Sport

Kush do të dal fitues në “El Classicon e vazhdimit të kontratave?”

Published

5 years ago

on

Dy klubet më të mëdha të botës, Real Madridi dhe Barcelona kohëve të fundit përveç ecurisë negative, janë duke u përballur edhe me një situatë tjetër të pakëndshme.

Bëhet fjalë për dy yjet e tyre, që klubeve i kanë dhënë shumë përgjatë karrierës, Lionel Messi nga Barcelona dhe Sergio Ramos nga Real Madridi. Messi i cili verën e kaluar me ngulm kërkonte largimin, nuk e ka vazhduar kontratën me katalunasit, duke lënë të hapur dhe enigmë gjithçka rreth të ardhmes në klubin e Barcelonës.

Për situatën me Messin së fundmi ka folur trajneri i skuadrës katalunase, Ronald Koeman, i cili u shpreh se lojtari argjentinas është i lirë të vendosë për të ardhmen e tij si çdo lojtar tjetër.

“Ne duhet të shohim të gjithë situatën, intervistën në të cilën ai tha se nuk dëshiron të marrë vendime tani. Si çdo lojtar të cilit i skadon kontrata, ai është i lirë të vendosë siç dëshiron. Unë nuk shoh një problem nëse ai nuk vendos tani. E respektoj çdo vendim, nuk kam pse duhet të jemi nervoz dhe i shqetësuar për këtë”, ka thënë holandezi.

Nga ana tjetër, Sergio Ramos këtë vit përfundon kontratën me madrilenët, e që për klubin nga Madridi mbrojtësi qendrorë ka një vlerë shumë të madhe, mirëpo kapiteni legjendar ende nuk ka vazhduar kontratën, teksa është prëfolur shumë për një kalim tek skuadra franceze Paris Saint-Germain.

Çka i hodhi edhe më shumë benzinë zjarrit, ishte menaxheri dhe njëherësh vëllau i kapitenit të Kombëtares Spanjolle, Rene Ramos, i cili u shpreh i pakënaqur me klubin nga Madridi, që ka lejuar të arrihet në një pikë të tillë, duke aluduar tek etiketimet që po e lidhin Sergio Ramos me klube të ndryshme, në një të ardhme larg Real Madridit.

Ai përmes një shpërndarje të një shkrimi nga një gazetar spanjoll në rrjetin social Twitter, la të kuptohet se situata nuk është edhe aq komode sa Real Madridi mendon.

“Dikush duhet të shpjegojë si dhe pse kemi ardhur deri në këtë pikë, ku kapiteni dhe njëri prej legjendave të Real Madridit, lejohet të shfaqet në ekipe absurde të lojtarëve të cilët janë të lirë të nënshkruajnë marrëveshje me klube të tjera tani”, shkroi gazetari Alfredo Duro në Twitter.

Messin e Ramosin i lidh që të dy një kalim në skuadra të tjera, e më i rrezikuari momentalisht për t’u larguar e biseduar me klube të tjera është Sergio Ramos, pasi që ai ende po qëndron i heshtur, teksa nga ana tjetër, Lionel Messi në një intervistë për mediumin “La Sexta”, ka bërë të ditur se deri në fund të sezonit do të jetë pjesë e katalunasve.

Paris Saint-Germain i lidh që të dy lojtarët që bashkarisht ndanë shumë El Classico, e që futbollit i dhanë shumë përgjatë historisë së këtij shekulli.

Sergio Ramos me Real Madridin ka regjistruar 666 ndeshje dhe 100 gola, duke asistuar 40 herë për bashkëlojtarët e tij, teksa Lionel Messi ka shifra të frikshme me skuadrën katalunase, duke regjistruar 750 ndeshje, 644 gola dhe 284 asiste./UBTNews

Related Topics:
Continue Reading

Sport

Amorim shpërthen ndaj United: “Nuk erdha të jem trajner, por menaxher”

Published

4 days ago

on

January 5, 2026

By

Ruben Amorim ka sfiduar hierarkinë e Manchester United që ta lënë të bëjë punën e tij pa ndërhyrje.

Pasi aludoi të premten për problemet prapa skenave, Amorim priti deri në pyetjen e fundit të konferencës së tij për media pas ndeshjes pas barazimit 1-1 me Leeds United për të bërë një tjetër pikë të rëndësishme.

Ai deklaroi vazhdimisht se ishte gati të largohej kur kontrata e tij të skadonte pas 18 muajsh, duke treguar se ishte hasur në ndërhyrje të padëshiruara në detyrat e tij nga figura të larta të United, të cilat nuk do të toleroheshin diku tjetër.

Ai përmendi emrat e tre ish-trajnerëve të profilit të lartë të Premier Ligës dhe sugjeroi se ata nuk do t’i nënshtroheshin ndërhyrjes që ai mendon se ka përjetuar.

“Dua vetëm të them se erdha këtu për të qenë menaxher, jo për të qenë trajner,” tha ai.

Në çdo departament – departamenti i vëzhgimit, drejtori sportiv – [ata] duhet të bëjnë punën e tyre. Unë do ta bëj timen për 18 muaj dhe pastaj do të ecim përpara.

“Dua vetëm të them se do të jem menaxheri i kësaj skuadre, jo vetëm trajneri. Isha shumë i qartë për këtë. Kjo do të përfundojë brenda 18 muajsh dhe pastaj të gjithë do të largohen. Kjo ishte marrëveshja. Kjo është puna ime. Jo të jem trajner.“

Amorim gjithashtu hodhi poshtë idenë se United është bërë shumë i ndjeshëm ndaj kritikave të jashtme.

Ai tha: “Nëse njerëzit nuk mund ta përballojnë situatën me Gary Nevilles dhe kritikat për gjithçka, ne duhet ta ndryshojmë klubin.”

 

Continue Reading

Sport

Top 20 sportistë më të paguar në histori

Published

6 days ago

on

January 2, 2026

By

Sporti është një veprimtari shumë fitimprurëse. Natyrisht, për sportistët që arrijnë rezultate kulmore.

Lista më poshtë sjell 20 sportistët, me fitimet më të mëdha gjatë karrierës së tyre sportive.

  1. Majkëll Xhordan – Basketboll (SHBA) – 4.15 miliardë dollarë
  2. Tajgër Uds – Golf (SHBA) – 2.79 miliardë dollarë
  3. Kristiano Ronaldo – Futboll (Portugali) – 2.23 miliardë dollarë
  4. LeBron James – Basketboll (SHBA) – 1.88 miliardë dollarë
  5. Lionel Mesi – Futboll (Argjentinë) – 1.85 miliardë dollarë
  6. Arnold Palmer – Golf (SHBA) – 1.82 miliardë dollarë
  7. Xhek Niklaus – Golf (SHBA) – 1.75 miliardë dollarë
  8. Dejvid Bekam – Futboll (Angli) – 1.61 miliardë dollarë
  9. Roxher Federer – Tenis (Zvicër) – 1.59 miliardë dollarë
  10. Flojd Mejuezer Junior – Boks (SHBA) – 1.52 miliardë dollarë
  11. Fil Mikelson – Golf (SHBA) – 1.49 miliardë dollarë
  12. Mihail Shumaher – Formula 1 (Gjermani) – 1.39 miliardë dollarë
  13. Shakil O’Nil – Basketboll (SHBA) – 1.27 miliardë dollarë
  14. Nejmar Junior – Futboll (Brazil) – 1.17 miliardë dollarë
  15. Kobi Brajant – Basketboll (SHBA) – 1.11 miliardë dollarë
  16. Kevin Durant – Basketboll (SHBA) – 1.07 miliardë dollarë
  17. Luis Hamilton – Formula 1 (Angli) – 970 milionë dollarë
  18. Majk Tajson – Boks (SHBA) – 965 milionë dollarë
  19. Aleks Rodrigez – Bejsboll (SHBA) – 795 milionë dollarë
  20. Meni Pakjao – Boks (Filipine) – 490 milionë dollarë

Continue Reading

Sport

E konfirmuar: Vjen drita jeshile për stadiumin nacional, ndahen milionat e para

Published

1 week ago

on

December 29, 2025

By

Sekretari i Përgjithshëm i Ministrisë së Kulturës, Rinisë dhe Sportit, Bislim Bislimi, ka bërë të ditur se stadiumi nacional është përfshirë në projektbuxhetin e vitit 2026, me një vlerë fillestare prej 4 milionë euro.

Në një intervistë për KosovaPress, Bislimi ka theksuar se ky projekt do të shtrihet edhe në vitet në vijim dhe se kostoja totale pritet të tejkalojë shifrën prej 20 milionë euro, duke e cilësuar stadiumin nacional si një domosdoshmëri për vendin.

Duke folur për rëndësinë e këtij projekti, Bislimi ka sqaruar se stadiumi nacional është diskutuar në kuadër të vlerësimit të nevojave reale të Kosovës për infrastrukturë sportive, ndërsa ka nënvizuar se aktualisht po investohet në mbi 20 stadiume në të gjithë vendin, sipas planit pesëvjeçar për zhvillimin e infrastrukturës futbollistike, i cili kap vlerën mbi 200 milionë euro.

Ai ka shtuar se stadiumi nacional do të jetë i veçantë për nga përmasat dhe standardet inxhinierike e sportive, duke u dalluar nga projektet e tjera ekzistuese.

“Ka të reja sa i përket stadiumit nacional. Është përfshirë në projekt-buxhet të vitit 2026 me një vlerë fillestare prej 4 milionë euro. që pastaj vazhdon në vitet në vazhdim. Me siguri shkon mbi 20 milionë. Besojmë shumë që ky projekt deri në këtë moment është diskutuar vetëm sa i përket vlerësimit të nevojave të vendit tonë për një stadium nacional. Ne po investojmë në mbi 20 stadiume në gjithë Kosovën, sipas planit të dakorduar pesë vjeçar për ngritjen e infrastrukturës futbollistike që përfshin një shifër prej mbi 200 milionë euro.”, bëri të ditur Bislimi.

Sa i përket fazës fillestare, Bislimi ka bërë të ditur se shuma prej 4 milionë eurosh e paraparë për vitin 2026 është e mjaftueshme për përgatitjet teknike dhe nisjen fillestare të punimeve në stadium. Megjithatë, ai ka theksuar se lokacioni i ndërtimit të stadiumit nacional ende nuk është përcaktuar dhe mbetet çështje për t’u vendosur në vazhdim.

Continue Reading

Lajmet

Zhegrova mungoi në stërvitjen e Juventusit

Published

2 weeks ago

on

December 24, 2025

By

Juventusi ka vazhduar përgatitjet për ndeshjen e së shtunës ndaj Pisas në Serie A, mirëpo, gjatë stërvitjes së sotme, dy yje të skuadrës kanë munguar, Edon Zhegrova dhe mbrojtësi Gleison Bremer.

“Tuttomercatoweb” raporton se nuk ka shqetësim të menjëhershëm, pasi mbrojtësi brazilian po ndjek një program individual dhe një ngarkesë të specializuar pas rikthimit nga një dëmtim afatgjatë.

Edon Zhegrova mungoi në stërvitje pasi thuhet se pati temperaturë të lehtë.

Zhegrova luajti në ndeshjen e fundit ndaj Romës për më shumë se 30 minuta, pasi e zëvendësoi Francisco Conceicaon e lënduar.

Ai ishte faktor kyç në golin e dytë të Juventusit i shënuar nga Lois Openda mirëpo bëri një gabim te goli i pësuar. Ndeshja përfundoi 2-1 për Juventusin.

Lojtarët e tjerë të dëmtuar që nuk morën pjesë ishin Cabal, McKennie, Conceicao, Vlahovic, Gatti dhe Pinsoglio.

Juventusi luan ndaj Pisas të shtunën në mbrëmje në “Arena Garibaldi”, me fillim nga ora 20:45./S.K/EO/

Continue Reading

Të kërkuara