Lajmet

Kush ishte “numri 2” i Hamasit që Izraeli e vrau me dron në Bejrut?

Mediat lokale thanë se Saleh al-Arouri u vra në një sulm me dron të izraelitëve në jug të kryeqytetit, Bejrut. 

Published

on

Nënkryetari i Hamasit, grupi palestinez që kontrollon Rripin e Gazës u vra në një shpërthim në Liban. Lajmi u konfirmua edhe nga një zyrtar i lartë i Hamasit për BBC. Mediat lokale thanë se Saleh al-Arouri u vra në një sulm me dron të izraelitëve në jug të kryeqytetit, Bejrut. 

Arouri është figura më e lartë e Hamasit që është vrarë qëkur Izraeli hyri në luftë me Hamasin pas sulmit të tij të 7 tetorit. Atë ditë, njerëz të armatosur të Hamasit pushtuan Izraelin dhe sulmuan komunitetet përreth kufirit duke vrarë rreth 1200 njerëz, kryesisht civilë dhe duke marrë rreth 240 pengje gjatë tërheqjes në Gaza. Izraeli nisi një ofensivë ushtarake si kundërpërgjigje, me qëllimin e deklaruar për të shkatërruar Hamasin. Që atëherë, më shumë se 22 mijë palestinezë – kryesisht gra dhe fëmijë – janë vrarë në sulmet izraelite në Gaza.

Agjencia shtetërore e lajmeve libaneze tha se një dron izraelit goditi një zyrë të Hamasit në periferinë jugore të Bejrutit, të martën mbrëma. Një dëshmitar i konfirmoi agjencisë së lajmeve Reuters se pa zjarrfikës dhe mjekë të mbledhur rreth një ndërtese të lartë ku kishte një vrimë të madhe në atë që dukej të ishte kati i tretë. Pamjet e hedhura në mediat sociale treguan një makinë në flakë dhe dëmtime të mëdha në ndërtesa në atë që është një zonë banimi e frekuentuar.

Dahiyeh njihet si një bastion i grupit militant shiit libanez Hezbollah, një armik i deklaruar i Izraelit dhe aleat i Hamasit. Izzat al-Rishq, një anëtar i udhëheqjes politike të Hamasit, e quajti vrasjen e Arourit një “vrasje frikacake”. Izraeli nuk ka komentuar dhe ushtria izraelite i tha BBC-së se nuk do të komentonte raportimet e mediave të huaja. Kryeministri izraelit Benjamin Netanyahu është zotuar të eliminojë liderët e Hamasit, kudo që të jenë.

Arouri, 57 vjeç, ishte nënkryetari i byrosë politike të Hamasit dhe konsiderohej udhëheqësi “de fakto” i krahut ushtarak të Hamasit në Bregun Perëndimor ku mbikëqyrte sulmet. Ai besohet të ketë qenë i përfshirë edhe në rrëmbimin dhe vrasjen e 3 adoleshentëve izraelitë në Bregun Perëndimor të pushtuar në vitin 2014. Ai kishte vuajtur një dënim në burgjet izraelite për sulme të tjera. “Times of Israel” thotë se ai ishte gjithashtu një nga zyrtarët e Hamasit më të lidhur me Iranin dhe Hezbollahun./Lapsi.al

Aktualitet

Murati: Buxheti komunal për 2026 rritje e ndjeshme nga vitet paraprake

Published

on

Ministri në detyrë i Financave, Hekuran Murati, ka bërë të ditur se buxheti komunal për vitin fiskal 2026 do të arrijë në 867.6 milionë euro, duke shënuar një rritje të konsiderueshme krahasuar me vitin e kaluar dhe mbi 320 milionë euro më shumë se në fillim të mandatit.

Ai theksoi se buxheti është bazuar në të dhënat e fundit të regjistrimit të popullsisë, ku disa komuna kanë pësuar rënie të numrit të banorëve.

Sipas tij, asnjë komune nuk do t’i ulet buxheti dhe do të marrë së paku të njëjtën shumë si në vitin 2025.

“Qeveria për komunat!”, përfundon Murati në postimin e tij.

Continue Reading

Bota

​Vizita e parë ndërkombëtare e Papës do të jetë në Liban

Published

on

Papa Leo XIV po përgatitet të udhëtojë në Liban më vonë këtë vit, në atë që mund të jetë udhëtimi i tij i parë jashtë vendit që nga zgjedhja si kreu i Kishës Katolike në maj.

Arqipeshkvi Paul Sayah, zëvendës i liderit më të lartë katolik të Libanit, i tha BBC-së se Vatikani po studion udhëtimin, por Kisha ende po pret datat zyrtare.

Kjo vizitë do të shënonte një moment të rëndësishëm për Papën e parë amerikan, i cili ka bërë thirrje të përsëritura për paqe në Lindjen e Mesme dhe bashkëjetesë ndërfetare.

“Libani është një vend multikulturor dhe multifetar dhe është një vend dialogu”, tha ipeshkvi Sayah. Është një nga mjediset e rralla ku myslimanët dhe të krishterët jetojnë së bashku duke respektuar njëri-tjetrin.. kështu që dërgon një mesazh për rajonin” tha ai.

Ka pasur spekulime mbi destinacionin e parë ndërkombëtar të Papës Leo, pasi udhëtimet e hershme papale shpesh përcaktojnë tonin e pontifikatit.

Udhëtimi i parë i madh jashtë Romës i Papës së ndjerë Françesku, në ishullin italian Lampedusa në 2013, vendosi fokusin e tij mbi migracionin dhe komunitetet e margjinalizuara.

Në dekadat e fundit, udhëtimet jashtë vendit janë bërë thelbësore për papatinë, duke lejuar papët të lidhen me katolikët në mbarë botën, të shpërndajnë mesazhin e tyre dhe të angazhohen në diplomaci.

Gjatë 12 viteve të tij si pontif, Françesku vizitoi 68 vende në 47 udhëtime të huaja, shpesh duke zgjedhur destinacione në periferitë e botës, të cilat ai i përshkroi si periferitë e Kishës.

 

Continue Reading

Aktualitet

Vrau viktimën për hakmarrje, caktohet seanca për zyrtarin policor

Published

on

Të hënën 18 gusht, Departamenti i Krimeve të Rënda në Prokurorinë Themelore në Ferizaj, ngriti aktakuzë ndaj zyrtarit policor, F.R dhe një personi tjetër për shkak të dyshimit të bazuar të veprës penale “Vrasja e rëndë”, rast ky që ndodhi më 16 gusht 2024 në Ferizaj.

Dosja zbulon se i akuzuari me dashje dhe me qëllim të hakmarrjes lidhur me disa dyshime brenda familjes, e ka qëlluar me breshëri plumbash viktimën, duke e lënë të vdekur në vend.

E për këtë rast tashmë është caktuar seanca fillestare ndaj tij dhe të dyshuarit tjetër J.M.

Gjykata Themelore në Ferizaj ka njoftuar seanca është caktuar për datën 28 gusht 2025, duke filluar nga ora 09:30.

Sipas dosjes së aktakuzës, thuhet se ekziston dyshimi i bazuar se i pandehuri F.R, më 16 gusht 2024, rreth orës 19:21, në parkingun e restorantit “Fron Palace”, në fshatin Bibaj të komunës së Ferizajt, gjatë një ceremonie martesore, me dashje dhe paramendim, me qëllim hakmarrjeje për motive të pretenduara familjare të pabazuara dhe të pakonfirmuara juridikisht, në prani të dhjetëra personave, përfshirë të mitur, me armë zyrtare automatike të policisë, me dashje dhe qëllim të privimit nga jeta, me breshëri plumba shtien në drejtim të viktimës S.S., duke e privuar nga jeta.

Madje, thuhet se si pasojë e të shtënave është rrezikuar seriozisht edhe siguria e personave tjerë të pranishëm në atë moment.

Kështu, i akuzuari thuhet se kreu veprën penale “Vrasje e rëndë”.

Kurse J.M akuzohet se me dashje e ka ndihmuar policin në privimin nga jeta të viktimës S.S., ashtu që i pajisur me mjet të forta, ka mbrojtur perimetrin e sulmit dhe ka parandaluar çdo ndërhyrje, në mënyrë që F.R të realizonte pa pengesë veprën penale të vrasjes së rëndë.

Prokurori i çështjes, me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartcekur të shpallen fajtorë për veprat penale për të cilat akuzohen dhe të dënohen sipas ligjit.

Continue Reading

Aktualitet

Mbi 144 mijë aplikime për subvencionimin e teksteve shkollore në e-Kosova

Published

on

Ministrja në detyrë e Arsimit, Arbërie Nagavci, ka njoftuar se vetëm brenda 6 ditëve që nga hapja e aplikimeve për subvencionim e teksteve shkollore në platformën e-Kosova, janë pranuar 144,337 aplikime, prej të cilave 73,064 janë verifikuar deri tani.

Sipas saj, procesi po zhvillohet pa pengesa dhe pa asnjë ankesë, duke dëshmuar funksionalitetin dhe transparencën e sistemit.

Ministrja fton prindërit dhe kujdestarët që ende nuk kanë aplikuar, ta bëjnë këtë sa më parë përmes platformës e-Kosova.

Për vitin shkollor 2025/2026, do të ndahen:
80 € për nxënësit nga klasa I deri në klasën V, për blerjen e teksteve dhe materialeve mësimore;
80 € për nxënësit nga klasa VI deri në klasën IX, për blerjen e fletoreve të punës dhe materialeve mësimore.
Tekstet shkollore për nivelin VI-IX , sipas Udhëzimit Administrativ Nr. 13/2016 për pajisjen, përdorimin dhe ruajtjen e tyre, do të përdoren nga gjenerata e kaluar.
Procesi i aplikimit këtë vit do të jetë shumë më i lehtë, pasi llogaritë bankare të prindërve janë aktive nga vitet paraprake. Ashtu si në dy vitet e kaluara, mjetet financiare do të transferohen në xhirollogaritë bankare të prindërve.
Drejtoritë Komunale të Arsimit janë njoftuar në kohë dhe çdo aplikim do të verifikohet nga shkolla përkatëse përpara transferimit të mjeteve.

Continue Reading

Të kërkuara