 
									 
																		
Lajmet
Kurti u bën thirrje komunave për bashkëpunim në regjistrimin e popullsisë
Si proces të rëndësishëm dhe jetik regjistrimin e popullsisë, e konsideron edhe ministri i Administrimit dhe Pushtetit Lokal, Elbert Krasniqi.
Published
2 years agoon
By
Betim GashiKryeministri i Kosovës, Albin Kurti bëri thirrje për angazhim të përbashkët në kryerjen e procesit të regjistrimit të popullsisë, në të cilin është përfshirë edhe pyetësori i dëmeve nga lufta 1998-1999 në ekonomitë familjare të popullit tonë.
Në takimin e ftuar nga Ministria e Administrimit të Pushtetit Lokal me kryetarët e komunave, Kurti vlerësoi se është thelbësore bashkimi i forcave me qëllim të përbashkët për institucionalizimin, mbrojtjen dhe ruajtjen e kujtesës kolektive, e cila sipas tij do t’i shërbejë edhe brezave që do të vijnë pas nesh.
Si proces të rëndësishëm dhe jetik regjistrimin e popullsisë, e konsideron edhe ministri i Administrimit dhe Pushtetit Lokal, Elbert Krasniqi.
Ndërkaq drejtori në Institutin për Krimet e Kryera Gjatë Luftës në Kosovë, Atdhe Hetemi tha se pret që të vendosen hapa konkret që çojnë drejt grumbullimit të të gjitha materialeve ekzistuese nga komunat e Kosovës në arkivat e Institutit për Krimet e Kryera gjatë luftës në Kosovë.
“Në këtë regjistrim të popullsisë është përfshirë pyetësori i dëmeve nga lufta 1998-1999 në ekonomitë familjare të popullit tonë. Qytetarët do të deklarojnë dëmet ekonomike, shumat e pronave të shkatërruar si dhe dëmet në njerëz, familjarë të vrarë, të zhdukur, të plagosur apo të burgosur. Më saktësisht kjo periudhë përkufizohet prej 28 shkurtit 1998 deri më 12 qershor 1999. Kjo na ndërlidhë me pikën e dytë të rendit të ditës së sotme, institutin e Krimeve të kryera gjatë luftës në Kosovë të cilën e kemi funksionalizuar për të dokumentuar me saktësi të gjitha krimet anë e mbanë Kosovës. Është thelbësore që të bashkojmë forcat sepse qëllimin e kemi të përbashkët, për institucionalizimin, mbrojtjen dhe ruajtjen e kujtesës kolektive e cila nuk do të na shërbejë vetëm neve por edhe brezave që do të vijnë pas nesh. Me frymë të bashkëpunimit ju ftoj që të angazhohemi bashkë për të kontribuar në këto dy procese kaq të rëndësishme për republikën tonë, historinë tonë dhe të ardhmen tonë”, tha Kurti.
Ministri Krasniqi tha se informacioni i siguruar nga regjistrimi i popullsisë është thelbësor për qeverisjen efektive, shpërndarjen e burimeve dhe politik bërjen. Ai konsideroi se ky proces është gurthemel i qeverisjes moderne dhe zhvillimit shoqëror, ngase sipas tij duke regjistruar me saktësi informacionin demografik do të mbrohet siguria publike dhe do të mbrohen të drejtat e njeriut.
“Regjistrimi i popullsisë siguron që çdo individ të llogaritet brenda një shoqërie. Ai u siguron qeverive të dhëna të saktë për madhësinë, përbërjen dhe shpërndarjen e popullsisë së tyre. Ky informacion është thelbësor për qeverisjen efektive, shpërndarjen e burimeve dhe politik bërjen…Ky proces nuk është thjeshtë një procedurë burokratike është gurthemel i qeverisjes moderne dhe zhvillimit shoqëror, duke regjistruar me saktësi informacioni demografik ne do të kuptojmë dhe të shërbejmë më mirë qytetarëve tanë të mbrojnë sigurinë publike, të mbrojnë të drejtat e njeriut si dhe të nxisim zhvillimin gjithëpërfshirës dhe të qëndrueshëm”, theksoi Krasniqi.
Drejtori në Institutin për Krimet e Kryera Gjatë Luftës në Kosovë, Atdhe Hetemi tha se duhet të vendosen hapa konkret që çojnë drejt grumbullimit të të gjitha materialeve ekzistuese nga komunat e Kosovës në arkivat e këtij instituti. Ai tha se përmes dokumentimit të saktë dhe të hollësishëm të krimeve të luftës dhe pasojave të tyre do të ndërtohet një themel i fortë për një të ardhme me paqe të qëndrueshme.
“Nga ky takim mbes me shpresë që të vendosen hapa konkret që çojnë drejt grumbullimit të të gjitha materialeve ekzistuese nga komunat e Kosovës në arkivat e Institutit për Krimet e Kryera gjatë luftës në Kosovë. Përmes dokumentimit të saktë dhe të hollësishëm të krimeve të luftës dhe pasojave të tyre ne sigurisht që ndërtojmë një themel të fortë për një të ardhme me paqe të qëndrueshme…Sipas informacioneve që kam arritur të mbledhë nga ish pjesëmarrësit e këtyre komisioneve të gjitha materialet e mbledhura atëherë kanë përfunduar në dy adresa: Arkivin Qendror të Komisionit në Prishtinë të udhëhequr nga avokati Bajram Krasniqi si dhe në arkivat e secilës komunë të Kosovës. Megjithatë, ende nuk kemi arritur të identifikojmë vendosjen e saktë të arkivit qendror të komisionit, por kemi shumë interes që këto materiale t’i mbledhim nga arkivat e komunave të Kosovës. Për të arritur qëllimet tona kërkojmë bashkëpunimin e thellë dhe të vazhdueshëm me të gjitha komunat e Kosovës”, tha Hetemi.
Ndërkaq, drejtori i Agjencisë së Statistikave të Kosovës, Avni Kastrati u bëri thirrje komunave të mbështesin dhe kontribuojnë në regjistrimin e popullsisë, duke u ndihmuar regjistruesve nëpër terrene në aspektin logjistik. Ai potencoi se në tri shtete të Evropës do të kryhet regjistrimi i popullsisë këtë vit, për çka shtoi se ky proces do të jetë sfidues për disa regjistrues të rinj që po marrin pjesë për herë të parë në këtë projekt.
“Gjatë këtyre viteve kemi pasur një bashkëpunim shumë të mirë me komunat, por kërkohet që edhe në këto javët në vijim të jeni aktiv sepse duke sipërfaqësisht që është një kohë optimale, gjashtë javë por shumë shpejtë kalojë ditët, dhe kërkohet nga ju që në aspektin logjistik t’i mbështesni stafin që është në terren. Do të jetë sfiduese për disa regjistrues të cilët kanë një distancë të themi jo aq të madhe por në aspektin logjistik nëse keni mundësi t’i mbështesni. Tri shtete jemi në Evropë që do të kemi regjistrim të popullsisë këtë vit. Do të jetë sfidues për disa regjistrues të rinj dhe të reja sepse janë për herë të parë në një projekt të tillë”, tha Kastrati.
Ndërkaq regjistrimi i popullsisë ka filluar sot me 5 prill dhe do të zgjasë deri më 17 maj të këtij viti. Për dallim nga vitet e kaluara, këtë vit intervistat bëhen përmes pyetësorëve elektronik dhe jo vetëm në letër siç ka qenë më herët.
Lajmet
Pacolli del nga prokuroria: Aeroporti do të bëhet, çështja në prokurori është mes nesh
Published
27 minutes agoon
October 31, 2025By
UBTnews 
														Biznesmeni i njohur nga Kosova, Behgjet Pacolli është paraqitur në Prokurorinë e Tiranës ku ka dhënë deklaratën e tij lidhur me çështjen e aeroportit të Vlorës.
Ai qëndroi për 4 orë në prokurorinë e Tiranës ku u mor në pyetje për mosmarrëveshjet në lidhje me aksionerët e tjerë në projektin e aeroportit të Vlorës.
Pacolli nuk dha detaje nga hetimi, por gazetarëve që e prisnin në dalje të prokurorisë iu përgjigj duke thënë se “aeoroporti do të bëhet”.
“Unë isha këtu për të dhënë dëshmi për përgjigjen penale që ne kemi parashtruar dhe si person i informuar me duket se është e drejtë që të shkoi dhe të tregoj kronologjinë e çështjeve. Pala tjetër ka bërë kallëzim, ne i jemi përgjigjur kallëzimit të tyre. Isha këtu për kallëzimin që vëllai im ka bërë ndaj disa personave që ju e dini ndaj kujt, dhe un isha si person i informuar, për të plotësuar ose për të dhënë informata për këtë çështje”, ka deklaruar Pacolli.
I pyetur se a keni pasur takime me Edi Ramën për këtë çështje, Pacolli ka deklaruar se në këtë çështje s’është e përfshirë Qeveria.
“Këtu nuk ka të bëjë asgjë qeveria. Është e padrejtë të përmendet dikush nga qeveria. Nuk ka qeveria këtu asgjë.Unë e kam lënë në duart e drejtësisë dhe unë besoj shumë në vendimet gjyqësore dhe do të veproj sipas vendimeve gjyqësore”, ka shtuar tutje./EO
Lajmet
Sveçla në Forumin e përbashkët të BE-së dhe Ministrave të Brendshëm të Ballkanit Perëndimor
Published
1 hour agoon
October 31, 2025By
UBTnews 
														Ministri i Brendshëm në detyrë, Xhelal Svecla ka marrë pjesë Forumin e përbashkët të BE-së dhe Ministrave të Brendshëm të Ballkanit Perëndimor, i organizuar nga Presidenca Daneze e Këshillit të Evropës dhe Ministria për Siguri e Bosnje dhe Hercegovinës.
Ai ka thënë se aty u diskutua për sfidat e sigurisë që sjell zhvillimi i teknologjisë.
“Dje në Sarajevë u mbajt Forumi i përbashkët i BE-së dhe Ministrave të Brendshëm të Ballkanit Perëndimor, i organizuar nga Presidenca Daneze e Këshillit të Evropës dhe Ministria për Siguri e Bosnje dhe Hercegovinës. Gjatë dy sesioneve të Forumit diskutuam për sfidat e sigurisë që sjell zhvillimi i teknologjisë, veçanërisht në fushën e narkotikëve, ekstremizmit të dhunshëm dhe terrorizmit, si dhe për çështjet që lidhen me migrimin, azilin, menaxhimin e kufinjve dhe përafrimin e politikave të vizave. Në adresimin tim prezantova angazhimet e Republikës së Kosovës në këto fusha si dhe sfidat e bashkëpunimit veçanërisht në fushën e terrorizmit, duke refuzuar sjelljen e kryesve të këtyre akteve para drejtësisë. Në margjinat e këtij forumi nënshkruam edhe planin e përbashkët në parandalimin dhe luftimin e terrorizmit dhe ekstremizmit të dhunshëm për Ballkanin Perëndimor”, ka shkruar Sveçla./EO
Lajmet
Veliaj: Kjo është një betejë që e bëj edhe për Ogertën, Florin e Arlindin
Published
1 hour agoon
October 31, 2025By
UBTnews 
														Erion Veliaj në Gjykatën Kushtetuese, aty ku po shqyrtohet ankimimi për shkarkimin e tij si të ligjshëm apo jo nga drejtimi i Bashkisë së Tiranës, u shpreh se kjo është që betejë që ai është duke e bërë edhe për ata që do të vijnë pas tij.
Gjithashtu, Veliaj bëri edhe një analogji me kryetarin e Bashkisë së Tropojës dhe kërkoi të njëjtin trajtim.
“Për analogji, doja të përmendja një rast po në Shqipëri. Kryetari i Bashkisë së Tropojës ka qenë 11 muaj në arrest shtëpie, nuk ka qenë në zyrë, por në shtëpinë e tij. Tani lind pyetja, a janë të gjithë qytetarët e barabartë. Pse është ndryshe një qytetar i Tiranës nga një qytetar i Tropojës dhe pse toleranca në Tropojë është 11 muaj dhe në Tiranë është dy javë, 3 muaj dhe 7 muaj? Këtu kemi një disbalancë totale.
Dy gabime nuk prodhojnë më shumë drejtësi. Për të gjithë ata që kanë argumentin, po për qytetarët? Po patjetër, por së pari kam unë një betim dhe një kontratë të lidhur me qytetarët që duhet ta mbrojë. Së dyti, edhe për ata që po kandidojnë. Po sikur nesër t’ja bëjnë këtë Ogertës, Florit, Arlindit?! Kaosi që kemi tani nuk është gjë hiç me kaosin që mund të krijohet nëse kjo do të kthehet në standard. Kështu që kjo është edhe një betejë për ata që do të vijnë pas meje kurdo qoftë ajo ditë”, tha Veliaj./EO
Lajmet
Ndalohet një person për shkak se ndikoi gjatë zgjedhjeve në Kllokot
Published
2 hours agoon
October 31, 2025By
UBTnews 
														Prokuroria Themelore në Gjilan në koordinim me Policinë e Republikës së Kosovës- NJHP në Gjilan, ka ndaluar një person për 48 orë me iniciale D.K. nga fshati Verbovc të Kllokotit, për shkak të dyshimit se ka kryer veprën penale ‘’Cenimi i përcaktimit të lirë të votuesve’’.
Prokuroria Themelore në Gjilan, brenda afateve të përcaktuara sipas Kodit të procedurës penale të Republikës së Kosovës, do të ushtrojë ndonjërën nga masat, për sigurimin e pranisë së të pandehurit në procedurën penale, që do të zhvillohet./KP
 
											Pacolli del nga prokuroria: Aeroporti do të bëhet, çështja në prokurori është mes nesh
 
											Sveçla në Forumin e përbashkët të BE-së dhe Ministrave të Brendshëm të Ballkanit Perëndimor
 
											Ndërrimi i natës rrit rrezikun e kancerit tek gratë
 
											Veliaj: Kjo është një betejë që e bëj edhe për Ogertën, Florin e Arlindin
 
											Ndalohet një person për shkak se ndikoi gjatë zgjedhjeve në Kllokot
 
											OVL e UÇK-së i reagon Kurtit: Qëllimshëm u anashkaluam sërish
 
											Krasniqi për vendimet e Kurtit: Mashtrimi elektoral nuk kalon, uji i turbullt s’pihet dy here
 
											Haradinaj i reagon qeverisë: Shumë vonë, shumë pak
 
											LDK e quan të paligjshëm miratimin e projektbuxhetit: Përpjekje për blerje votash
Të kërkuara
- 
   Lajmet2 months ago Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis 
- 
   Rajoni1 month ago Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT 
- 
   Aktualitet1 week ago Aktualitet1 week agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë 
- 
   Vendi2 months ago Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën 

 
									 
									 
																	 
									 
																	