Sport

Kush do ta zëvendësoj Ronaldon?Manchester United ka një listë

Victor Osimhen dhe Goncalo Ramos janë disa nga opsionet.

Published

on

Victor Osimhen dhe Goncalo Ramos janë disa nga opsionet e sulmit që po konsiderohen nga Manchester United për tu transferuar gjatë verës, por gjiganti anglez po përgatitet që të ketë rivalë nga Premier Liga për transferimin e dyshes në fjalë.

United po synon që ta transferojë një sulmues gjatë merkatos verore, pasi që e solli në janar Wout Weghorst në formë huazimi nga Burnley, për ta zëvendësuar Cristiano Ronaldon.

Skuadra e Erik ten Hag përballet me faktin që do të paguajë mbi 110 milionë euro për të transferuar njërin nga Osimhen ose Ramos në “Old Trafford”.

Osimhen ka qenë pjesë kyçe e suksesit ë Napolit këtë sezon, me nigerianin që e ka ndihmuar skuadrën e tij të ketë një diferencë prej nëntë pikësh si lider në tabelën e Serie A.

Në anën tjetër, Benfica raportohet se po i ofron një rritje page Ramosit për ta shpërblyer për paraqijet e tij të fundit, dhe një marrëveshje e re do t’ia zgjaste kontratën portugezit përtej vitit 2025, gjë kjo që do t’ia rriste vlerën e klauzolës së tij, e cila momentalisht është afro 115 milionë euro.

Sport

‘Finale para finales’, Hansi Flick për sfidën e kthimit të Kupës së Mbretit, Atletico-Barça

Published

on

Trajneri i Barcelonës, Hansi Flick, e ka cilësuar ndeshjen e kthimit gjysmëfinale të Kupës së Mbretit kundër Atletikos si një “finale para finales”. Në një intervistë të dhënë para sfidës, Flick theksoi se ndeshja do të jetë një mundësi e shkëlqyer për skuadrën e tij dhe se do të kenë të gjithë mundësinë të tregojnë veten.

Flick pranoi se skuadra e tij po përballet me një moment shumë të tensionuar, duke e cilësuar përballjen me Atletikon si një sfidë vendimtare për arritjen e finales së Kupës së Mbretit që do të zhvillohet në fund të prillit në Sevilje. Trajneri i Barcelonës theksoi se skuadra është duke luajtur mirë dhe se është krenar për punën e madhe të bërë nga lojtarët e tij deri tani.

Në lidhje me formacionin titullar, Flick nuk ka dhënë shumë detaje, por njoftoi se Rafinha dhe Kubarsi janë plotësisht të rikuperuar dhe të gatshëm për të nisur nga minuta e parë. Megjithatë, ai theksoi se Barcelona duhet të jetë shumë e kujdesshme përballë Atletikos, e cila, sipas tij, do të luftojë deri në minutën e fundit për të siguruar kalimin në finale.

“Ne duam më shumë, jo vetëm Superkupën e Spanjës, por edhe Kupën e Mbretit. Megjithatë, e dimë që sfida do të jetë shumë e vështirë, pasi Atletico do të jetë aty deri në fund,” tha Flick.

 

Continue Reading

Sport

Zyrtare: Bylbyl Sokoli sërish kryetrajner i Drenicës

Published

on

Drenica e ka rikthyer Bylbyl Sokolin si kryetrajner të skuadrës.

Kjo u bë e ditur nga vet klubi drenicas, përmes një postimi në faqen e tyre në Facebook.

Kjo vjen pas largimit të Arsim Thaqit, i cili e kishte zëvendësuar pikërisht Bylbyl Sokolin, i cili ishte larguar nga ekipi pasi i kishte hyrë garës për deputet.

Reagimi i plotë i FC Drenicës:

Pas ndryshimeve në stafin drejtues, klubi ka arritur marrëveshje me trajnerin e ri që do ta udhëheqë ekipin në pjesën e mbetur të sezonit.

Bylbyl Sokoli, trajneri me përvojë të madhe në futbollin kosovar, zyrtarisht është emëruar si kryetrajner i ri i skuadrës.

Me një histori të pasur në zhvillimin e futbollit dhe drejtimin e skuadrave të njohura, besojmë se përvoja dhe vizioni i Sokolit do të jenë vendimtare për të ndihmuar klubin të arrijë objektivat e tij.

Continue Reading

Sport

Granit Xhaka përplaset me tifozët e Leverkusenit pas eliminimit nga skuadra e Bundesliga 3

Published

on

Mesfushori i Bayer Leverkusenit, Granit Xhaka, ka pasur një përplasje me tifozët e ekipit të tij pas eliminimit nga gjysmëfinalja e Kupës së Gjermanisë nga klubi i Bundesliga 3, Arminia Bielefeld.

Kalimi i Arminia Bielefeldit në finale ishte një befasi e madhe, ashtu siç ishte edhe eliminimi i Leverkusenit, që shihej si favorit absolut. Ekipi i Xhakës u mposht me rezultatin 2-1 në “Schuco Arena”, duke shkaktuar një tronditje te tifozët.

Ky eliminim ka shpërthyer zemërimin e tifozëve të Leverkusenit, të cilët kishin udhëtuar deri atje për të mbështetur ekipin e tyre dhe kërkuan llogari nga lojtarët pas humbjes. Xhaka, si një nga liderët e skuadrës, ka shkuar te tribuna e tifozëve për të kërkuar falje dhe për të diskutuar me ta.

Por, situata nuk ka kaluar pa tensione. Mesfushori është filmuar duke debatuar me tone të ashpra me disa tifozë, dhe momenti ka bërë xhiron e rrjeteve sociale. Kjo përplasje mes lojtarit dhe tifozëve ka shtuar edhe më shumë tensionin pas një humbjeje të papritur dhe të rëndë për Leverkusenin./UBTNews/

Continue Reading

Sport

Federata e Basketbollit të Kosovës njofton për selektorët e rinj te grupmoshat e reja

Published

on

Janë emëruar përzgjedhësit e grupmoshave të reja të Përfaqësueses së Kosovës në basketboll për meshkuj.

Bordi i FBK-së, pas shqyrtimit të propozimit të paraqitur nga Drejtori i Përfaqësueseve të Kosovës për emërimin e trajnerëve të Përfaqësueseve të Reja (Meshkujt), ka marrë vendime.

Përzgjedhës i Kosovës U20 është emëruar Andin Rashica, ndërsa ndihmës trajnerë do të jenë Endrit Elshani dhe Egzon Uka.

Dion Pllana është caktuar përzgjedhës i Kosovës U18, me Defrim Hashanin si ndihmës trajner.

Përzgjedhës i Kosovës U16 është emëruar Gyltekin Selimi, ndërsa ndihmës trajnerë do të jenë Laurant Ibrahimi dhe Vigan Radoni.

Vendimi për emërimin e përzgjedhësve të rinj do të hyjë në fuqi nga data e miratimit nga Bordi i FBK-së.

Gjithashtu, shumë shpejt, Bordi i Federatës së Basketbollit të Kosovës pritet të emërojë edhe shtabet teknike të Përfaqësueses U16 dhe U18 për femra.

Continue Reading

Të kërkuara