Lajmet

Kuvendi përmbyll sesionin pranveror gjatë kësaj jave

Mazhoranca u shpreh e vendosur për vazhdimin normal të punës së Kuvendit me agjendën legjislative.

Publikuar

Kuvendi i Kosovës do të mbajë dy seanca plenare gjatë kësaj jave. Deputetët para se të shkojnë në pushim veror do të mblidhen të enjten me 27 korrik, ku do të shqyrtojnë pikat e mbetura nga e kaluara, kurse të premten më 28 korrik do të mbajnë seancën e re plenare, ku mes tjerash do të shqyrtohet Projektligji për pensionet dhe disa marrëveshje ndërkombëtare.

Pas mbledhjes së Kryesisë së Kuvendit të martën, sërish dolën në pah mospajtimet e mëdha ndërmjet pozitës dhe opozitës. Derisa mazhoranca u shpreh e vendosur për vazhdimin normal të punës së Kuvendit me agjendën legjislative, dy partitë opozitare, PDK dhe AAK po kërkojnë zgjedhje të reja, por formën si të shkohet tek kutitë e votimit e shprehën të ndryshme. Në PDK potencuan nevojën për shpërbërjen e Kuvendit, kurse nga AAK-ja thanë se mocioni i mosbesimit ndaj Qeverisë Kurti do të procedohet në Kuvend në shtator, pas pushimit të deputetëve.

Duke folur për seancën e rregullt të Kuvendit të së premtes, Ableard Tahiri tha se kërkesë e tyre është që të mbahet debat parlamentar për audio-incizimet që janë dal në media të eksponentëve të partisë në pushtet me siç tha ai kriminelin Milan Radojiçiq. Por sipas tij një kërkesë e tillë nuk u mbështetë dhe iu mbetet deputetëve në seancë që të vendosin me votën e tyre për rendin e ditës.

Ai përsëriti qëndrimin e PDK-së se nuk do të marrin pjesë në votime në Kuvend deri kur të shpërbëhet ky institucion dhe të shkohet në zgjedhje të reja.

“Ne si grup parlamentar kërkuam që të premten kur mbahet seanca e rregullt, si pikë e parë të kemi një diskutim mbi bisedat që kemi dëgjuar nga eksponentë të LVV-së, kryetarja e grupit, së bashku me nënkryetarin e Kuvendit që vjen nga dhe të kemi një diskutim dhe sqarim se deri kur shkon angazhimi i një personi i cili ndiqet nga drejtësia në Kosovë. Po ashtu i njëjti që është në listën e zezë të ShBA-së dhe Mbretërisë së Bashkuar. Një kërkesë e tillë është refuzuar nga mazhoranca dhe nuk pati kuorum në vendimmarrje sa i përket mbledhjes së kryesisë. Kjo i bie që kryetari pa konsensus të ftoj seancën e radhës dhe atë rend të ditës duhet të votojë seanca nëse pajtohemi për një gjë të tillë… (Mosmarrja pjesë në votime) Ne e kemi bërë të qartë tashmë se kjo do të zgjatë deri në ditën kur do të ftojmë një seancë për të shpërbërë Kuvendit”, tha ai.

Por një debat të tillë po e sheh të panevojshëm shefja e Grupit Parlamentar të LVV-së, Mimoza Kusari-Lila, e cila ka qenë e implikuar në këtë audio-incizim me ish-deputetin e Listës Serbe, Sllavko Simiq.

Ajo tha se debati për këtë temë është ezauruar, derisa tha se ka përgatitur dy kallëzime penale ndaj ish-deputetit Simiq por edhe ndaj medias dhe gazetarit që ka publikuar audio-incizimin.

“Kishim një debat të gjerë në Kryesinë e Kuvendit në raport me incizimet e jashtëligjshme të cilat kanë dal dhe janë të edituar. Jam përgjigjur pyetjeve të anëtarëve të kryesisë ashtu siç i kanë pasur. Në këtë kontekst edhe në krejt diskutimin e deritanishëm unë kam dhënë intervista dhe asnjëherë nuk kam hezituar të përgjigjem në pyetjet e gazetarëve apo opinionistëve. Ne konsiderojmë se seanca e Kuvendit duhet të jetë mbi agjendën legjislative dhe projektligjet. Pyetjet që kanë qenë dhe janë më shumë të natyrës spekulative që synojnë të kenë një manipulim politik besojmë se mund të zhvillohen në studiot televizive. Opozita e ka formën dhe mundësinë që të thërret seancë të veçantë… Kam të përgatitura dy kallëzime penale të cilat do të dorëzohen brenda pak ditëve. Një ndaj ish deputetit Sllavko Simiq dhe tjetra ndaj portalit dhe gazetarit që ka bërë publikimin dhe editimin e atyre materialeve”, tha ajo.

Kritik ndaj mazhorancës u shpreh edhe shefi i Grupit Parlamentar të AAK-së, Besnik Tahiri, i cili tha se nuk do t’ia bëjnë kuorumin pushtetit për votimin e ligjeve.

Madje tha se do t’i trajtojnë me kujdes edhe marrëveshjet ndërkombëtare për të shikuar se cilat do t’i votojnë.

Krahas këtyre, Tahiri kërkoi sërish nga dy partitë opozitare, PDK dhe LDK që të përkrahin mocionin e mosbesimin ndaj Qeverisë Kurti, por tha se nuk do ta rrëzojnë atë me vota të deputetëve të Listës Serbe.

“Si grup parlamentar ne nuk do të bëjmë asnjë kuorum dhe nuk do të votojmë për ligje. Logjika e ligjbërjes së këtij kuvendi është e kapjes së institucioneve të pavarura dhe mbi të gjitha ligjeve antikushtetuese dhe janë një mashtrim optik, përfshirë ligjin e pagave dhe ligjin e pagës minimale. Kjo qeveri nuk meriton asnjë mbështetje në aspektin e ligjbërjes. Në aspektin e marrëveshjeve ndërkombëtare, ne kemi votuar të gjitha marrëveshjet. Në një marrëveshje që ne kemi interesim është ajo për skemat sociale, por tash është bërë tre muaj që ajo marrëveshje është votuar nga AAK-ja, kemi shikuar se çka po ndodh me atë, andaj nuk do të votojmë. Do të jetë një marrëveshje që lidhet me disa bursa që lidhet me qeverinë franceze dhe këtë marrëveshje do të votojmë. Kjo qeveri meriton të shkojë në shtëpi. Ne si opozitë duhet të përmblidhemi të shtyjmë mocionin përpara. Ka një dakordim që në sesionin që fillon në shtator duhet të nisim me shkarkimin e kësaj qeverie”, deklaroi Tahiri.

Në anën tjetër, Kusari-Lila foli edhe për Ligjin për pagën minimale dhe kërcënimet e veteranëve se nuk do t’i lejojnë deputetët të hynë në objektin e Kuvendit, pas përjashtimit të tyre nga ky ligj.

Ajo tha se dialogu ndërmjet qeverisë dhe veteranëve është i domosdoshëm për gjetjen e një zgjidhje të dinjitetshme për këtë çështje.

“Është i domosdoshëm dialogu midis qeverisë dhe organizatës së veteranëve të luftës çlirimtare të Kosovës në raport me mundësinë apo kthimin e dispozitës në ri inkuadrim në tregun e punës. Të gjithë ata që janë të aftë dhe kanë mundësi dhe dëshirë që të aplikojnë për punë, duke mos pasur mundësi që të zgjedhin sikur ishte situata e deritanishme. Nuk është një proces që kërkon zgjidhje me kushtëzime të njërës apo tjetrës palë. Por është një proces që do të gjendet një zgjidhje me një dialogim, bashkëpunim dhe mirëkuptim… Se si do të reagojmë, ne do të vijmë në vendet e punës ashtu siç është e paraparë. Ne nuk parashohim dhe as konsiderojmë raportin me veteranët e luftës si raport që duhet të jetë kërcënues mes deputetëve dhe veteranëve. Natyrisht shprehim vullnetin e pafund që kësaj çështje t’ia bëjmë një zgjidhje të mirëfilltë dhe të dinjitetshme për veteranëve. Natyrisht edhe të menaxhueshme për buxhetin e Kosovës”, theksoi Kusari-Lila.

Krahas këtyre, Tahiri nga PDK kërkoi që të respektohet e rregullorja e Kuvendit për thirrjen e seancave plenare, derisa nënvizoi nevojën që seanca e 13 korrikut të kthehet në pikën zero nga Gjykata Kushtetuese, pas kontestimit të tyre se e njëjta është thirrur në kundërshtim me Rregulloren e Kuvendit.

Lajmet

​BE mban trendin e rënies së emetimeve të gazrave serrë

Publikuar

nga

Trendi në rënie në emetimet e gazrave serrë të BE-së vazhdoi gjatë gjithë vitit 2023 me një rënie prej pak më shumë se 5%, sipas të dhënave të Eurostat të publikuara këtë javë.

Shtetet anëtare të BE-së lëshuan më shumë se 3.4 miliardë ton ekuivalent të dyoksidit të karbonit të gazeve serrë në vitin 2023. Kjo është 5.1% më pak se në vitin 2022, kur u lëshuan rreth 3.6 miliardë ton ekuivalent të dyoksidit të karbonit.

Bullgaria emetoi 47.5 milion ton ekuivalent të dyoksidit të karbonit ose rreth 1.4% të emetimeve të gazit serrë të BE, sipas llogaritjeve të BTA bazuar në të dhënat e Eurostat.

Vendi uli emetimet e gazeve serrë me pothuajse një të pestën (-19.6%) në 2023, duke regjistruar rënien e dytë më të madhe pas Estonisë (-27%).

Në tremujorin e katërt të vitit të kaluar, Bullgaria u rendit e dyta në mesin e vendeve anëtare të BE-së me uljen më të madhe të emetimeve të gazrave serrë. Pas Estonisë (-23%), ky vend regjistroi një rënie prej afro 17% nga viti në vit.

Vazhdo të lexosh

Lajmet

Edhe Spanja do ta njohë shtetin palestinez bashkë me vendet tjera

Publikuar

nga

Kryeministri spanjoll, Pedro Sanchez njoftoi të premten se vendi i tij do ta njohë shtetin palestinez bashkë me vendet tjera.

Vazhdo të lexosh

Lajmet

IBM ka në plan të krijojë 800 vende të reja pune

Publikuar

nga

IBM-ja njoftoi se planifikon të punësojë deri në 800 persona në Irlandë për të ndërtuar një sistem softueri të avancuar sipas teknologjisë së Inteligjencës Artificiale.

Kjo shënon numrin më të madh të vendeve të punës në sektorin shumëkombësh të vendit. IBM është tashmë një nga punëdhënësit më të mëdhenj shumëkombësh në Irlandë me 3 mijë persona staf.

Përmes posteve të reja do t’u kërkohet punonjësve të krijojnë softuer të avancuar bazuar në inteligjencë artificiale gjeneruese në fushat sikurse siguria, automatizimi, etj./UBTNews/

Vazhdo të lexosh

Art

Gruaja më e pasur e Australisë kërkon që të largohet portreti i saj nga një ekspozitë

Publikuar

nga

Arti është subjektiv. Dhe përderisa shumica e artistëve dëshirojnë të ndajnë punën e tyre me botën, nuk ka garanci se publiku do ta kuptojë apo pëlqej punën e tyre artistike.

Kështu duket të jetë edhe rasti i një pikture nga artisti vendas, Vincent Namatjira, që përfshin një portret të gruas më të pasur në Australi, manjates së minierave Gina Rinehart.

Rinehart i ka kërkuar Galerisë Kombëtare të Australisë (NGA) të largojë portretin e saj, një prej 21 veprave të tij individuale që përbëjnë një pjesë të vetme në ekspozitën e Namatjiras, “Australia in Color”.

Kjo ekspozitë po shfaqet në galerinë e kryeqytetit australian, Kanberra, që nga muaji mars.

Subjekte të tjera të kësaj ekspozite janë edhe Mbretëresha Elizabetë II, muzikanti amerikan, Jimi Hendrix, aktivisti australian për të drejtat e aborigjenëve Vincent Lingiari, si dhe ish-kryeministri australian, Scott Morrison./UBTNews/

Vazhdo të lexosh

Të kërkuara