Sport

Drita nuk planifikon përforcime për janar, synon dy trofetë me fondin aktual

Published

6 years ago

on

Kampioni në fuqi e Kosovës në futboll, Drita, të martën nga ora 13:30 do t’i nisë përgatitjet për stinorin pranveror. Faza përgatitore do të fillojë me të gjithë lojtarët të cilët ishin pjesë e ekipit kampion edhe në vjeshtë.

Ekipi nga Gjilani ende nuk është përforcuar në afatin kalimtar të janarit, por as nuk ka larguar ndonjë futbollist. Drejtuesit e Dritës janë duke shikuar mundësinë që të sjellin në ekip vetëm lojtarë cilësorë, të cilët janë të nivelit të njëjtë ose më të lartë sesa futbollistët që kanë aktualisht në skuadër.

Drejtori i përgjithshëm i Dritës, Feti Murseli, ka thënë për KOHËN se në Kosovë nuk ka lojtarë të cilët mund t’i transferojnë, sipas tij, për shkak të kontratave që ata kanë me klubet e tyre. Murseli theksoi se fokusi është jashtë Kosovës, për shkak të cilësisë më të lartë.

“Nëse arrijmë të gjejmë ndonjë lojtar që është i nivelit të njëjtë ose më i mirë sesa lojtarët që i kemi, atëherë do ta transferojmë. Në të kundërtën, nuk do të transferojmë lojtarë të nivelit më të ulët. Mund të them se në Kosovë nuk ka lojtarë që ne kërkojmë, për shkak se kanë kontrata me klubet e tyre. Ne jemi duke shikuar të sjellim ndonjë lojtar nga jashtë Kosovës”, tha Murseli. Ai tregoi se më 20 janar ekipi do të niset drejt Antalyas në Turqi për fazë përgatitore.

Të njëjtin mendim me drejtorin Murseli e ndan edhe trajneri i skuadrës, Ardian Nuhiu. Ai shton se u beson shumë lojtarëve që ka në ekip, kurse sa u përket përforcimeve, thekson se mund të mbyllin afatin pa e sjellë asnjë lojtarë.

“Të gjithë futbollistët që i kemi në skuadër janë me kontrata dhe nuk do të largohet asnjë. Janari është i varfër sa u përket transferimeve, pasi lojtarët janë nën kontrata. Ne nuk jemi në bisedime me ndonjë lojtar, por do të shohim gjatë rrugës nëse do të kemi ndonjë lojtar cilësor që mund ta sjellim në ekip, atëherë do ta bëjmë një gjë të tillë. Sigurisht, e kam fjalën për lojtarë cilësorë të nivelit të Dritës ose më të mirë. Por nuk e përjashtoj mundësinë që të mos transferojmë asnjë lojtar. Unë i besoj këtij ekipi, kemi kontingjent të madh të lojtarëve”, ka deklaruar trajneri shqiptar nga Maqedonia e Veriut.

Nuhiu konfirmon se krahas përgatitjeve që do t’i fillojnë të martën, gjatë javës do të kenë edhe teste mjekësore.

“Do të nisim përgatitjet të martën. Do të kemi edhe kontrollet mjekësore brenda javës për të parë gjendjen e secilit lojtar. Do të jenë kontrolle të zakonshme. Në Kosovë do të qëndrojmë vetëm dy javë, e më pas do të zhvendosemi në Antalya”, tha Nuhiu. Sipas tij, qëndrimi në qytetin bregdetar të Turqisë, do të shërbejë për t’u përgatitur sa më mirë. Pozitive i sheh edhe ndeshjet miqësore që do t’i zhvillojnë ndaj skuadrave evropiane.

“Gjatë qëndrimit në Antalya do të mundohemi ta shfrytëzojmë kohën më të mirë që është atje, fushat, e po ashtu edhe kundërshtarët për ndeshje miqësore, të cilët janë të nivelit më të lartë dhe na ndihmojnë shumë që të përgatitemi sa më mirë. I kemi aranzhuar katër ndeshje miqësore. Ende nuk i dimë kundërshtarët pasi me këtë punë po merret agjencia , por e dimë që janë klube evropiane. Këto ndeshje miqësore me ekipe të nivelit të lartë janë të mira dhe të rëndësishme edhe për ndeshjet evropiane, pavarësisht që janë miqësore. Për ne e rëndësishme është që lojtarët të kapin formën e tyre”, shtoi Nuhiu.

Nuhiu konfirmoi se skuadra që ai drejton do të luftojë në të dyja fontet.

“Do të jetë një garë e fortë. Janë disa klube që kërkojnë titullin e kampionit. Synimi ynë është që të mbrojmë titullin. Do të shohim kundërshtarin e radhës në Kupë. Sigurisht do të japim më të mirën që të fitojmë edhe atë trofe”, përfundoi Nuhiu, i cili në sezonin e kaluar fitoi titullin e kampionit. Me Nuhiun në krye, Drita arriti deri në raundin e tretë të Ligës së Evropës, që është “rekord” për një klub kosovar në garat evropiane.

Drita do ta nisë stinorin pranveror nga pozita e parë. Pas 18 xhirove të luajtura, “intelektualët” kanë arritur 12 fitore, 5 barazime dhe kanë pësuar vetëm një humbje. Me 41 pikë renditen në vendin e parë, me tri pikë më shumë se Ballkani që është i dyti. Drita është skuadra e vetme në Superligë që e ka pësuar vetëm një humbje në stinorin vjeshtor. Drita së bashku me Ballkanin kanë sulmin më të mirë në ligë. Gjilanasit kanë realizuar 30 gola, kurse suharekasit 43.

Po ashtu, Drita bashkë me Prishtinën kanë mbrojtjen më të mirë në ligë. Drita ka pranuar 13 gola, kurse Prishtina 12 sosh

Related Topics:
Continue Reading

Sport

“Prishtina Open 2026” rikthehet për edicionin e katërt, mbi 300 pingpongistë priten në kryeqytet

Published

3 hours ago

on

August 10, 2026

By

Prishtina do të jetë nikoqire, për herë të katërt radhazi, e turneut ndërkombëtar të pingpongut “Prishtina Open 2026”, i cili do të zhvillohet nga 28 deri më 30 gusht.

Edicioni i sivjetmë pritet të jetë një nga më të mëdhenjtë deri më tani, me mbi 300 pingpongistë që pritet të marrin pjesë në garat që do të zhvillohen në kryeqytetin e Kosovës.

“Prishtina Open” tashmë është shndërruar në një ngjarje të rëndësishme për pingpongun kosovar, duke u ofruar sportistëve mundësinë të përballen me garues nga vende të ndryshme dhe të fitojnë përvojë në arenën ndërkombëtare.

Turneu do të zgjasë tri ditë dhe është i regjistruar edhe në kalendarin e Unionit Evropian të Pingpongut (ETTU), duke i dhënë aktivitetit një dimension të rëndësishëm ndërkombëtar.

Organizimi i edicionit të katërt vjen si vazhdimësi e suksesshme e turneve të mëparshme, me synimin për të promovuar pingpongun në Kosovë dhe për ta konsoliduar Prishtinën si një pikëtakim të rëndësishëm të sportistëve nga rajoni dhe më gjerë.

“Prishtina Open 2026” organizohet nga Klubi i Pingpongut Priping, në bashkëpunim me Federatën e Pingpongut të Kosovës, ndërsa mbështetet nga Ministria e Sportit dhe Rinisë dhe Drejtoria e Sportit e Komunës së Prishtinës.

Me pjesëmarrjen e mbi 300 sportistëve, edicioni i sivjetmë pritet të sjellë konkurrencë të fortë, përballje interesante dhe spektakël për adhuruesit e pingpongut, duke e bërë “Prishtina Open 2026” një prej ngjarjeve më të rëndësishme të këtij sporti në Kosovë.

D.L

Continue Reading

Sport

Myrto Uzuni shkëlqen me “hat-trick” për Austinin në Leagues Cup

Published

8 hours ago

on

August 10, 2026

By

Myrto Uzuni ka zhvilluar një paraqitje fantastike me Austin FC në Leagues Cup, duke shënuar tre gola në fitoren bindëse 3:0 ndaj skuadrës meksikane Puebla.

Sulmuesi i Kombëtares së Shqipërisë ishte protagonisti kryesor i ndeshjes së zhvilluar në orët e para të së hënës, duke realizuar një “hat-trick” për t’i dhënë skuadrës amerikane një fitore të rëndësishme.

Uzuni e zhbllokoi ndeshjen me një goditje dënimi, ndërsa golin e dytë e realizoi pas një aksioni të rrjedhshëm të ekipit. Për të kompletuar paraqitjen e tij fantastike, shqiptari shënoi edhe golin e tretë me një volej spektakolar.

Pas ndeshjes, Uzuni u shpreh i lumtur për realizimin e parë të tre golave me fanellën e Austinit.

“Jam shumë i lumtur për ‘hat-trickun’ e parë me Austin. I falënderoj shumë tifozët”, deklaroi Uzuni.

Sulmuesi shqiptar vazhdoi festën edhe pas përfundimit të ndeshjes, duke iu bashkuar tifozëve dhe duke udhëhequr festën me daulle në tribunat e stadiumit.

Leagues Cup është një garë ku përballen klubet nga Shtetet e Bashkuara të Amerikës dhe Meksikës.

D.L

Continue Reading

Sport

Real Madridi interesohet për Zubimendin, Arsenali kërkon 90 milionë euro

Published

10 hours ago

on

August 10, 2026

By

Real Madridi ka kthyer vëmendjen nga Martin Zubimendi, të cilin e sheh si një alternativë për përforcimin e mesfushës, pasi nuk ka arritur të sigurojë shërbimet e mesfushorit të Manchester Cityt, Rodri.

Sipas raportimeve të “Mundo Deportivo”, gjiganti spanjoll po shqyrton mundësinë e transferimit të Zubimendit, i cili pas vetëm një sezoni te Arsenali është shndërruar në një prej lojtarëve të rëndësishëm të skuadrës së drejtuar nga Mikel Arteta.

Megjithatë, një transferim i mundshëm nuk do të jetë i lehtë. Arsenali nuk ka ndërmend ta lejojë largimin e mesfushorit spanjoll për më pak se 90 milionë euro, duke vendosur një çmim të lartë për një prej pjesëtarëve kryesorë të repartit të mesfushës.

Zubimendi iu bashkua Arsenalit nga Real Sociedad dhe ka arritur të përshtatet shpejt me futbollin anglez. Para tij, Real Madridi kishte tentuar të afronte Rodrin si një prej objektivave kryesorë për mesfushën, por interesimi për fituesin e Topit të Artë nuk është konkretizuar.

Në rast se transferimi te Real Madridi realizohet, Zubimendi do të rikthehej në La Liga pas vetëm një sezoni në Premier League, këtë herë për të veshur fanellën e një prej klubeve më të mëdha në Evropë.

Për momentin, Arsenali mbetet i vendosur në kërkesën prej 90 milionë eurosh, ndërsa tash i takon Real Madridit të vendosë nëse është i gatshëm të bëjë investimin për transferimin e mesfushorit spanjoll.

D.L

Continue Reading

Sport

KFF Mitrovica shkruan histori, siguron kualifikimin në UEFA Women’s Europa Cup

Published

10 hours ago

on

August 10, 2026

By

KFF Mitrovica ka arritur një sukses të madh në arenën evropiane, duke siguruar kualifikimin në UEFA Women’s Europa Cup pas fitores 2:1 ndaj Ferencvárosit.

Skuadra mitrovicase zhvilloi një ndeshje të fortë, ndërsa protagonistja kryesore ishte Aurora Mulliqi, e cila me dy golat e saj në minutat 76 dhe 81 i dha Mitrovicës një përmbysje të madhe dhe një fitore historike.

Ky rezultat përbën një tjetër kapitull të rëndësishëm për KFF Mitrovicën dhe një arritje të veçantë për futbollin e femrave në Kosovë, duke siguruar vazhdimin e garimit në skenën evropiane.

Për këtë sukses, meritat shkojnë për futbollistet, stafin teknik të udhëhequr nga Shpëtim Idrizi, drejtuesit e klubit dhe të gjithë ata që kanë kontribuar në këtë rrugëtim.

Federata e Futbollit e Kosovës ka uruar KFF Mitrovicën për këtë sukses, duke i dëshiruar klubit shumë fat dhe suksese në vazhdim të aventurës evropiane.

D.L

Continue Reading

Të kërkuara