Lajmet

Kurti: Vitin 2023 e nisëm mbarë, realizuam premtimin për shtesat e fëmijëve

Ai theksoi se ky vit do të jetë vit për të gjithë qytetarët e Kosovës.

Published

3 years ago

January 11, 2023

UBT news

Kryeministri Albin Kurti, në mbledhjen e parë të Qeverisë së Kosovës për vitin 2023, u shpreh se këtë vit e kanë nisur mbarë, duke përmbushur premtimin e tyre për shtesa për të gjithë fëmijët nën moshën 16 vjeçare, ndërsa theksoi se ky vit do të jetë vit për të gjithë qytetarët e Kosovës.

Shefi i ekzekutivit kosovar tha se me projektligjin për investime të qëndrueshme i cili sot është në rend dite të kësaj mbledhje synojnë të mbrojnë dhe tërheqin investimet.

“Angazhimi, puna dhe rezultatet në vitin 2022 duhet të jeni minimum i angazhimit, punës dhe rezultateve të vitit 2023. Le të vazhdojmë pra garën me vetën me bindjen se potenciali ynë është më i madh se aktualiteti që e kemi. Ia kemi filluar mbarë që në ditën e tretë të vitit e para se të arrijmë në gjysmën e mandatit tonë realizuam premtimin për shtesa për të gjithë fëmijët nën moshën 16 vjeçare. Kurse sot në javën e dytë e në mbledhjen e parë për këtë vit kemi në rend të ditës projektligjin për investimet e qëndrueshme. Nëpërmjet tij synojmë që të mbrojmë dhe të tërheqim investimet, vendosim bazën për të përkrahur industrinë vendore dhe punësimin e qëndrueshëm të fuqizojmë rinin dhe gratë si dhe të thellojmë bashkëpunimin me mërgatën tonë. Me mbrojtjen, demokracinë dhe shtetin ligjor në binar si dhe buxhetin për këtë vit tashmë të miratuar në Kuvendin në vitin 2023 kemi hyrë me më shumë siguri me shumë besim për të ardhmen që synojmë dhe të ardhmen të cilën e meritojmë“, tha ai.

Kurti u shpreh se viti 2023 do të jetë vit për të gjitha fushat, dhe vit ku sfidave do t’u japin përgjigje, e vështirësitë do t’i kthejnë në mundësi.

“Viti 2023 do të jetë vit më shumë për arsimin, shëndetësinë, ushtrinë, bujqësinë, ekonominë e kulturën, vit i edukimit, shëndetit, barazisë, drejtësisë, mirëqenies, sigurisë, prodhimit dhe zhvillimit ekonomik e shoqëror, vit i të gjithë qytetarëve dhe për Republikën. Sfidave do tu japim përgjigje, vështirësitë do t’i kthejmë në mundësi e përballja me to të na definoj si popull, si shoqëri e si shtet”, tha ai.

Lajmet

Nga sot nis zyrtarisht fushata elektorale për zgjedhjet e 28 dhjetorit

Published

14 minutes ago

December 17, 2025

UBTnews

Subjektet politike të certifikuara për pjesëmarrje në zgjedhjet e jashtëzakonshme të 28 dhjetorit kanë nisur sot fushatën elektorale.

Gjatë 12 ditëve sa do të zgjasë fushata, hulumtues dhe monitorues të procesit zgjedhor nga organizata të ndryshme dhe shoqëria civile u kanë bërë thirrje subjekteve politike që gara të zhvillohet në mënyrë korrekte, të qetë dhe në përputhje me standardet demokratike.

Ndërkohë, për këto zgjedhje, Komisioni Qendror i Zgjedhjeve ka akredituar gjithsej 283 vëzhgues.

Lajmet

Kosova forcon ushtrinë, nënshkruan kontratë me AM General për artileri moderne

Published

22 minutes ago

December 17, 2025

UBTnews

Ministri në detyrë i Mbrojtjes, Ejup Maqedonci, ka njoftuar se është nënshkruar një kontratë kornizë me kompaninë amerikane të industrisë ushtarake, AM General, për furnizimin e Forcës së Sigurisë së Kosovës me sisteme moderne të artilerisë mobile.

Sipas Maqedoncit, kontrata përfshin blerjen e sistemeve HUMVEE Hawkeye 105mm Mobile Howitzer (MHS), të cilat konsiderohen ndër mjetet më moderne të artilerisë mobile. Përveç tyre, marrëveshja përfshin edhe automjete moderne mbështetëse, pjesë rezervë, mirëmbajtje, si dhe trajnime për operimin dhe mirëmbajtjen e këtyre sistemeve.

Ai theksoi se me këtë blerje, ushtria e Kosovës po hyn në një fazë të re zhvillimi, duke rritur ndjeshëm fuqinë e zjarrit dhe aftësinë për qitje në distanca të largëta.

“Me këtë blerje, ushtria jonë po kalon në një fazë tjetër zhvillimi, atë të rritjes së fuqisë së zjarrit direkt për qitje në distanca të largëta“, ka shkruar ai në Facebook.

Sipas tij, bashkëpunimi me një prodhues të njohur amerikan dëshmon orientimin strategjik të Kosovës dhe angazhimin për rritjen e sigurisë kombëtare, duke kontribuar njëkohësisht në stabilitetin afatgjatë të rajonit.

Lajmet

Skenderaj: Arrestohet një person për sulm fizik ndaj dy personave

Published

23 minutes ago

December 17, 2025

UBTnews

Një person është arrestuar pasditen e së martës në Skenderaj, nën dyshimin se ka sulmuar fizikisht dy persona, një grua dhe një burrë, të dy shtetas kosovarë.

Sipas njoftimit të Policisë së Kosovës, ngjarja ka ndodhur rreth orës 14:30. Pas raportimit të rastit, zyrtarët policorë kanë ndërhyrë dhe kanë arrestuar të dyshuarin mashkull kosovar.

“Është arrestuar i dyshuari mashkull kosovar për shkak se ka sulmuar fizikisht dy viktimat (një femër dhe një mashkull kosovar). Me vendim të prokurorit i dyshuari pas inicimit të rastit është dërguar në mbajtje“, thuhet në raportin e Policisë së Kosovës.

Lajmet

Dhunë psikologjike ndaj një gruaje në Pejë

Published

25 minutes ago

December 17, 2025

UBTnews

Një rast i dhunës psikike në familje është raportuar mbrëmjen e së martës në Pejë. Sipas Policisë së Kosovës, viktima, një grua kosovare, ka deklaruar se ndaj saj është ushtruar dhunë psikike nga një mashkull kosovar.

Ngjarja është raportuar rreth orës 18:20. Lidhur me rastin, viktima është intervistuar nga zyrtarët policorë, ndërsa i dyshuari është shoqëruar në stacion policor për intervistim.

Me urdhër të prokurorit kompetent, i dyshuari është liruar, ndërsa rasti do të procedohet në procedurë të rregullt.

“Viktima femër kosovare ka raportuar se i dyshuari mashkull kosovar ushtron dhunë psiqike ndaj saj. Lidhur me rastin viktima është intervistuar dhe i dyshuari është shoqëruar në stacion policor. Me urdhër të prokurorit i dyshuari është liruar, ndërsa rasti procedohet në procedurë të rregullt“, thuhet në raportin e Policisë së Kosovës.