Lajmet

Kuvendi mban tri seanca plenare gjatë kësaj jave, opozita kërkon rritje të pagave për policët

Nga partia në pushtet, theksuan nevojën e miratimit të marrëveshjeve ndërkombëtare.

Published

1 year ago

on

Kuvendi i Kosovës do të mbajë tri seanca plenare gjatë kësaj jave. Deputetët të mërkurën do të shqyrtojnë pikat e mbetura nga seancat e kaluara, të enjten do të mbahet seanca e re plenare, ndërkaq të premten pritet të mbahet seancë e veçantë plenare me vetëm pyetje parlamentare.

Nga partia në pushtet, theksuan nevojën e miratimit të marrëveshjeve ndërkombëtare, derisa opozitarë thanë se do të kërkojnë përmes miratimit të një rezolute sigurimin shëndetësor për policët, pagesën e rrezikshmërisë, ligjin për pensionim të parakohshëm të policët dhe rritjen e koeficientit për paga te shërbyesit publik.

Pas mbledhjes së Kryesisë së Kuvendit të hënën, deputeti i Lëvizjes Vetëvendosje, Armend Muja, kritikoi opozitarët, siç tha ai, për mosvotimin pa një arsye të qartë të marrëveshjeve ndërkombëtare.

“Kemi tri marrëveshje ndërkombëtare të rëndësishme. Njëra ndër nga ato është linja hekurudhore 10, pra hekurudha midis Fushë Kosovës dhe Mitrovicës. E dyta është ngrohja solare e Prishtinës dhe e treta që është e rëndësishme, rrjeti energjetik apo financimi i qeverisë gjermane për KOSTT. Këtu nuk kemi asgjë politike në kushte normale nuk duhet të kishte mospajtim mirëpo për këtë kërkohet edhe vota e opozitës. Kemi vërejtur një tendencë që nga marsi i këtij viti partitë opozitare nuk i votojnë pa dhënë ndonjë arsyetim të qartë se pse po ndodh”, tha ai.

Megjithatë, shefi i Grupit Parlamentar të PDK-së, Abelard Tahiri, nënvizoi sërish se nuk do të votojnë asnjë marrëveshje ndërkombëtare dhe se vendit i duhet një qeveri e re.

“Republika e Kosovës vazhdon të jetë nën sanksione. Këta po kërkojnë votimin e marrëveshjeve ndërkombëtare, të cilat nuk kanë mundësi të realizohen në situatën aktuale që jemi. Kryeministri Kurti nuk është njeriu që mund ta nxjerr Kosovën nga sanksionet. Ai e ka vendosur në sanksione dhe vendit i duhet një qeveri e re”, theksoi Tahiri.

Krahas kësaj, ai bëri të ditur se në seancën e së enjtes do të propozojnë një draft-rezolutë për siç tha kthimin e dinjitetit te policëve kosovarë.

“Do t’i prezantojmë Kuvendit një draft rezolutë e cila në radhë të parë brenda një periudhe të caktuar e obligon Qeverinë e Kosovës që t’i përfundojë shtesat që s’janë paguar tash e tetë muaj për Policinë e Kosovës, ky obligim ligjor. Pika e dytë e kësaj rezolute do të jetë po ashtu që nga 1 janari 2024 të ndajë buxhetin për sigurimet shëndetësore për Policinë e Kosovës. Kjo duhet të ndodhte për të gjithë qytetarët, por po e shohim se kjo nuk do të ndodh për të gjithë, por është e rëndësishme që të paktën të fillojë me Policinë e Kosovës. Tjetra që është agjendë ekskluzivisht agjendë e parlamentit është Ligji për pensionim të parakohshëm të Policisë së Kosovës, i cili duhet të hyjë në fuqi jo më pak se tridhjetë ditë që nga koha e miratimit të kësaj rezolute”, shtoi Tahiri.

Edhe shefi i Grupit Parlamentar të AAK-së, Besnik Tahiri tha se kanë mbledhur 40 nënshkrime për seancë të jashtëzakonshme, ku do të kërkojnë rritjen e koeficientit të Ligjit për paga nga 105 në 129 euro.

“Do të kërkojmë rritjen e koeficientit nga 105 deri në 129 euro. Të parët që do të preken dhe që do të ndikon në rritjen e pagave janë policët e Kosovës. E shohim tepër të rëndësishme që tani të kalojmë prej fjalëve në vepra, në një përgjigje të një situate e cila është shumë problematike, në veçanti për një numër të madh të shërbyesve civil. Në këtë funksion besoj se do të kemi mbështetje nga të gjithë deputetët përfshirë edhe deputetët e shumicës”, deklaroi ai.

Ndërkaq, bëri të ditur se nesër do të thërrasin një tryezë diskutimi në Kuvend për gjendjen e sigurisë në vend dhe reflektimet pas sulmit terrorist në veri më 24 shtator.

Related Topics:
Continue Reading

Bota

Von der Leyen: Bashkëpunimi BE-SHBA në interes dypalësh

Published

3 minutes ago

on

January 22, 2025

By

Presidentja e Komisionit të BE-së, Ursula von der Leyen, dhe kancelari gjerman, Olaf Scholz, u shprehën në Forumin Ekonomik Botëror në Davos për rëndësinë e bashkëpunimit të ngushtë mes Bashkimit Evropian dhe Shteteve të Bashkuara të Amerikës.

Von der Leyen paralajmëroi presidentin e ri të SHBA-së, Donald Trump, që të shmangë nisjen e një lufte tregtare me Evropën dhe theksoi gatishmërinë e BE-së për negociata. Ajo theksoi se ekonomitë e BE-së dhe SHBA-së janë të ndërthurura në një masë të jashtëzakonshme dhe se vëllimi i tregtisë mes dy palëve arrin në 1.5 trilion euro, që përfaqëson 30 për qind të tregtisë botërore. “Të dyja palët do të rrezikonin shumë”, tha Von der Leyen.

Kjo deklaratë vjen pas njoftimit të Trumpit gjatë fushatës zgjedhore se kishte për qëllim vendosjen e tarifave të reja për importet, përfshirë një tarifë deri në 60 për qind për mallrat kineze. Trumpi ka shprehur shqetësimin për deficitin tregtar dhe dëshirën për të forcuar prodhimin amerikan.

Kancelari Scholz gjithashtu shprehu shpresën që SHBA të mbetet një aleat i ngushtë i Gjermanisë edhe nën presidencën e Trumpit, por theksoi se duhet të ketë maturi në qëndrimet ndaj SHBA-së, duke shtuar se jo çdo deklaratë ose postim nga Uashingtoni duhet të shkaktojë tensione të mëdha në Evropë. Ai theksoi se bashkëpunimi mes BE-së dhe SHBA-së është kyç për paqen, sigurinë dhe zhvillimin ekonomik global./UBTNews/

Continue Reading

Lajmet

Kontingjenti i FSK-së, pjesë e ushtrimit “Winter EX 2025” në Turqi

Published

10 minutes ago

on

January 22, 2025

By

Kontingjenti i Forcës së Sigurisë së Kosovës, i është bashkuar forcave partnere në ushtrimin ndërkombëtar “Winter EX 2025” që udhëhiqet nga Forcat e Armatosura të Republikës së Turqisë ( FART).

FSK-ja njofton se Ushtrimi Fushor “Winter EX 2025” është një aktivitet shumëpalësh me pjesëmarrje të gjerë nga vendet partnere, agjencitë e sigurisë, organizatat qeveritare dhe joqeveritare të Turqisë, e që fokus ka aspektin operacional dhe taktik në kushte të motit ekstrem dhe brenda kufijve territorial të Turqisë.

Pjesëmarrja e FSK-së, në ushtrim ka për qëllim ngritjen dhe avancimin e kapaciteteve operacionale dhe profesionale të njësive , si dhe ngritjen e ndërveprueshmërisë në operacionet e përbashkëta me partnerët.

Continue Reading

Lajmet

Delegacioni presidencial pjesëmarrës në inaugurimin e Presidentit të 47-të të SHBA-ve

Published

31 minutes ago

on

January 22, 2025

By

Delegacioni presidencial ka marr pjesë në aktivitetet e organizuara me rastin e inaugurimit të Presidentit të 47-të, të SHBA-ve, Donald Trump.

Një delegacion presidencial, i përbërë nga Learta Hollaj, Shefe e Stafit të Presidentes, dhe Rejhan Vuniqi, Këshilltare për Politikë të Jashtme, të shoqëruar nga Ambasadori i Republikës së Kosovës në SHBA, Ilir Dugolli, ka marrë pjesë në aktivitetet e organizuara për nder të inaugurimit të Presidentit të 47-të, të Shteteve të Bashkuara të Amerikës, Donald Trump.

Nga Presidenca njoftohet se gjatë këtyre ditëve, ata kanë marrë pjesë në ceremoninë e betimit të Presidentit Trump në Capitol Hill, Tubimin e mbajtur para ceremonisë së betimit në Capital One Arena, Ballon e Komandantit Suprem; Ballon Presidenciale “The Liberty Ball”, Ballon “Black Tie and Boots”, të organizuar nga Texas State Society, Midwest Galla, pritjen e organzuar nga Dr. Miriam Adelson, Tilman Fertitta, Sylvie Legere & Todd Ricketts e Mark Zuckerberg, si dhe në Shërbesën e Lutjeve Kombëtare në Washington National Cathedral.

Me këtë rast, ata kanë pasur mundësinë të takohen me një sërë zyrtarësh të lartë, senatorë dhe kongresistë, si dhe këshilltarë dhe persona me ndikim nga bota e biznesit dhe sfera të tjera të interesit.

Gjatë këtyre aktiviteteve, ata kanë pasur mundësinë të bisedojnë me: Kryetarin e Dhomës së Përfaqësuesve në Kongresin amerikan, Mike Johnson; të nominuarin e Presidentit Trump për Drejtor të CIA-s, John Ratcliffe; Kongresistin dhe Kryesuesin e nënkomitetit për Evropë në Komitetin për Politika të Jashtme të Dhomës së Përfaqësuesve të SHBA-ve, Keith Self; Kongresistin Chip Roy; Kongresistin Ronny Jackson; Senatorin John Cornyn, Kongresistin Ted Cruz; Guvernatorin e Teksasit, Greg Abbott; Guvernatoren e Iowa, Kim Reynolds; Ambasodorin e nominuar të Presidentit Trump në NATO, Matt Whitaker; Zëvendës Guvernatorin e Teksasit, Dan Patrick; Prokurorin e Përgjithshëm të Teksasit, Ken Paxton; ish-Sekretarin e Përgjithshëm të NATO-s, Jens Stoltenberg; Senatoren e Teksasit, Angela Paxton; Këshilltarin lokal, Gino Mulliqi; dhe ish-Kongresistin Jack Fields, si dhe përfaqësues të shumtë të mërgatës.

Në të gjitha këto takime, janë përcjellë urimet më të mira për Presidentin Trump dhe administratën e re në emër të Presidentes Osmani dhe qytetarëve të Kosovës, duke konfirmuar angazhimin e Republikës së Kosovës për avancimin e mëtejshëm dhe të vazhdueshëm të raporteve bilaterale. Në bisedat me zyrtarët amerikanë është theksuar gjithashtu rëndësia e vizitave të ndërsjella, si dhe rëndësia e bashkëpunimit me qëllim të avancimit dhe ruajtjes së sigurisë në rajon dhe përtej.

Continue Reading

Lajmet

Lajçak: Marrëveshja e Ohrit hapi rrugën drejt normalizimit të raporteve Kosovë – Serbi

Published

43 minutes ago

on

January 22, 2025

By

Miroslav Lajçak, emisari i Bashkimit Europian për dialogun, ka folur për takimin që zhvilloi dje me presidentin serb, Aleksandar Vuçiç, në kuadër të përpjekjeve për të përshpejtuar procesin e dialogut ndërmjet Kosovës dhe Serbisë.

Në një postim në platformën X, Lajçak theksoi rëndësinë e Marrëveshjes së Ohrit të vitit 2023, e cila, sipas tij, ka hapur një rrugë të re për normalizimin e marrëdhënieve ndërmjet dy vendeve. “Theksova se Marrëveshja e Ohrit e vitit 2023 hapi rrugën përpara drejt normalizimit”, shkruajti ai, duke theksuar se avancimi në këtë drejtim është jetik për të ardhmen e dy vendeve dhe të gjithë rajonit.

Lajçak shtoi se progresi i mëtejshëm është në interes të Kosovës, Serbisë dhe të ardhmes së tyre, duke i bërë thirrje të dyja palëve të vazhdojnë përpjekjet për të arritur një marrëveshje përfundimtare që do të kontribuonte në stabilitetin dhe paqen në Ballkanin Perëndimor./UBTNews/

Continue Reading

Të kërkuara