ka thënë se rezoluta është e vonuar.

“E mbështesim rezolutën dhe konsiderojmë që është më së e vonuar”, tha Tahiri.

Kryeministri Albin Kurti ka thënë se dënimi i krimeve gjenocidale të Srebrenicës duhet të jetë i padiskutueshëm.

“Ky është veprim fisnik e i duhur në emër të universales sonë njerëzore, dëshirës sonë për drejtësi. Dënimi i krimeve gjenocidale duhet të jetë i përhershëm i padiskutueshëm e i kudondodhur. Çdo vit e kujtojmë Srebrenicën duke kërkuar drejtësi”, deklaroi Kurti.

Po ashtu Kurti ka theksuar se kjo Qeveri ka filluar të përgatisë me kujdes padinë për gjenocid ndaj Serbisë.

Related Topics:
Continue Reading

Rajoni

Me shumicë votash, Vesa Shatri zgjidhet Kryetare e re e Këshillit Studentor të UBT-së

Published

11 hours ago

on

December 3, 2025

By

Këshilli Studentor i UBT-së ka zhvilluar procesin zgjedhor për përzgjedhjen e përfaqësuesve të rinj të studentëve, në një proces të drejtë, transparent dhe të monitoruar nga autoritetet akademike të institucionit. Me shumicë votash, Vesa Shatri është zgjedhur Kryetare e Këshillit Studentor të UBT-së, duke marrë besimin e studentëve për të udhëhequr strukturën përfaqësuese të tyre.

Në përbërjen e re të kryesisë, janë zgjedhur këta përfaqësues:

  • Kryetare: Vesa Shatri
  • Nënkryetare: Eliona Kastrati
  • Sekretar: Mal Shehu
  • Këshilli Akademik: Ema Spahija
  • Komisioni për Ankesa: Elena Jashanica
  • Komisioni i Cilësisë: Odesa Mala
  • Komisioni Disiplinor: Rizgjim Sejdiu
  • Komisioni i Etikës: Arianit Hasani

Procesi zgjedhor u mbikëqyr nga përfaqësues të lartë të UBT-së, përfshirë Prorektorin e UBT-së, Prof. Dr. Binak Beqaj, sekretarin e institucionit, Prof. Dr. Artan Tahiri, këshilltarin në Zyrën e Rektorit, Prof. Dr. Elmi Kelmendi, koordinatoren për Çështje Akademike në UBT, Mirlinda Jashanica, si dhe Ismije Pllana, nga zyra e sekretarit.

Zgjedhja e kryesisë së re vjen me synimin që përfaqësimi i studentëve të jetë sa më efektiv, gjithëpërfshirës dhe i orientuar drejt përmirësimit të vazhdueshëm të jetës akademike e studentore në UBT. Përfaqësuesit e rinj do të angazhohen për të qenë zëri i studentëve, për të adresuar kërkesat e tyre dhe për të bashkëpunuar ngushtë me menaxhmentin e institucionit.

Në fjalën e saj, Kryetarja e re, Vesa Shatri, falënderoi studentët për besimin dhe theksoi angazhimin e saj për të mbrojtur interesat e tyre dhe për të ndërtuar ura komunikimi të qëndrueshme mes studentëve dhe strukturave drejtuese të UBT-së.

Continue Reading

Lajmet

BE-ja i kërkon KPK-së zbatimin e plotë të reformave: Shteti ligjor, parakusht i domosdoshëm për integrim

Published

12 hours ago

on

December 3, 2025

By

Zyra e Bashkimit Evropian ka njoftuar se në takimin e zhvilluar me Këshillin Prokurorial të Kosovës, u është bërë thirrje të gjithë anëtarëve të tij t’i zbatojnë plotësisht reformat e KPK-së.

Në njoftimin e lëshuar nga kjo zyrë, thuhet se shteti ligjor është parakusht thelbësor për Bashkimin Evropian.

“Zyra e BE-së në Kosovë u bëri thirrje sot të gjithë anëtarëve të tij që të zbatojnë plotësisht dhe së bashku reformën e KPK-së, të sigurojnë ligjshmërinë e vendimeve të tyre, të veprojnë me integritet dhe të mbrojnë besimin e publikut në sistemin e drejtësisë”, thuhet në njoftim.

Pas shkarkimit të u.d. së kryeprokurorit Besim Kelmendi dhe përplasjeve brenda KPK-së, Zyra e BE-së dje ka kërkuar takim urgjent me të gjithë anëtarët.

Ndërsa tri organizata të shoqërisë civile kanë paralajmëruar për rritje të rrezikut të kundërligjshmërisë në KPK.

Për këtë arsye ato kanë kërkuar ndërhyrjen e gjykatës./EO

Continue Reading

Lajmet

​Certifikohet NISMA

Published

14 hours ago

on

December 3, 2025

By

Komisioni Qendror i Zgjedhjeve ka certifikuar sot subjektin politik Nisma Socialdemokrate, për pjesëmarrje në zgjedhjet e parakohshme parlamentare të 28 dhjetorit.

Drejtori i Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala tha se Nisma ka përmbushur të gjitha kriteret sipas ligjit për zgjedhje dhe ka paguar taksën për certifikim.

“Periudha e certifikimeve politike ka përfunduar me 30 nëntor. Subjekti politik NISMA ka përmbushur kriteret për certifikim duke dorëzuar listën e nënshkrimeve dhe mbështetësve dhe ka paguar taksën për certifikim. Nuk ka gjoba nga PZAP, KQZ dhe Zyra”, tha Buzhala.

Më 2 dhjetor 2025, KQZ mori vendim për certifikimin e 22 subjekteve politike, 16 parti politike; tri koalicione, dy iniciativa qytetare dhe një kandidat i pavarur për pjesëmarrje në zgjedhjet e dhjetorit, ndërsa nuk e ka certifikuar Listën Serbe./KP

Continue Reading

Lajmet

Lista Serbe fton konferencë për media pas moscertifikimit nga KQZ

Published

14 hours ago

on

December 3, 2025

By

Lista Serbe, ka njoftuar se sot më 03.12.2025, në ora 15:00, në selinë e partisë do të mbajnë konferencë për media.

Sipas njoftimit, drejtuesit do të flasin për vendimin nga KQZ-ja i cili siç pretendojnë ata ka penguar pjesëmarrjen e subjektit në zgjedhjet e parakohshme parlamentare të 28 dhjetorit 2025, transmeton KosovaPress.

“Udhëheqja e Listës Serbe do të mbajë një konferencë të jashtëzakonshme për media, ku do të flasë për vendimin joligjor për të penguar pjesëmarrjen e Listës Serbe në zgjedhjet e parakohshme parlamentare më 28 dhjetor 2025” thuhet në njoftimin e partisë.

Ndërsa dje gjatë mbledhjes së dytë lidhur me përgatitjet për procesin zgjedhor, KQZ-së nuk ka certifikuar Listën Serbe për zgjedhjet e parakohshme parlamentare të 28 dhjetorit.

KQZ votoi certifikimin ndaras për partitë politike, meqë rast Lista Serbe me 2 vota për, 2 kundër dhe 7 abstenime nuk u certifikua./KP

Continue Reading

Të kërkuara