Lajmet

Kush është laureati i Nobelit, Ales Bialiatski, i cili u dënua me dhjetë vjet burg?

Ai e fitoi çmimin Nobel në vitin 2020.

Published

3 years ago

on

Ales Bialiatski, një avokues i të drejtave të njeriut, është dënuar me dhjetë vjet burg nga një gjykatë në Bjellorusi nën akuzat për financimin e protestave dhe shpërlarjes së parave në Bjellorusi.

Bialiatski i mohoi akuzat, të cilat ai dhe aktivistë të tjerë të të drejtave të njeriut i quajtën si të motivuara politikisht.

Bialiatski, 60 vjeç, fitoi çmimin Nobel të Paqes në vitin 2022 së bashku me Memorialin Rus për të Drejtat e Njeriut dhe Organizatën e të Drejtave të Njeriut në Ukrainë, Qendrën për Liri Civile. Avokuesit e të drejtave të njeriut e portretizojnë atë si simbol të rezistencës ndaj shtypjes në Bjellorusi dhe globalisht.

Natalia Pinchuk, gruaja e Bialiatskit, pranoi çmimin në emër të burrit të saj dhe më 10 dhjetor, tha se misioni i mbrojtjes së të drejtave civile është “në rrezik”.

“Ales nuk është i vetmi që është në burg; mijëra bjellorusë, dhjetëra mijëra nga ata që janë të shtypur, të burgosur padrejtësisht për veprimet dhe besimet e tyre qytetare, janë në burg, dhe qindra mijëra janë detyruar të ikin nga vendi për arsyen e thjeshtë se ata donin të jetonin në një shtet demokratik”, tha Pinchuk.

Ai është personi i katërt që fitoi çmimin Nobel për Paqe ndërsa ndodhej në burg.

Bialiatski ka udhëhequr një lëvizje pro-demokracisë në Bjellorusi që nga mesi i viteve 1980. Ai filloi të bënte fushatë për pavarësinë dhe demokracinë e bjellorusëve dhe organizoi protesta antisovjetike para se të rrëzohej Bashkimi Sovjetik.

Në vitin 1996, ai themeloi organizatën më të spikatur të të drejtave të njeriut në Bjellorusi, Viasna, duke ndjekur ndryshimet e diskutueshme kushtetuese nga presidenti Alexander Lukashenko.

Përmes Viasnas, e cila përkthehet “pranverë”, Bialiatski ofroi mbështetje financiare dhe ligjore për protestuesit e burgosur dhe familjet e tyre./UBTNews/

Related Topics:
Continue Reading

Lajmet

​Gjithçka gati për startin e Ligës së Kampionëve 2025/26

Published

4 minutes ago

on

September 15, 2025

By

Liga e Kampionëve e UEFA-s, kompeticioni më prestigjioz për klube në futbollin evropian, rikthehet këtë javë me një tjetër sezon që pritet të sjellë emocione dhe duele të zjarrta mes skuadrave më të mira të kontinentit.

Sezoni 2024/25 solli për herë të parë formatin e ri të garës, duke hequr fazën klasike të grupeve dhe duke e zëvendësuar atë me një ligë me 36 ekipe, secila me nga tetë ndeshje.

Nga kjo fazë u kualifikuan 24 ekipe në raundet eliminatore, derisa finalja u luajt në Allianz Arena ku PSG dominoi Interin me një fitore historike 5-0 triumfi më i thellë në historinë e finales së Champions League.

Edhe këtë vit, do të zhvillohen 144 ndeshje gjatë tetë javëve të fazës së ligës.

Tetë ekipet më të mira kalojnë direkt në fazën e 1/16-ve, ndërsa skuadrat nga vendi i 9-të deri në të 24-tin do të luajnë play-off për t’u kualifikuar më tej. Finalja e madhe do të luhet në Puskás Arena të Budapestit, më 30 maj 2026.

Sezoni i ri i Ligës së Kampionëve premton spektakël, surpriza dhe emocione deri në finalen e madhe të Budapestit./S.K/KP/

Continue Reading

Lajmet

​Gjendet pa shenja jete një person në Prishtinë

Published

2 hours ago

on

September 15, 2025

By

Policia e Kosovës njofton se dje është gjetur pa shenja jete në banesën e saj grua në Prishtinë.

Sipas raportit të policisë, me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion.

“Prishtinë/ 14.09.2025 – 10:58. Është gjetur pa shenja jete në banesën e saj viktima femër kosovare. Njësitet policore dhe ekipi mjekësor kanë dal në vendin e ngjarjes, ku edhe është konstatuar vdekja e viktimës. Me vendim të prokurorit, trupi i pajetë i viktimës është dërguar në IML për obduksion”, thuhet në njoftimin e Policisë./D.B/KP

Continue Reading

Aktualitet

​26 vjet nga Beteja e Kaqandollit

Published

2 hours ago

on

September 15, 2025

By

Sot bëhen 26 vjet nga beteja e Kaqandollit dhe ishte njëra ndër betejat më të lavdishme të Ushtrisë Çlirimtare të Kosovës.

Beteja e Kaqandollit, ishte beteja e parë frontale në Llap që e zhvilloi UÇK-ja kundër forcave serbe.

Gjatë kësaj beteje treditore nga radhët e UÇK-ës ranë 7 dëshmorë të Ushtrisë Çlirimtare të Kosovës: Bekim Maliqi, Bekim Lushaku, Naim Zhegrova, Fadil Sejdiu, Habib Zeka, Islam Rekaliu dhe Selim Rekaliu./S.K/KP/

Continue Reading

Aktualitet

​Papa shpreh shqetësime rreth pabarazive ekonomike, përmend edhe Elon Musk

Published

3 hours ago

on

September 15, 2025

By

Papa Françesku, i njohur si Leo XIV në librin e ri të intervistave, ka shprehur shqetësime të thella rreth pabarazive ekonomike globale, duke përmendur drejtpërdrejt Elon Musk dhe mundësinë që ai të bëhet trilioneri i parë në botë.

Papa thekson se nëse arritja e këtij statusi është e vetmja gjë me vlerë sot, atëherë jemi në telashe.

“Lexova lajmin se Elon Musk do të bëhet trilioneri i parë në botë. Çfarë do të thotë kjo dhe për çfarë bëhet fjalë? Nëse kjo është e vetmja gjë me vlerë sot, atëherë jemi në telashe.”, tha ai.

Këto komente vijnë në kuadër të një interviste të gjatë për librin “León XIV: qyteti i botës, misioneri i shekullit XXI”, ku Papa diskuton një sërë temash, duke përfshirë nevojën për paqe, rolin e OKB-së, dhe sfidat e demokracisë.

Papa Leo XIV vë në dukje hendekun gjithnjë e në rritje midis niveleve të të ardhurave të klasës punëtore dhe atyre të më të pasurve, duke krahasuar fitimet e drejtorëve ekzekutivë të sotëm me ato të punëtorëve, të cilat sipas tij, janë gjashtëqind herë më të mëdha. Ai gjithashtu shpreh rezerva për demokracinë si një zgjidhje universale, duke sugjeruar se demokracia nuk është domosdoshmërisht një zgjidhje e përsosur për gjithçka.

Duke folur për konfliktin në Ukrainë, Papa u bëri thirrje aktorëve të ndryshëm të ushtrojnë presion për t’i dhënë fund luftës dhe për të gjetur mënyra paqësore për zgjidhjen e mosmarrëveshjeve, transmeton RTSH.

Pastaj Leo XIV shton drejtpërdrejt: “Njerëzit duhet të zgjohen dhe të thonë: ka një mënyrë tjetër për ta bërë këtë”, domethënë, t’i japin fund konfliktit midis Rusisë dhe Ukrainës”.

“Unë besoj se aktorë të ndryshëm duhet të ushtrojnë presion të mjaftueshëm që palët në konflikt të thonë: mjaft, le të gjejmë një mënyrë tjetër për të zgjidhur mosmarrëveshjet tona.”

Ai gjithashtu pranoi se ende ka shumë për të mësuar në rolin e tij si Papë, veçanërisht në aspektin e udhëheqjes botërore.

Në fund të intervistës, Papa shprehu mbështetjen e tij për Perunë në Kupën e Botës, megjithëse është tifoz i Italisë./S.K/KP/

Continue Reading

Të kërkuara