Lajmet
Kusari-Lila flet për agjendën e seancës së përbashkët mes Kosovës e Shqipërisë
Në Prishtinë do të mbahet seanca e përbashkët mes Kuvendit të Kosovës dhe Shqipërisë. Të premten në sallën plenare të Kuvendit të Kosovës do të mblidhen deputetë të të dyja kuvendeve.
Kështu bëri të ditur shefja e Grupit Parlamentar të Lëvizjes Vetëvendosje, Mimoza Kusari-Lila, e cila foli edhe për agjendën e asaj seance.
“Ky takim i fundit për këtë legjislaturë do të mbahet më 20 dhjetor, ditën e premte me fillim në orën 11:00. Në agjendën e këtij takimi do të jetë fjalimi apo adresimi i dy kryetarëve të kuvendeve, të Republikës së Kosovës dhe Republikës së Shqipërisë, adresimi i dy kryeministrave të qeverive dhe adresimi i kryetarëve të grupeve parlamentare. Synimi i përbashkët është agjenda e përbashkët evropiane për të dy shtetet, për Republikën e Kosovës dhe Republikën e Shqipërisë si dhe kjo është e vetmja periudhë kohore, në të cilën legjislatura e tetë mund të mblidhet kur kihet parasysh që vitin tjetër përveç zgjedhjeve tona janë edhe zgjedhjet e rregullta parlamentare në Kuvendin e Shqipërisë”, deklaroi ajo.
Pas mbledhjes së Kryesisë së Kuvendit, shefja e deputetëve të shumicës parlamentare tha se gjatë kësaj jave do të definohet nëse do të ketë mundësi kuvendi të mbledh 80 deputetë për të proceduar me votimin e marrëveshjeve ndërkombëtare.
“U diskutua, ka qenë e nevojshme dhe shumë e vonuar mbajtja e seancave për votim të marrëveshjeve ndërkombëtare. Siç e dini, disa herë nga kjo kryesi kam dalë dhe kam deklaruar se kemi miratimin apo edhe vet drejtuesit e grupeve parlamentare të opozitës kanë thënë se do i mbështesin marrëveshjet ndërkombëtare. Përderisa në seancë nuk ka pasur mjaftueshëm deputetë për të arritur numrin 80 që të mund të vinim në votim të marrëveshjeve ndërkombëtare. Prandaj edhe sot u trajtua si temë, ne si GP e kemi konfirmimin edhe të deputetëve të cilët kanë vendosur që të mos ri-kandidojnë që në rast të mbajtjes së një seance me votime do të jenë prezent. Prandaj pritet konfirmimi nga grupet parlamentare të opozitës. Nuk do të donim që të mbyllim këtë sesion me tentativën për tu mbledhur me kuorum me 80 vota dhe të kemi një dështim. Nuk i duhet askujt një seancë e dështuar”, shtoi ajo.
Lajmet
Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë
Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.
Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.
Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.
Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.
Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.
2 hapa të thjeshtë për të parandaluar formimin e mykut në lavatriçe
Messi, rikthim i shkurtër te Barcelona?
Kura shtëpiake për gjunjë të fortë dhe pa inflamacion
Sonte në UBT TV: Podcast me Profesorin Gaz Ejupi
Mike Tyson kërkon revansh me Jake Paul
Jennifer Lawrence flet për bashkëpunimin e qetë dhe profesional me Robert Pattinson
Si të ulni shtypjen e gjakut me vetëm këtë ushqim?
Bellingham dhe Foden rikthehen në kombëtaren e Anglisë
Bruce Willis, buzëqesh në plazh gjatë një daljeje të rrallë publike
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 weeks agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën