Lajmet

Kurti zotohet se do të luftojnë dhunën ndaj grave dhe vajzave

I pari i Qeverisë theksoi se nuk guxojnë të lejojnë që qytetarët të jetojnë me ankth dhe frikë nga e ardhmja.

Published

5 years ago

November 25, 2021

Betim Gashi

Në Ditën Ndërkombëtare për Eliminim e Dhunës Kundër Grave, kryeministri i Kosovës, Albin Kurti ka përkujtuar jetët e humbura të grave dhe vajzave si pasojë e dhunës ndaj grave. Kurti u zotua se do ta luftojnë dhunën ndaj grave. Në këtë ditë Kurti hapi edhe fushatën globale 16 Ditë të aktivizimit kundër dhunës në baza gjinore ndaj grave dhe vajzave.

“Në Ditën Ndërkombëtare për Eliminimin e Dhunës Kundër Grave përkujtojmë jetët e humbura të grave dhe vajzave si pasojë e dhunës. Sot e nderojmë kujtimin e tyre dhe zotohemi që do ta luftojmë dhunën ndaj grave. Si përgjigje ndaj dhunës së përshkallëzuar e institucionet tona e kanë përmirësuar dukshëm kornizën ligjore me ndryshimet e fundit të përqafimit të konventës së Stambollit. Gjithash tu kemi avancuar nëpërmjet definimit të dhunës ndaj grave si vepër penale në kodin penale. Inicimit të hartimit të strategjisë së re për mbrojtjen nga dhuna në familje dhe ndaj grave dhe planit të veprimit 2020/2026”, tha ai.

Kryeministri Kurti gjatë fjalës së tij në hapjen e fushatës 16 ditë aktivizim kundër dhunës në baza gjinore ndaj grave dhe vajzave tha në këto ditë bëhet thirrje edhe për bashkëpunim më të thelluar për të dëshmuar zero tolerancë për dhunën ndaj grave dhe vajzave.

I pari i Qeverisë theksoi se nuk guxojnë të lejojnë që qytetarët të jetojnë me ankth dhe frikë nga e ardhmja, ndonëse e garantuar me normë ligjore është e sfiduar nga një mentalitet që gruan nuk e sheh si një individ të barabartë që gëzon të drejta të plota

“Shënimi i 25 nëntorit, hapja e fushatës së 16 ditë të aktivizimit është thirrje për bashkëpunim më të thelluar mes nesh për të dëshmuar zero tolerancë për dhunën ndaj grave dhe vajzave, për të fuqizuar zinxhirin institucional që funksionin me këtë renditje. Përgjigje institucionale në parandalim, mbrojtje dhe trajtim të dhunës ndaj grave, vënie të drejtësisë së munguar, shërbime të shpejta dhe cilësore për çdo rast të dhunës ndaj grave, llogaridhënie institucionale për të shpëtuar jetën e çdo gruaje apo vajze, pa dallim moshe apo etine. Ne nuk guxojmë të lejojmë që qytetarët të jetojnë në ankth dhe frikë nga e ardhmja se ndonëse e garantuar me normë ligjore është e sfiduar nga një mentalitet që gruan nuk e sheh si një individ të barabartë që gëzon të drejta të plota”, nënvizoi kryeministri Kurti.

Kurti theksoi se luftimi i dhunës ndaj grave do të jetë prioritet i qeverisës së tij, ku shtoi se edukimi për parandalimin e ngacmimit seksual është faktor kyç për emancipim dhe mbrojtje që krijon tek gjeneratat e reja që të respektojnë njëri tjetrin.

I pari i qeverisë kërkoi nga burrat që të ngrisin zërin për dhunën me bazë gjinore. Madje ai kërkoi që burrat të jenë model në shtëpi.

“Edukimi për parandalimin e ngacmimit seksual është një faktor kyç emancipimi dhe mbrojtje që krijon tek gjeneratat e reja që të respektojnë njëri-tjetrin, të respektojnë gratë[…]Dhuna e grave nuk është çështje private, është çështje e sigurisë, publike, shoqërore e kombëtare e mbrojtjes së jetesë dhe e drejtë njerëzore fundamentale. U bëjë thirrje gjithë burrave që ata të jenë model në shtëpi dhe në punë sepse ata kanë një rol të rëndësishëm, është e detyrueshme që burrat të ngrisin zërin krah për krah me gratë për barazinë gjinore dhe kundër dhunës me bazë gjinore”, theksoi Kurti.

Ai ka ritheksuar domosdoshmërinë e programeve për fuqizim ekonomik për të mbijetuarat e dhunës në familje.

Vendi

DONJETA SADIKU SHPALLËT KAMPIONE, MPOSHT SERBEN NË FINALEN E TARANTO 2026

Published

2 hours ago

August 27, 2026

UBTNews

Donjeta Sadiku ka triumfuar në finalen e kategorisë deri në 60 kilogramë në Lojërat Mesdhetare “Taranto 2026”.

Boksierja kosovare ka mposhtur përfaqësuesen e Serbisë, Kristina Kuluhova, ndërsa kundërshtarja u tërhoq që në minutat e para të duelit.

Kështu, Sadiku e mbyll me medaljen e artë aventurën e saj në Taranto, duke i sjellë Kosovës një tjetër sukses të madh në arenën ndërkombëtare.

Një triumf i veçantë për boksieren kosovare, e cila edhe një herë dëshmoi nivelin e saj dhe u ngjit në podiumin më të lartë.

DONJETA SADIKU – KAMPIONE E MESDHEUT!

Foto: RTK

D.L

Vendi

MASH miraton katalogun e teksteve shkollore, ekzekutohen mjetet për prindërit përfitues

Published

2 hours ago

August 27, 2026

UBT News

Ministria e Arsimit dhe Shkencës ka miratuar Katalogun Zyrtar të Teksteve Shkollore dhe ka njoftuar se janë ekzekutuar mjetet financiare në llogaritë e prindërve përfitues për subvencionimin e teksteve për nxënësit e klasave 1–9, për vitin shkollor 2026/2027.

Sipas MASh-it, aplikimi për subvencionim ka nisur më 27 korrik përmes platformës eKosova. Aplikimet janë verifikuar fillimisht nga koordinatorët e autorizuar nëpër shkolla dhe më pas nga komisioni përkatës i ministrisë, ndërsa lista përfundimtare e përfituesve i është përcjellë Ministrisë së Financave për realizimin e pagesave.

Pas negociatave me shtëpitë botuese, ministria ka përcaktuar edhe çmimet finale të teksteve shkollore. Këto çmime janë të përfshira në katalogun zyrtar dhe janë të detyrueshme për të gjitha pikat e shitjes.

Vlera e subvencionimit për tekstet shkollore në gjuhën shqipe është:

Klasat 1 dhe 2 – 60 euro
Klasa 3 – 65 euro
Klasa 4 – 70 euro
Klasa 5 – 80 euro
Klasat 6 dhe 7 – 90 euro
Klasat 8 dhe 9 – 100 euro

Me miratimin e katalogut, prindërit dhe kujdestarët ligjorë mund të nisin blerjen e teksteve shkollore.

MASh u ka bërë thirrje prindërve që gjatë blerjes të kontrollojnë nëse tekstet po shiten me çmimet e përcaktuara në katalogun zyrtar.

Ndërkohë, Inspektorati i Arsimit ka nisur monitorimin e pikave të shitjes për të verifikuar respektimin e çmimeve, ndërsa pas fillimit të vitit shkollor do të kryhen kontrolle edhe në shkolla për të parë nëse nxënësit janë pajisur me tekstet shkollore.

Prindërit që hasin mospërputhje mes çmimeve të katalogut dhe atyre në pikat e shitjes mund ta raportojnë rastin në numrat zyrtarë të MASh-it: +383 (0) 38 200 65 144 dhe +383 (0) 38 200 65 005.

Ministria ka bërë të ditur se sistemi në eKosova mbetet i hapur edhe për fëmijët që ende nuk janë regjistruar në klasën e parë dhe do të regjistrohen në afatin e dytë, si dhe për prindërit e nxënësve të niveleve të tjera që ende nuk kanë aplikuar për subvencionimin e teksteve dhe materialeve shkollore./A.K/

lajme

Profesori i UBT-së dhe mësimdhënësit e UBT International Smart Schools pjesë e SHIELD Cybersecurity Training në Riga

Published

2 hours ago

August 27, 2026

ubtnews

Profesori i UBT-së, Jon Doone, së bashku me mësimdhënësit e UBT International Smart Schools, Ganimete Marmullaku, Ibrahim Nici dhe Vjollca Baxhaku, morën pjesë në trajnimin ndërkombëtar SHIELD Cybersecurity Training, të zhvilluar në Riga.

Pjesëmarrja e përfaqësuesve të UBT-së dhe UBT International Smart Schools në këtë ngjarje ndërkombëtare dëshmon përkushtimin e institucionit për avancimin e vazhdueshëm të njohurive dhe praktikave profesionale në fushën e sigurisë kibernetike, veçanërisht në mjediset arsimore.

Trajnimi ofroi njohuri bashkëkohore dhe praktika konkrete për forcimin e sigurisë kibernetike, mbrojtjen e të dhënave dhe rritjen e ndërgjegjësimit për rreziqet digjitale në institucionet arsimore. Përmes sesioneve trajnuese dhe shkëmbimit të përvojave ndërkombëtare, pjesëmarrësit patën mundësi të njihen me qasje dhe praktika të reja për adresimin e sfidave që lidhen me sigurinë digjitale në shkolla.

Lajmet

Bëhu pjesë e tranzicionit energjetik: Studio Inxhinierinë e Energjisë në UBT

Published

3 hours ago

August 27, 2026

UBTNews

Programi Bachelor në Inxhinieri të Energjisë në UBT është një studim unik që të përgatit për një nga profesionet më të kërkuara dhe më mirë të paguara në treg. Ky program është krijuar posaçërisht për t’iu përgjigjur nevojës urgjente për eksperte të rinj.

Po ashtu, me Strategjinë e Energjisë së Kosovës 2022-2031 dhe direktivat e BE-së, investimet private e publike po fokusohen masivisht në këtë sektor, çka e bën këtë diplomë një garanci për një karrierë të sigurt.

Për t’ju përgjigjur kërkesave specifike të industrisë, programi ofron orientime të specializuara në fushat më inovative. Studentët trajnohen në mënyrë të thelluar në teknologjitë e energjisë së rinovueshme, si ajo solare, e erës, gjeotermale dhe biomasa. Një drejtim tjetër kyç është specializimi në ruajtjen e energjisë me bateri dhe menaxhimin e rrjeteve inteligjente (Smart Grid). Programi mbulon gjithashtu konvertimin e energjisë, termodinamikën, makinat elektrike, si dhe teknologjitë tradicionale që përfshijnë mirëmbajtjen dhe rivitalizimin e blloqeve të termocentraleve Kosova B.

Përmes një qasjeje praktike dhe interaktive, gjatë studimeve do të zhvillosh aftësi në projektimin, analizën dhe optimizimin e sistemeve energjetike. Do të mësosh të përdorësh metoda simulimi, të vlerësosh ndikimet mjedisore dhe të zbatosh zgjidhje efikase energjetike. Gjatë periudhës së stazhit, studentët ekzekutojnë projekte të pavarura kërkimore dhe trajnohen për udhëheqjen e projekteve teknike, duke u përgatitur plotësisht për të hyrë me sukses në tregun e punës.

Nëse dëshiron të kesh një profesion me ndikim real dhe të jesh pjesë e tranzicionit energjetik në Kosovë e më gjerë, zgjidh Inxhinierinë e Energjisë në UBT dhe shndërro pasionin tënd për teknologjinë në një karrierë premtuese!