Lajmet

Kusari–Lila thotë se nuk kanë pranuar kërkesë zyrtare mbajtjen e zgjedhjeve të 3 prillit në Serbi

Këto komente Kusari-Lila i bëri në një konferencë për media pas mbledhjes së Kryesisë të Kuvendit.

Published

4 years ago

on

Shefja e Grupit Parlamentar të Lëvizjes Vetëvendosje, Mimoza Kusari-Lila ka thënë sot se nuk kanë pranuar ndonjë kërkesë nga Serbia për t’i lejuar zgjedhjet serbe që të mbahen edhe në Kosovë.

Këto komente Kusari-Lila i bëri në një konferencë për media pas mbledhjes së Kryesisë të Kuvendit. Ndërsa nga opozita thonë se presin që Qeveria të sillet karshi obligimeve të marra nga Kuvendi.

Kusari-Lila ka thënë se presin që Serbia të dërgojë një kërkesë zyrtare, të bazuar në ligjet e aplikueshme të Kosovës, dhe pastaj të merret një vendim pro apo kundër mbajtjeve të zgjedhjeve.

“Përgjigjja e Institucioneve të Republikës së Kosovës, tashmë e konfirmuar edhe në nivel të legjislativit është që vetëm në një pranim të kërkesës zyrtare nga shteti i Serbisë drejtuar shtetit të Kosovës, me kërkesë bazuar në ligjet e aplikueshme të Kosovës dhe në praktikat evropiane, do të shqyrtohej ajo kërkesë dhe do të merret vendimi pro apo kundër mbajtjes së zgjedhjeve. Deri në këtë situatë ose në këto momente ne nuk kemi një kërkesë nga Serbia për mbajtje të zgjedhjeve. Ka kërkesë nga Serbia drejtuar institucioneve ndërkombëtare, por në Kosovë autoriteti sovran është Qeveria e Republikës së Kosovës dhe Institucionet e Kosovës”, tha Kusari Lila.

Deputetja e Partisë Demokratike të Kosovës, Blerta Deliu tha se pret koordinim të mirë të Qeverisë në lidhje me procesin e mbajtjes së zgjedhjeve në Serbi.

“Një koordinim më i mirë i institucioneve të Republikës së Kosovës do të kishte qartësi në lidhje me procesin e mbajtjes së zgjedhjeve atje. Pres që të kemi një dinamikë më të shtuar dhe të ketë një koordinim më të mirë të Qeverisë në raport edhe me akterët e tjerë përfaqësues të opozitës dhe faktorë të tjerë”, tha Deliu.

Sipas deputetit Driton Selmanaj nga Lidhja Demokratike e Kosovës, Qeveria duhet të sillet karshi obligimeve që ka marrë nga Kuvendi.

“Qeveria në atë kohë duke mos qenë në konsultim të duhur me faktorin ndërkombëtar e futi edhe Kuvendin në lojë, prandaj edhe në atë kohë kemi thënë që Qeveria duhet të ketë kujdes maksimal që të ruaj raportin me ndërkombëtarët… Qeveria e Kosovës tashmë ka një rezolutë, ka kërkuar dhe ka marrë një rezolutë, që ka ndaluar ligjin për referendumin në pjesën veriore të Kosovës. Tashmë ka obligim, Kuvendi e ka dhënë atë obligim dhe si e tillë ne presim që Qeveria të sillet karshi obligimeve që ka marrë nga Kuvendi”, tha Selmanaj.

Deptutja e Aleancës për Ardhmërinë e Kosovës, Time Kadrijaj, tha se Qeveria e Kosovës ka kompetenca të plota të vendos sa i përket lejimit ose jo të qytetarëve serbë për të votuar në Kosovë në zgjedhjet serbe të 3 prillit që do të mbahen në Serbi.

“Qeveria është dashur, ka mundur dhe ka pasur kompetenca që vetë ta përfundojë dhe të refuzojë mbajtjen e referendumit në Kosovë, por ka kërkuar përkrahjen e deputetëve, Kuvendit dhe ne i kemi dhënë përkrahje. Ka kompetenca të plota Qeveria të vendos, dhe ajo çka duhet të bëjë është të respektojë Kushtetutën dhe ligjet e Kosovës”, tha Kadrijaj.

Më 3 prill, Serbia mban zgjedhjet presidenciale dhe zgjedhjet e jashtëzakonshme parlamentare.

Related Topics:
Continue Reading

Lajmet

Radoniqi për rezultatet e zgjedhjeve: Duhet t’i presim edhe ankesat nga PZAP

Published

2 hours ago

on

October 22, 2025

By

Komisioni Qendror i Zgjedhjeve ka vendosur rinumërimin e fletëvotimeve të 16 kutive të votimit, ku pesë nga to janë për kryetarë të Komunave, ndërsa 11 të tjera për Kuvende Komunale.

Drejtori i sekretariatit të KQZ-së ka paraqitur sot para anëtarëve të Komisionit propozimin për rinumërimin e 16 vendvotimeve ku përfshihet një kuti e votimit në Deçan, një në Gllogoc, dy në Gjilan, një në Lipjan, dy në Prishtinë dy në Prizren, një në Shtime dhe një Suharekë.

Ndërsa, Drejtori i Sekretariatit të Komisionit Qendror të Zgjedhjeve, Besnik Buzhala ka treguar pse nuk janë shpallur rezultatet e zgjedhjeve lokale brenda afateve që ishte, pra sot. E kjo erdhi pas pyetjes së anëtarit të PDK-së në KQZ, Ilir Gashi, për këtë çështje.

“Procesi i numërimit në QNR më së voni përfundon ditën e nesërme. Por për detaje  numërimit sipas rekomandimit varet sa fletëvotime janë e si ka me shku numërimi. Ndërsa sipas planit operacional që ka miratuar KQZ, shpallja përfundimtare e rezultateve është dashtë të ndodhte shumë me datë 22, meqenëse sot nuk kemi mujt me implementu një aktivitet. Mendoj që ky proces përfundon sa i përket numërimit të gjithë fletëvotimeve”, tha ai.

Këtu u plotësua edhe me ndërhyrjen e kryetarit të KQZ-së, Kreshnik Radoniqi, i cili tha e duhet të priten dhe vendimet e PZAP-së për ankesat.

“Pa paragjykuar ndonjë vendim të PZAP, sa e kemi pa PZAP është e vërshuar nga ankesat kështu që duhet me prit edhe ankesat nga PZAP para se me u shpall rezultati.

Në mbledhjen e KQZ-së anëtari i Lëvizjes Vetëvendosjes në KQZ, Sami Kurteshi ka bërë një thirrje për Prokurorinë që t’i hetojnë vendvotimet me asistencë.

“Ftoj Prokurorinë që t’i hetojë rastet me asistencë rrënjësisht, sepse nuk është e mundur që në një qytet të ketë 10% të votimeve me asistencë”, tha ai.

Në këtë mbledhje, KQZ vendosi edhe për dizajnin dhe përmbajtjen e fletëvotimeve për raundin e dytë të zgjedhjeve për Kryetarë të Komunave. Ky miratim u bë për të mundësuar zhvillimin e votimit jashtë Kosovës./EO

Continue Reading

Lajmet

UBT dhe Universiteti i Minho-s nënshkruajnë marrëveshje bashkëpunimi akademik në Braga

Published

3 hours ago

on

October 22, 2025

By

Në kuadër të vizitës zyrtare në qytetin historik të Braga-s, Rektori i UBT-së, Prof. Dr. Edmond Hajrizi, dhe Rektori i Universitetit të Minho-s, Prof. Dr. Rui Vieira de Castro, nënshkruan një marrëveshje bashkëpunimi me qëllim forcimit të bashkëpunimit midis dy institucioneve.

Kjo marrëveshje ka si objektiv të promovojë shkëmbimin e studentëve të ciklit të parë dhe të dytë, duke ofruar mundësi për përvoja akademike dhe kulturore nga të dyja anët. Gjithashtu, marrëveshja parasheh mbikëqyrjen e përbashkët të tezave të masterit, nxitjen e hulumtimeve dhe inovacionit në fushat përkatëse.
Një aspekt i rëndësishëm i kësaj marrëveshjeje është lehtësimi dhe zhvillimi i përbashkët i planeve dhe kurrikulës së programeve me interes të përbashkët në përputhje me politikat zhvillimore dhe kërkesat e tregut.
Me këtë marrëveshje, dy rektorët u zotuan se do të angazhohen për të krijuar një partneritet të qëndrueshëm dhe të frytshëm, i cili do të sjellë përfitime të ndërsjella për të dyja institucionet./UBTNews

Continue Reading

Lajmet

​Kërkohet paraburgim ndaj të miturit për kontrabandimin e 5 shtetasve kinezë

Published

3 hours ago

on

October 22, 2025

By

Prokuroria Themelore në Ferizaj, Departamenti për të Mitur, ka kërkuar nga Gjykata Themelore në Ferizaj, caktimin e masës së paraburgimit ndaj të miturit, nën dyshimet se ka kryer veprën penale kontrabandë me migrantë.

Ekziston dyshimi i bazuar se më 21 tetor 2025 rreth orës 20:20, në Seqishtë, Hani i Elezit, saktësisht te Parku memorial “Bllaca 99”, i mituri ka organizuar-kontrabanduar kalimin e jashtëligjshëm të migrantëve, saktësisht pesë persona me shtetësi kineze, duke kaluar vijën kufitare Kosovë-Maqedoni e Veriut.

Personi i mituri fillimisht ishte takuar dhe kishte komunikuar me personat në fjalë në shtetin e Serbisë, dhe kishin bërë marrëveshje që për secilin person të marrë pagesë në vlerë prej 20 euro, e më pas i merr personat nga shteti i Serbisë, hyjnë në shtetin e Kosovës, ku i mituri siguron një automjet, ku e drejton një person deri më tani i panjohur, dhe i fusin në veturë që të gjithë, e më pas të njëjtit i dërgon te vija kufitare Kosovë-Maqedoni Veriore, ku aty nga njësiti patrullues kufitar janë vërejtur dhe kanë arritur të ndalojnë që të gjithë dhe t’i shoqërojnë në stacionin policor kufitar rajoni Lindje-Kaçanik, ku i mituri edhe është arrestuar, me këtë kishte për të kryer veprën penale kontrabandim me migrantë.

I mituri me vendim të Prokurorit të Shtetit gjenden nën masën e ndalimit 24-orë./KP

Continue Reading

Lajmet

Trajneri i Suedisë i diagnostikuar me leukemi: Më i fortë, sepse e kuptova rëndësinë e jetës

Published

3 hours ago

on

October 22, 2025

By

Trajneri Anders Torstensson, njëri prej protagonistëve më të mëdhenj të Suedisë që është pagëzuar edhe si ‘Leicester suedez’, prej muajsh po lufton një betejë shumë më të fortë jashtë fushave të lojës.

Në gusht të vitit 2024, Torstensson mësoi një lajm të tmerrshëm; u diagnostikua me leucemi linfatike kronike.

“Që nga ai moment e ndjej veten akoma më të fortë sepse kuptova rëndësinë e jetës, rëndësinë e çdo ditë këtu-pohon trajneri 59 vjeçar-sot nuk ndihem ndryshe në krahasim me ditët kur nuk e dija për sëmundjen. Në një farë mënyre e lë diagnozën në spital. E kam pranuar dhe nuk është diçka që më prek thellë.”, tha ai.

Por në anën tjetër diagnoza me kancer i ka mësuar Torstensson se nuk duhet marrë asgjë për të mirëqenë dhe nuk duhet të i shtyejmë gjërat për t’i bërë të nesërmen.

“Nuk marr asgjë për të mirëqenë dhe nuk i shtyj gjërat për t’i bërë të nesërmen, edhe kjo një arsye që fituam. Të gjithë pyesin për sekretin tonë, por nuk ka asnjë të tillë. Janë rreth 500 gjëra mbi të cilat kemi punuar cdo ditë me një kujdes të jashtëzakonshëm dhe nuk kemi bërë kompromis për asgjë.”, tha ai./S.K/EO/

Continue Reading

Të kërkuara