Lajmet

Kush është Ibrahim Traore, ushtari pas grusht-shtetit të fundit në Burkina Faso?

Traore, një oficer relativisht i ulët, hyri në skenën botërore që kur ai dhe një grup ushtarësh rrëzuan presidentin Damiba.

Published

on

Ndërsa një kolonë e armatosur rëndë kaloi nëpër një turmë brohoritëse në kryeqytetin e Burkina Faso të dielën në mëngjes, fytyra djaloshare e sundimtarit më të fundit ushtarak të vendit, kapitenit Ibrahim Traore, doli një transportuesi i blinduar.

34-vjeçari buzëqeshi dhe përshëndeti shikuesit disa prej të cilëve e mirëpritën, me disa prej tyre duke valëvitur flamuj rusë.

Traore, një oficer relativisht i ulët, i cili ditë më parë drejtonte një regjiment artilerie në një qytet të vogël verior, ka hyrë në skenën botërore që kur ai dhe një grup ushtarësh rrëzuan presidentin Paul-Henri Damiba në një grusht shteti të 30 shtatorit.

Pak dihet për Traoren dhe kolegët e tij, të cilët që nga e premtja kanë dhënë deklarata në televizionin kombëtar duke tundur armë, rripa municioni dhe maska.

Ata përballen me sfida tejet të mëdha për të lehtësuar vështirësitë në një nga vendet më të varfra të botës, ku thatësira, mungesa e ushqimit dhe sistemet shëndetësore dhe arsimore ofrojnë sfida të përditshme për miliona njerëz. Megjithatë fokusi fillestar ka qenë konflikti dhe politika.

Në një intervistë me Radio France International të hënën, Traore, një ushtar këmbësorie që ka luftuar në vijën e parë kundër militantëve islamikë në veri, këmbënguli se ai nuk do të ishte në krye për një kohë të gjatë.

Një konferencë kombëtare do të emërojë një sundimtar të ri, të përkohshëm deri në fund të vitit. Ai lider, i cili mund të jetë civil ose ushtarak, do të respektojë një marrëveshje me bllokun rajonal të Afrikës Perëndimore dhe do të mbikëqyrë një kthim në sundimin civil deri në vitin 2024, tha ai.

“Ne nuk kemi ardhur për të vazhduar, nuk kemi ardhur për një qëllim të caktuar” tha ai. “Gjithçka që ka rëndësi kur niveli i sigurisë kthehet është luftimi, është zhvillimi”.

Lëvizjet e tyre mund të ndryshojnë politikën në Afrikën Perëndimore dhe mënyrën se si vendi lufton një kryengritje islamike që ka vrarë mijëra dhe ka detyruar miliona të ikin.

Damiba refuzoi të reformonte ushtrinë, tha junta e Traores. Sulmet u përkeqësuan. Vetëm javën e kaluar, të paktën 11 ushtarë u vranë në një sulm në veri.

Ndërkohë, Rusia ka shprehur mbështetje për grusht shtetin, të cilin e dënuan fqinjët rajonalë dhe fuqitë perëndimore./UBTNews/

Lajmet

Tre persona në pranga për së paku tetë vjedhje në Fushë-Kosovë, dëmi mbi 60 mijë euro

Published

on

Policia e Kosovës ka arrestuar tre persona në Fushë-Kosovë, të dyshuar për kryerjen e së paku tetë rasteve të vjedhjeve të rënda në banesa gjatë muajve tetor dhe nëntor 2026.

Sipas Policisë, A.B., F.H. dhe M.K. janë arrestuar pas një hetimi dymujor. Operacioni policor është zhvilluar më 18 nëntor, ndërsa dëmi fillestar material nga vjedhjet vlerësohet të jetë mbi 60 mijë euro.

Gjatë kontrolleve në katër lokacione, policia ka sekuestruar stoli ari, para të gatshme, një pistoletë, një veturë që dyshohet se është përdorur në kryerjen e veprave penale, dy telefona dhe një sasi të dyshuar të marihuanës.

Hetimet e mëtejshme kanë çuar policinë edhe te një argjendari në lagjen “Dardania” në Prishtinë, ku dyshohet se janë shitur stolitë e vjedhura. Pronari i argjendarisë është shoqëruar në stacion policor. Ndërkaq, një sasi tjetër ari është lokalizuar dhe sekuestruar në Prizren.

Policia ka bërë të ditur se ndaj të dyshuarve janë iniciuar raste për “Vjedhje të rëndë”, “Posedim të paautorizuar të armëve” dhe “Posedim të paautorizuar të narkotikëve”.

Pas intervistimit, me vendim të prokurorit, tre të arrestuarit janë dërguar në mbajtje për 48 orë./A.K/

Continue Reading

Lajmet

Tre zyrtarë nga Kosova diplomojnë në Akademinë e FBI-së, vlerësohet partneriteti me SHBA-në

Published

on

By

Ambasada e Shteteve të Bashkuara të Amerikës në Kosovë ka njoftuar se tre zyrtarë të zbatimit të ligjit nga Kosova kanë diplomuar së fundmi në Akademinë Kombëtare të FBI-së.

Në njoftimin e ambasadës theksohet se Kosova është një partnere e fortë e SHBA-së në fushën e zbatimit të ligjit dhe ka një nga rrjetet më të mëdha të të diplomuarve të Akademisë Kombëtare të FBI-së në nivel global.

“Krenarë të festojmë diplomimin e tre zyrtarëve kosovarë nga Akademia Kombëtare e FBI-së! Kosova është një partnere e fortë e SHBA-së në zbatimin e ligjit, me një nga rrjetet më të mëdha të alumni-t të Akademisë Kombëtare të FBI-së në botë. Jemi të entuziazmuar të punojmë së bashku për të luftuar krimin e organizuar transnacional”, thuhet në njoftimin e Ambasadës amerikane.  /E.A/

Continue Reading

Lajmet

Kuvendi miraton tri marrëveshje ndërkombëtare

Published

on

Kuvendi i Kosovës sot ka miratuar tri marrëveshje ndërkombëtare.

Me dy të tretat e votave, deputetët miratuan Konventën për Njohjen dhe Ekzekutimin e Vendimeve të Huaja Gjyqësore në Çështjet Civile ose Tregtare.

Kjo marrëveshje mori miratimin në tentimin e tretë, pasi u sigurua se Serbia nuk është pjesë e kësaj konvente.

Po ashtu, Kuvendi miratoi Protokollin për ndryshimin e Marrëveshjes mbi Statusin dhe Funksionet e Komisionit Ndërkombëtar për Personat e Zhdukur.

Në mesin e marrëveshjeve të miratuara ishte edhe Konventa për Zgjedhjen e Gjykatës. /KosovaPress/

/A.K/

Continue Reading

Lajmet

Kurti: Javën e ardhshme pritet drafti i parë i strategjisë për Apelin dhe Ligjit për Specialen

Published

on

Kryeministri i Kosovës, Albin Kurti, ka bërë të ditur se javën e ardhshme pritet të pranohen drafti i parë i strategjisë shtetërore për procesin e Apelit në Hagë dhe drafti i ri i Ligjit për Dhomat e Specializuara.

Duke folur në Kuvend për Ligjin për Specialen, Kurti ka thënë se ai është hartuar pas pakënaqësisë me aktgjykimin e 16 shtatorit, por ka theksuar se që nga fillimi kishte shprehur rezerva për këtë nismë.

“Nuk dyshoj në qëllimin e mirë, por nuk mjafton vetëm qëllimi i mirë, duhet të kemi edhe sukses. Për këtë na duhet një ligj që nuk kthehet mbrapsht dhe bëhet praktik në realitet”, ka deklaruar Kurti.

Ai ka theksuar se në grupin punues për strategjinë janë të përfshirë përfaqësues të ndryshëm, ndërsa drafti i ri i ligjit pritet të përgatitet nga një ekip ekspertësh.

Kurti ka përsëritur se nuk e ka ndryshuar qëndrimin për Dhomat e Specializuara që nga viti 2015, duke e cilësuar këtë gjykatë si të pazakontë.

Ai ka përmendur edhe raportin e vitit 2008 për pretendimet lidhur me “Shtëpinë e Verdhë” dhe trafikimin e organeve, duke thënë se hulumtimet e zhvilluara nuk kishin gjetur dëshmi për këto pretendime.

Sipas Kurtit, çështja e ndërmarrjes së përbashkët kriminale mbetet ndër pikat që duhet të trajtohen në procesin e Apelit. Ai ka shprehur bindjen se vendimi i 16 shtatorit duhet të korrigjohet në Apel, proces për të cilin ka thënë se pritet të zhvillohet gjatë vitit 2027./A.K/

Continue Reading

Të kërkuara