

Bota
Kushtetuesja anulon zgjedhjet presidenciale në Rumani, pas akuzave për ndërhyrje ruse
Published
7 months agoon
By
UBTnewsGjykata Kushtetuese e Rumanisë ka marrë vendim që zgjedhjet presidenciale, balotazhi i të cilave pritej të mbahej këtë fundjavë, të shfuqizohen tërësisht dhe të mbahen zgjedhje të reja.
Kushtetuesja e mori këtë vendim të premten, duke thënë se Qeveria duhet të vendosë tani për datën e zgjedhjeve të reja presidenciale.
Kandidati prorus i ekstremit të djathtë, Calin Georgescu, tronditi duke e fituar rundin e parë të zgjedhjeve presidenciale. Por, kishte dëshmi se një fushatë e madhe kibernetike, e orkestruar nga Moska, në TikTok në favorit të Georgescut nuk u vërejt nga autoritetet rumune.
Georgescu pritej të përballej në balotazh me kandidaten proevropiane të qendrës, Elena Lasconi, të dielën e 8 dhjetorit.
Votimi kishte filluar në diasporë në balotazhin presidenciale të Rumanisë, i cili shihej si referendum për të ardhmen e vendit në NATO dhe në Bashkim Evropian, për shkak se ka pasur shumë akuza se Rusia ka ndërhyrë në zgjedhje.
Dyshimet për ndërhyrjen ruse sollën mijëra rumunë nëpër rrugët e vendit për të protestuar në përkrahje të anëtarësimit të vendit në bashkësinë euroatlantike.
Autoritetet rumune kishin vendosur t’i jepnin diasporës së madhe dy ditë e gjysmë për të votuar, për t’i shmangur pritjet e gjata në misionet e jashtme diplomatike të vendit.
Georgescu dukej favorit për ta fituar balotazhin, por në sondazhet më të fundit Lasconi e kaloi atë, pasi Këshilli i Lartë i Mbrojtjes Kombëtare i Rumanisë (CSAT) publikoi të mërkurën dokumente të klasifikuara, duke zbuluar se vendi ishte në shënjestër të një “veprimi agresor hibrid nga Rusia”, që çoi drejt fitores befasuese të kandidatit prorus.
Lasconi, ish-prezantuese televizive dhe kryetare e qytetit të vogël Kampulung, kishte një epërsi prej dy për qind ndaj Georgescut, sipas një sondazhi të publikuar të enjten nga AltasIntel.
Fitorja e Georgescut në rundin e parë ngjalli frikë dhe shkaktoi protesta, posaçërisht në mesin e rumunëve të rinj, për të ardhmen demokratike të vendit.
Të enjten, rreth 3.000 njerëz marshuan në Budapest duke kërkuar që Rumania të qëndrojë në rrugën e saj proevropiane. Ata më pas u mblodhën në sheshin e kryeqytetit, ku brohoritën “Liri” dhe “Evropë”.
Bota
SHBA vendos sanksione kundër hetueses së OKB-së që po heton abuzimet në Gaza
Published
16 seconds agoon
July 10, 2025By
UBTnews
Administrata Trump njoftoi se po vendoste sanksione kundër një hetueseje të pavarur, e ngarkuar me hetimin e abuzimeve të të drejtave të njeriut në Territoret Palestineze, përpjekja e fundit e Shteteve të Bashkuara për të ndëshkuar kritikët e luftës 21-mujore të Izraelit në Gaza.
Vendimi i Departamentit të Shtetit për të vendosur sanksione ndaj Francesca Albanese, raportueses speciale të OKB-së për Bregun Perëndimor dhe Gazën, vjen pas një fushate të pasuksesshme presioni të SHBA-së për të detyruar organin ndërkombëtar ta shkarkojë atë nga posti i saj.
Kjo vjen gjithashtu ndërsa kryeministri izraelit Benjamin Netanyahu po viziton Uashingtonin këtë javë për t’u takuar me Presidentin Donald Trump dhe zyrtarë të tjerë në lidhje me luftën në Gaza dhe më shumë.
Nuk është e qartë se çfarë ndikimi praktik do të kenë sanksionet dhe nëse hetuesi i pavarur do të jetë në gjendje të udhëtojë në SHBA me dokumente diplomatike.
Albanese, një avokate italiane e të drejtave të njeriut, ka qenë e zëshme për atë që ajo e ka përshkruar si “gjenocid” nga Izraeli kundër palestinezëve në Gaza.
Si Izraeli ashtu edhe SHBA-të, të cilat ofrojnë mbështetje ushtarake për aleatin e tyre të ngushtë, e kanë mohuar me forcë këtë akuzë.
SHBA nuk i kishte adresuar më parë shqetësimet me shqiptarët drejtpërdrejt, sepse nuk kishte marrë pjesë në asnjërën nga dy seancat e Këshillit të të Drejtave të Njeriut këtë vit, përfshirë seancën e verës që përfundoi të martën.
Kjo për shkak se administrata Trump e tërhoqi SHBA-në më herët këtë vit./atsh
Bota
BE hap hetime për TikTok-un për ruajtjen e të dhënave personale në Kinë
Published
1 hour agoon
July 10, 2025By
UBTnews
Bashkimi Evropian njoftoi sot hapjen e hetimeve për rrjetin social TikTok për ruajtjen e të dhënave personale në Kinë, mësohet nga një komunikatë për shtyp.
Autoriteti irlandez për Mbrojtjen e të Dhënave (DPC), duke vepruar në emër të Bashkimit Evropian, hapi sot një hetim mbi ruajtjen nga TikTok të të dhënave personale të disa përdoruesve evropianë në serverat kinezë, gjë që mund të jetë në shkelje të legjislacionit.
DPC u informua në prill nga rrjeti i fuqishëm social se të dhënat evropiane ishin ruajtur në Kinë dhe që atëherë ishin fshirë.
TikTok përmendi një “problem teknik”./atsh
Aktualitet
Ursula von der Leyen i mbijeton mocionit të mosbesimit
Published
1 hour agoon
July 10, 2025By
UBT News
Një mocion mosbesimi kundër presidentes së Komisionit Evropian, Ursula von der Leyen dhe vetë Komisionit dështoi të miratohej në Parlamentin e BE-së në Strasburg.
Ursula von der Leyen e Komisioni Evropian i mbijetuan votës së mosbesimit në Parlamentin Evropian, me 175 eurodeputetë që votuan në favor të mocionit të mosbesimit, 360 kundër, 18 abstenime. Votat në favor ishin më poshtë shumicës prej dy të tretash të të gjitha votave që mocioni të jetë i suksesshëm.
Von der Leyen, e cila nuk ishte e pranishme gjatë votimit, është e sigurt. Por votimi e ka dobësuar e ka lënë pikëpyetje mbi mbështetjen për agjendën e saj në Parlament. Grupi i Socialistëve dhe Demokratëve mori një premtim për buxhetin e ardhshëm afatgjatë në këmbim të mbështetjes së tyre, një premtim që do të vihet në provë javën e ardhshme kur propozimi i Komisionit duhet të publikohet.
Grupet e krahut të djathtë Patriotët për Evropën dhe Evropa e Kombeve Sovrane, plus shumë nga Konservatorët dhe Reformistët Evropianë dhe disa delegacione nga e Majta, votuan në favor të mocionit.
Bota
BE: Izraeli është pajtuar për të zgjeruar qasjen e Gazës në ndihma
Published
2 hours agoon
July 10, 2025By
UBTnews
Bashkimi Evropian ka arritur të enjten marrëveshje me Izraelin për të rritur qasjen e Gazës në ndihma, çka nënkupton se më shumë kamionë mund të hyjnë atje si dhe të hapen pika tjera kalimi, ka thënë kryediplomatja e bllokut evropian, Kaja Kallas.
“Sot, ne kemi arritur marrëveshje me Izraelin për të zgjeruar qasjen në ndihmë humanitare në Gazë”, ka shkruar Kallas përmes një postimi në X – dikur Twitter.
“Marrëveshja nënkupton më shumë pikëkalime, ndihma dhe kamionë me ndihma në Gazë, për riparim të infrastrukturës vitale dhe mbrojtje të punëtorëve të ndihmës. Ne llogarisim në Izraelin për ta zbatuar çdo masë për të cilën jemi pajtuar”, ka shkruar mes tjerash Kallas.
Dy milionë banorët e Gazës janë duke u përballur me kushte të rënda humanitare pasi Izraeli ka kufizuar hyrjen e ndihmave teksa e lufton Hamasin – grupin palestinez të shpallur terrorist nga Shtetet e Bashkuara dhe fuqi tjera.
Përmes një komunikate, Kallas ka thënë se masat “do të zbatohen në ditët në vijim, me idenë që ndihma duhet t’i dorëzohet direkt popullit”.
Ajo ka thënë se në mesin e masave përfshihet “rritja e numrit të kamionëve me ndihmë ushqimore dhe joushqimore në Gazë, hapja e më shumë pikave të kalimit, përfshirë rihapjen e rrugëve prej Jordanisë dhe Egjiptit”.
Ky njoftim ka ardhur teksa Izraeli dhe Hamasi vazhdojnë t’i diskutojnë hollësitë e një armëpushimi të përkrahur nga Shtetet e Bashkuara për t’i dhënë fund luftës.
BE-ja ka qenë duke shqyrtuar mundësinë e marrjes së masave kundër Izraelit, duke thënë se ai ka shkelur pakte mes dy palëve përmes veprimeve në Gazë.
Megjithatë, blloku prej 27-anëtarësh ka pasur vështirësi në gjetjen e konsensusit për shkak të mbështetjes së madhe të disa vendeve për Izraelin dhe disa tjerave për palestinezët.
Lufta në Gazë ka nisur pasi militantët e Hamasit i kanë sulmuar komunitetet në kufirin izraelit më 7 tetor 2023, çka ka çuar në vdekjen e 1.219 njerëzve, kryesisht civilë.
Si pasojë e veprimeve hakmarrëse të Izraelit janë vrarë të paktën 57.680 palestinezë në Gazë, kryesisht gra dhe fëmijë, sipas autoriteteve shëndetësore palestineze./REL

SHBA vendos sanksione kundër hetueses së OKB-së që po heton abuzimet në Gaza

Vdes një person nga aksidenti në rrugën Prishtinë-Podujevë

Range Rover tashmë ka një logo të re

Orlando Bloom postoi foto me Katy Perry-n sikur të mos ishin ndarë

Prof. Sokol Loci përfaqëson UBT-në në “International Staff Week” në Bukuresht

Uji, aleati i verës: Sa gota duhet të konsumoni çdo ditë, sipas ekspertëve

BE hap hetime për TikTok-un për ruajtjen e të dhënave personale në Kinë

Ekspertë dhe studentë së bashku për një akademi verore të suksesshme të ndërmarrësisë në UBT

KQZ miraton 566 kërkesa për ndërrim të qendrave të votimit
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT1 month ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT1 month ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT1 month ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore